مشكلة فى سرعة النت عندى

**mostafa taky** · 13-11-2010, 09:28

السلام عليكم ورحمة الله وبركاته

دى اول مشاركه ليا هنا والاولى ليا عامة واتمنى ربنا يوفقكم وتلاقولى الحل علشان انا جبت اخرى مع جهازى

المشكله ببساطه هى :

انا سرعتى 512 ومن فتره ابتدت السرعه تقل معرفش ليه لدرجة انها وصلت الى 7 كيلوبايت وحجات غريبه كده واستخدم iIDM وايضا flashgey & orbit & jdownloader وكلهم النتيجه سلبيه ونفس السرعه برضه بس فيه حاجه غريبه لما بدخل على وضع safe mode with networking اسرعه بتشتغل كويس جداااا معرفش ليه ولما اجى ادخل على الويندوز فى الوضع الطبيعى السرعه ترجع تانى تقل معرفش ايه السبب مع العلم انى استخدم Avira antivir with comodo firewall يعنى حماية جباره والافيرا بريميوم مش فرى بالاضافه انى نزلت spyware doctor & avast وعملت سكان للجهاز ومطلعش اى فيروسات يعنى الجهاز نضيف
اتمنى من ذوى الخبره الافاده ولكم جزيل الشكر

انا طبعا كتبت مشكلتى دى فى مواضيع اخوان تانيين لانى مكنتش اعرف اعمل موضوع منين وصدفه لقيت كلمة موضوع جديد قولت اكتبه واشكر كل اخوانى وبقدم اعتذارى لو كنت غلط وكتبت مشكلتى فى مواضيعهم بس غصب عنى والله
فى حاجه تانيه كمان وهى :

انا اشترك مع شركة TE DATA وبيقولوا ان الخط شغال تمام ومفيش اى مشكله من اى نوع بالنسبالهم بخصوص السرعه !!!!

على فكره التورنت عندى بيحمل كويس جدا مفيش مشاكل فيه خالص حتى من داخل النسخه فى الوضع العادى المشكله كلها من التحميل من البرامج العاديه والمواقع العاديه غير ملفات التورنت

وفى النهايه خالص تحياتى لكم جميعا وبجد موقع ملوش حل واتعلمت منه كتير اوى

السلام عليكم

**mostafa taky** · 13-11-2010, 10:03

معلومه اضافيه علشان تبقى الصورة ظهره بوضوح قدام حضراتكم امكانيات جهازى
بروسيسور بينتيم 3 جيجا كاش 2 ميجا
كارت شاشه نيفيديا 512 (7300) LE
رام 2 جيجا
بورده : جيجا بايت 945 PL
للمعلومه تم فرمتة الجهاز مالا يقل عن 9 مرات ونزلت نسخ مالا يقل عن 15 مره فى فتره لا تتجاوز شهرين وللاسف النتيجه زى مانتم شايفين
منتظر الرد من اخوانى
فى امان الله

**S@M** · 13-11-2010, 13:00

هل اشتراكك ليميتد ؟؟

انت بتدفع كام بالظبط

**mostafa taky** · 13-11-2010, 16:11

انا بدفع 95 جنيه شهريا ومتهيالى مش محدود بدليل انه بيرجع لطبيعته على وضع السيف مود
وشكرا للاستجابه

**miro the king** · 14-11-2010, 01:36

غير نسخة الidm باخرى جديدة الى هى 6

**fondul** · 14-11-2010, 02:15

لا انا حدثت معايا المشكلة دى قريب و اتصلت بشركة و فى خلال ساعة اتظبت ما عليك هو الاتصال بالشركة

**mostafa taky** · 14-11-2010, 05:24

السلام عليكم :
احب اشكر كل اخواتى اللى ردوا بس فى حاجه

اولا اتصلت بشركة النت على مدار 4 شهور ومفيش مشكله خالص فى الخدمه من عندهم ودا اللى فهمته من كلامهم

ومع ذلك كررت اتصالى ونفس المشكله موجوده مع العلم انى على وضع السيف مود بيكون الجهاز شغال كويس

وكمان برامج التورنت بتشتغل بكفاءه عاليه جدا ومفيش فيها مشاكل المشكله كلها فى التحميل من المواقع التقليديه المعروفه

بالنسبه لبرنامج IDM ش هتصدق لو قولتلك انى جربته بكل اصداراته ومش بس هو تقريبا كل برامج التحميل وكان الدونلود مانجر IDM اسوأهم واكترهم تأثرا بالمشكله

بس عامة المشكله موجوده فى كل البرامج ومفيش فايده حتى انى شلت كل البرامج ونزلت تقريبا 10 متصفحات اجرب عليهم التحميل وبرضه المشكله موجوده

والله يا اخوانى انا هتجنن عامة انا كلمت واحد صحبى هيجيب جهازه بكره عندى علشان اتاكد المشكله من الجهاز ولا الروتر

واتمنى متبخلوش عليا باى معلومه مهما كانت صغيره اكيد هتفيدنى والله

والف شكر ليكم حبايبى وربنا يجعله فى ميزان حسناتكم

**fondul** · 15-11-2010, 00:41

المشاركة الأصلية كتبت بواسطة mostafa taky

السلام عليكم :
احب اشكر كل اخواتى اللى ردوا بس فى حاجه

اولا اتصلت بشركة النت على مدار 4 شهور ومفيش مشكله خالص فى الخدمه من عندهم ودا اللى فهمته من كلامهم

ومع ذلك كررت اتصالى ونفس المشكله موجوده مع العلم انى على وضع السيف مود بيكون الجهاز شغال كويس

وكمان برامج التورنت بتشتغل بكفاءه عاليه جدا ومفيش فيها مشاكل المشكله كلها فى التحميل من المواقع التقليديه المعروفه

بالنسبه لبرنامج IDM ش هتصدق لو قولتلك انى جربته بكل اصداراته ومش بس هو تقريبا كل برامج التحميل وكان الدونلود مانجر IDM اسوأهم واكترهم تأثرا بالمشكله

بس عامة المشكله موجوده فى كل البرامج ومفيش فايده حتى انى شلت كل البرامج ونزلت تقريبا 10 متصفحات اجرب عليهم التحميل وبرضه المشكله موجوده

والله يا اخوانى انا هتجنن عامة انا كلمت واحد صحبى هيجيب جهازه بكره عندى علشان اتاكد المشكله من الجهاز ولا الروتر

واتمنى متبخلوش عليا باى معلومه مهما كانت صغيره اكيد هتفيدنى والله

والف شكر ليكم حبايبى وربنا يجعله فى ميزان حسناتكم

يبقى اخر حاجة تعملها لو انت مركب سلك التليفون الى فى الروتر من اى وصلة لازم تركب السلك الاساسى على طول مش الفرعى
و اتاكدالسلك بحاله جيده يعنى مافيهوش قطع و الحاجات دى
و طبعا ممكن يكون من الفلتر او الروتر
انا كده قولت كل الاحتمالات بس خليك على اتصال بشركة الانترنت و اطلب منهم انهم يبعتولك متخصص

**The King2** · 14-11-2010, 05:38

مواقع الرفع هيا اللى بتحدد ليك السرعه يا أخى وخصوصاً المواقع التى يوجد بها إشتراكات بريميوم جرب التحميل من موقع مثل ياهو https://games.yahoo.com/downloads وشوف السرعه عندك هاتبقى كام كدا ،

**mostafa taky** · 14-11-2010, 06:09

اشكرك اخى the king2 على المداخله وطبعا دى حاجه معروفه ان المواقع ممكن تكون مضغوطه اوقات معينه لكن مش 4 او 5 شهور
مثلا

وبعدين فى اى وقت ادخل على السيف مود بيكون شغال زى الاكس لكن لما ادخل على النسخه فى الوضع العادى ربنا ما يريك ما اراه

او احس بيه والله يا اخوانى انا اتعقدت ومش فاهم ايه حكايته معايا الجهاز ده مع انه شغال كويس فى كل حاجه سواء العاب او اى استعمال بس معرفش ايه حصله وموضوع سرعة النت ده ايه سببه

**soliman** · 15-11-2010, 02:29

اخى الحبيب
كما قلت لك طالما السرعة مضبوطة فى السيف مود
إذا المشكلة فى الويندوز ليس الا .قم بتغيير الويندوز

**mostafa taky** · 15-11-2010, 03:19

اشكر كل الاخوه اللى تجاوبوا معى وهعمل بنصيحتكم هغير النسخه وهوصل من سلك التليفون الاساسى وربنا يسهل وان شاء الله هخبركم بالنتيجه ومره تانيه الف شكر ليكم جميعا..

**mostafa taky** · 15-11-2010, 03:46

الف الف مليون شكر ليكم يا اخوانى والله انتم اساتذه فعلا المشكله اتحلت بعد نصيحة اخويا اللى نصحنى انزل الكاسبر انا كنت نزلته قبل كدا بس الاصدار القديم شويه متهيالى 8 او 9 بس حاليا نزلت 2011 وعملت فحص طلعلى فايرس اسمه win32.agent.ttrc
دا اسمه بالتحديد وهو الفيرس الوحيد اللى اكتشفه الكاسبر 11 وطلعه للاسف بكميات محترمه وجربت السرعه بعدها لكن للاسف كانت زى ماهى وفقدت الامل تانى لكن بعد ماعملت ريستارت بالصدفه حبيت احمل فيلم وكالعاده هسيب الجهاز وهنام لقيت السرعه رجعت لحالتها الطبيعيه ومستقره جدا فى التحميل وكده هخلى الكاسبر والافيرا كل واحد فى نظام تشغيل مختلف علشان اريح دماغى وبجد الف شكر ليكم متعرفوش معاناتى كانت شكلها ايه وربنا يقدرنى واردلكم الجميل الضعف

فى امان الله : )