محتاج العمالقة فى حل مشكلة برنامج على شبكة

[eslam nakeeb]

اولاً شرف ليا الانضمام لمنتدى عملاق زي عرب هاردويير


دى المرة التانية اللي بعرض فيها الموضوع لأني عرفت ان الموضوع الاول محدش رد واموضوع مهم جداً بالنسه لي

ليا سؤال متأكد انه سهل جداً على الاساتذة : _
انا ماسك الشبكة فى مستشفى ما
المستشفى بتستعمل برنامج على السيرفر " سيرفر حقيقي " المهم
عدد اجهزة الشبكة حوالى 20 جهاز كلهم بيستخدموا البرنامج ده بس
الجهاز نازل عليه Server 2003
وكل الاجهزة داخلة دومين
المهم فى اوقات معينة بيحصل تقل فى البرنامج
اكتشفت من
performance monitor
ان المشكلة فى سرعة الادخال على الهارد & كارت الشبكة على الجهاز
فهل يكون حل المشكلة هارد سكازي وكارت شبكة 10/100/1000
مع العلم ان الكبلات المستعملة فى عمل الشبكة كبلات عادية جداً
فهل ده هيأثر



ارجو الرد والافادة وانا عارف انكوا هتساعدونى انجح فى حل المشكلة

[hemo200]

فكرت إنك تستعمل رايد ؟
و هل تأكدت بأن كل الكونتاكتز في الكابلات تعمل بصورة صحيحة

[bamalan]

معليش ممكن تجاوبني على الاسئلة التالية
1-مواصفات السيرفر الى عليه البرنامج
2-هل البطأ يحصل اثناء عمل اي نشاط اخر على السيرفر مثلا اثناء عمل backup او virus scanning
3-هل البرنامج موجود في DC سيرفر او في سيرفر مستقل

ياريت تجاوبني على هذي الاسئلة

[eslam nakeeb]

متشكر جداً لتجاوبكم معايا

فكرت إنك تستعمل رايد ؟.... مش فاهم.. ايه هو الرايد
و هل تأكدت بأن كل الكونتاكتز في الكابلات تعمل بصورة صحيحة .... الكابلات مفهاش مشاكل خاااالص

================================================== ======

1-مواصفات السيرفر الى عليه البرنامج ..... انا نسيها حالياً لكن هجابها انهارده
2-هل البطأ يحصل اثناء عمل اي نشاط اخر على السيرفر مثلا اثناء عمل backup او virus scanning ............ خالص المستشفى مفيش حاجة شغالة بأى كلينت إلا البرنامج بس كل حاجة مقفولة بالجروب بوليسي ... لو اشتغل جهاز واحد او جهازين كل حاجة تمشي تمام لكن مع كثرة الاوامر على ملف الداتابيس الاحظ ان كارت الشبكة وصل معايا الى 100% والهارد كذلك لان بيبدأ البرنامج يجمع التقارير من شاشات مختلفة وكتير
3-هل البرنامج موجود في DC سيرفر او في سيرفر مستقل........... على سيرفر مستقل

[hemo200]

كنت أقصد RAID

[eslam nakeeb]

انا لم استعمل بعد خاصية الرايد ولكن فيه احتمال ابدأ أفعلها

[eslam nakeeb]

أمكانيات السيرفر

Hp proliant ML 150 G3

CPU 1.6 × 2
Ram 2G
HDD 320

انا احب أشاركوا فكرة عملتها عشان اقدر اوصل لافضل استخدام لجهاز السيرفر بالذات الهارد ديسك
انا عملت مستخدم على الدوين وشيلت منه كل الصلاحيات إلا تشغيل سيرفر البرنامج وقولت اتابع شغل البرنامج خلال الاسبوع
الكلام ده كان قبل العيد يعني من حوالى اسبوع
ولما سألت الموظفين اللى شغالين على البرنامج ايه أخبار البرنامج خلال الفترة اللى فاتت كله قاللى كان احسن بكتييير من كل مرة
طبعاً انا عارف ان الاسبوع ده كان عيد لكن برده دى مستشفى يعني شغالة شغالة
انا بكده اعتبرت نفسي وصلت لنسبة 50% من افضل أداء للسيرفر لكن ممكن اوصل لأداء احسن


فهل لوغيرت كارت اللان خليته 10/100/1000 ده يكون أفضل ولا لأ ؟
وهل الكارت 10/100/1000 محتاج كابلات معينة عشان اوصل لأفضل أداء ليه ؟ .. وهل فعلاً هيحسن الأداء ولا ممكن اعرض المستشفى لتكلفة بدون إفادة

دول أهم اسألة عندي وياريت ألقى عندكوا إجابة ليها

[abdalla_atta]

أمكانيات السيرفر

Hp proliant ML 150 G3

CPU 1.6 × 2
Ram 2G
HDD 320

انا احب أشاركوا فكرة عملتها عشان اقدر اوصل لافضل استخدام لجهاز السيرفر بالذات الهارد ديسك
انا عملت مستخدم على الدوين وشيلت منه كل الصلاحيات إلا تشغيل سيرفر البرنامج وقولت اتابع شغل البرنامج خلال الاسبوع
الكلام ده كان قبل العيد يعني من حوالى اسبوع
ولما سألت الموظفين اللى شغالين على البرنامج ايه أخبار البرنامج خلال الفترة اللى فاتت كله قاللى كان احسن بكتييير من كل مرة
طبعاً انا عارف ان الاسبوع ده كان عيد لكن برده دى مستشفى يعني شغالة شغالة
انا بكده اعتبرت نفسي وصلت لنسبة 50% من افضل أداء للسيرفر لكن ممكن اوصل لأداء احسن


فهل لوغيرت كارت اللان خليته 10/100/1000 ده يكون أفضل ولا لأ ؟
وهل الكارت 10/100/1000 محتاج كابلات معينة عشان اوصل لأفضل أداء ليه ؟ .. وهل فعلاً هيحسن الأداء ولا ممكن اعرض المستشفى لتكلفة بدون إفادة

دول أهم اسألة عندي وياريت ألقى عندكوا إجابة ليها

الاخ الكريم :

انت بتسال ااذ كان ال 10/100/100 هيفيدك ولا لا

الاول : شوف الكروت اللي علي الاجهزة بتدعم 100 ميجا بت ولا لا وكمان السويتش شوفه بيدعم 100 ميجا بت ولا لا

لان ممكن يكون حد فيهم مبيدعمش اكثر من 10 ميجا بت وتبقي المصيبة لو كان السويتش

ثانيا : خلي بالك ان الكارت الجديد ده مش هيشتغل بالسرعة العالية اللي هي 1000 ميجاب ت في الثانية الا لم تجبله كابلات Cat6 بتدعم السرعة دي وكمان تجيبله سويتش حديث يكون بيدعم السرعة دي

لان مينفهش اجيب كارت سرعته عالية وباقي اجزاء الشبكة بطيئة لان كده ال ترافيك هيمشي بالسرعة الاقل

الاخ balaman كان بيسال برضه في الجزئية دي وبيقولك انت عندك سويتش ولا هوب اللي هو النوع القديم من السويتشات واللي بيشتغل بطريقة اسمها Bus Topology وده بيبطا الموضوع جامد جدا خصوصا لما تزود عله شغل من كذا جهاز في وقت واحد

وربنا يوفقك ان شاء الله

[eslam nakeeb]

انا متشكر جداً على الاضافات والردود
وانا بفضل مشاركتكوا بدأت اطبق الرايد وانا ماكنتش مطبقه فى اي مكان وده لسا فى دايرة الاختبار وربنا يسهل
وعرفت اني لازم عشان اوصل لسرعة الكارات 10/100/1000 لازم كابلات cat6 ودي كانت معلومة مهمة
انا متشكر ليكوا كلكوا

abdalla_atta bamalan bamalan hemo200

شكراً للجميع

[bamalan]

السيرفر مواصفاته جيدا جدا وخاصة ان معالجه Dual-Core Intel Xeon Processor وفيه امكانية اضافة اربع هردسكات SATA
وبهذه الطريقة يمكن عملmirrored Volume بكل يسر وسهولة مع امكانية عالية في مساحات الهاردسك >>>


في نظري فكر في الامور التالي لحل مشكلتك:
في البداية اتوقع المشكلة في اي شي
1-قم بعمل اسكان للهاردسك
2- راجع الجهة التي اشتريت منها البرنامج -واتوقع المشكلة هنا واشرح مشكلتك بالضبط......
لان فني الشركة الي اخذت منها البرنامج يكون لديه خبرة اكثر منك لوجود عملاء كثر امثالك يمكن ان يزودك بنصيحة تغنيك
3-هل انت تستخدم hub او Switch
4-حكاية انك تشتري كرت اخر ليست قضية ولن تجدي السرعات التي ذكرتها -ممكن تاخذ كرت من اي جهاز غير مستخدم وتجربه في السيرفر من باب التجربة والبحث عن حل لاقل ولا اكثر
ودمت