صفحة 1 من 2 1 2 الأخيرةالأخيرة
النتائج 1 إلى 15 من 25

الموضوع: [تقرير] النظرة الأولي علي CoolerMaster Storm Inferno Gaming Mouse

  1. #1
    عضو برونزي
    تاريخ التسجيل
    Nov 2009
    المشاركات
    690
    معدل تقييم المستوى
    30

    [تقرير] النظرة الأولي علي CoolerMaster Storm Inferno Gaming Mouse



    # تنبيه هام #
    (الموضوع يحتوي علي صور كثيرة - لذا - انتظر لحين أنتهاء الصفحة من التحميل لتتمكن من المشاهدة بصورة جيدة
    او بأمكانك تحميل الصور كاملة في ملف مضغوط من هذا الرابط Link - 58Mb)


    احبائي اعضاء منتدي عرب هاردوير - كل عام وانتم بخير بمناسبة عيد الأضحي المبارك اعاده علينا جميعا بالخير واليمن والبركات
    وعقبال السنة الي جاية لما نبقي كلنا ان شاء الله علي جبل عرفات

    اليوم سوف أخذكم في رحلة ممتعة تدور حول قطعة من قطع الحاسوب التي لا يمكن الأستغناء عنها

    قطعة نستخدمها بشكل دائم ومستمر وهي في رأيي القطعة الوحيدة التي (في نظري) تتعب من الأستخدام

    حتي أكثر من المعالج المركزي نفسه ,اظن انكم بداتم تخمنون ما هي

    انها الفأرة ....... نعم الفأرة
    فهي تعتبر الموظف الأول والأخير في منظمة الحاسب ,فهي التي تأمر وتنفذ

    ولاكن اليوم رحلتنا ليست حول اي فارة ... فهي تعتبر من ذوي المقام الرفيع ,او كما تحبون ان تسموها "من علية القوم"

    ولاكن مقولة "علية القوم" عندما نقولها في مجال الحاسب والتكنولوجيا عامة ,فنحن بصدد الحديث عن قطع العتاد التي تسمي بـــ"High-End"
    فهي مخصصة وموجهة للمستخدمين الأحترافيين والذين لا يكفيهم اداء متوسط او غيره ,فهم يريدون ان يعبروا بقطعهم هذه حدود السرعة والقوة والأداء

    فا فأرتنا اليوم تحتوي علي كل ما لذ وطاب لهذه الفئة من المستخدمين , وكانها تقول لهم "جربني وستري"

    فبمجرد النظرة الأولي لها تشعر بالقوة الكامنة والتي تحتاج الي من يروضها ويتحكم بيها
    وتري الجمال الممزوج بالقوة ,وهي تعتبر تركيبة صعب الوصول اليها في مثل هذه القطع

    كفانا كلام ولندع الصورة تتحدث عن نفسها....




    والأن ما رأيكم ؟

    هل صدقتموني عندما قولت لكم انها مزيج بين القوة الجامحة والجمال الخلاب


    انها الفارة التي أطلق عليها لقب "الجحيم"


    CoolerMaster Storm Inferno - Gaming Mouse



    فكلمة "Inferno" تعني "جحيم"

    فهي في الحقيقة عندما تنظر لها تشعر وان بداخلها بركان من القوة منتظر الأشارة لكي ينطلق


    كفانا مقدمات وهيا بنا نتطرق في التفاصيل ونبدأ اولي خطوات الرحلة......


    "كفاية عليكوا لغة عربية فصحي علشان حاسس اني بقيت مدرس نحو
    :D"




    الفصل الأول
    "بيحكولي عنه"


    منذ بداية الأعلان عن هذا الوحش الصغير في النصف الثالث من هذا العام "Q3 2010" وانا اشعر بأنه مناسب ليا

    يمكن علشان حجم أيدي كبير شوية وبدأت اتعب من الماوسات الصغيرة والتجارية الضعيفة ديه

    فبدأت الفكرة تدور في دماغي وبدأت اتفرج علي تقارير واقارن بين كذا منتج زي "Razer Mamba" و "CM Storm
    Sentinel Advance"

    بس لما ظهر الماوس ده لقيت فيه كل الي انا محتاجه وزيادة كمان والأحلي انه بسعر حلو


    فبدأت اتعرف عليه اكتر واتفرجت علي مواصفاته.....




    بعد ما اتفرجت علي المواصفات بتاعته حبيت اعرف ايه الي بيميزه عن غيره......



    زاد اعجابي بيه اكتر من الأول فاحبيت اعرف سعره كام علشان متصدمش

    وطلع سعره حوالي من "60 دولار" الي "65 دولار" علي اختلاف مواقع التسوق


    وبالسعر ده حسيت فعلا انه بيقدم صفقة مميزة ونادرة ,صفقة تعودنا عليها في مصر ومبقيناش نستغني عنها


    لدرجة انها خلت الشعب كله ينتقل لـــAMD
    :D وانا من ضمنهم

    طبعا عرفتوا الصفقة هي ايه ...."السعر مقابل الأداء"







    الفصل الثاني
    "خبر وصوله"


    من ساعة ما عرفت انه في الطريق ليا وانا حسيت بفرحة غامرة بمعني الكلمة لدرجة اني حسيت اني غرقت :D

    طبعا كنت عمال اتخيل وافكر انا ممكن اعمل ايه بالماوس لما يجي وساعتها كانت العربية بتاعة "FedEx" في الطريق لتسليمي الماوس.......




    والحمد لله خبط عليا راجل زي السكر ووشه حلو وسلمني الماوس ومشي لحال سبيله

    والحمد لله تم الوصول بسلام.......




    الفصل الثالث
    "التعارف الأول"


    طبعا مستنتش ولو فسوة ثانية وطبعا كعادة الأنسان "الفضول وحب الاستطلاع" وفي انا بالذات كمان بصورة كبيرة

    بدأت افتح الطرد واتفرج علي الي فيه


    وكانت اللحظة المنتظرة منذ ما يقرب شهرين.......




    واجهة العلبة وزي ما انتوا شايفين بوضوح في الأعلي اسم الشركة هي "CM STORM" وهي تنتمي الي الشركة العملاقة "CoolerMaster" ولاكن هذا القسم خاص بمنتجات الالعاب

    وفي المنتصف نري صورة الماوس بالرسم الخاص بيه وتحتيه علي طول اسم الماوس نفسه "Inferno"


    وننزل تحت شوية كمان هنلاقي ابرز المميزات الخاصة بالماوس وهي....




    سرعة حركة الماوس في كل انش "DPI" هي "4000"

    المعروف عن الماوسات الأعلي انها "DPI 5600" بس طبعا احنا كمستخدمين مش هنعمل حاجة بكل السرعة ديه لأن اخرنا "4000
    "



    خلفية العلبة وفيها اهم مميزات الماوس






    الجانب الأيمن للعلبة وفيه الشعارات المميزة لقسم "STORM"







    الجانب الأيسر للعلبة لا يحتوي علي شئ ولاكن في الاسفل موضحين انه صمم في "تايوان" وتمت صناعته في "الصين"







    واجهة العلبة تفتح كالكتاب لتري علي اليسار مميزات الماوس بالتفصيل وعلي اليمين تجد الماوس مغلف بالبلاستيك المقوي

    وهذه صورة اوضح........







    في اليسار تجد شرح مفسر لمميزات الماوس المهمة.....







    الفصل الرابع
    "بعض الأصدقاء"

    الماوس بيجي معاه اسطوانة الــ"Driver" الخاص بيه

    ومفيش حاجة تانية خالص معاه




    الماوس مغلف ومحمي بطريقة جيدة وبنوع من البلاستيك القوي لحمايته من الصدمات والأهتزازات اثناء الشحن او التفريغ





    الفصل الخامس
    "ضيفي العزيز - منور"


    بعد ما اتعرفنا علي اصدقاء الماوس وشوفنا العربية الي كان راكبها (قصدي العلبة
    :D)

    نرحب بقي بالضيف شخصيا ونتعرف عليه اكتر وناخد عليه




    ها هو الوحش الصغير جالس في صمت مترقب ويقول في نفسه "مين الواد العبيط الي واقف فوق ده ؟ شكله كده اهبل ومش عارف حاجة....."

    الماوس جالس علي سجادة حمراء زي بتوع مهرجان كان السينيمائي
    :D

    هو فعلا نجم بصراحة ...... والسلك الخاص بيه مستخبي تحت السجادة من خرم كده مختفي



    "نظرة من أعلي"
    وبدأ يخطول اولي خطواته ويتعرف علي بيته الجديد


    الماوس خليط بين اللون الأسود اللامع واللون الرمادي الغامق المطفي "MATE"








    "من اليسار - علوي"
    (محسسني انك بتوصف عمارة :D)









    "من الأمام - علوي"







    "من اليمين"
    الماوس واخد Curve علشان ياخد شكل الأصابع ويحسسك بالراحة


    الأنحناءات ديه مش كاوتش ,هي عبارة عن بلاستيك مطلي باللون الرمادي الغامق المطفي


    بس فلاش الكاميرا :ah39: هو الي مبينه رمادي فاتح










    "صورة من الأمام"
    من الأمام يوجد فتحات اشبه بفتحات التهوية في سيارات السباق


    بيظهر من الفتحات ديه النور الأمامي










    "نرجع للجانب الأيسر تاني"
    في اليسار يوجد ثلاثة زراير بالترتيب من اليمين الي اليسار.....

    Storm Tactics Multiplier Key ثم Backward ثم في الأمام زر Forward
    وظيفة زر Storm Tactics Key سوف نتطرق لها في الحديث بعد قليل ولاكن من مميزاته انه بيتحكم في الأضاءة الأمامية للماوس










    "صورة ليمين الماوس"
    كالعادة في اي ماوس لا يوجد اي ازرار في الجهة اليمني من الماوس


    لأنها ستكون في مجال الأمساك بالماوس من اليمين وستكون عرضة للضغط الخاطئ عليها











    "من الخلف"
    في خلفية الماوس شعار "Storm" وهي يضئ باللون الأحمر


    وفي شخصية ظاهرة كده في الماوس مش عارف ايه الي جابه في الموضوع بس هو انا
    :D

    "ازيكوا يا رجالة!"


    حبيت بس اوضحلكوا الفينش بتاع الماوس عامل ازاي











    "من الأمام - علوي"
    طبعا في المنتصف تقبع عجلة التنقل او الـــ"Scroll" وبها خطوط محفورة عرضية لتسهيل التحكم بها

    ولا ننسي انها عريضة وديه بالنسبالي ميزة مهمة جدا :ah4:

    علي احرف العجلة يوجد خطين ,ودول بينوروا باللون الأحمر برضوه


    وعلي اليمين واليسار طبيعيا جدا يوجد الزرين الرئيسيين وعلي جانب كل واحد يوجد زر صغير وسوف نتطرق في الحديث عنهم بعد قليل ان شاء الله












    "للخلف قليلا"
    نجد فوق عجلة التنقل "Scroll" ثلاثة ازرار اخرين (ايه كل الزراير ديه؟! - متفقناش علي كده في الأول
    :confused

    الزر الأيمن وهو يتحكم بزيادة سرعة الماوس DPI+

    والزر الأيسر يتحكم بتقليل سرعة الماوس DPI-
    والزر الأوسط خلفهم (المدور) يتخكم بتغيير الــ"Profiles" وهم عدد ثلاثة بروفيلات لك كامل الحرية في التعديل عليهم بما يليق لك
    ....



  2. #2
    عضو برونزي
    تاريخ التسجيل
    Nov 2009
    المشاركات
    690
    معدل تقييم المستوى
    30

    رد: [تقرير] النظرة الأولي علي CoolerMaster Storm Inferno Gaming Mouse



    كما ترون فالماوس يحتوي علي ارقام من 1 الي 5 وبجانب كل رقم مؤشر "Indicator LED"
    فكل رقم من الأرقام يعبر عن مستوي سرعة من سرعات الماوس ويمكنك التحكم في سرعة كل مستوي كما يحلو لك من خلال لوحة التحكم الخاصة بالماوس من خلال الويندوز









    الجهة المقابلة لمستويات السرعة لا يوجد شئ سوي كلمة "CM STORM"








    كدنا ننسي.....الــUSB الخاص بالماوس مطلي بالذهب "Gold Plated" لتوفير سرعة نقل بيانات اكبر واسرع من الــUSB العادي








    لنقلب هذا الوحش علي ظهره ........ نجد ثلاثة قطع من المطاط الناعم جدا وهي تعتبر ارجل الحركة الخاصة بالماوس فهذه الأرجل تسمح بحركة الماوس الناعمة علي الأسطح المختلفة مثل الخشب - القماش و الورق
    ويتنصف الماوس المحرك الخاص بالماوس وهو مصدر قوته الرئيسي




    فالماوس يعمل بتكنولوجيا الليزر وليس اللمبة العاكسة للأشارة او Optical LED
    ليكون علي درجة عالية جدا من الأستجابة والسرعة








    ها هو الماوس في يدي لأيضاح الحجم فقط لذوي الأيادي الكبيرة مثلي
    وللعلم.....الماوس مريح جدا جدا ومناسب للاستخدامات الطويلة فلن تشعر بتعب ولا بتعرق لليدين






    الفصل السادس
    "لقاء الأجيال"

    بعد ما تعرفنا علي الماوس الجديد وبدا في التعود علي منزله الجديد
    نسيبه يقابل قرينه السابق




    طبعا لا تعليق علي الصورة ديه :D لأني مش عارف اقول ايه اصلا في الموقف ده

    طبعا شايفين ماوس 2B واقف صامد ازاي ؟ عنده عزة نفس برضوه

    وللصراحة التامة.....علشان مبقاش اكلت حقه......من اكثر الماوسات العزيزة علي قلبي بجد
    قعد معايا 3 سنين حمار شغل :ah38: ومشتكاش بس خلاص بقي كل حاجة وليها نهاية ,وده نهايته وحشة قوي :D







    صورة لتوضيح الفرق بين تكنولوجيا عام 2006 وبين تكنولوجيا عام 2010
    بين التجاري والأحترافي
    فعلا صدقت المقولة الي بتقول "الغالي تمنه فيه"








    الفصل السابع
    "قصة قبل النوم"


    بعد ما ودعن صديقنا القديم 2B وكافئناه بعلبة بلاستيك يكمل فيها بقيت حياته لحين الحاجة ليه تاني او استدعاءه لأداء الخدمة :D
    نرجع لصديقنا الجديد ونحكي له قصة قبل النوم
    ......



    كما ترون هذ هو شكله في الظلام (بينام وعنيه مفتحة الئيم :D)
    شعار Storm مضاء باللون الأحمر










    من جهة اخري.......








    "من الأمام"
    كما ترون عجلة التنقل ايضا مضاءة باللون الأحمر وفي الأسفل نجد الأضاءة الأمامية "Fog Lights" كما احب ان اسميها









    كما تلاحظون زر تغيير الأنظمة مضاء بلون مختلف عن باقي الماوس
    وهو يتغير بتغير النظام












    صورة للشعار مضاء في الظلام











    مسقط علوي للماوس وهو مضاء









    والأن الجزء المفضل لدي :cool:
    ................
    ............
    .......
    ....
    ..
    .



    Burning Like Hell










    التعليق متروك لكم واحب اسمعه
    تخيلت/افتكرت أيه وانت شايف الصورة ديه؟












    احب اعرفكم بالماوس باد الخاصة بي
    من تصميمي وصناعة CoolerMaster

    ولا يوجد غير قطعتين فقط في العالم كله - لدي :p








    سطحها مصنوع من القماش الناعم وهي مصنوعة من الكاوتش الأسفنجي








    الفصل الثامن
    "اول يوم عمل"


    بعد ان تعرفنا علي الماوس بالتفصيل الممل جدا (انا نفسي زهقت :mad

    دعونا نتعرف علي لوحة التحكم الخاصة به....

    عند وضع الأسطوانة او مرة في الجهاز تظهر لك نافذة التشغيل التلقائي لتثبيت البرنامج او لتشغيله
    فبأمكانك ان تثبته علي الجهاز او ان تقوم بتشغيله مباشرة دون الحاجة الي تثبيته

    ولاكن دعونا نبدأ من منطقة اخري وندعي اننا قمنا بتثبيته علي الجهاز
    سوف نبدأ البرنامج من علي سطح المكتب ويظهر لنا الأتي......




    في البداية سوف تلحظ وجود اختيارين اسف النافذة وهم (Pro Gaming - Casual Gaming)
    Pro Gaming خاصة بالألعاب ولا غيرها
    اما Casual Gaming فهي ليست للالعاب فقط ولاكن للأستخدام العادي للجهاز زي تصفح النت وغيرها من الحاجات الخفيفة

    لو اخترت حاجة من الأتنين دول هتكمل عادي وهيفتحلك البرنامج
    لاكن لو مخترتش لمدة حوالي 2-3 ثواني ,هيروح البرنامج مختار علي حسب اداء الماوس اوتوماتيكيا




    ها هو يبدأ في العمل








    والأن بعد ان بدا البرنامج يظهر لنا هذا الشكل
    فمن هذه النافذة الأولي والتي تسمي Main Control يمكنك التعديل علي سرعة الماوس علي حسب كل مستوي من المستويات الخمسة
    وعلي اليسار نجد الـــProfiles الخاصة بك لتعدل عليها ما يحلو لك وهم عددهم 3 انظمة و1 اساسي

    وفي اسفل اليسار نجد بعض من الأختيارات الخاصة بتعديل سرعة المؤشر علي الشاشة وسرعة النقر المزدوج وسرعة استجابة ازرار الماوس

    اما علي اليمين فنجد قائمة بأزرار الماوس جميعها وعددهم 11 زرار وبأمكانك التعديل علي وظيفتهم كما يحلو لك

    وديه صورة لتوضيح اماكن الأزرار الـــ11 لمن لا يعلم.....












    كما ترون النافذة الثانية وتسمي Storm Tactics وهي الزر الموجود في يسار الماوس في الخلف

    وهي يقوم بوضيفة دمج الأزرار ويعطيك ميزة الحصول علي 32 زرار اضافي للماوس
    مثلا في العاب الضرب والقتال يمكنك تسجيل اي Combo في هذا الزر وبمجرد الضغط عليه يعطيك وضيفة 4 ازرار في ان واحد

    فهو مفيد جدا جدا لالعاب الــMMO التي تطلب عدد كبير من الأوامر والازرار من لوحة الكتابة
    فيمكنك ان تختزل وظيفة عشرات الأزار في زر واحد فقط

    وفي الأسفل نجد خيارات التحكم في سرعة عجلة التنقل "Scroll" فيمكنك ان تجعلها سريعة جدا في الحركة لأعلي وبطيئة في الحركة لأسفل والعكس صحيح

    وعلي اليمين نجد اربعة اختيارات لأضاءة الماوس هم
    Full Color - Breathing - Disable - Rapid Fire








    النافذة الثالثة وهي نافذة زر الــMacro وهو يتواجد علي يمين الزر الأيمن في الماوس

    بمجرد ما تضغط علي زر بدء التسجيل "Start Record" وسوف يقوم البرنامج بتسجيل كل ضغطة علي الماوس وبأمكانك ان تخصص لها وقت معين لتبدأ به في الوقت الذي تريده








    النافذة الرابعة وهي نافذة الــScript وهي تقوم بنفس عمل زر الــMacro ولاكن زيادة عليه بعض اوامر النسخ واللصق وغيرها من الاوامر المتنوعة









    اما في نافذة Library فهنا يمكنك ان تحفظ او تعدل او تمسح ما تريده من ما تم تسجيله من Scripts & Macros ويمكنك ان تحفظها علي جهازك بصيغة sh.








    واخر نافذة هي نافذة تحديث البرنامج عن طريق الأنترنت والدعم الفني من الشركة






  3. #3
    عضو برونزي
    تاريخ التسجيل
    Nov 2009
    المشاركات
    690
    معدل تقييم المستوى
    30

    رد: [تقرير] النظرة الأولي علي CoolerMaster Storm Inferno Gaming Mouse

    الفصل التاسع
    "لوحة شرف"

    حقق الماوس جوائز كثيرة جدا نظرا لما يمتلكه من اداء رائع جدا حاذ علي اعجاب الجميع واجمعوا عليه













    الفصل العاشر
    "التجربة"


    تجربتي للماوس انقسمت لقسمين...

    الأول: الألعاب

    الثاني: التصميم

    التجربة الأولي مع الألعاب كانت علي لعبة Call of Duty: Modern Warfare 2
    اكاد اجزم انني كنت لا العب العاب قتال في حياتي من قبل

    كان اللعب سلس جدا والتحكم في الماوس كان سهل مش بيشنج الأيد في الأستخدام القوي لأن حجمه كبير ومناسب للأيادي الكبيرة زي ما قولت قبل كده

    كنت بلعب علي سرعة 1500 DPI فقط وكان الماوس سريع جدا

    تجربة اللعب معايا مكانتش كبيرة علشان انا مش معايا كارت شاشة فا مكنتش عارف استمتع باللعبة قوي او حتي اتعمق في اللعب بالماوس بحكم رداءة الجرافيك علشان كارت الشاشة


    التجربة التانية كانت في التصميم وعلي برنامج الـــPhotoshop والـــIllustrator
    اكاد اجزم للمرة الثانية اني اول مرة اطلع دايرة معمولة بأليد مظبوطة :D

    طبعا مع تقليل السرعة شوية لــ900 DPI هتلاقي ان الخطوط الي بتترسم والأنحناءات طالعة مزبوطة
    اكيد هتلاقي الماوس بطئ جدا في ايدك وهو ده المطلوب في التصميم ان حركة الماوس تبقي ثابتة وبطيئة






    الفصل الحادي عشر والأخير
    "الرأي والرأي الأخر"

    رأيي الشخصي في الماوس بكل بساطة وعدم تعقيد الأمور

    "راااااااااااااااااااااااااااااااااااااااااااا ائع"


    يستحق كل قرش يدفع فيه لأنك هتلاقي فيه الي كنت بتتمناه في اي ماوس تاني
    شكله حلو جدا ومميز ومختلف عن المنافسين
    اداءه رائع بمعني الكلمة ,4000 DPI مظنش ان في حد محتاج اكتر منهم الا لو عنده نظام Eyefinity ومحتاج ماوس يجري معاه من اقصي اليمين لاقصي اليسار
    عدد وفير جدا من الأزرار ,11 زرار تقدر تعدل عليهم زي ما انت عايز
    الأضاءة الخاصة بيه مميزة ايضا وشكلها حلو ومش مزعجة
    وضع الأزرار الأضافية مناسب جدا
    مريح جدا خصوصا بعد التعود عليه






    المميزات
    - تصميم مريح
    - شكله انيق
    - عدد وفير من الأزرار
    - يمكنك التعديل علي وظيفة كل زر
    - متعدد الأنظمة Multi Profiles
    - ارجل مطاط لسهولة الحركة
    - مناسب الوزن
    - برنامج للتحكم في اعدادات الماوس
    - خامات صناعة جيدة جدا



    العيوب
    - لا يوجد تحكم في الأضاءة
    - لا يمكن تعديل الأوزان


    الجودة: 10/9
    الأداء: 10/9.5
    التصميم: 10/9
    المزايا: 10/9
    القيمة: 10/9

    التقييم العام: 10/9.8






    بطاقة التعريف بالمنتج



    =========================================

    # تنويه #
    (اي تشابه بين ماوسات القصة واي ماوس علي الحقيقة - انا مش مسؤول - محدش قالك تجيب ماوس زي بتاعي)

    :D:D

    التقرير ده قاعد بعمل فيه من يوم الوقفة فا محدش يسألني علي حجاة دلوقتي خالص لأني مش هخش المنتدي لمدة سنة لحد ما نار التقرير تبرد :D

    كل سنة وانتوا طيبين يا احلي اعضاء واعتبروا التقرير ده عيديتي عليكوا

    تصبحوا علي خير :ah22:

    =============================================

    # اعلان #
    لو شايف في الماوس بتاعك موهبة التمثيل ومش عايز الموهبة تضيع علي الفاضي.......
    اتصل يلا بينا بسرعة علي الرقم المجاني الي هيظهر قدامكم علي الشاشة.........









































    انت فاكر نفسك قاعد قدام التليفزيون ولا ايه :D مفيش ارقام هتظهر


    انا شكلي هيست ولا ايه :ah26:



  4. #4
    مشرف سابق الصورة الرمزية mramzi
    تاريخ التسجيل
    Apr 2007
    المشاركات
    1,487
    معدل تقييم المستوى
    42

    رد: [تقرير] النظرة الأولي علي CoolerMaster Storm Inferno Gaming Mouse

    مراجعة مميزة وتفصيلية لا تجعلني اشعر بالملل من القراءة

    احسنت في كتابتها (لكن كان يجب الاكمال بالعربية الفصحى)

    كان هذا رأي ايضا في هذا الماوس منذ لحظة اطلاقه

    السعر الذي توقعته له غير مناسب لان من المفترض انه ارخص من اخيه الاكبر CM Sentinel

    بارك الله فيك ، وبارك لك فيه

  5. #5
    عضو فضي الصورة الرمزية Black-Edition
    تاريخ التسجيل
    Feb 2009
    المشاركات
    2,665
    الدولة: Egypt
    معدل تقييم المستوى
    31

    رد: [تقرير] النظرة الأولي علي CoolerMaster Storm Inferno Gaming Mouse

    السلام عليكم

    الف مبروك اخى الكريم .. ماشاء الله مراجعة ممتازة وماوس رائع جداا

    واحلا حاجة طريقة وضع شعار المنتدي بطرق مختلفة وجميلة :D

    تم التقييم

    يــــــــــــــــــــــــارب

    jOoLiAnOo

  6. #6
    عضو
    تاريخ التسجيل
    Aug 2005
    المشاركات
    175
    الدولة: UK
    معدل تقييم المستوى
    13

    رد: [تقرير] النظرة الأولي علي CoolerMaster Storm Inferno Gaming Mouse

    مراجعة شاملة و كاملة ... تمنيت المراجعة تكون اطول لان اسلوبك رائع جدا ...

  7. #7
    عضو ذهبي الصورة الرمزية vmidov
    تاريخ التسجيل
    Oct 2008
    المشاركات
    1,842
    الدولة: Egypt
    معدل تقييم المستوى
    51

    رد: [تقرير] النظرة الأولي علي CoolerMaster Storm Inferno Gaming Mouse

    بسم الله ماشاء الله فأره ممتازه وإمكانيات ولا أروع بارك الله لك فيه
    ومراجعه ممتازه أخى محمد
    المشكله فقط إنى إضطررت لتحديث الصفحه حوالى 5 مرات لرؤيه الصور
    سؤال هام جدا
    ماهو المبلغ الذى دفعته حتى وصول الفأره إليك بدايه من سعرها وتكلفه الشحن والجمارك حتى وصولها المنزل وشكرا لك على المراجعه المميزه
    [CENTER][CENTER][SIGPIC][/SIGPIC]

    [B][FONT=Impact][SIZE=3][COLOR=Navy]أعتذر منكم إخوانى الأعزاء لأننى لا أعتقد أننى سأقوم بأى مراجعات أخرى وحتى من الممكن ألا أتابع المنتدى العزيز مره أخرى وقد أتابعه من حين لأخر ... الله وحده أعلم
    عموما يكفينى أننى تشرفت بمعرفه الكثير من الأشخاص المحترمه من هذا المنتدى العظيم وأرجو أن يدوم الود سواء كنت قريبا أو بعيدا عن المنتدى
    وبالطبع هناك قله تمنيت أننى لم أكن تعرفت إليهم قط أطلب من الله أن يهديهم ويوفقهم
    وأرجو أن أكون قد إستطعت رد ولو شئ بسيط من الجميل لمنتدانا وما تعلمته منه على مر السنين السابقه
    شكرا لكل أعضاء عرب هاردويير ولكل من قدم لى مساعده عن قصد أو غير قصد[/COLOR][/SIZE][/FONT][/B][/CENTER]
    [/CENTER]

  8. #8
    عضو برونزي الصورة الرمزية Mshadow.me
    تاريخ التسجيل
    Apr 2010
    المشاركات
    1,441
    معدل تقييم المستوى
    17

    رد: [تقرير] النظرة الأولي علي CoolerMaster Storm Inferno Gaming Mouse

    مراجعة طويلة و رائعة, أسلوبك جامد في الشرح (واضح أن العيلة كلها كده:D)

    الماوس شكله جميل و أمكانياته ممتازة بس سعره لأ

    ربنا يبارك لك فيه

    حنشوف حينزل هنا بكام, نأمل يبقي سعر مناسب

    عايزين مراجعة للبادة بقي:D
    [CENTER][SIZE=4][URL="http://www.arabhardware.net/forum/showthread.php?t=205511"]دليل مبسط لشراء الهيدفون المناسبة[/URL][/SIZE]

    [FONT=Palatino Linotype][SIZE=4][COLOR=DarkRed][I]A Storm Is Coming[/I][/COLOR][/SIZE][/FONT]

    [IMG]http://img98.imageshack.us/img98/3972/witchkinglogo.jpg[/IMG]

    [/CENTER]

  9. #9
    عضو برونزي
    تاريخ التسجيل
    Nov 2009
    المشاركات
    690
    معدل تقييم المستوى
    30

    رد: [تقرير] النظرة الأولي علي CoolerMaster Storm Inferno Gaming Mouse

    @mramzi
    منور التقرير اخ محمد والله واسعدني مرورك الكريم ده

    انا فعلا كنت ناوي اكمل لغة عربية فصحي بس حبيت انوع واغير علشان القارئ ميحسش بالملل ويلاقي تغيير في طريقة الألقاء

    والماوس فعلا سعره كان غير متوقع لأنه يعتبر في نفس فئة اخوه الأكبر
    CM Sentinel

    بس نظرا لمميزاته والي انا شايفها افضل من اخوه الأكبر فا هو يستحق سعره

    شرفني مرورك الكريم واشكرك علي الكلمات الطيبة


    @jOoLiAnOo
    الله يبارك فيك والحمد لله المراجعة عجبتك

    وانا قولت اغير في طريقة وضع حقوق المنتدي بدل الطريقة التقليدية بحيث انها متبقاش مشوهة المنظر العام للصورة

    اشكرك علي التقييم وعلي الكلام الطيب

    @
    zxzlsh
    يا راجل يا طيب ده انا قاعد بكتب التقرير من الساعة 1 بليل لحد الساعة 6 صباحا :eek:

    لو كنت قعدت اكتر من كده كنت هقعد اكلم الماوس ويمكن انام جمبه علي الباده :D

    اشكرك علي المرور وعلي الكلام المشجع

    @
    vmidov
    الله يكرمك يا محمد وعقبال ما تفرح بحاجة زيها

    وبعدين انا في بداية الموضوع نبهت الناس وعملت الي عليا ,وقد تزعرر من زرزر :D

    كلام في سرك ! ومحدش من اعضاء المنتدي يعرف الكلام ده !!!!!!

    الماوس جايلي هدية من شركة CoolerMaster .......... :ah32:

    نورت التقرير يابو حميد

    @
    Mshadow.me
    حبيبي وابن حبيبي :D

    هي فعلا العيلة شكلها كلها كده ,ده الأدهي اني كنت هعمل التقرير مصور (فيديو) بس لظروف ما منعتني من كده

    تخيل بقي لو كان فيديو كان هيبقي عامل ازاي ؟ :rolleyes: ........ مسخرة اكيد :D

    السعر فعلا غير متوقع بس كويس بالنسبة لأمكانياته

    والبركة في شركة الطويل بقي تبقي حنينة علينا فيالسعر هنا .......... بس هو يجي الأول

    مراجعة الباده بعد العيد ان شاء الله ......... ولا تزعل نفسك يا بومبو كل الي نفسك فيه هيحصل ان شاء الله

    ونورت التقرير يا مان



    انا بشكر كل الي قيمني ومقالش هو مين بصراحة اخجلي كرمكم والحمد لله ان التقرير نال اعجابكم
    ويارب افضل عند حسن ظنكم علي طول

  10. #10
    عضو بلاتيني الصورة الرمزية MF88
    تاريخ التسجيل
    Sep 2009
    المشاركات
    6,001
    معدل تقييم المستوى
    78

    رد: [تقرير] النظرة الأولي علي CoolerMaster Storm Inferno Gaming Mouse

    مراجعه غاااااااايه فى الروعه . ابدعت فيها فعلاااااااا

    و الماوس شيك و جميل ماشاء الله . ربنا يباركلك فيه يارب و يحفظه من العين
    ================================================== ==============
    [ الخطوه الثانيه ] نظام الأندرويد كنظام أساسى على الهاتف htc HD2 - وداعا WM

    قمت بتعطيل الرسائل الخاصه لكثرتها وحتى لا يعتقد احد انى متجاهله عن عمّد :)
    برجاء إذا كان لك أى استفسار قم بعمل موضوع حتى يتسنى للجميع مساعدتك و انا معهم إن شاء الله
    ولكي يستفيد الجميع من خبراتك و خبرات الزوار ولتقليل الجهد على المشرفين أيضاً




  11. #11
    meeroo
    زائر

    رد: [تقرير] النظرة الأولي علي CoolerMaster Storm Inferno Gaming Mouse

    بصراحة اهنيك على التقرير دة بجد تقرير شامل ... انت مسبتش حاجة ما قولتهاش

    مش ناقص غير انك تورينا اذاى نستخدم الماوس و ندوس على الازرار :D

    الماوس روعة بكل المقايس و شكلها جذاب جدا الحقيقة .. و لكن ( عندى نقطة احب اذكرها )

    حاليا من اسبوع تقريبا قررت اشترى ماوس جديد و كنت شفت الـ CM Storm Sentinel Advance و بالصدفة و انا على موقع Cooler Master شفت الـ Inferno

    الحقيقة كنت محتار اشترى انهى فيهم الاولى شكلها جذاب بس مش ذى الـ Inferno .. كنت فى حيرة شديدة جدا بين الاتنين

    و بالذات لانى بدرس جرافيكس فعاشق لمجال التصميم و عاشق للالعاب ايضا فلازم كنت اختار ماوس غير عادية و مريحة مع كثرة الاستعمال و فى نفس الوقت دقتها متتوصفش

    و كنت استقرت على CM Storm Sentinel Advance ( كنت ناوى اشتريها بعد العيد مباشرا ) بسبب فرق ميزة واحدة بينها و بين الـ Inferno

    و هى ميزة زيادة الوزن و هى تغنيك عن تقليل الـ DPI عند التصميم و من الممكن لن تحتاجها ( بس لازم كنت اذكرها ) .. كان عندى سوال هل الماوس الوزن نفسة بتاع الماوس مناسب ليس داعى لزيادة وزنها ام لا ...؟

    بعد ما قريت تقريرك الحقيقة رجعتنى للحيرة تانى و دخلتنى فى دائرة التفكير بين الـ CM Storm Sentinel Advance و الـ Inferno


    اســف جـــدا على التطويــــل فى الكلام ...

  12. #12
    عضو برونزي الصورة الرمزية EL-MARIACHY
    تاريخ التسجيل
    Jan 2008
    المشاركات
    4,135
    الدولة: Egypt
    معدل تقييم المستوى
    69

    رد: [تقرير] النظرة الأولي علي CoolerMaster Storm Inferno Gaming Mouse

    التقرير روعه فعلاً و مبروك عليك الماوس و تتهنى به يارب

    بس أرجوك حاول ترفع كل الصور فى ملف واحد علشان عمل REFRESH كتير جداً و مش عايزين يظهروا , بليــــــــــز

    و طبعاً تم التقييم
    [CENTER][FONT=lucida sans unicode][SIZE=4][B][COLOR=#B22222]>>> كرسى الأعتراف <<<[/COLOR][/B][/SIZE][/FONT]
    [/CENTER]
    [CENTER][FONT=franklin gothic medium][B][SIZE=3][URL="http://arabhardware.net/forum/showthread.php?t=254978"][COLOR=#008000]الموضوع الموحد للإستفسارات البسيطة للأعضاء حول البطاقات الرسومية.[/COLOR][/URL][/SIZE][/B][/FONT]
    [/CENTER] [CENTER][COLOR=#ff0000][SIZE=3][B][FONT=century gothic] -----------------------------------[/FONT][/B][/SIZE][/COLOR][B][FONT=book antiqua][SIZE=3][URL="http://arabhardware.net/forum/showthread.php?t=256185"]
    [/URL][/SIZE][/FONT][/B][I][B][FONT=book antiqua][SIZE=3][URL="http://arabhardware.net/forum/showthread.php?t=256185"][COLOR=#0000ff]Acer 27 3D vision ready + Nvidia 3D [/COLOR][COLOR=#008000]wireless[/COLOR][COLOR=#0000FF] & [/COLOR][COLOR=#008000]wired[/COLOR][COLOR=#0000FF] glasses + GTX 570 TWIN FROZR II[/COLOR][/URL][/SIZE][/FONT][/B][/I]
    [COLOR=#ff0000][SIZE=3][B][FONT=century gothic]
    [/FONT][/B][/SIZE][/COLOR][/CENTER][CENTER][FONT=verdana][B][URL="http://arabhardware.net/forum/showthread.php?t=253989"][COLOR=#0000ff][SIZE=2]Thermal-take Challenger Ultimate gaming keyboard >> REVIEW[/SIZE][/COLOR][/URL][/B][/FONT]

    [/CENTER]
    [CENTER][COLOR=#4b0082][SIZE=3][B][URL="http://arabhardware.net/forum/showthread.php?t=251564"]ASUS XONAR DX unboxing and small review[/URL][/B][/SIZE][/COLOR][COLOR=#ff0000][SIZE=3][B][FONT=century gothic]
    [/FONT][/B][/SIZE][/COLOR][/CENTER][CENTER][SIZE=3][COLOR=#2f4f4f][FONT=times new roman]-----------------------[/FONT][/COLOR][/SIZE][FONT=Palatino Linotype][SIZE=3][B][COLOR=Blue][I]
    ربي اسقي أمي الفرح دون اكتفاء - فإني احبها فلا تريني فيها بأسا يبكيني[/I][/COLOR][/B][/SIZE][/FONT]
    --------
    [/CENTER] [CENTER][FONT=Times New Roman][B][COLOR=Black][I][URL="http://www.arabhardware.net/forum/showthread.php?t=176384"][SIZE=3][COLOR=DarkGreen]طرائف و فكاهات مضحكه:D[/COLOR][/SIZE][/URL][/I][/COLOR][/B][/FONT]
    [/CENTER]

  13. #13
    عضو
    تاريخ التسجيل
    Aug 2010
    المشاركات
    91
    الدولة: Egypt
    معدل تقييم المستوى
    0

    رد: [تقرير] النظرة الأولي علي CoolerMaster Storm Inferno Gaming Mouse

    تقرير ممتاز خلتني افكر قيه بعد ما كنت مش باعترف بالشركة دي في الماوسات ال gaming mice عندي logitech and razer only بس هو سعره مش رخيص مقارنة بيهم تقبل تحياتي

  14. #14
    عضو
    تاريخ التسجيل
    Aug 2010
    المشاركات
    91
    الدولة: Egypt
    معدل تقييم المستوى
    0

    رد: [تقرير] النظرة الأولي علي CoolerMaster Storm Inferno Gaming Mouse

    تقرير ممتاز خلتني افكر قيه بعد ما كنت مش باعترف بالشركة دي في الماوسات ال gaming mice عندي logitech and razer only بس هو سعره مش رخيص مقارنة بيهم تقبل تحياتي

  15. #15
    عضو برونزي
    تاريخ التسجيل
    Nov 2009
    المشاركات
    690
    معدل تقييم المستوى
    30

    رد: [تقرير] النظرة الأولي علي CoolerMaster Storm Inferno Gaming Mouse



    @MF88
    سيادة المقدم محمود فوزي بك :D نورت الموضوع يا فندم!

    من بعض ما عندكم يا حودة

    وشكرا علي الكلام الحلو ده انا مش بستحمل الكلام ده باخده علي قلبي وبضعف :D

    وعقبال ما تفرح بحاجة احسن منه ان شاء الله


    @
    meeroo


    لا كده هتبقي افوره قوي
    و هى ميزة زيادة الوزن و هى تغنيك عن تقليل الـ DPI عند التصميم و من الممكن لن تحتاجها ( بس لازم كنت اذكرها ) .. كان عندى سوال هل الماوس الوزن نفسة بتاع الماوس مناسب ليس داعى لزيادة وزنها ام لا ...؟
    بص يا استاذ ميرو....

    انا برضوه في بداية الأمر كنت محتار بين كذا حاجة زي ما وضحت في التقرير زي الاخ الاكبر للــInferno الي هي الـــ
    Sentinel Advance و الــRazer DeathAdder و الــLogitech G500
    بس طبعا كل ده اتغير من ساعة ما شوفت الـــInferno اولا الميزة فيه زيادة عن
    Sentinel Advance ان فيه 11 زرار ممكن تعدل علي وظيفتهم زي ما انت عايز عكس الــSentinel Advance فيه 8 بس

    حجم الذاكرة في الــinferno اكبر (128Kb) من الــ
    Sentinel Advance وهي (64Kb) فقط

    يتفوق الــ
    Sentinel Advance علي الــInferno في Tracking Speed

    وهي في الــ
    Sentinel Advance اكبر (235 IPS) عكس الــInferno اقل (115 IPS)

    بس انا مش شايفها عيب بصراحة ومش حاسس بيها خالص كمان

    الوزن في الاتنين هو هو مفيش فرق 161.5 جرام في الاتنين

    ولعلمك الماوس من غير اوزان لوحده ثقيل نوعا ما لا يحتاج الي اي زيادة في الوزن

    وممكن تتغلب علي المشكلة ديه بأنك تحاول تقلل الــDPI علي قد ما تقدر هيعطيك اداء الاوزان الثقيلة

    وبالنسبة للأستخدام المستمر .... فا مش هقولك غير انك مش هتحس بأي تعب اطلاقا

    انا برضوه في مجال التصميم وعارف كويس يعني ايه تقعد شغال علي مشروع او اي ما لمدة لا تقل عن 3 ساعات متواصلة

    بس مع الــInferno بصراحة محستش بأي تعب ولا بأي تعرق في ايدي

    الماوس ككل جيد جدا ولا اجد فيه اي عيب يذكر حتي الان الا مشكلة عدم التحكم في الاضاءة الخاصة بيه مضايقاني :D

    واي استفسار اخر انا تحت امرك


    @
    EL-MARIACHY
    منور يا بومبو التقرير والله

    وعلشان خاطرك بس والله عملت Resize للصور وقللت حجمها شوية وغيرتها بالصور الي في الموضوع دلوقتي وتقدر تتفرج عليها عادي جدا دلوقتي هتحس بسرعة شوية عن الاول

    وهرفعلك الصور حاضر من عنيا .... هتلاقيها في اول الموضوع ان شاء الله

    وشكرا جزيلا علي التقييم الجميل من شخص اجمل


    @
    airsupply13
    منور الموضوع اخ (دعم جوي) :D

    القسم ليس بقديم في مجال صناعة عتاد الحاسب المخصص لهواة الألعاب فهو جديدة نوعا ما ولا الشركة الأم وهي CoolerMaster شركة كبيرة وعريقة جدا ولها مكانتها في السوق العالمي

    طبعا ما اطلاقها لهذه المنتجات ثبتت نفسها اكثر لأنها منتجات رائعة وتستحق المنافسة القوية

    طبعا لا غبار علي Logitech & Razer ولاكن ما باليد حيلة وماوس في اليد خيرا من الف خارج البلاد :D

    اشكرك علي كلام الطيب وعلي المرور الاطيب

صفحة 1 من 2 1 2 الأخيرةالأخيرة

المواضيع المتشابهه

  1. فتح العلبة ونظرة لـ GAMING MOUSE + MOUSE PAD
    بواسطة alayoubi في المنتدى الأرشيف
    مشاركات: 5
    آخر مشاركة: 02-10-2012, 14:33
  2. مشاركات: 27
    آخر مشاركة: 07-07-2011, 17:13
  3. (القاهرة) CM Storm Sentinel Advance gaming mouse + CM Storm Mouse Bad
    بواسطة محدودالدخل في المنتدى الأرشيف
    مشاركات: 1
    آخر مشاركة: 08-01-2011, 23:53
  4. ۩Ξ۩ مراجعة CM Storm Inferno Mouse كاملة ۩Ξ۩
    بواسطة Ritter في المنتدى الأرشيف
    مشاركات: 7
    آخر مشاركة: 06-09-2010, 04:57
  5. POV GTX 460 Ultra Charged 768MB النظرة الأولى
    بواسطة atvidia في المنتدى الأرشيف
    مشاركات: 6
    آخر مشاركة: 12-08-2010, 15:29

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •