سؤال عن iPhone 4 جاي من America

[bassembbb]

هو إن شاء الله لو جبت الجهاز من امريكا...طبعا كلنا عارفين إن الشبكة مقفولة على AT&T


هأقدر أفكه في مصر بسهولة ؟؟

هيعمل اضرار ؟؟

إيه مشاكله ؟؟

ممكن ماتنجحش عملية الفك ؟

ال Face Time متفعل فيه هو وال GPS ولا لأ ؟؟


ممكن اتعرض لمسألة قانونية ؟؟ ( واحد قريبي عايش في امريكا هيجيبهلي...فيه أي مشكلة عليه لو عملت Jail Break

و Unlock يعني هو هيتأذي ولا مفيش حاجة ؟



اجيب معاه اكسسوار إيه ؟؟

وشكرا :D

[IPHONE4EVER]

هو إن شاء الله لو جبت الجهاز من امريكا...طبعا كلنا عارفين إن الشبكة مقفولة على AT&T


هأقدر أفكه في مصر بسهولة ؟؟

هيعمل اضرار ؟؟

إيه مشاكله ؟؟

ممكن ماتنجحش عملية الفك ؟

ال Face Time متفعل فيه هو وال GPS ولا لأ ؟؟


ممكن اتعرض لمسألة قانونية ؟؟ ( واحد قريبي عايش في امريكا هيجيبهلي...فيه أي مشكلة عليه لو عملت Jail Break

و Unlock يعني هو هيتأذي ولا مفيش حاجة ؟



اجيب معاه اكسسوار إيه ؟؟

وشكرا :D

ازيك يا صديقي عامل ايه
الجولة التانية من الأسئلة :ah35:
بسم الله

هأقدر أفكه في مصر بسهولة ؟؟

علي حسب هو علي انهو فريم اقرا الموضوع دا عن الوضع الحالي للجيلبريك والأنلوك بالأدوات الحالية
https://www.arabhardware.net/forum/showthread.php?t=197794
يعني لو مكسل تقراة لو هو علي اي فريم قبل 4.1 الجهاز حيتفك وكلة تمام لو 4.1 حتستني شوية الأنلوك لسة منزلش
************************************************** *****************
هيعمل اضرار ؟؟
من وجهة نظري انا لو مبتزلش حاجات من السيديا مش معروفة يبقي انت في السليم يعني متجربش وتلعب كتير وتنزل اللي ميلزمكش
************************************************** *****************

إيه مشاكله ؟؟
************************************************** *****************
ممكن ماتنجحش عملية الفك ؟
لا بتنجح الحمد لله طالما الفريم اللي انت علية لة اداة للأنلوك

************************************************** *****************
ال Face Time متفعل فيه هو وال GPS ولا لأ ؟؟
اة الفيس تايم مفيهوش مشكلة من اللي جاي من برا الدول العربية حيشتغل معاك زي الفل
والgps كمان ماهوش اي علاقة بحاجة حيشتغل تمام متقلقش
************************************************** *****************

ممكن اتعرض لمسألة قانونية ؟؟ ( واحد قريبي عايش في امريكا هيجيبهلي...فيه أي مشكلة عليه لو عملت Jail Break

و Unlock يعني هو هيتأذي ولا مفيش حاجة ؟

لالا خالص دا حتي بقي قانوني داخل امريكا بالقانون الجديد
************************************************** *****************
اجيب معاه اكسسوار إيه ؟؟


:ah32: في كتيييييييير بلاش اتكلم حيتخرب بيتك هههه
بهزر اول حاجة جيبها ال
1-invisible shield بيحمي الجهاز من اي خدش



في منة وش بس وفي منة full body
2-وكافر زي اللي حطينا صورهم في الموضوع القديم اللي اتكلمنا فية اهه
https://www.arabhardware.net/forum/showpost.php?p=1594042&postcount=30

وتحت امرك يا جميل :D كل سنة وانت طيب

[bassembbb]

جميل قوي يا حسام...إن شاء الله في الشهر الجاي هيبقى معايا..وهاعمل عليه Review إن شاء الله

بس أنا مفهمتش الحتة بتاعت

''هيعمل اضرار ؟؟
من وجهة نظري انا لو مبتزلش حاجات من السيديا مش معروفة يبقي انت في السليم يعني متجربش وتلعب كتير وتنزل اللي ميلزمكش ''

هو مش المفروض إن ال Cydia ده عامل زي محل...فيه العاب وبرامج وكلام من ده ؟؟

طب إيه اللي ممكن يبقى فيه خطر يعني ؟؟


وكنت عايز أقولك مبروك على جهازك...مش عارف جيه ولا لسة...على العموم...شكرا ليك قوي يا سحس

[bassembbb]

آه نسيت بس...وإنت طيب وبالف صحة وسلامة يا رب :D

[fondul]

حاول تودية للوكيل

[bassembbb]

حاول تودية للوكيل

ده تبع اني سؤال !!!!؟؟؟؟ :ah38:

[ehab7bob]

لو صديق جابة لوكيد و ادهولك في مصر تعملة انلوك و مدفعش اشتراك الشهري هيتعرض للمسائلة القانونية
الاجهزة المقفولة لازم تدفع اشتراك سنتين ولو مدفعتش :ah38:

[bassembbb]

لو صديق جابة لوكيد و ادهولك في مصر تعملة انلوك و مدفعش اشتراك الشهري هيتعرض للمسائلة القانونية
الاجهزة المقفولة لازم تدفع اشتراك سنتين ولو مدفعتش :ah38:

لا لا

هو مقيم هناك أصلا....وهيدفع عادي

[IPHONE4EVER]

بالنسبة لموضوع المسائله اخي الكريم انا حابب اوضح
ان الشراء في امريكا نوعين بعقد او من غير العقد
اللي بعقد هو اللي بيبقي تمن الجهاز ب299 دولار هو دا اللي بيتكلم عنة اخونا ehab7bob
وبيبقي في التزام شهري صح لو مدفعش بقيه القسط الشهري حيبقي كأنة سارقه

النوع التاني اللي هو دفع غرامه العقد بيبقي تمن الجهاز 630دولار بالضريبه دا بقي تطلع من الفرع مالهومش عندك اي حاجة تكسر الجهاز تعمله انلو تعمل في اللي يعجبك

[IPHONE4EVER]

جميل قوي يا حسام...إن شاء الله في الشهر الجاي هيبقى معايا..وهاعمل عليه Review إن شاء الله

بس أنا مفهمتش الحتة بتاعت

''هيعمل اضرار ؟؟
من وجهة نظري انا لو مبتزلش حاجات من السيديا مش معروفة يبقي انت في السليم يعني متجربش وتلعب كتير وتنزل اللي ميلزمكش ''

هو مش المفروض إن ال Cydia ده عامل زي محل...فيه العاب وبرامج وكلام من ده ؟؟

طب إيه اللي ممكن يبقى فيه خطر يعني ؟؟


وكنت عايز أقولك مبروك على جهازك...مش عارف جيه ولا لسة...على العموم...شكرا ليك قوي يا سحس

بص الادوات اللي في سيديا في منها المضر وفي منها ادوات مفيده المضر ممكن يعمل مشكله للجهاز تخليك تضطر تعمله ريستور لتنزيل فريم من جديد يعني بيبقي في ادوات عاملنها مطوريين مش قويين فتعمل مشاكل
لاحظ ان السيديا اي حد ممكن يحط برامج عليها فهمت بقي اللي اقصده يعني طالما بتنزل برامج ناس عارفاها ومجرباها انت في الامان
السيدا كمان مش زي فكرة الابل ستور دا مجتمع مطوريين كله بيحط فيه اي اداه مفيش قواعد او تحكم في اللي بيحط ادوات ممكن يكونوا مطورين كويسين وممكن يكونوا هاكرز حلويين برضه :ah35:ههههه

الله يبارك فيك بس انت عرفت منين :ah7:دانا لسه جايبه وحستلمة بكرة هو كندي

[bassembbb]

إنت قلتلي في الموضوع اللي فات إنه كان فاضله اسبوعين ويجيلك...و الحمدلله وصل...ألف مبروك...قولي بقى عامل معاك إيه

[bassembbb]

طب هو أبو 630 ده مقفول على شركة AT&T برده ؟

[IPHONE4EVER]

طب هو أبو 630 ده مقفول على شركة AT&T برده ؟

اه مقفول برضة كل اللي في امريكا مغلق بس الفرق ان هنا انت ملكش التزام مع الشركة AT&T بالتمن دا انت كدا خالص الزمة من نحيتهم وهم كمان مش حيدوك خدمة في المقابل

الجهاز رايح اخدة بكرة انا اصلي قولت مش معقولة اطب علي الراجل اللي جابة في اول ايام العيد ههههههههه

[bassembbb]

ههههههههههههه

ألف مبروك

طبعا ال 630 ده لل 32 جيجا صح ؟

وعيد سعيد عليك وعلى العيلة

[IPHONE4EVER]

ههههههههههههه

ألف مبروك

طبعا ال 630 ده لل 32 جيجا صح ؟

وعيد سعيد عليك وعلى العيلة

لا دا تمن ال16 جيجا التاني ال32 جيجا اغلي 80 او 100 دولار اعتقد عشان غرامة العقد ثابتة 400 دولار بتزودهم علي تمن الجهاز
ال16 ب199 دولار + ال400دولار +30 دولار ضريبة=630دولار
وانت اسعد يا باشا