ممكن تكون حاجه فى الباور سبلاى لانه هو المسئول عن كهربة الجهاز يرجه انك تجيب واحد فنى فى البيت
السلام عليكم اخوانى اعضاء عرب هاردوير
انا معكم من أكثر من سنة ونصف فى المنتدى اتصفح المنتدى بشكل دروى كل يوم فى موضوع اسعار واخبار الهاردوير فى السوق المصرية والحمد لله ربنا وفقنى واشتريت تجميعة العمر وهى كالتالى:-
1-Pro:- Core I 7 860
2-Mob:- Asus P7P55-Evo
3- Vga :- GIgabyte ATI 5850
4-Ram:- 2*2 King stone 1333
5-HDD:-640 Green
6- PSU:-Thermaltek TR2 RX 550 Watt
7-Case:-Cooler Master 332
8-Monitor :-P2370MS
بس رغم امكانيات الجهاز انا حاسس ان فى مشكله فى الجهاز عندما يكون الجهاز يعمل وأحد انوار الشقه يتم تشغيلها اسمع صوت صافره من الجهاز ويحدث بصفة مستمره .
واحيانا عند تشغيل الجهاز عند الضغط على زر المشترك قبل الضغط على زر التشغيل من الكيسه يغلق كل انوار الشقه واضطر لرفع سكينة الكهرباء حتى يعود النور انا قولت اول مره صدفه بس ده حصلت اكتر من مره.
والنهارده لما لقيت الموضوع زاد عن حده كنت بلعب على الجهاز وفجأه أحد انوار الشقه تم تشغيلها فصلت اللعبة تماما وكل شئ على الجهاز واعطانى شاشة سوداء بدون استجابة لاى أمر حتى قمت بعمل ريستارت للجهاز.
أرجو منكم أن تحددوا لى اين تكمن المشكله عشان انا حاسس ان الجهاز ممكن يروح منى وده تحويشة العمر وعشان لو فى اى اختبارات ممكن اعملها على الجهاز لاختبار ثباته لمعرفه اين تكمن المشكله مستنى ردودكم عشان انا بجد حاسس ان فلوسى هتروح منى على الأرض وانا مش عارف احدد المشكله ده من أه مع العلم ان كل القطع جديده ولسه داخل الضمان كمان لو فى حاجه ممكن اغيرها مستنى مشورتكم عليه ولو فى اى اسئله للإستفسار عنها.
ممكن تكون حاجه فى الباور سبلاى لانه هو المسئول عن كهربة الجهاز يرجه انك تجيب واحد فنى فى البيت
بس أه دخل الفنى فى حوارنا ما انا كان عندى جهازى القديم كان شغال من غير الكلام ده دع العلم ان فى ثبات فى التيار الكهربائى .
يبقى كده البديل التانى وهو الباور سبلاى ده لسه جديد وماركه كويسه واحتياجات الجهاز 500 وانا مش عامل اى أوفر كلوك لاى قطعه والجهاز شغال على طول بيعمل دونلود والحمد لله فى ثبات ولكن المشكله كلها عند تشغيل احد المصابيح الكهربائيه داخل البيت او تشغيل الجهاز نفسه أرجو من الأخوه المشرفين والأعضاء ان بشاركونا أرائهم عشان انا خلاص :ah34:
وهل ده كده عيب من الباور يعنى أدخله الضمان ولا العيب من أه ,
نعم أخي المشكلة في الغالب من الباور فلقد حدثت معي سابقا . أو ممكن كهرباء البيت ليست ثابتة .
هل يوجد منظم لجهاز الكومبيوتر أو حتى للمنزل نفسه ؟
طيب دلوقتى اه الحل اعمل اه من الأخر أدخل الباور الضمان
كان عندى نفس المشكله
ده ان شاء الله عيب فى كهربة البيت عندك
الحل عشان تبعد عن مشاكل كهربة البيت انك تشترى جهاز اسمه استابلايزر 1 كيلو وات ومتشغلش عليه حاجه غير الكمبيوتر عشان يعمل بكفاءه هو بحاولى 150 جنيه
هتشتريه من عند اى حد بتاع ادوات كهربائيه
شكرا جدا لكل الأخوه اللى ردت عليه
يعنى انتم شايفين المشكله ده من كهرباء البيت ذات نفسه ولا اشترى باور اعلى 700 الكوجر واريح نفسى
ارجو من الأخوه الأعضاء المشاكه معانا وذلك نظرا لحيرتى فى حل المشكله
العيب من كهرباء البيت لأنها ضعيفة اول حاجة لازم تجرب الجهاز في فيشة اخرى غير الي انتا مشغله عليها الان بعدين اذا المشكلة استمرت لا زم تشتري جهاز منظم للتيار الكهربائي وهو جهاز ضروري جدا لو عاوز تحافظ على جهازك من تقلبات التيار الكهربائي وهو بيرفع التيار في نفس الوقت لو كهرباء البيت ضعيفة او النور بيلعب يعني بيضعف ويقوى تاني وكده والجهاز اسمه
استبلايزر زي مالاخ قال فوق . وانا متأكد انه هو ده الحل الاكيد لمشكلتك إن شاء الله .
يعنى انت مش شايفين ان العيب من الباور يعنى ممكن لو غيرته الموضوع يتحل اصل الموضوع الكهرباء ده انا ما اعرفش فيه حاجه
اصل الباور حتى لو جبته زيادة مثلا 700 وات حيعمل ضغط اكبر على كهرباء البيت الي هيا ضعيفة اصلا والله اعلم
الافضل لو عندك قدرة تغير الباور وتجيب كمان السبلايزر اللي بقولك عليه علشان تضمن ان المشكلة تتحل تماما .
طيب ممكن حصرتكم تقولوا لى اه هى مواصفات الستبلايزر ده واجيبه منين وسعره كام
شوف الموضوع ده هيفيدك
https://www.arabhardware.net/forum/s...d.php?t=206170
رايي المتواضع في موضوع الكهرباء :
عند تشغيل اي جهاز بيسحب كهرباء اكبر نت حجمه بحوالي 4 مرات تقريبا وذلك لمدة ثواني معدودة حوالي 3 : 4 ثواني و في الحظة دي بيحدث حمل علي مفتاح الكهرباء الي عليه الجهاز
في حالو وجود اكثر من جهاز كهربائي علي نفس المفتاح العمومي / مثلا تليفزيون + ثلاجة / يحدث حاجة زي القفلة في المفتاح و يسقط
و يتهيئلي ان الجهاز بتاعك علي نفس المفتاح مع الثلاجة و بيعمل الحركة دي لما تكون الثلاجة بتقوم
الحل :
جرب تشغل جهازك علي فيشة في مفتاح عمومي ثاني يعني لو هوا في غرفة النوم جرب غرفة الانتريه ممكن بسلك و فيشة. و ان شاء اللهى الموضوع يتحل .
شكرا جدا اخ هشام على ردك
وبالفعل تخمينك فى محله لأن الكمبيوتر والثلاجه على نفس الفيشه على العموم انا هغير الفيشه ده وهشوف أه الوضع .
طيب وهل بعد هذا لو نفع اجيب مثبت تيار ولا مالوش لازمه اقصد ان الجهاز هيكون فى خطر ولا كده الحمد لله تمام عليه أوى وشكرا جدا لتعاونكم معى
الثلاجة بتسحب كهرباء جامد وخصوصا لما بتكون شغالة مش فاصلة يعني لأن الثلاجة بتشتغل وتفصل بشكل منتظم فممكن في اللحظة الي بتشتغل فيها بتسحب الكهرباء فالجهاز بيفصل او يعمل تصرفات غريبة ..علما بأن برضه كهرباء البيت عند حضرتك مش قوية لأن انا عندي نفس الوضع وحاطط الكمبيوتر مع الثلاجة والتلفزيون والرسيفر والبلايستيشن في نفس الفيشة بموزع ومبيفصلش ولا يعمل حاجة بس الافضل تفصل الكمبيوتر عن الثلاجة خالص وتحطه في فيشة تانية لوحده. والاستبلايزر ده حاجة في قمة الروعة انا مشغل عليه تلفزيون وكمبيوتر تاني ورسيفر وماشي معايا زي الفل حتى لما الكهرباء بتضعف خالص الكمبيوتر بيفضل شغال عادي خالص.:ah38:
المفضلات