السلام عليكم ورحمه الله وبركاته
الأول احب اشكر كل الخبراء والقائمين على المنتدى فى اول مشاركاتى او مواضيعى
وبجد تحيه كبيرة جدا منى ليكم على مجهودكم على مساعدة الناس وافادتهم
وجزاكم الله خيرا وجعله فى ميزان حسناتكم .
انا كان ليا استفسار بسيط عن تعريفات اللاب توب
مش حاجة معينه لكن عموما فى تعريفات اى جهاز
انا دلوقتى مثلا بعمل دونلود لتعريفات جهازى DELL INSPIRON N5010 من الموقع الرسمى DELL
فيه تعريفات كتير جدا ومثال على كدة مثلا تعريفات ال Network
بلاقى فيه تعريفات كتير لحاجة واحدة زى ال Wireless
تلاقى ليه اكتر من 6 تعريفات
وكذلك فى ال Video وحاجات تانية تلاقى اكتر من تعريف لحاجة واحدة
هل المفروض انى اسطب كل التعريفات دى او انا بختار منها حاجة معينه واسطبها
ولا ازاى اقدر اميزهم يعنى اسطب اية واسيب ايه واى افضل ليا انى اعمله
دى صورة من التعريفات من على الموقع
لاحظوا فيه كذا تعريف للويرليس بس بإصدارات مختلفه او انواع مختلفه الله اعلم لانى مش خبير اوى فى الموضوع دة
فياريت حد يرشدنى للصح
انى اسطب كل اللى قدامى دة ولا بختار منه حاجة معينه
اسف على الاطاله واتمنى الاقى جواب على سؤالى
شكرا للجميع
خالص تحياتى
المفضلات