بخصوص سبب بطء جميع كروت شاشه الحديثه الحل هنا

[LEAGUE]

طبعا فى ناس كتير اشترو من اول كارت شاشه ATI RADEON HD 5670 او GTS 250 لغايه احدث واقوى واعلى كارت شاشه
الهو GTX 560 و ATI RADEON HD 6870 فى بعض ناس كتير بيشتكو من بطء الكارت مع العاب الحديثه ومع التعريف الحديث الهو 10.10 و 10.11 بالاخص لما تشغلو على اعدادات عاليه الكارت والعاب لما تشغلهم على العاب عاليه بيكونو شغالين بطء جامد فى العاب الحديثه السبب والحل انا وصلتلو من المعالج

معظم العاب الحديثه زى ما احنه عارفين هى العاب XBOX 360 ومعموله مينهه نسخه PC وطبعا جهاز XBOX 360 و PS3 المعالج فيهم قوى جدا

طبعا علشان يشتغل الكارت بكل كفاءه وقوه لازم يكون المعالج قوى جدا مدام الكارت حديث انا هكتب كل نوع كارت شاشه بيحتاج بروسيسور ايه علشان يشتغل كامل القوه ويشتغل على اعلى اعدادات فى العاب واعدادات كارت شاشه

كروت شاشه المن اول

ATI RADEON HD 4350 ATI RADEON HD 4550 OR ATI RADEON HD 5450:DUAL CORE OR CORE 2 DUO 1.8 GHZ

ATI RADEON HD 4650 OR ATI RADEON HD 5550 OR ATI RADEON HD 5570:CORE 2 DUO 3.0 GHZ

ATI RADEON HD 4770 OR ATI RADEON HD 4800 SERIES OR ATI RADEON HD 5670: CORE 2 QUAD Q9550

ATI RADEON HD 5700 SERIES: CORE I 3 OR CORE 2 QUAD Q9605
ATI RAEON HD 5800 SERIES: CORE I5
ATI RADEON HD 6800 SEIRES:CORE I7

انا موضح كل معالج يناسبو كارت شاشه ايه من ATI RADEON HD علشان لما الناس تشتيرى كارت وعايزو يشتغل بكامل قوتو بدون مشاكل وعلى اعلى اعدادات يقدر الكارت يشغلهه امكنياتو يعرف يشترى كارت شاشه يناسب المعالج العندو ده هام جدا وموضوع هام

[shark74]

كلام جميل جدا
طيب بالنسبة للوحات الداعمة لمعالجات AMD ممكن نعرف المعالجات المطلوبة ؟

وعموما هو رأي الشخصي ان الكروت العالية تحتاج الي :
1- دعم المعالج لتقنية SSE4 او اعلى
2 - تردد لا يقل عن 3 جيجا هرتز
3 - وجود L3 كاش بالمعالج
4- وجود اكثر من نواة للمعالج
5- وطبعا تكون الرامات المخصصة للمعالج
تكون مساوية او اعلى من سرعة
متحكم الذاكرة الموجود بالمعالج

وهي بالمناسبة :
1066 للكور i3 i5 i7
1066 للأثلون
1333 للفينوم II

هذا والله أعلم

[mohamedpchell]

الهو GTX 560 و ATI RADEON HD 6870 فى بعض ناس كتير بيشتكو من بطء الكارت مع العاب الحديثه ومع التعريف الحديث الهو 10.10 و 10.11

اخي اولا لايوجد بطاقة اسمها 560 حاليا
كما ان سلاسة 500 تابعة ل Nvidia و ارقارم التعاريف اللي كاتبها خاصة ب ATI فقط

معظم العاب الحديثه زى ما احنه عارفين هى العاب XBOX 360 ومعموله مينهه نسخه PC وطبعا جهاز XBOX 360 و PS3 المعالج فيهم قوى جدا

من قال معظم الالعاب
الالعاب التي تكون مأخذوه كبورت من اجهزة Consol تكون ذات اداء ضعيف علي اجهزة PC وذات واجهة رسومية سيئة مثل FIFA في السنوات الماضية
ثانيا سر القوة علي اجهزة الConsol يكون بسبب Software Optimization و ليس فقط بسبب معالجاتها
كما انه توجد مواصفات محدده امام المبرمجين لاتتغير ويتم عليها العديد من الاختبارات
ليس مثل اجهزة PC حيث يوجد تنوع كبير في البطاقات الرسومية و المعالجات .
كما انه قدراتة الرسومية اعلي و يحتاج لجهد كبير لاستخراجها

مانا موضح كل معالج يناسبو كارت شاشه ايه من ATI RADEON HD علشان لما الناس تشتيرى كارت وعايزو يشتغل بكامل قوتو بدون مشاكل وعلى اعلى اعدادات يقدر الكارت يشغلهه امكنياتو يعرف يشترى كارت شاشه يناسب المعالج العندو ده هام جدا وموضوع هام

ما دليلك علي القائمة السابقة اخي و اي اساس بنيت الاختيار
ربما بمعالج ثنائي النواة مع كسر السرعة احصل علي اداء افضل من رباعي
الفيصل هوه اللعبة او التطبيق نفسة هل يحتاج انوية اكثر ام تردد اعلي
وشكرا لك اخي لسعة صدرك

[Mr VERRO]

كلام جميل بس انت معلى البرسسرات اوى مثلا انا عندى HD5750 وشغال بكامل طاقته على E7400 وشغال تمام الحمدلله:D

[mhi00002000]

كلام جميل بس انت معلى البرسسرات اوى مثلا انا عندى HD5750 وشغال بكامل طاقته على E7400 وشغال تمام الحمدلله:D

هل جربت تشغيل نفس البطاقة 5750 مع معالج رباعى من انتل او من amd ؟؟؟ اعتقد لا لانك لو جربت مكونتش رديت الرد دة

[LEAGUE]

انا اولا يا احبائى انا افهم فى انتيل كويس وATI انفيديا و AMD مش اوى كمان التعريفات دى انا عارف انهه لى ATI فقط

ثانيا انا مش جايب الحاجات دى من دماغى انا مجرب على جهازى ومجرب كمان تكسير السرعه لمعالج ثنائى النوا مش بيفرق كتير علفكره وكمان دخلت على مواقع الشركات واتاكد لو تاخد بال حضرتك هتلاقى على موقع انتيل لو دخلت امكنيات البروسيسور هتلاقى سيبك من حجم البروسيسور والكلام ده شوف مميزات المعالجات الحديثه هتلاقى المميزات متعلم عليهه صح غير كده فى خاصيه موجوده فى بروسيسور وكارت شاشه وهى ترانزيستور ودى مهمه جدا الناس مش بتاخد بالهه مينه وحتى ادخل وشوف مواصفات الكارت من شركه انتيل هتلاقى ترانزيستور كل معالج لى ترانزيستور معين ولو شوفت امكنيات الكارت شاشه هتلاقى ترانزيستور كل كارت شاشه مختلف كل ماكان البروسيسور اعلى وكل ماكان كارت شاشه اعلى بيكون TRANSISTOR اعلى غير المميزات الاخرى الموجوده فى المعالج انا شغلت يا اخى عقلى وبحثت فى المواقع وشوفت ترانزيستور بتاع المعالج وكارت شاشه مع امكنياتهم جميعهم البروسيسور وكارت شاشه غير انى مجرب على جهازى يعنى بالعقل جربت قبل كده من سنتين

بروسيسور CELERON 3.0 GHZ كان ضعيف جدا مع NVIDIA GEFORCE 7200 256 MB
لما حطيت كور 2 ديو كان شغال معا كويس جدا وشغال بكل كفائتو الكارت لان البروسيسور قادر يشغلو ويشيلو وكمان زياده غير كده غيرتو بى كارت 512 ATI HD 4350 كان شغال مع البروسيسور باعلى اعدادات الكارت بدون مشاكل لكن لما جربت ATI RADEON HD 5670
مع بروسيسور CORE 2 DUO E7200 طبعا شغال على اعلى اعدادات بطئ شويه ومفيش فرق شاسع مابين اداءو واداء HD 4350 وطبعا ده من سبب المعالج بحثت على النت وسالت ناس كل الشغال عندو HD 5670 بسلاسه وبكل قوه واداء وعلى اعلى اعدادات عندهم معالجات عاليه جدا CORE 2 QUADQ9550 وكده يعنى لكن الشغال عندو بنفس البروسيسور بتاعى شغال برضو عندو ضعيف انا مجرب وباحث بدلائل وكلامى واضح

[TorrentLeech]

مين افتى لحضرتك ان العاب الـ PC محولة من نسخ الكونسولز؟؟؟!!!

اللعبة الوحيدة اللى حصل فيها كده هيا FIFA 11 محولة من نسخة FIFA 10 PS3

ثانيا حضرتك البروسيسور عندك لو كسرت سرعته هتاخد كل قوة كارت الشاشة وده كلام عن تجربة لان اداء كارت الشاشة هيزيد معاك عند كسر السرعة خصوصا لو البروسيسور عامل عنق زجاجة على الكارت بشكل كبير لما هتكسر سرعته اداء الكارت هيزيد بشكل كويس

[LEAGUE]

انا كسرت السرعه من 2.53 GHZ الى 3.40 GHZ زاد بس مش اوى لازم معالج رباعى النوا

[TorrentLeech]

انا كسرت السرعه من 2.53 GHZ الى 3.40 GHZ زاد بس مش اوى لازم معالج رباعى النوا

انا باخد كل قوة الكارت بتاعى مع كسر البروسيسور الى 3.3 فقط

وكارتى HD5750 والبروسيسور ثلاثى النواة

ويوجد تجربة لنفس البروسيسور الثلاثى مع الـ HD4890 اللى اقوى من كارتى وكارتك وشغال عليه بكل قوته

وايضا الـ HD5850 مع بروسيسور ثلاثى النواة وشغال بكل قوته مع كسر بسيط للبروسيسور

[Ahmed_Elshenawy]

ازاى الكلام ده كلام غير منطقى بالمرة وعكس المعمول بيه ياريت تجيب ادله على الكلام ده

[White Ghost]

من فضلك , انظر في هذا الموضوع أولاً

https://www.arabhardware.net/forum/s...d.php?t=176464

[TorrentLeech]

ازاى الكلام ده كلام غير منطقى بالمرة وعكس المعمول بيه ياريت تجيب ادله على الكلام ده

حضرتك بتتكلم عليا ولا على صاحب الموضوع لو عليا

عندك المشرف والاخ الكريم محمد الجوهري كارته 4890 وشغال على معالج ثلاثى وتقريبا مشتكاش من عنق زجاجة

عندك الاخ الكريم Cobra007 شغال بكارت 5850 على معالج ثلاثى النواة مكسور السرعة مشتكاش تقريبا من عنق زجاجة

[Ahmed_Elshenawy]

أخى أنت شكيت للحظه أن أنا بتكلم على حد غير صاحب الموضوع طبعا الكلام موجه ليه وياريت يرد علشان دى حاجة ما ينسكتش عليها:cdcd:

[Bulldozer]

[QUOTEكل معالج لى ترانزيستور معين ولو شوفت امكنيات الكارت شاشه هتلاقى ترانزيستور كل كارت شاشه مختلف كل ماكان البروسيسور اعلى وكل ماكان كارت شاشه اعلى بيكون TRANSISTOR اعلى غير المميزات الاخرى الموجوده فى المعالج انا شغلت يا اخى عقلى وبحثت فى المواقع وشوفت ترانزيستور بتاع المعالج وكارت شاشه مع امكنياتهم جميعهم البروسيسور وكارت شاشه غير انى مجرب على جهازى يعنى بالعقل جربت قبل كده من سنتين][/QUOTE]

ماذا تقصد بالترانزستور ؟ اذكر لي بعضاً من ترازستورات Intel مثلاً ..

[LEAGUE]

فعلا انا موضوعى مش تمام الخلانى ققول كده ان عندى كارت شاشه HD 5670 وشغال مش كويس على اعلى اعدادات مش شغال بسلاسه وانا اتاكد وطلع الكارت ضعيف ده كارت GEFORCE 8800 GT ATI HD 4770 اقوى مينو بكتير طلعو انا مكنتش اعرف كده لما روحت اشترى الكارت والبياع يقولى ده من الفئه الحديثه واقوى للالعاب فى الاداء من 4770 انا ادبست فى الكارت وملهوش دعوه البروسيسور وانا اسف جدا على غلطاتى فى المنتدى وعلى الازعاج التسببتو لناس اصلى كنت فاكرو اقل كارت فى الكروت القويه مش اقوى كارت فى الفئه المتوسطه ده كارت طلع مقلب انا لو كنت عارفو كده مكنتش اشتريتو انا حظى كده معنديش كروت شاشه عاليه وشكلى مش هتمتع بكروت عاليه ابدا عمرى ماكان عندى كارت شاشه عدل انا بجد ياجماعه اسف على الازعجات التسببتهه فى المنتدى ليكم

وانا علشان كنت فاكر الكارت بيقدر يشغل العاب عاليه بسلاسه زى ما التجار قالو ليه ده طلع مقلب وضعيف انا علفكره انا مصدوم جدا ومدايق ومخنوق جدا من المقلب ده وطبعا مينفعش يرجع لانو فات عليه شهر قرب يدخلو على شهر ده طلع الكارت الكان عندى قبلو الهو HD4350 DDR2 512 مفيش اختلاف كبير اوى يعنى انا حاسس انو HD 4350 عاملو كروس فاير يعنى اداء وجوده HD 5670 عامل بظبط زى

HD4350 CROSSFIRE بس اعلى حاجات بسيطه مين كروس فاير HD4350 انا مصدوم جدا جدا جدا