مساعده فى عمل شبكة

**alinorrider** · 23-11-2010, 12:35

عايز اعمل شبكة لمدرسه
عدد الاجهزه 130 جهاز و3 معامل
ومطلوب عمل ايزا ودومين

المشكله فى مواصفات السيرفرات مش عارف اجيب سيرفرات ايه
وخط الانترنت الى المفروض استخدمه على العدد ده من الاجهزه ؟

واركب كام سويتش؟
يا ريت حد يساعدنى ضرورى

**ahmed_taha** · 24-11-2010, 14:07

هات امكانيات عالية طبعا
هات خط 8 مجيا اذا كان متاح
هات10 سوتشات مثلا كدة 24 بورت
ياريت تقولنا ميزاينة معك كام

**abdalla_atta** · 25-11-2010, 01:14

الاخ الكريم :

انت بتقول انهم 130 جهاز كمبيوتر متقسمين علي 3 معامل

لو كانت السويتشات ال 48 بورت متاحة ليك هتشتري 3 سويتشات "سيسكو او لينك سيس او 3 كوم" في كل معمل هتحط سويتش

وهتختار معمل يكون في منتصف المسافة ما بين المعملين التانيين عشان يكون فيه الروتر الخاص بخدمة ADSL + السيرفر اللي انت هتشريه

سرعة الانترنت اللي انت هتطلبها بتتوقف علي احتياجات المعامل هل الطلبة بيستعملوا الانترنت بشكل مكثف ولا حاجات بسيطة ؟؟؟؟؟

لو حاجات بسيطة انت ممكن تجيب 4 ميجا بت في الاثنية هتبقي مناسبة لو محتاج اكتر اتعاقد علي 6 او 8 او 12 او 16 ميجا بت فب الثانية

لو انت من مصر السرعات دي كلها متاحة من شركة لينك دي اس ال لكن مش كلها متاحة في تي ايه داتا تي ايه داتا بتقدم ال 4 و 8 ميجابت والباقيين مش موجودين فيها

الروتر هيبقي نوعه 3كوم او سبيد توتش او لينك سيس او اي نوع كويس واحد بورت فقط "مش هتحتاج اكتر من كده"وهيكون في المعمل اللي فيه السيرفر

السيرفر هتجيب اكيد مواضفات عالية اان اسمع ان ال HP بيبقي كويس قوي بس برضه اتاكد من حد شغال فيهم لان ده مش تخصصي ولو هتشتريه اشتريه من توكيل HP

يبقي كد ه الروتر هيطلع منه كابل واحد للايزا سيرفر والايزا هيطلع منه كابل للسويتش الاول اللي موجود في نفس المعمل اللي فيه السيرفر

المعمل الاول : كده اتغطي انترنت بالكابل من السويتش الاول 48 مكان , لو عاوز تغطيه وايرليس يبقي تشغل اكسيس بوينت وتاخد لها وصلة من السويتش الاول برضه وتحطها في مكان في وسط المعمل عشان الاشارة تبقي قوية في كل الاماكن

المعمل الثاني : هياخد وصلة من السويتش الاول "المعمل الاول" عشان يوصله نت , وهو يوزع للاجهزة اللي في المعمل الثاني كلها نت ولو عاوز تعمل اكسيس هتاخدلها كابل من السويتش الثاني برضه وتعلقها بنفس الطريقة

المعمل الثالث : نفس طريقة المعمل الثاني بالظبط

المعامل كلها المفروض انها تكون مكيفة وخصوصا المعمل الاول اللي هيبقي فيه السيرفر

ولو احتجت اي مساعدة كلمنا ونجاوبك علي طول ان شاء الله

محمد أبوحجلة · 25-11-2010, 20:04

أخي أي مساعدة بالدومين أو الأيزا .. أنا إن شاء الله مستعد ...

ولكن ذكرني على الخاص في حال عدم الرد هنا :o

**alinorrider** · 28-11-2010, 10:04

يا جماعه بجد متشكر ليكو كلكم جدا
وجزاكم الله خير
@abdalla_atta : بجد الف شكر لمعلوماتك القيمه

@محمد أبوحجلة: يا باشا شايلينك للكبيره
بس لو ممكن تدينى مواصفات سيرفر كويسه

وكنت برده عايز اعرف هحتاج سيرفرات قد ايه
ويا ترى الاحسن اعمل دومين ولا لأ
والو هعمل دومين اعمل اديشنال ولا بلاش