صفحة 1 من 2 1 2 الأخيرةالأخيرة
النتائج 1 إلى 15 من 30

الموضوع: مراجعتي الشخصية لA4TECH Oscar Laser Gaming Mouse XL-755BK

  1. #1
    عضو الصورة الرمزية sikimiky
    تاريخ التسجيل
    Jan 2008
    المشاركات
    341
    الدولة: Egypt
    معدل تقييم المستوى
    16

    مراجعتي الشخصية لA4TECH Oscar Laser Gaming Mouse XL-755BK



    بسم الله الرحمن الرحيم
    تم بحمد الله شراء هذا الماوس الجميل ( A4TECH Oscar Laser Gaming Mouse XL-755BK ) بعد ان انتهي العمر الافتراضي للماوس الحالي الي كنت شغال بية ( كان ماوس تجاري)

    تم الشراء من شركة ماكسيمم هاردوير بسوق العصر بسعر 160 جنية .

    طبعا انا عارف ان ماوس حاجة مش مهمة للدرجة ن الواحد يعملها مراجعة خاصة بيها , بس

    انا لما كنت بدور علي ماوس جيد اشترية لم اجد اي مراجعات تفيدني , فقررت اني اعمل المراجعة دي علشان لو حد بيفكر انة يشتري ماوس وعايز يعرف معلومات عن ال Gaming mouse .

    ( دة غير طبعا ان الماوس ب 160 جنية بحالهم دة اكتر من تمن اخر 5 ماوسات اشتريتهم علي بعض:D, فلازم اعملوا مراجعة مخصوص طبعا)

    المهم ,علشان الناس متزهئش من كتر الكلام , خلينا نشوف الصور ..........




    دي علبة المحروس و هو في يدي اول ما دخل الغرفة عندي و كنت بعرفة علي الجهاز :D.




    و دي ضهر العلبة بتاعت المحروس .





    و دي جنب العلبة الشمال ( برضة لسة علبة المحروس :D)
    و عليها بيانات و خصائص الماوس ( طول السلك 1.8 متر و دة مناسب جدا جدا , طبعا المعلومة دي مقدرتش اوصلها من النت علشان واضح انها سرية:cool: , فقلت اذكرها في المراجعة علشان الكل يكون عارف)






    و دة اخر جنب للعلبة , ويلاحظ انة الدقة تصل الي 3600 DPI




    هو دة المحروس الي عمال واجع دماغكوا بية من اول المراجعة ,

    العلبة تفتح كالكتاب و دة شئ جيد جدا , علشان في المحل قبل البيع ممكن تتفرج علي الماوس بوضوح و تقرر هتشترية ولا لأ !
    طبعا قبل كدة كان الواحد بيحشر صوابعة في العلبة علشان يوصل للبلاستيك الي جواة الماوس , طبعا الكلام دة انتهي بعد ماحد العباقرة توصل لفكرة العلبة دي اخيرا.





    و دة شرح كيفية برمجة الزراير في الماوس , حقيقة هي عملية سهلة جدا و بسيطة في نفس الوقت .


    نوصل هنا لحد مكونات العلبة :
    1- الماوس
    2-CD تعريف و البرنامج
    3-البتوع السود الي بيركبوا في بطن الماوس ( مش عارف اسمهم العلمي , ياريت احد الاخوة يتطوع و يقول الاسم لي بس علي الخاص علشان مش عايزيين احراج امام الناس , يعني خليني اعيش دور الواد الفتك شوية )




















  2. #2
    عضو الصورة الرمزية sikimiky
    تاريخ التسجيل
    Jan 2008
    المشاركات
    341
    الدولة: Egypt
    معدل تقييم المستوى
    16

    رد: مراجعتي الشخصية لA4TECH Oscar Laser Gaming Mouse XL-755BK

    نكمل صور الماوس ,

    هو دة الماوس من كل النواحي الممكن تخيلها .........










    و دة سلك ال USB , انا بصراحة مش عارف هل هو دهب ولا دي حركة صياعة من الشركة , الله اعلم .





    دة الجنب الشمال للماوس , طبعا الزر الاحمر دة محاط باربع زراير اخري , كل واحد في اتجاة رأسي ( زي الموبايل بالضبط)
    يعني مجموع 5 ازرار في الشكل دة .




    الزر الي فوق علي الشمال دة Double Click , بمعني ضغطة واحدة علية كأنك ضغطت مرتين ( مفيد جدا في فتح المجلدات و تشغيل البرامج )

    اللمبة الي فوق العجلة دة تختلف لونها حسب الاعدادات بتاعت الماوي ( كام DPI ) و مشروع في البرنامج كل لون و ما يوازية من دقة .





    اما دة , فهو بطن الماوس نفسة ( وراكب فيهم البتوع السود الي انا مش عارف اسمهم )

    طبعا كان في صورة قبل كدة لنفس البتوع السود دول , الي في الصورة الاولي دول زيادة مش هما الي بتركبهم بنفسك , الماوس بيجي راكب فية كل حاجة .




    دة بقي شغل مخابرات :cool:, علشان تعرفوا ابعاد الماوس استخدمت العملة المحلية علشان يكون عندكم فكرة عن حجمة , في الافلام بيستخدموا ورقة فئة واحد دولار بس خالينا واقعيين , لا انا عندي دولار ولا حد في مصر يعرف ابعادة دة غير ان احنا مش في فيلم اصلا , فخلينة في الجنية المعدن بتاعنا !!
    انا بصراحة شايفة كبير ( عامل ذي فار كبير و عندة دمل احمر في جنبة )





    دة البرنامج الي بيجي علي الاسطوانة , بسيط جدا ,
    عندك رقم لكل زرار وبتحدد الوظيفة الي انت عايزها لية.




    ممكن تحدد زرار في الماوس يقوم بدور زر في الكيبورد , مثلا
    لو ال Reload في الكيبورد يكون بالضغط علي R فيمكن في الماوس ان تجعل اي زر يقوم بهذة المهمة , اذن بدل من استخدام الكيبورد استخدم الماوس ( اسهل و اسرع بكتييييييييييييييييييييييييير )




    دي قائمة توضح كل الاختيارات الممكن ربطها بأي زر في الماوس ( كتيير جدا و عملية جدا )

    طبعا ممكن تربط كل زر ب وظيفة وتعمل بروفايل بهذا الاعداد ( مثلا Counterstrike) و بعدين تعمل بروفايل جديد تماما بوظائف مختلفة و تحفظة ( مثلا Call of duty ) و قبل ما تلعب اللعبة تحدد البروفايل الي انت عايزة .
    عملية قمة في الروعة و خاصة مع اللعب الاستراتيجي .






    اما دة فهو اكتر تحديدا , تحدد الحركة في الاكسات X , Y علي حدي و تحديد الفوارق الزمنية بين كل ضغطة و الاخري و خيارات اخري كثيرة جدا لل Hard core Gamers , طبعا انا لسة يدوب بقول بسم الله , لما اوصل للفهم الخصائص دي كاملة هضيفها في الموضوع ان شاء الله علشان مقولش حاجة غلط الان.

    المميزات :

    1-DPI from 100 to 3600
    2-مريح في اليد بعد التعود علية
    3-سلك طويل ولا يحتاج الي وصلة USB قريبة او كبل للتطويل.
    4-سعر ممتاز مقارنة بالامكانيات
    5-سهولة غير عادية في توظيف المهمات للزراير المختلفة .
    6-عدد 10 رزاير و اتجاهين في البكرة يمكن التحكم في وظائفهم.
    7-جودة فاخرة في الصناعة ( او علي الاقل لم اعتاد علي ماوس "نضيف" كدة )
    8-اداء جيد في اللعب و تحسن ملحوظ خاصة في ال First person shooter


    العيوب:

    1-الزر الاحمر في مكان غريب جدا , طوال الوقت بضغط علية غلط ( يمكن تلافية عن طريق الوقت و ان تعتاد علي استخدامة)
    2- زر ال Doublr click كان مفروض يكون تحت او بجانب البكرة زي كل ماوسات الدنيا , مش عارف مين الكائن الفضائي الي صوابعة هتروع لابعد حتة في الماوس علشان تدوس علية , غير عملي بالمرة و اضطريت اني اوكل مهمتة لزر اخر قريب و سهل الاستخدام. ( اهم عيب)
    3-انا عارف ان الي انا هكتبة دة غريب شوية ,
    بس رائحة فظيعة جدا جدا في الماوس , يعني حاجة لا يمكن تجاهلها.
    الواحد ايدة بعد ما يلعب شوية تحس انك لازم تقطعها من الريحة الي فيها .

    دة ممكن يكون سببة سوء تخزين والريحة هتروح مع الوقت ,
    او ان البلاستيك او المادة المصنوع منها ليها ريحة او بتتفاعل مع الجلد البشري او .... , مش عارف بس انا عندي امل يكون سوء تخزين او الشحنة في المينا اتخزنت جنب بضاعة نفاذة او سمك .

    4- عايز وقت علشان تعتاد علي الرز الاحمر و تستخدمة بكفائة .


    راي الشخصي :

    الماوس ممتاز انزلوا اشتيروة و مش هتندموا ان شاء الله , بس شموة الاول علشان الريحة الي معاة :D.
    ب 160 جنية ماوس ممتاز ولا الواحد يعد يتعب نفسة مع التجاري الي كل شوية يبوظ.
    و في نوع تاني موجود في السواق بحوالي 180 او 200 جنية لو مش عاجبكوا الماوس دة , بس نصيحة اشتري Gaming mouse احسن و اريح .

    كد انا خلصت المراجعة و لو حد عندوا اي استفسار يكتبة و ان شاء الله هرد علية .
    و منسوش التقيمات علشان انا طلع عيني في الكتابة:D


    دمتم في حفظ الله.

  3. #3
    مخالف للقوانين
    تاريخ التسجيل
    Jul 2009
    المشاركات
    2,438
    معدل تقييم المستوى
    0

    رد: مراجعتي الشخصية لA4TECH Oscar Laser Gaming Mouse XL-755BK

    دة بقي شغل مخابرات :cool:, علشان تعرفوا ابعاد الماوس استخدمت العملة المحلية علشان يكون عندكم فكرة عن حجمة , في الافلام بيستخدموا ورقة فئة واحد دولار بس خالينا واقعيين , لا انا عندي دولار ولا حد في مصر يعرف ابعادة دة غير ان احنا مش في فيلم اصلا , فخلينة في الجنية المعدن بتاعنا !!
    - كنت اعمل زيى وهات بوكليز :D

    -مراجعة رائعة لقطعة رائعة

    -ربنا يديك خيرة ويكفيك شرة

    -تم التقييم

    اضافة

    -لية مش جبت ال Anti Vibrate

  4. #4
    عضو الصورة الرمزية sikimiky
    تاريخ التسجيل
    Jan 2008
    المشاركات
    341
    الدولة: Egypt
    معدل تقييم المستوى
    16

    رد: مراجعتي الشخصية لA4TECH Oscar Laser Gaming Mouse XL-755BK

    -لية مش جبت ال Anti Vibrate
    والله انا كنت عامل حسابي اني هشترية , خاصة وان الفرق في السعر مش كبير ( 20 جنية تقريبا )
    بس لما شوفتة علي الحقيقة غيرت رأيي نظرا لوجود رسمة عنكبوت علي الماوس !!!!!
    انا مش فاهم اية هي الفكرة من عنكبوت اصفر علي الماوس ولكن واضح ان المصممين في الشركة عندهم وجهة نظر :confused:.
    طبعا لو كان متوفر بأي لون او شكل تاني كنت جبتة , خاصة و ان الزر بتاع ال Double Click مكانة صح و يكمن استخدامة بسلاسة , الحمد لله علي كل شئ و الماوس بتاعي طلع ممتاز و انا مكنتش متوقع كدة .

    شكرا علي التقييم يا عزيزي

  5. #5
    عضو برونزي الصورة الرمزية EL-MARIACHY
    تاريخ التسجيل
    Jan 2008
    المشاركات
    4,135
    الدولة: Egypt
    معدل تقييم المستوى
    69

    رد: مراجعتي الشخصية لA4TECH Oscar Laser Gaming Mouse XL-755BK

    ألف مبروك على الماوس ,و ربنا يرزقك خيره و يصرف عنك شره , و المراجعه روعه بجد

    الواحد شكله كده هينزل يشترى ماوس جديد .

    ألف مبروك مره أخرى و يارب تتهنى به
    [CENTER][FONT=lucida sans unicode][SIZE=4][B][COLOR=#B22222]>>> كرسى الأعتراف <<<[/COLOR][/B][/SIZE][/FONT]
    [/CENTER]
    [CENTER][FONT=franklin gothic medium][B][SIZE=3][URL="http://arabhardware.net/forum/showthread.php?t=254978"][COLOR=#008000]الموضوع الموحد للإستفسارات البسيطة للأعضاء حول البطاقات الرسومية.[/COLOR][/URL][/SIZE][/B][/FONT]
    [/CENTER] [CENTER][COLOR=#ff0000][SIZE=3][B][FONT=century gothic] -----------------------------------[/FONT][/B][/SIZE][/COLOR][B][FONT=book antiqua][SIZE=3][URL="http://arabhardware.net/forum/showthread.php?t=256185"]
    [/URL][/SIZE][/FONT][/B][I][B][FONT=book antiqua][SIZE=3][URL="http://arabhardware.net/forum/showthread.php?t=256185"][COLOR=#0000ff]Acer 27 3D vision ready + Nvidia 3D [/COLOR][COLOR=#008000]wireless[/COLOR][COLOR=#0000FF] & [/COLOR][COLOR=#008000]wired[/COLOR][COLOR=#0000FF] glasses + GTX 570 TWIN FROZR II[/COLOR][/URL][/SIZE][/FONT][/B][/I]
    [COLOR=#ff0000][SIZE=3][B][FONT=century gothic]
    [/FONT][/B][/SIZE][/COLOR][/CENTER][CENTER][FONT=verdana][B][URL="http://arabhardware.net/forum/showthread.php?t=253989"][COLOR=#0000ff][SIZE=2]Thermal-take Challenger Ultimate gaming keyboard >> REVIEW[/SIZE][/COLOR][/URL][/B][/FONT]

    [/CENTER]
    [CENTER][COLOR=#4b0082][SIZE=3][B][URL="http://arabhardware.net/forum/showthread.php?t=251564"]ASUS XONAR DX unboxing and small review[/URL][/B][/SIZE][/COLOR][COLOR=#ff0000][SIZE=3][B][FONT=century gothic]
    [/FONT][/B][/SIZE][/COLOR][/CENTER][CENTER][SIZE=3][COLOR=#2f4f4f][FONT=times new roman]-----------------------[/FONT][/COLOR][/SIZE][FONT=Palatino Linotype][SIZE=3][B][COLOR=Blue][I]
    ربي اسقي أمي الفرح دون اكتفاء - فإني احبها فلا تريني فيها بأسا يبكيني[/I][/COLOR][/B][/SIZE][/FONT]
    --------
    [/CENTER] [CENTER][FONT=Times New Roman][B][COLOR=Black][I][URL="http://www.arabhardware.net/forum/showthread.php?t=176384"][SIZE=3][COLOR=DarkGreen]طرائف و فكاهات مضحكه:D[/COLOR][/SIZE][/URL][/I][/COLOR][/B][/FONT]
    [/CENTER]

  6. #6
    عضو برونزي الصورة الرمزية M_HaFeZ
    تاريخ التسجيل
    Dec 2005
    المشاركات
    360
    الدولة: Egypt
    معدل تقييم المستوى
    15

    رد: مراجعتي الشخصية لA4TECH Oscar Laser Gaming Mouse XL-755BK

    مبروك عليك ومراجعه ممتازه

  7. #7
    عضو ذهبي الصورة الرمزية محمد الجوهري
    تاريخ التسجيل
    Apr 2007
    المشاركات
    3,047
    الدولة: Saudi Arabia
    معدل تقييم المستوى
    109

    رد: مراجعتي الشخصية لA4TECH Oscar Laser Gaming Mouse XL-755BK

    Oscar Mouse Editor

    رائع جدا البرنامج ده كما هو واضح من الصوّر الرائعة هي الأخرى ... سأحاول تحميله و تجربته لاحقاً على الماوس الذي أستخدمه.

    مراجعة أكثر من رائعة, و أسلوبك ممتاز في السرد و الشرح.

    و لو سألتني إيه أحسن حاجتين في المراجعة أقول لك:

    1. المسطرة الروترينج الجميلة ... واضح إن حضرتك مهندس

    2. إنك صغرت الصور ل 800×600 ... نفسي أعمل إعلان في الأهرام أو الجمهورية أطالب فيه أعضاء عرب هاردوير بتصغير مقاس الصور.
    أحييك على مراجعتك.

    و مبروك الماوس ... إحساس رائع ... صح ؟

    صحيح ... الأربع أزرار اللي حول الزر الأحمر ... هل يمكن إستخدامهم بسهولة ؟
    أعتقد لو فيه زر سفلي سيصعب الوصول إليه, ألا تتفق معي ؟
    [CENTER]
    [/CENTER]

  8. #8
    عضو برونزي الصورة الرمزية ehab7bob
    تاريخ التسجيل
    Apr 2010
    المشاركات
    1,267
    الدولة: Egypt
    معدل تقييم المستوى
    12

    رد: مراجعتي الشخصية لA4TECH Oscar Laser Gaming Mouse XL-755BK

    شكرا جزيلا
    لو كان وايرلس بنفس السعر كان هيبقا افضل ماوس في مصر
    [CENTER][SIZE=3][COLOR=#008000]
    [/COLOR][/SIZE][/CENTER]

  9. #9
    ممثل شركة Cairo Computer - مصر الصورة الرمزية S@M
    تاريخ التسجيل
    Jul 2009
    المشاركات
    17,266
    الدولة: Egypt
    معدل تقييم المستوى
    26

    رد: مراجعتي الشخصية لA4TECH Oscar Laser Gaming Mouse XL-755BK

    مراجعة رائعة وشرح وافى يا عزيزى

    والف مبروك عليك الماوس ...


    لك تقييم .

  10. #10
    عضو برونزي الصورة الرمزية Mostafa Gomaa
    تاريخ التسجيل
    Apr 2010
    المشاركات
    2,537
    معدل تقييم المستوى
    64

    رد: مراجعتي الشخصية لA4TECH Oscar Laser Gaming Mouse XL-755BK

    مراجعه رائعه وماوس أروع بارك الله لك فيه

    ولكن من أخطر العيوب اللى فيه مكان الزرار الأحمر والزراير اللى حوليه لان الواحد وهو بيحرك الماوس بيضغط بالابهام على هذا المكان
    وأنا فاكر مره زمان من حوالى 8 سنين كنت قاعد فى سايبر وكنت بعمل موضوع كبير وماليان صور وضغطت على زرار Back غصب عنى لانه كان فى نفس المكان ده فكل مجهودى راح فى الهوا :D

    تم التقييم بالطبع
    [CENTER][SIZE=4][URL="http://arabhardware.net/forum/showthread.php?t=257362&p=2035319#post2035319"] المراجعة العملاقة للعملاق Dell Inspiron N5110[/URL][/SIZE]
    [SIZE=3][URL="http://arabhardware.net/articles/software/internet/3315-allthing-about-internet-download-manager.html"]
    [/URL][/SIZE]
    [/CENTER]
    [CENTER][SIZE=4][URL="http://arabhardware.net/articles/software/internet/3033-complete-guide-of-fire-fox.html"]دليلك الكامل لمتصفح فايرفكس [/URL][/SIZE]
    [/CENTER][CENTER]
    [/CENTER]
    [CENTER]



    [/CENTER]

  11. #11
    عضو الصورة الرمزية sikimiky
    تاريخ التسجيل
    Jan 2008
    المشاركات
    341
    الدولة: Egypt
    معدل تقييم المستوى
    16

    رد: مراجعتي الشخصية لA4TECH Oscar Laser Gaming Mouse XL-755BK

    لو سألتني إيه أحسن حاجتين في المراجعة أقول لك:

    1. المسطرة الروترينج الجميلة ... واضح إن حضرتك مهندس

    2. إنك صغرت الصور ل 800×600 ... نفسي أعمل إعلان في الأهرام أو الجمهورية أطالب فيه أعضاء عرب هاردوير بتصغير مقاس الصور.
    أحييك على مراجعتك.

    و مبروك الماوس ... إحساس رائع ... صح ؟

    صحيح ... الأربع أزرار اللي حول الزر الأحمر ... هل يمكن إستخدامهم بسهولة ؟
    أعتقد لو فيه زر سفلي سيصعب الوصول إليه, ألا تتفق معي ؟


    اولا شرفني مرورك علي موضوعي ,
    تاني حاجة , انت الوحيد الي اخدت بالك من المسطرة الروترينج :D, احييك علي قوة الملاحظة لان انا اصلا مكنتش ملاحظ انها ظهرت في الصور و عمال اقول " مسطرة روترينج اية الي الجوهري بيقول عليها دي !!"
    لحد لما رجعت الصور واكتشفت انها ظاهرة في نص الصور !!!
    ونعم انا الحمد لله في بكالوريوس هندسة السنة دي .

    بالنسبة لحجم الصور فأنا لاحظت ان موضوع مراجعة اللاب بتاعي قبل كدة كان صعب اوي ظهور الصور فية , علشان كدة قررت اني اصغرها علشان لو حد عندة نت ضعيف الصور تظهر عندة بسهولة.

    جميع زراير الماوس يمكن الوصول لها بسهولة شديدة جدا , دة المشكلة انك بتدوس علي زراير غصب عنك لانها حساسة و تحت صوابعك بالضبط , الزر الاحمر و ال 4 الي جنبة (بالصباع الكبير :D) تدوس عليهم بكل سهولة , الموضوع ابسط مما تتخيل .

    شكرا علي تقييمك



    شكرا جزيلا
    لو كان وايرلس بنفس السعر كان هيبقا افضل ماوس في مصر
    شكرا علي مرورك اخي الكريم ,
    لو كان وايرلس كان هيبقي واجب وطني علي كل مصري انة يشترية:D
    دة هو كدة سعرة ممتاز , كمان عايزة وايرلس


    مراجعة رائعة وشرح وافى يا عزيزى

    والف مبروك عليك الماوس ...


    لك تقييم .
    شكرا علي مرورك الكريم ,
    و شكرا علي تقييمك



    مراجعه رائعه وماوس أروع بارك الله لك فيه

    ولكن من أخطر العيوب اللى فيه مكان الزرار الأحمر والزراير اللى حوليه لان الواحد وهو بيحرك الماوس بيضغط بالابهام على هذا المكان
    وأنا فاكر مره زمان من حوالى 8 سنين كنت قاعد فى سايبر وكنت بعمل موضوع كبير وماليان صور وضغطت على زرار Back غصب عنى لانه كان فى نفس المكان ده فكل مجهودى راح فى الهوا :D

    تم التقييم بالطبع


    هو طبعا مكان الزر الاحمر تحت الصباع بالضبط و يمكن انك تدوس علي عن طريق الخطأ ,
    ولكن مع التعود يمكنك تفادي الحركة دي و ممكن كمان تعمل حاجة ظريفة جدا ,
    انك متوظفش شغلة للزر الاحمر و بذلك لما تدوسة غلط هيكون ملهوش تأثير اصلا لحد لما تتعود علية و بعدين توظف لة اي مهمة انت عايزها . ( انا عملت كدة في الاول )
    ولكن مع الشغل علية ظهر ان اهم زراير هي الخمسة الي في الجنب لانهم فعلا سهل استخدامهم , في اللعب في الانترنت ( BAck , frw.stop ......etc ) وانا عامل الزر الاحمر وظيفتة بدل الزر الامامي خالص (Double Click

    شكرا علي تقييمك

  12. #12
    عضو برونزي
    تاريخ التسجيل
    Nov 2009
    المشاركات
    690
    معدل تقييم المستوى
    30

    رد: مراجعتي الشخصية لA4TECH Oscar Laser Gaming Mouse XL-755BK

    مبروك عليك الماوس وربنا يباركلك فيه

    والمراجعة سهلة وبسيطة وشاملة

    بس الي سادد نفسي منه مكان الزراير الي في الجمب (شكلها رخم بصراحة :mad

    ده رأيي الشخصي طبعا ,عكس ذلك فهو ماوس رائع فعلا و A4Tech معروفة

    وطبعا تقييم للحبايب :D

  13. #13
    عضو فضي الصورة الرمزية mido hamdy
    تاريخ التسجيل
    Aug 2010
    المشاركات
    1,154
    الدولة: Egypt
    معدل تقييم المستوى
    15

    رد: مراجعتي الشخصية لA4TECH Oscar Laser Gaming Mouse XL-755BK

    مراجعة رائعة جدا وتم التقييم .
    بس مش كان الافضل تحط 15 جنيه زيادة وتجيب ال Anti Vibrate .
    CPU : INTEL CORE I5 2500K OC @ 4.6 GHZ V1.288 / Motherboard : ASUS P8Z68-V PRO / RAM : G.Skill Ripjaws 8 GB BUS 1600MHZ CL9

    CPU Cooler : Noctua NH-D14 / HDD : WD Caviar Black 1TB X2 / VGA : Galaxy GS GTX 570 @ 850MHZ OC V1.075

    PSU : Seasonic 750W SS-750JS / Monitor : SAMSUNG PX2370 / Logitech Z506 5.1 Surround Sound

    Sound Card : ASUS Xonar DX PCI-E 7.1 With SNR 116 db , Dolby Technologies

    Sennheiser HD202 DJ Closed Headphone With SNR: 115 db




  14. #14
    عضو الصورة الرمزية sikimiky
    تاريخ التسجيل
    Jan 2008
    المشاركات
    341
    الدولة: Egypt
    معدل تقييم المستوى
    16

    رد: مراجعتي الشخصية لA4TECH Oscar Laser Gaming Mouse XL-755BK

    اقتباس المشاركة الأصلية كتبت بواسطة mido hamdy مشاهدة المشاركة
    مراجعة رائعة جدا وتم التقييم .
    بس مش كان الافضل تحط 15 جنيه زيادة وتجيب ال Anti Vibrate .

    شكرا علي مرورك اخي الكريم

    ال Anti Vibrate كان ب 200 جنية عند ماكسيمم و بصراحة شكلة معجبنيش بالعنكبوت الي مرسوم علية , فقلت مش هدفع 200 جنية في حاجة مش مقتنع بيها , ولكن بعد كدة اكتشفت انة بيباع في اماكن اخري ب 175 جنية بس كنت خلاص اشتريت الماوس:D.

    ياريت يا جماعة لو حد يعرف هل ال Anti Vibrate احسن ولا الماوس بتاعي , يقولي او يبعتلي مقارنة بينهم .
    علشان الناس كلها سألتني انا لية اشتريت دة و مش التاني ( في واحد صاحبي عزيز عليا هيشتري ماوس قريب ان شاء الله و مش عارف مين احسن فيهم و انا مش عارف اساعدة).

  15. #15
    عضو فضي
    تاريخ التسجيل
    Mar 2008
    المشاركات
    1,231
    الدولة: Egypt
    معدل تقييم المستوى
    31

    رد: مراجعتي الشخصية لA4TECH Oscar Laser Gaming Mouse XL-755BK



    اقتباس المشاركة الأصلية كتبت بواسطة sikimiky مشاهدة المشاركة
    شكرا علي مرورك اخي الكريم

    ال Anti Vibrate كان ب 200 جنية عند ماكسيمم و بصراحة شكلة معجبنيش بالعنكبوت الي مرسوم علية , فقلت مش هدفع 200 جنية في حاجة مش مقتنع بيها , ولكن بعد كدة اكتشفت انة بيباع في اماكن اخري ب 175 جنية بس كنت خلاص اشتريت الماوس:D.

    ياريت يا جماعة لو حد يعرف هل ال Anti Vibrate احسن ولا الماوس بتاعي , يقولي او يبعتلي مقارنة بينهم .
    علشان الناس كلها سألتني انا لية اشتريت دة و مش التاني ( في واحد صاحبي عزيز عليا هيشتري ماوس قريب ان شاء الله و مش عارف مين احسن فيهم و انا مش عارف اساعدة).

    أؤيد طلبك هذا وبشدة عشان انا محتار جدا بين الاتنين


    :ah34::ah34::ah34:
    من مواضيعي

    معلومات مبسطة عن خاصية AHCI
    http://arabhardware.net/forum/showthread.php?t=311917

    المراجعة الأولى للماوس الخارق Gigabyte Krypton
    http://arabhardware.net/forum/showthread.php?t=332906

    نظرة سريعة على القرص الصلب Segate ST2000DM001
    http://arabhardware.net/forum/showthread.php?t=325396

    الدليل الشامل لوحدات التخزين HHD طبقاً للسعر والأداء في السوق المصري
    http://arabhardware.net/forum/showthread.php?t=356463&p=2590943#post2590943

صفحة 1 من 2 1 2 الأخيرةالأخيرة

المواضيع المتشابهه

  1. فتح العلبة ونظرة لـ GAMING MOUSE + MOUSE PAD
    بواسطة alayoubi في المنتدى الأرشيف
    مشاركات: 5
    آخر مشاركة: 02-10-2012, 14:33
  2. اشتريت Gigabyte Ghost M8000X Pro Laser Gaming Mouse و بيحصلها Freeze
    بواسطة dragon005 في المنتدى مشاكل الحاسب وحلولها
    مشاركات: 1
    آخر مشاركة: 21-02-2012, 22:06
  3. مشاركات: 27
    آخر مشاركة: 07-07-2011, 17:13
  4. مراجعتى التفصيليه ل A4tech Oscar Antivibrate +Gigabyte Ghost Mouse pad
    بواسطة Mostafa Gomaa في المنتدى الأرشيف
    مشاركات: 33
    آخر مشاركة: 11-04-2011, 04:48
  5. مراجعه ل A4TECH Anti-Vibrate Laser Gaming Mouse/XL-747H
    بواسطة EL-MARIACHY في المنتدى الأرشيف
    مشاركات: 63
    آخر مشاركة: 08-04-2011, 18:19

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •