النتائج 1 إلى 10 من 10

الموضوع: Systems Administrator من فضلكم أريد إجابه ضروري (MCSA &MCSE)

  1. #1
    عضوية جديدة
    تاريخ التسجيل
    Jul 2009
    المشاركات
    14
    معدل تقييم المستوى
    0

    Systems Administrator من فضلكم أريد إجابه ضروري (MCSA &MCSE)



    السلام عليكم ورحمه الله وبركاته

    بارك الله فيكم وجزاكم عني وعن المسلمين خير الجزاء

    لي إستفسار أرجو من الله أن تفيدوني فيه بارك الله فيكم

    أنا متقدمه لوظيفه مكتوب فيها الأتي

    مدير نظم

    الوصف
    1_تجهيز الخوادم لكل من التطبيقات Application Servers وقواعد البيانات Database servers وتحديد آليه إستخدام الخوادم وصيانتها

    2_تأمين الخوادم والأجهزه بالمشروع من الفيروسات

    3_عمل نسخ إحتياطيه لأنظمه الخوادم

    4_عمل دومين لأجهزه المشروع الموزعه في كليات الجامعه وإعطاء صلاحيات المستخدمين عليها وتنظيم عمليه المشاركه بينهم

    5_تحديث موقع المشروع

    Setting up user accounts#

    adding and configuring new workstations#

    installing system-wide software#

    Performing procedures to prevent the spread of viruses#

    Allocating mass storage space#

    ففيه ناس قالتلي إنتي لازم علشان تعدي من الإنترفيو تكوني مذاكره كورس MCSE فأنا مش عارفه هل ده صح أو خطأ

    وحاولت فعلا أنزل الكورس من هنا نزلت حاجات بس حاسه إني تايهه جدا ومش عارفه الكورس يبدأ من أين وينتهي أين أشعر أنه غير منظم مثل كورس الشبكات يعني مثلا في مذاكره الشبكات بدأت بال N+ وبعدها أكيد CCNA وبعدها CCNP وهكذا ولإن في دراستي (هندسه إتصالات وإليكترونيات) كان عندي فكره عن الشبكات فموضوع الشبكات واضح جدا بالنسبه لي

    لكن بالنسبه للــ MCSE مش عارفه أيه البدايه الصح ليه سمعت إني لازم أكون فاهمه كويس اوي في البدايه N+ طيب وبعدين حملت الـMCSE لكن ملخبط أوي ومش عارفه فين بدايته وكل ما أفتح فيديو ألاقيه بيتكلم على حاجات شارحها قبل كده فمش عارفه أعمل أيه أو أبدأ منين

    وهل فعلا الوظيفه بالمواصفات دي متطلبه الكورسات دي ولا أنا بعدت عنها ولا أيه

    ياريت لو فيه حد عنده خبره ويقدر يفيدني ضروري ربنا يكرمكم ولو فيه روابط مهمه هنا لمواضيع تفيدني ياريت يضعها في رده بارك الله فيكم

    لإن المقابله الشخصيه بتعاعتي 2/12 يعني الخميس اللي بعد الجاي وربي ييسر والله المستعان


    وأعتذر للإطاله

    تقبلوا مني فائق الإحترام والتقدير

  2. #2
    عضو
    تاريخ التسجيل
    Jul 2008
    المشاركات
    100
    معدل تقييم المستوى
    0

    رد: Systems Administrator من فضلكم أريد إجابه ضروري (MCSA &MCSE)

    شوفي يا اختي.الوظيفه التي انت تقدمتي عليها أي نعم تخص علم الشبكات ولاكنها حصرا لل MCSE و ال MCITP يعني ال N+ و ال CCNA ما الهم دخل ابدا بوظيفتك ,لحسن حظك اختي متتطلبات وظيفتك ماهي الا مدخل لل MCSE يعني بدايه لها وهي بسيطه جدا, المطلوب منك كالتالي :

    دراسه المدويل الاول و هو Microsoft Windows Server 2003 و رقمه 70-290 و ستجدين ضالتك باذن الله

    بالتوفيق و اي سؤال انا جاهز

  3. #3
    عضوية جديدة
    تاريخ التسجيل
    Jul 2009
    المشاركات
    14
    معدل تقييم المستوى
    0

    رد: Systems Administrator من فضلكم أريد إجابه ضروري (MCSA &MCSE)

    جزاكم الله كل خير

    طيب ممكن من فضلكم لو فيه روابط على الموقع من أين لي أن أجدها

    أنا نزلت حاجات كتيره للـ MCSE ولا أعرف الفرق بينها وبين الـ MCITP وأيه حكايه الرقم ده معذره لم أفهمه 270-90 ودائما أري هذه الأرقام ولا أفهم منها شئ؟؟؟!!

    وسامحوني لكثره تساؤلاتي لإني أول مره أذاكر شئ يخص هذه الكورسات بارك الله فيكم

  4. #4
    عضوية جديدة
    تاريخ التسجيل
    Jul 2009
    المشاركات
    14
    معدل تقييم المستوى
    0

    رد: Systems Administrator من فضلكم أريد إجابه ضروري (MCSA &MCSE)

    طيب أنا وأنا ببحث عرفت إن الأرقام دي أرقام إمتحانات

    طيب إزاي حضرتك حددت الرقم ده باللذات وليه windows server 2003

    معلش ممكن يكون سؤال غبي بس محتاجه أفهم

    بورك فيكم

  5. #5
    عضو
    تاريخ التسجيل
    Jul 2008
    المشاركات
    100
    معدل تقييم المستوى
    0

    رد: Systems Administrator من فضلكم أريد إجابه ضروري (MCSA &MCSE)

    حيااكي اختي,انا خترت هذا الرقم لأنه يحتوي على كل تفاصيل عملك الجديد,من تنصيب الويندوز و عمل دومين عليه و ادارته و اداره الارصده و المستخدمين فيه و كذللك يشرح بالتفصيل عن موارد الشبكه,الفرق بين الMCSE و ال MCITP هو ان الاوله لل 2003 و الثانيه لل 2008
    تانبعي الرابط اختي:

    http://www.arabhardware.net/forum/sh...d.php?t=182610

    حملي الكورس رقم اثنان و ادرسيه جيدا جيدا و توكلي على الله

    و أي سؤال انا جاهز

  6. #6
    عضو الصورة الرمزية Mahmoud_Khalil
    تاريخ التسجيل
    Jul 2008
    المشاركات
    315
    الدولة: Egypt
    معدل تقييم المستوى
    10

    رد: Systems Administrator من فضلكم أريد إجابه ضروري (MCSA &MCSE)

    بسم الله الرحمن الرحيم

    اختى فى الله أشعر من طريقة كلامك بقلق وخوف من المقابلة وشعور بأنك تائهة ..

    هونى عليكى اختى الكريمة فالموضوع بسيط جدا فتوكلى على الله واطمئنى وسوف اقوم فى هذا الرد ان ابسط لكى الموضوع على قدر المستطاع لكى يتثنى لكى الاستيعاب لمهام وظيفتك ومن اين تتدرسى كيفية القيام بهذة المهام ونتوكل على الله:

    فى البداية مجال الشبكات هوة مجال شيق جدا وممتع للمذاكرة وللعمل ولنتفق على شى من البداية ان لا يوجد فروق بين مفهوم الشبكات على اجهزة سيسكو او سيرفرات ميكروسوفت او لينكس او غيرهم.

    فمفهوم الشبكات مفهوم واحد فى العالم كله ولكن الاختلاف فى طريقة تطبيقة فى الواقع العملى بمعنى ان مفهوم ال Routing واحد فى كل كتب ال Communication ولكن طريقة ال Implemmentaion او ال Configuration هيا التى تختلف اذا كنتى سوف تطبقيها على Cisco Router او Microsoft Server بيقوم بخدمة Routing Service..

    وكلامى دة علشان اقولك انتى مش هتدرسى علم جديد بالكامل ولكن هوة نفس العلم الذى درستى جزء منه فى الكلية ودرستية فى+ CCNA , CCNP & Network فسوف تدرسى نفس المفاهيم ولكن كيف تطبقيها على سيرفرات ميكروسوفت.

    ومن خلال مشاركتك ومهام الوظيفة التى قمتى بسردها فهى تتركز على ادارة سيرفرات ميكروسوفت وهنا البداية ....

    بما ان مفهوم الشبكات موجود عندك فهذة الخطوة سوف تركز على كيفية تطبيقها على سيرفرات ميكروسوفت ولمعرفة هذة الاشياء عليكى بدراسة كورس MCSE او MCITP وهذان القرصان هما قرصان من ميكروسوفت الاول:
    MCSE وهوة كيفية تصميم وادارة سيرفرات ميكروسوفت تحديدا Microsoft Windows Server 2003
    الثانى :
    MCITP وهوة كيفية تصميم وادارة سيرفرات ميكروسوفت تحديدا Microsoft Windows Server 2008

    والفروق بين 2003 و 2008 قليلة ولا يوجد اختلافات كثيرة وانصحك بدراسة MCSE on Windows Server 2003 لانه سوف يفهمك الدنيا شغالة ازاى على 2003 ولو قابلتى Server 2008 هتقدرى تشتغلى بردة وايضا لان هذا القورص وهوة MCSE هوة الى موجود شرح له بالكامل على المنتدى.

    كل الكلام السابق دة علشان افهمك الدنيا فى ميكروسوفت شغالة ازاى ندخل بقة على الروابط والفيديوهات الى هتتعلمى من خلالها ازاى بقة تقومى بالمهام الى مطلوبة منك فى الشغل بتاعك .

    كورس ال MCSE متقسم لاكتر من امتحان وكل امتحان له رقم زى مانتى عرفتى فى المشاركة الى قبل كدة ولكن لا تشغلى نفسك بارقام الامتحانات حاليا ولكن ركزى ازاى تتعلمى وتنفذى الى بتشوفية فى الفيديو .

    زى مقولنا الكورس متقسم لكذا امتحان او كذا تراك يعنى بعد متزاكرى المطلوب منك فى كل امتحان هتحسى انك فهمتى الموضوع شوية ولما تدخلى على التراك الى بعدة او شرح الامتحان الى بعدة هتفهمى اكثر لغاية متوصلى لنهاية القورص هتلاقى نفسك فهمتى كل حاجة وجاهزة انك تدخلى الشغل من بكرة لو حبيتى .

    انا ممكن اجبلك فيديو لكل مهمة من الى مطلوبين منك هتتعلمى ازاى تعملية ولكن هتحسى انك تايهة لانك هتاخدى على راى المثل من كل فيلم اغنية يعنى مش هتبقى مرتبة المعلومة بتاعتك فبالتالى هتتوكلى على الله وتبدأى من بداية القورص واحدة واحدة كدة لغاية متوصلى لنهايتة هتلاقى نفسك فى النهاية خلصتية وعلى فكرة متفكريش انه كبير انتى لو بداتى من دلوزتى واخدتى الموضوع بجدية هتقدرى تخلصى قبل الميعاد الى انتى قولتى علية بتاع المقابلة وكمان هتستفادى جدا من دراستك الكورس كله بالترتيب لان دة هيفرق معاكى فى الانترفيو كمان هتحسى بفرق شاسع فاتفضلى دى رابط الكورس :


    الكورس عبارة عن تراكات زى ماتفقنا فى اول الكلام اول تراك الى هوة بيشرح فية كيفية ادارة شبكة مكونة من اجهزة XP وبيقوم بادارتهم جهاز علية Server 2003
    يعنى كيفية تنزيل XP على جهاز ال Client وكيفية تنزيل Server 2003 على الجهاز الى هتعملية Server وازاى تعملى Share او مشاركة للملفات بين الاجهزة وازى تعملى نسخ احتياطية من الملفات المهمة وشغل الشركة وكيفية ادارة الموظفين والمستخدمين واعتقد ان هذا التراك مركز جدا على المهام الى انتى زكرتيها فى مشاركتك.

    تانى تراك بيشرح ال Infrastructure يعنى حاجات زى الى درستيها فى CCNA زى ال Routing وال DHCP وال DNS وهكذا ولكن كيفية تطبيقهم بقة على سيرفرات ميكروسوفت

    والتراك الى بعدة الى هوة Active Directory بالتفصيل بقة يعنى لما يبقة فية اكتر من فرع للشركة وعايزة تخالى الاجهزة الى فى الفروع التانية تحت سيطرتك هتعملى اية وهكذا

    والتراك الى بعدة بيشرح ال ISA ودة هوة ال Firewall الى Microsoft عاملاة يعنى ازاى تحمى الشبكة بتاعتك وتتحكمى مين يخرج على الانترنت ومين ميخرجششى نفس بالظبط مفهوة اى Firewall درستية فى سيسكو زى ال ASA .

    والتراك الى بعدة وهوة ال Exchange Server ودة عبارة عن منتج من منتجات ميكروسوفت ازاى من خلالة تعمل اميل للشركة وللموظفين بتوعك باسم الشركة يعنى مثلا لو انتى شغالة فى شركة اسمها ABC وعندك موظف اسمة Mamoud Khalil يبقة الاميل بتاعةMahmoud_Khalil@abc.com وهكذا.

    وعلى فكرة المهام الى انتى قولتى عليها شرحها تحديدا فى اول تراك الى هوة XP & Server

    بس انا بنصحك يعنى تدرسى القورس من اولة علشان تبقة معلوماتك مترتبة وفاهمة كويس متحسيش انك فاهمة بس فية حاجة بردة ناقصة وانتى مش عارفة اية هيا...

    اتمنى اكون قدرت اوضحلك الموضوع وابسطة واعتذر للأطالة .

  7. #7
    عضوية جديدة
    تاريخ التسجيل
    Jul 2009
    المشاركات
    14
    معدل تقييم المستوى
    0

    رد: Systems Administrator من فضلكم أريد إجابه ضروري (MCSA &MCSE)

    micro0me & Mahmoud_Khalil

    بارك الله فيكم

    جزاكم الله كل خير على الإهتمام وفهمت بفضل الله الفكره العامه

    بفضل الله هذا الكورس هو موجود معي بالفعل والرابطين أظن أنهم كورس واحد للـ م/ أحمد سرحان وهو طويل جدا سأكتفي به لضيق الوقت والله المستعان

    وأبشركم لكرم أخلاقكم

    عن أبي هريرة رضي الله عنه قال : قال رسول الله صلى الله عليه وسلم : ( من نفس عن مؤمن كربة من كرب الدنيا ، نفس الله عنه كربة من كرب يوم القيامة ، ومن يسّر على معسر ، يسّر الله عليه في الدنيا والآخرة ، ومن ستر مؤمنا ستره الله في الدنيا والآخرة ، والله في عون العبد ما كان العبد في عون أخيه ، ومن سلك طريقا يلتمس فيه علما ، سهل الله له به طريقا إلى الجنة ، وما اجتمع قوم في بيت من بيوت الله يتلون كتاب الله ويتدارسونه بينهم ، إلا نزلت عليهم السكينة ، وغشيتهم الرحمة ، وحفتهم الملائكة ، وذكرهم الله فيمن عنده ، ومن بطّأ به عمله ، لم يسرع به نسبه ) رواه مسلم .

    أسألكم الدعاء بالتوفيق

  8. #8
    عضوية جديدة
    تاريخ التسجيل
    Jul 2009
    المشاركات
    14
    معدل تقييم المستوى
    0

    رد: Systems Administrator من فضلكم أريد إجابه ضروري (MCSA &MCSE)

    السلام عليكم

    معذره

    فيه حاجه صغيره نسيت أقولها

    في مشاركتي الأساسيه الأولى كنت ذكرت سيره كورس الشبكات أنه مفهوم بالنسبه لي كيف أبدأه وكيف أنهيه أبدأه بالـ N+ وأنهيه بالـ CCNP

    لكي توضحوا لي كيف لي أن أبدا بدايه منظمه أيضا في الـ MCSA كبدايتي في الشبكات

    ولم أكن أذكره على أساس أني درست كل هذه الكورسات لكن كنت بدأت في الـ N+ ولم أنهه وإستمعت بعض الدروس في الـ CCNA لكن كانت كل الأمور واضحه لي لأني درست معظمها

    فهل أفهم من كلام حضرتك في المشاركه الأخيره أني أحتاج إلى أنني أنهي كورس الشبكات لكي تكون المفاهيم واضحه لي على سيرفرات ميكروسوفت أم أنه ليس بالضروري وستتضح الأمور لي من خلال مذاكرتي للـ MCSE وفقط

  9. #9
    عضو فضي الصورة الرمزية internetworld
    تاريخ التسجيل
    Jul 2008
    المشاركات
    1,735
    الدولة: Egypt
    معدل تقييم المستوى
    14

    رد: Systems Administrator من فضلكم أريد إجابه ضروري (MCSA &MCSE)

    ابدا بالدراسهMCSE مباشرة واى شيء تجدينه صعب عليك فهمه فقط مجرد السؤال وبعون الله تجدى الاجابه

  10. #10
    عضوية جديدة
    تاريخ التسجيل
    Jul 2009
    المشاركات
    14
    معدل تقييم المستوى
    0

    رد: Systems Administrator من فضلكم أريد إجابه ضروري (MCSA &MCSE)



    جزاكم الله كل خير

    أنا فعلا إستمعت للكورس والباش مهندس أحس أنه يكلم حتى الناس المبتدئه بفضل الله الأمور حتى الأن واضحه

    وأي سؤال أكيد هسألكم

    إن شاء الله

المواضيع المتشابهه

  1. MCSE CCNA PMP , Systems Administrator with 5 years experience required job
    بواسطة nwar87 في المنتدى منتدى الشهادات العام
    مشاركات: 0
    آخر مشاركة: 01-02-2012, 05:41
  2. MCSE CCNA PMP , Systems Administrator with 5 years experience required job
    بواسطة nwar87 في المنتدى الأرشيف
    مشاركات: 0
    آخر مشاركة: 01-02-2012, 05:39
  3. بخصوص شهادة MCSE ضرورى جدا من فضلكم
    بواسطة tryme_nor في المنتدى منتدى الشهادات العام
    مشاركات: 6
    آخر مشاركة: 06-01-2011, 18:36
  4. من فضلكم اريد هذا الكتاب ( Operating Systems, Fourth Edition )
    بواسطة أبو قتيبة في المنتدى الأرشيف
    مشاركات: 1
    آخر مشاركة: 08-09-2009, 14:45
  5. من فضلكم - مساعدة فى MCSE ضرورى
    بواسطة zuesegy في المنتدى الأرشيف
    مشاركات: 3
    آخر مشاركة: 23-06-2005, 17:21

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •