النتائج 1 إلى 8 من 8

الموضوع: اى شركات المحمول فى مصر تفضل ؟ ادخل لتعرف

  1. #1
    عضو
    تاريخ التسجيل
    Feb 2010
    المشاركات
    74
    الدولة: Egypt
    معدل تقييم المستوى
    0

    اى شركات المحمول فى مصر تفضل ؟ ادخل لتعرف



    بسم الله الرحمن الرحيم

    قال رسول الله صلى الله عليه وسلم التاجر الصدوق الأمين مع النبيين والصديقين والشهداء

    صدق رسول الله صلى الله علية وسلم

    الى كل مستخدمى المحمول فى مصر يعنى لكل مصرى . ما اكثر شركة محمول تثق بها من الثلاثة الموجودين على الساحة ؟

    لو كان هذا عنوان استفتاء اعرضة عليكم فأنا متأكد ان نتائج الاستفتاء من المستحيل ان تصب فى مصلحة شركة واحدة من الثلاثة لذلك سأطرح عليكم التالى

    فى بداية الامر كانت هناك شركتان فى مصر للمحمول الاولى موبينيل والثانية فودافون واختلفت الاراء ايهم اكثر مصداقية وايهم اكثر امانة وكان الانطباع الذى يصل الى الكثيرين واولهم انا ان شركة فودافون تستطيع ان تثق بها رغم قلة عروضها

    جميل جدا كان اول استخدام لى هو فوافون والموضوع ثقة زيى زى اى واحد يعنى اشحن وبعدين الرصيد يخلص وعادى ... طيب جميل وبعدين شركة اتصالات دخلت المجال واصبحوا ثلاث شركات ... خير وبركة.

    شركة اتصالات من البداية التزمت الشفافية

    يعنى اية شافية يعنى بعد كل مكالمة يقولك يا محترم رصيدك كام ولو مش بتتكلم تطلب *555# وتعرف رصيدك مجانا ودى اهم ميزة واحلى ميزة طبعا اكيد كلكم معايا فى الرأى ده ..وانا طبعا زى غيرى جبت خط اتصالات كمان على الفوافون اللى معايا .... وبأمانة استخدامى لاتصالات يعتبر اصبح هو الاساس والفودافون بقى كل فين وفين لحد ما حصل الاتى : _

    من فترة مش وجيزة ابلغنى واحد صاحبى معلومة بأنىى يمكننى التسجيل فى موقع فودافون واعرف رصيدى مجانا وانا لم اهتم اوى لانى بصراحة كنت واثق فيها كمان استخدامى فودافون مش كتير فطبعا مسجلتش ولا يحزنون .

    من فترة وجيزة دخلت موقع فوافون اشوف فى عروض ولا مفيش كالعادة فقلت سجل وشوف رصيدك وكده فسجلت طبعا ودخلت على

    " صفحتى على الفوافون " ثم " رصيدى " ثم عرفت رصيدى




    تمام .. المهم فى الموضوع خليك معايا .... عملت مكالمة مدتها 3 دقائق وعندى الدقيقة تكلفتها 19 قرش يعنى تكلفة المكالمة كلها المفروض 57 قرش.

    جميل .... عملت ريفرش بالصفحة علشان اعرف رصيدى بالمجان لقيتهم خصموا منى 67 قرش يعنى 10 قروش زيادة ، عملت مكالمة ثانية بـ 38 قرش خصموا 48 قرش من الرصيد ، عملت مكالمة ثالثة بـ 19 قرش خصموا 29 قرش ،،،، يعنى كل مرة بيخصموا 10 قروش فوق تكلفة المكالمة .

    ممكن واحد يرد علية ويقول ممكن الـ 10 قروش دى ثمن معرفة الرصيد من الموقع ولو محاولتش اعرف الرصيد من الموقع مش هيخصم الفلوس الزيادة دى ؟ اقولة طيب بيقولى معاك 26 قرش وحبيت اعمل مكالمة بـ 19 قرش قاللى عفوا لقد نفذ رصيدكم .

    معنى كده اية ... ؟

    طيب فية حاجة تانية لو خلصت رصيد ممكن تستخدم رمز الشباك # قبل الرقم فى اتصالات وتتكلم على حساب الشخص اللى انت هتكلمة صح . ؟ وفودافون كمان لكن فى فودافون بيخصموا 3 قروش منك انت كمان ... طيب ولو اللى انت هتكلمة " لا يمكن استقبال طلبك الان " بيعملوا اية بيخصموا بردة الـ 3 قروش وانت مكلمتش حد .. معنى كدة اية ؟؟

    اية ؟؟ ان اتصالات محترمة جدا

    انا مش بأعمل دعاية لشركة على حساب شركة لان مفيش حد هيتصل بية من شركة اتصالات ويدينى هدية او مبلغ

    انا حبيت بس اوضح حاجة يمكن تكون مش واضحة لكتير من الناس لان الامانة شئ مهم فى حياتنا علشان كدة بدأت بحديث النبى فى اول الموضوع

    اشكركم






  2. #2
    عضو الصورة الرمزية White Ghost
    تاريخ التسجيل
    Apr 2009
    المشاركات
    605
    الدولة: Egypt
    معدل تقييم المستوى
    10

    رد: اى شركات المحمول فى مصر تفضل ؟ ادخل لتعرف

    فودافون معروفة بسرقة الرصيد , و ده بيحصل بشكل علني و استهبال جامد
    أنا مرة شحنت كرت و بعدها ب10 دقايق الرصيد أصبح صفر , كلمت خدمة العملاء , قالوا أني بعت كام و أربعين رسالة في 5 دقايق!!
    مرة تانية قالي اتكلمت بكل الرصيد أول ما شحنت!!
    و كل مرة حجة مختلفة , لحد ما رميت الخط في الزبالة
    بصراحة اتصالات , دلوقتي وقتها


  3. #3
    عضو
    تاريخ التسجيل
    Dec 2009
    المشاركات
    71
    الدولة: Egypt
    معدل تقييم المستوى
    0

    Lightbulb رد: اى شركات المحمول فى مصر تفضل ؟ ادخل لتعرف

    وموبينيل ايضاً مووووووووووووووووووووووس فى سرقة الرصيد
    انا عن نفسى هشترى خط اتصالات
    :ah4:

  4. #4
    عضو برونزي الصورة الرمزية hm90memo
    تاريخ التسجيل
    Jan 2009
    المشاركات
    538
    الدولة: Egypt
    معدل تقييم المستوى
    12

    رد: اى شركات المحمول فى مصر تفضل ؟ ادخل لتعرف

    اعتمد على فودافون و لكن تسعريتها هى الاسواء ,
    لكن بالفعل هى الاقوى فى التغطيه .
    اكره كل الشركات المغروره
    سواء كانت بالاحتكار , او فى الاسعار الخياليه

    1-
    مــراجعه شامله لأوفــــــر تـليـفون بنظامANDROID فى مـصر(فديو
    توضيحى)
    Samsung Galaxy5
    2-حل مشكله عدم وجودANDROID MARKET بدون انترنت وبدون كمبيوتر (سامسونج فقط)
    3-تقرير عن الشاشه الرائعه p2370
    4-جبروت مازر بورد ( MSI 890FXA-GD70 )

    -----------------------------------------------------------------------
    يعنى ايه نيو ايجج ؟ > يعنى بره يبقو بيحبوا الموقع عشان بيجبلهم كل المنتجات الجديده بأسعار ممتازه و احنا نبقا بنحب الموقع برضه بس عشان بنعرف منه الأسعار وميضحكش علينا
    :D

  5. #5
    عضو برونزي
    تاريخ التسجيل
    Dec 2009
    المشاركات
    417
    معدل تقييم المستوى
    13

    رد: اى شركات المحمول فى مصر تفضل ؟ ادخل لتعرف

    انا معى ال 3 خطوط حاليا
    ومن تجربتى فعلا ان اتصالات هى الوحيده اللى التى لا تسرق شيئا
    بالرغم ان موبينيل طبقات نفس نظام اتصالات اللى هو تكلفه المكالمه والرصيد الا انى اتكلم ويجى ملخص المكالمه 30 ثانيه يعنى المفروض تتحسب 20 قرش لكن الاقى تكلفه المكالمه 35 قرش والموضوع ده استجد اليومين اللى فاتو !

  6. #6
    عضو فضي الصورة الرمزية mi99doo
    تاريخ التسجيل
    Apr 2010
    المشاركات
    755
    الدولة: Egypt
    معدل تقييم المستوى
    9

    رد: اى شركات المحمول فى مصر تفضل ؟ ادخل لتعرف

    افضل فودافون ولكنهم حراميه فى الرصيد :cdcd:

  7. #7
    عضوية جديدة
    تاريخ التسجيل
    Aug 2008
    المشاركات
    37
    معدل تقييم المستوى
    0

    رد: اى شركات المحمول فى مصر تفضل ؟ ادخل لتعرف

    انا فعلا دخلت على موقع فودافون وشوفت تفاصيل الاستخدام لقيت ان فية حاجات محسوبة 29 قرش ازاى وانا مشترك على نظام ال 19 قرش وكمان حاجات 67 قرش وشفت الاستخدام الى زى دة لقيت ان كل حاجة متزود عليها 10 قروش :ah34::ah34::ah34:


  8. #8
    عضو
    تاريخ التسجيل
    Feb 2010
    المشاركات
    74
    الدولة: Egypt
    معدل تقييم المستوى
    0

    رد: اى شركات المحمول فى مصر تفضل ؟ ادخل لتعرف



    مش كده ولا ايه

المواضيع المتشابهه

  1. ادخل هنا لتعرف مدى قوه جهازك و لتنال تقيم
    بواسطة mask_of_fear في المنتدى الأرشيف
    مشاركات: 209
    آخر مشاركة: 10-01-2014, 01:52
  2. ادخل لتعرف بنفسك من الافضل !! PS3 & xbox360 & pc
    بواسطة small tiGer في المنتدى الأرشيف
    مشاركات: 12
    آخر مشاركة: 31-03-2010, 23:40
  3. هل برنامج Antiarp يدمر الجهاز ( ادخل لتعرف)
    بواسطة GHOSTEID0 في المنتدى الأرشيف
    مشاركات: 4
    آخر مشاركة: 01-10-2009, 01:28
  4. ما هو أسرع قرص صلب وأيهم أفضل؟؟ تفضل لتعرف
    بواسطة GoldenLionTech في المنتدى الأرشيف
    مشاركات: 7
    آخر مشاركة: 12-05-2006, 20:21

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •