رد مع اقتباسيجب بعد عملية إعادة تركيب نظام التشغيل أن تقوم بترقية نظام التشغيل الترقيات التي يتم تنزيلها من مايكروسوفت، كذلك يجب أن تقوم بترقية تعريفات الهاردوير.
السلام عليكم ورحمة الله وبركاته
ها انا معكم فى مشكله جديده مع (مغامرات جهازى فى الفضاء )
دالوقتى كان عندى مشكله من عامين كنت بسطب لعبه تحديدا كونكر اونلين وبفك ضغطها وره وحده قيت الجهاز وكانك بتصور فيلم بس ماشى بيقطع بمعنى انى اجى احرك الماوس الماوس يمشى مقطع واجى افتح الجهاز من جديد مثلا صوت الويندوز نفسه يقطع وبطىء شديد جداااا فى الاداء لدرجة انى اديت جهازى لواحد صحبى قالى غير الهارد وبالفعل المشكله (خفت ) مش اتحلت بمعنى انى لما بعمل شغل تقيل الى حد ما الماوس بيتقل تانى وبيتحرك ببطىء شديد لكن بمجرد ما بخلص اللى بعمله سواء فحص بالكاسبر او بعمل فحص لقنوات الستالايت التقل بيخف وبيرجع لطبيعته
للعلم المشكله دىقبل ما اغير الهارد كانت بتنحل لما اغير النسخه لكن بعدهاوعند اول load على الجهاز بتحصل المشكله ومش بتنحل الا لما اغير النسخه
الهارد حاليا جديد ومفيش فيه اى مشاكل عملت فحص للرام من برنامج Memtest وايضا من ويندوز 7 ومفيش اى اخطاء الحمدلله كارت الشاشه 512 (7300) للعلم هو 128 وبيرفع لى 512 من خلال Terpo cache TC وفى ناس قالتلى ممكن يكون العيب منه حاجه كمان انا فضلت شغال على درجة حراره للبروسيسور 70-95 فتره طويله ومن غير ما اخد بالى وخدت بالى بعدها بفتره بس ظبطه وهو شغال مفيش مشاكل بس المشكله موجوده وهو من نوع pentium 4 (3G cash 2m)
البورده gigabyte 945 PL S3
ارجو من الاخوه الافاده والحمدلله المشكله القديمه بتاعة سرعة النت اتحلت على ايديكم بفضل ربنا اولا ثم بفضل خبراتكم يارب المره دى كمان ربنا يوفقكم معايا :ah4:
يجب بعد عملية إعادة تركيب نظام التشغيل أن تقوم بترقية نظام التشغيل الترقيات التي يتم تنزيلها من مايكروسوفت، كذلك يجب أن تقوم بترقية تعريفات الهاردوير.
السلام عليكم
اولا :
اشكرك اخى الكريم دا شرف ليا انك بنفسك ترد عليا
ثانيا اخى الكريم بالنسبه للتعريفات انا مسطبها باخر تحديثات نزلتها من على مواقعها ومش كفايه كده عندى برنامج driver professional genuius جبلى كام تعريف اضافى لل chipset و usb حجات بسيطه يعنوللاسف المشكله موجوده
وده طبعا من فتره ودا اللى خلانى استبعد موضوع التعريفات
ثانيا انا بفكر حقيقى اتخلص منه لانه مشاكله بقت كتير وهو عمل اللى عليه وزياده بقاله 5 سنين تقريبا متقفلش غير يادوب لما الكهربا بتقطع فا انا عذره وبفكر حاليا اشترى واحد برنا يسهل بس اتمنى لو فى عند حضرتك او اخواتى فالمنتدى اى اقتراحات ميبخلوش عليا بيها ولكم جزيل الشكر
أخي مشكلتك تتمحور حول الأسباب التالية...
1/ استخدامك لمزوّد طاقة انخفضت قدرته ولم يعد يؤمن الإمدادت الكافيّة من الطاقة لمكونات الجهاز، أو استخدام مزوّد طاقة تجاري أيضاً يتسبّب في ارتفاع شامل لكافة المكونات وأهمّها المعالج، أيضاً قد يتسبّب بأضرار بالغة للقرص الصلب كتشكّل القطاعات التالفة.
2/ الحرارة، قم بالتأكد من تنظيف مشتّت المعالج من الغبار والأتربة، الأفضل فكّه وتنظيفه ثمّ إعادة تركيبه بعد التخلّص من المعجون القديم المحترق (الموجود على سطح المعالج وقاعدة المشتّت بقليلٍ من الكحول) واستبداله بآخر جديد، بعد ذلك ارفق لنا صورة EVEREST لتبويب استشعار الحرارة، أيضاً صورة لبرنامج CPUID HWMonitor للتأكد أكثر من التطابق في الحرارة وقيم الجهد.
3/ القرص الصلب، لكن مادام أنّه جديد ومتأكد من خلّوه من أيّة مشاكل !، فقد يكون السبب في كبل البيانات، قم باستبداله بآخر جديد ولا بأس من تغيير المقبس الذي يرتبط من خلاله باللوحة الأم، حبّذا لو تقوم بعمل اختبار للقرص ببرنامج HD Tune وترفع لنا صورة لنتيجة الاختبار مع صورة من خلاله لحالة القرص من خلال التبويب Health، أيضاً تأكد من الـCurrent Transfer Mode أي وضعيّة النقل الحاليّة للقرص الصلب أنّها على الوضعيّة UDMA5 Mode وليس PIO Mode وذلك من إدارة الأجهزة Device Manager، كما هو موضّح في الصورة.
4/ تطبيق برمجي خبيث (فايروس) يتسبّب لك بهذه المشاكل من بطء وتجمّد، احرص على فحص كامل القرص الصلب بمضاد فايروسي قوي محصّن بقاعدة بيانات محدّثة.
سؤال جانبي : ألم تصادفك شاشة الموت الزرقاء BSOD إطلاقاً ؟؟.
السلام عليكم
شكرا لك اخى bigmaster على سرعة استجابتك وربنا يباركلك فى علمك
بالنسبه للباور سبلاى انا فعلا غيرته من فتره لكن المشكله زى ماهى
بالنسبه للحرارة انا استخدم برنامج sensorsview ودرجة حرارة المعالج 27 والماكس 30 او 35 سرعة دوران المروحه الحالى 1600 وعند الذروه بتوصل لى اكثر من 3000
درجة حرارة كارت الشاشه 50 والهارد دسك حرارته 31
بالنسبه للفيروسات انا سطبت 4 او 5 برامج متتاليين مش مع بعض لعمل الفحص وكانت فيه 2 فيرس فقط طلعهم الكاسبر ودول كانو عاملين مشاكل فعلا فى سرعة النت والحمدلله اتحلت
البرامج اللى سطبتها هى Kasper AV - spyware doctor - avira -avast وطبعا الفايروول ثابت وهو comodo وحاليا انا مسطب النود لان للاسف المشكله دى مسببالى بطىء خاصة مع الكاسبر
بالنسبه لشاشة الموت الزرقاء فعلا ظهرت عدة مرات عند التحميل على الجهاز ومكنتش عارف ايه السبب لدرجة انى شكيت فى الرام غيرتها وبرضه المشكله موجوده قولت ممكن علشان كارت الستالايت ممكن يكون غير متوافق مع البورده او احد المكونات الاخرى وعلى فكره هى بتظهر فقط على نسخة السفن اما الاكس بى تمام مفيش مشاكل
بالنسبه لخيار transfer mode للهارد انا للاسف شغال على نسخة 7 ومش قادر اول للخيار ده يكون لك الشكر لو افدتنى بالخطوات
وشكرا جزيلا لك اخى وانا ممكن اخدلك صور للحرارة للجهاز بالفولتات ببرنامج sensorsview دالوقتى بس انا رديت بسرعه علشان الحقك قبل ما تقفل ههههه
مستنى راى حضرتك فى ردى عليك ولك جزيل الشكر
أخي الكريم، لو تستطيع تعطل تقنية TurboCache للبطاقة الرسومية وتجرب جهازك بعد ذلك.
السلام عليكم
اخى bigmaster
حملت برنامج HD tune ولقيت فيه مشكله فى Health وهو السطر الاخير من الفحص Ultra DMA CRC error cont
بالنسبه للاخطاء لا يوجد اخطاء بالهارد كل المربعات خضراء فى الفحص (Error scan)
ودى بعض الصور
درجات الحرارة من برنامج سينسور
ــــــ
HealTH
ـــــــــــــ
بالنسبه للاختبار ده كان المؤشر بينزل لتحت مره وحده وبيكمل عادى وكان بيتراوح سرعة الوصول 18 -16 وهكذا
ــــــــــ
للعلم انا غيرت اماكن وصلة الساتا وده افضل مخرج حصلت منه على سرعة استجابه
معلومه اخى الكريم :
انا الباور سبلاى بتاعى 240 فولت input
امكانيات جهازى كالتالى
معالج pentinm 4 (3) G (2m) cache
بورده GA 945PL S3
كارت شاشه Nvidia geforce 7300 LE 512m
رام 2 جيجا واحده من نوع dynet جيجا و2 كل وحده 512 من نوع Xtreme
بالاضافه للهارد ومواصفاته كالتالى
بالاضافه الى 3 مراوح 2 حجم صغير وواحده حجم كبير تقريبا 15*15 سنتى
دا ممكن يكون سببه قلة الطاقه ؟
مع العلم انى مكنتش موصل اى مراوح قبل كده انا موصلهم من قريب وبرضه كانت المشكله موجوده
رد: انهيار شبه كامل لاداء الجهاز حتى بعد تغيير نسخة الويندوز عدة مرات وبعد شراء هارد
السلام عليكم اخى الكبير محمد مدير الموقع
للاسف مقدرش اعطل الخاصيه الكارت انا شاريه من فتره كبيره وهو بيرفع اوتوماتيك فى حالة الالعاب فقط اما فى الوضع العادى بيشتغل بطبيعته
عامة مرفق مع الاسطوانة برنامج تظبيط اعداداته اوتوماتيك وفيه وضعين الوضع العادى ووضع الالعاب لضمان الامان
لو فيه اى حاجه ممكن تفيدنى بيها انى اعملها قولى وانا انفذ وراك الخطوات والف شكر لك معلش انا تاعبكم معايا بس والله غصب عنى ودا العشم فى اخواتى الكبار
إذا كان في القرص الصلب مشكلة يجب عملى chckdsk للتخلص من الباد سكتور
لا اخى محمد كله تمام مفيش اى باد سيكتور المشكله بالصوره وتفاصيلها تحت لتاكيد نوع المشكله باللون الاصفر:
اما عن الباد سيكتور الحمدلله مفيش وتم الفحص اكثر من مره بى Chkdsk & HDD regenerator وبرامج اخرى من اسطوانة هيرنز الشهيره
أخشى أن تكون هذه نفس المشكلة التي لدي مع أقراص SATA1 والتي جائت سيئة التثبيت في الكابلات، الكابل الخاص بها سيء التركيب في كلا من المذربورد والقرص الصلب....
من بعد إذن شيخنا الفاضل، بارك الله لنا فيه
ماشاء الله عليك أخي مصطفى، أوّل مرّة أرى هذا التجاوب الكبير من عضو يعاني من مشكلة، بارك الله فيك على هذا التوضيح الشامل سعياً للوصول إلى حلٍّ لمشكلتك
أوّلاً : يبدو لي أنّ درجات الحرارة جيّدة جدّاً.
ثانياً : بالنسبة لمزوّد الطاقة فإن كان من نوعيّة تجاريّة فالأفضل استبداله بآخر من شركة معروفة، كمزوّد HEC باستطاعة 350W.
ثالثاً : بالنسبة لشاشة الموت الزرقاء مع ويندوز 7 فقط، فواضح أنّ سببها تعريف غير متوافق مع عتادٍ ما (إن استبعدنا الذواكر على اعتبار أنّك متأكد %100 من سلامتها) وهو على الأغلب كرت الستالايت، راجع هذا الرد واتبع ماورد فيه...
https://www.arabhardware.net/forum/s...74&postcount=8
رابعاً : الأفضل أخي بالنسبة للفايروسات هو فحص شامل للقرص الصلب بحثاً عنها بواسطة مضاد محدّث، حيث أنّ استخدام المضادات الغير محدّثة لن يفيدك في شيء ووجودها كعدمها في الحقيقة في هذه الحالة، ابحث في الشبكة العنكبوتيّة عن برنامج AVG Internet security 9.0 (الاصدار الكامل وليس المجاني) وقم بتحديث قاعدة بياناته ومن ثمّ الفحص (استخدمه حاليّاً مع ويندوز 7 محدّث حتّى تاريح اللحظة ولم أعانٍ من أي فايروسات منذ زمنٍ طويل والحمدلله)، أو عليك بفك القرص الصلب وفحصه عن طريق جهاز آخر يحتوي على مضاد فايروسي محدّث وموثوق.
خامساً : أود أن أطمئنك إلى أنّ القرص الصلب لديك لا يعاني من أيّة مشاكل فقط عليك بتغيير كبل البيانات بآخر سليم، أهمل التنبيه الذي أعطاك إياه برنامج HD Tune فلا مشكلة من وجوده (عبارة عن إحصاء لأخطاء في عمليّات النقل قد تكون ناتجة من استخدام كبل بيانات يعاني من مشكلة ما).
سادساً : استخدام نظام تشغيل كويندوز 7 مع جهاز بالمواصفات التي ذكرتها سيؤدي إلى بطئٍ في أداء النظام وربّما الجمود اللحظي نظراً لضعف البطاقة الرسوميّة مع واجهة Areo (الأفضل استخدام واجهة ويندوز الكلاسيكيّة) بالإضافة إلى ضعف المعالج.
سابعاً : أنصحك أخي باستخدام برامج صيانة ويندوز بشكلٍ دوري لتصحيح الأخطاء والتخلص من المشاكل وإلغاء تجزئة القرص الصلب إن استدعت الحاجة لذلك، أرشّح لك برنامج TuneUp Utilities 2011 لذلك من خلال استخدام أداته TuneUp 1-Click Maintenance.
ثامناً : أخي هل أنت متأكد من مدى توافقيّة الذواكر مع بعضها ؟؟، بصراحة لم أفهم منك تماماً تفصيلها الذي ذكرته !..
رام 2 جيجا واحده من نوع dynet جيجا و2 كل وحده 512 من نوع Xtreme
اشكرك اخى بيج ماستر على الشرح الوافى بالنسبه لمضادات الفيروسات اللى نزلتها كلها كانت محدثه فقد قمت بتحديثها واستمريت بكل برنامج يومين وغيرته لكى انزل غيره وهكذا
بالنسبه للرام انا عندى 3 شرائح 2 من نفس النوع سعة كل واحده 512 ميجا وهى من نوع xtreme والاخيره من نوع dynet وهى واحد جيجا الباص للثلاث رامات واحد هو 533 مع العلم لما حصلت المشكله كنت شغال فقط بى 2 رام الاوائل اللى هما 512 ودول زى بعض بالظبط ومشغلهم dual channel لحد ما حصلت المشكله اضطريت اجيب الثالثه اللى هى 1 جيجا
بالفعل عندك حق من ناحية بطىء ويندوز سفن نوعا ما انا عندى على نظام الاكس بى سريع جدا ومع الالعاب بالرغم من المشكله الا انها الى حد ما مرضيه
بالنسبه لبرامج الصيانه الدوريه عندى بالفعل tuneup utilites وايضا windows manager وايضا windows doctor وايضا rigstery Booster 2010 وببدل فيهم كل اسبوعين او 3 بالاضافه لبرنامج ashampoo magical defrag v3 ويوميا بيتم تنظيف الجهاز من اى مخلفات او ملفات مجزئه وعلى فكره من ساعة ما جبت الجهاز وانا مهتم بيه ومعرفش المشكله دى سببها ايه بجد الوحيد اللى كنت مهمل فيه البروسيسور لانى مكنتش بفتح الكييسه خالص
بالنسبه للمشكله بتاعة crc بالفعل دخلت على موقع اجنبى وعرفت انها زى ما حضرتك قولت بيكون تسلم او استلام بيانات بالخطأ وهى موجوده ومش هتروح لانها وقعت فعلا انما المهم اخد بالى منها بعد كده ولازم اغير كابلات الداتا والمشكله بتكون بسبب ضعف فى التيار او ضوضاء جنب الجهاز (اهتزاز مثلا ) ودا على حسب كلام الكاتب وفعلا انا استبعد موضوع المشكله دى انها تكون هى السبب لانى كمان نزلت برنامج active smart وادانى كل النتائج ايجابيه ومفيش اى مشاكل
كده باذن الله هغير الباور سبلاى وكابلات الداتا وهنزل avg AV مع كومودو فايروول وربنا يسهل ولو مكنش كده هبقى اخد رايكم فى شراء جهاز جديد وهقولكم على الميزانيه وانتم بخبراتكم اتمنى تفيدونى فى الصواب والافضل
ومعلش يا اخى بيج ماستر ويا اخى محمد واجع دماغكم من الصبح اخوكم الصغير بقى استحملونى ههه
الف شكر ليكم ويارب اقدر ارد جزء من مجهوكم ده وبجد موقع جبار سواء باعضاءه او مواضيعه ربنا يباركلكم ويزيد من علمكم وينفع بيكم الامه
العفو أخي الفاضل، كم أتمنى صراحةً أن يتمّ التجاوب من الكافّة كما ورد التجاوب منك بهذا الشكل المفصّل والموضّح
لا داعي للجدار الناري فنسخة الـAVG Internet Security تحتوي عليه وحتّى لا يؤدي وجود البرنامجين إلى أي تعارض، للمعلوميّة من المعروف أنّ الجدران النارية تتسبّب في بطء محسوس لأداء ويندوز وخاصّةً مع الأجهزة ذات المواصفات القديمةكده باذن الله هغير الباور سبلاى وكابلات الداتا وهنزل avg AV مع كومودو فايروول وربنا يسهل
لا وجع دماغ ولا حاجة بالعكس تماماً فلو أحدٌ غيرك كانت وصلت عدد صفحات مشكلته إلى ما شاء الله بسبب عدم تجاوبه الكامل مع الأسئلة أو اهماله في الأخذ بالنصائح، على العموم أهلاً وسهلاً بك بيننا أخي مصطفىومعلش يا اخى بيج ماستر ويا اخى محمد واجع دماغكم من الصبح اخوكم الصغير بقى استحملونى ههه
العفو أخي العزيز، لا شكر على واجب، تحيّاتي لأهلنا في الصومال الشقيقالف شكر ليكم ويارب اقدر ارد جزء من مجهوكم ده وبجد موقع جبار سواء باعضاءه او مواضيعه ربنا يباركلكم ويزيد من علمكم وينفع بيكم الامه
المشاركة الأصلية كتبت بواسطة bigmaster
العفو أخي الفاضل، كم أتمنى صراحةً أن يتمّ التجاوب من الكافّة كما ورد التجاوب منك بهذا الشكل المفصّل والموضّح
لا داعي للجدار الناري فنسخة الـAVG Internet Security تحتوي عليه وحتّى لا يؤدي وجود البرنامجين إلى أي تعارض، للمعلوميّة من المعروف أنّ الجدران النارية تتسبّب في بطء محسوس لأداء ويندوز وخاصّةً مع الأجهزة ذات المواصفات القديمة
لا وجع دماغ ولا حاجة بالعكس تماماً فلو أحدٌ غيرك كانت وصلت عدد صفحات مشكلته إلى ما شاء الله بسبب عدم تجاوبه الكامل مع الأسئلة أو اهماله في الأخذ بالنصائح، على العموم أهلاً وسهلاً بك بيننا أخي مصطفى
العفو أخي العزيز، لا شكر على واجب، تحيّاتي لأهلنا في الصومال الشقيق
لا يا اخى انا مش صومالى اخوك مصرى هههههه بس بحب اهيس شويه
وبالنسبه للجدار النارى عندك حق الكومود تقيل حبتين باذن الله بجرب وبفيدكم بالنتيجه لو فيه اى جديد
فى امان الله
ضوابط المشاركة
المفضلات