(مصر) تجميعه فى حدود 1500 جنيه للاستخدام العادى

**misho2007** · 07-12-2010, 20:53

السلام عليكم

انا عايز نصيحه من اهل الخبره

انا مقبل على شراء جهاز ب 8000 جنيه والاخ Prince _saad

مشكورا نصحنى بتجميعه ممتازة

بس انا عرفت ان على السنه الجديده او بعد كام شهر هينزل موديلات افضل من اللى موجود دلوقتى خصوصا فى البروسيور الانتل

تنصحونى بإيه

انتظر لوقت معين ولا مش هتفرق لو جبت الحهاز دلوقتى ؟؟

لو الافضل انى انتظر فأنا محتاج جهاز حاليا لأن معنديش كمبيوتر دلوقتى

فياريت تنصحونى بتجميعه بسيطه مش هستخدمها غير فى الانترنت والافلام وسماع الموسيقى

وبعض الالعاب الخفيفه زى Counter Strike

يعنى مش هتفرق معايا انه لازم يبقى فى كارت شاشه

اعتقد لو بلتى ان هيكون كافى واعتقد انه فى بوردس جديده كارت الشاشه فيها كويس

فلو ممكن تجميعه فى حدود 1500 جنيه كيسه بس او لو انتو عندكم تجميعه ارخص او اغلى بنسبه بسيطه ياريت تنصحونى بها

وفى انتظار ردكم هل اجيب الجهاز اللى بــ 8000 دلوقتى ولا لا

طبعا لو هجيبه دلوقتى فمش هجيب الجهاز التانى

شكرا

**misho2007** · 07-12-2010, 20:55

ملحوظة: يفضل ماركة مازر بورد معروفه

يعنى مش عشان قلت جهاز اى كلام يبقى مزر بورد ماركة كل واشكر

فى انتظار ردكم

**misho2007** · 08-12-2010, 22:50

طيب اى رد حتى لو عليكم السلام

**masklove** · 08-12-2010, 23:25

لو هتجيب جهاز بــ 8000 جنيه فما هي استخداماتك للجهاز ؟

**misho2007** · 09-12-2010, 04:18

اولا اشكرك على ردك اخيرا لقيت حد رد على موضوع ليا

استخدامى هيكون شغل MCITP وتطبيقات على VMWARE وألعاب ( نفسى ما شفش رسالة Error فى لعبه )

وانا كنت هحتاج جهاز اخر بسيط بس كنت هجيبو بعدين على اساس انى هجيب الجهاز القوى الاول

بس زى ما وضحت انا عارف ان فى حاجات افضل هتنزل قريب

الافضل استنى على الجهاز القوى ولا مش هتفرق اجيبو دلوقتى

مع العلم انى من غير كمبيوتر حاليا

فلو هستنى ياريت تنصحنى هستنى اد ايه تقريبا ولو هجيب جهاز بسيط يمشى امورى دلوقتى فى حدود الميزانيه اللى كاتبها فوق

يبقى ايه وطبعا ياريت توضيح للتجميعه يعنى امكانيات البورده وكدا وطبعا انا مش محتاج كارت فيجا انا عايزه بلتى ان ويكون حاجه كويسه

**masklove** · 09-12-2010, 10:58

بص انا انصحك تقسم الدنيا نصفان
تشتري Xbox للالعاب وعمره ما هيقول معاك لا في الالعاب ابدا وتجيب جهاز متزسط
الالعاب علي xbox افضل لأم مفيش كراكات ولا قرف ال antivirus ولا اي اي حاجة من الشغل ده
وتجيب جهاز متوسط مثلا في حدود 4500-5000 جنيه وبرضه هيشغل الالعاب كويس جدا

**misho2007** · 09-12-2010, 16:37

اشكرك اخى على النصيحة الغاليه

بس انا مش من محبى استخدام الكونسولز - انا عارف انهم اقوى طبعا فى الالعاب

بس انا مش بفضَََل استخدامهم

لو انت شايف ان ال 5000 جنيه يجيبو كمبيوتر كويس ومش هيكون فى فرق بينه وبين اللى بــ 8000 يبقى اوك قولى اجيبو دلوقتى ولا امتى

طبعا انا عارف ان تمن الكيسه بيختلف على حسب نوعها (كيسه فاضيه)

يعنى ممكن الجهاز نفسو ب 5000 وانا اجيب كيسه بــ 1500

بس انا اللى يهمنى فى المقام الاول المكونات الداخليه ثم البودى نفسه ( انا حاطط عينى على كيستين جيجا بايت Sumo و Thermaltake Element V )

فاللى اقصدو ان لو حضرتك شايف ان ال 5000 هيجيبو مكونات كويسه بدون حساب الكيسه نفسها

وهيكون مفيش فرق كبير بينها وبين ال بــ 8000

يبقى ياريت حضرتك تقولى اجيب ايه و ميعاد الشراء الافضل والانسب امتى عشان لو الاسعار هتنزل يبقى استنى

شكرا واسف على الاطاله