النتائج 1 إلى 6 من 6

الموضوع: مقبل على شراء لابتوب كيف اتاكد انه جديد عند شرائه

  1. #1
    عضو
    تاريخ التسجيل
    Jul 2007
    المشاركات
    110
    معدل تقييم المستوى
    0

    Red face مقبل على شراء لابتوب كيف اتاكد انه جديد عند شرائه



    انا مقبل على شراء لابتوب بعد ايام او بالظبط بعد شهور من ادخار المبلغ له ههههههههههه :D

    ده نوع الابتوب
    Satellite A665-S6065
    ودى صفحه بياناته كلها http://egyptlaptop.com/toshiba-satel...665-s6065.html
    انا عايز اعرف ازاى اتاكد من انه جديد تماما متفتحش بالكرتونه وهل معاد تصنيعه ولا لا يعنى باختصار اتعامل مع البايع كانى فاهم فيهم كويس لان للاسف خبرتى فى المكونات والسرعات وكل شىء لكن اول مره اشترى لاب فعايز اعرف اختبر اللابتوب ازاى قدام الراجل واتاكد انه تماما وكله كويس
    ياريت تنصحونى وطبعا بانتظار رايكم فيه هل هو كويس ولا لا خصوصا كرت شاشه هل ينع للجرافيك ولا فيه احسن منه فى حدود سعره
    وكمان قدامى ده كخيار لكن مش فاهم خاصيه
    cuda فى كرت الشاشه
    ده نوع الابتوب التانى Toshiba Satellite A660-17m
    بجد محتاج كل نصايحكم بفارغ الصبر وهل الاول ولا التانى احسن بشكل عام وازاى اختبر الابتوب قدام الراجل بحيث انى اتاكد انه كفائه وازاى اعرف انه متبرشم من المصنع ومتفتحش ولا اتعاد تصنيعه

  2. #2
    عضو
    تاريخ التسجيل
    Sep 2003
    المشاركات
    72
    معدل تقييم المستوى
    0

    رد: مقبل على شراء لابتوب كيف اتاكد انه جديد عند شرائه

    اولا خد جهاز في الكرتونة متبرشم و يكون الضمان سنة علي الاقل ده دليل علي انه جديد اي ضمان اقل معناه انه ممكن يكون مش و لا بد
    دور علي كلمة ريفيربشد علي الكرتون او الجهاز بعد ما تشوفة لو موجوده ده معاد تصنيعه ضمانه 90 يوم و معني الكلمة دي غلط

    بمعني انت اشتريت جهاز و حصل لا قدر الله عطل استوجب استبدالة بتقوم الشركة تصلحه و تعيد بيعه بالاسم ده و الضمان 3 شهور

    اوعي تاخد اي حاجة في العرض حتي لو كانت اخر حاجة الا لو انت واثق فيه لان اللعب فيه بيكون علي ودنة يعني حد اتكي علي

    الزراير - المفاتيح - بغباء - تراب و خلافة معرض للشمس اي حاجة ممكن تاثر عليه

    كمان لازم و انت بفتحة لاول مرة يكون فيه سيناريو للتعرف عليك يعني الاسم و اللغه و كده مش تفتحة هوب تلاقي الويندوز فتح

    معاك حلاوه

    لو الجهاز له سريال نمبر للويندوز اتاكد من نوعه و من انه هوه المثبت علي الجهاز و كمان فيه فرق بين اللي بسريال و اللي بدون

    لانه سريال اصلي مدفوع فيه فلوس يا كبير بيفرق بتاع 500 - 600 جنية مثلا و يتتاكد من ان الكرتون سليم بدون لعب او لزق او حوار

    طبعا بعد الكلام ده مش هتعرف تختبره قدام الراجل لانك بتشتري مقفول هوه نفسه ميعرفش ظروفة اية و اهم نقطة الضمااااااااااان
    ايمن البسيوني
    Vista computers - U.A.E

  3. #3
    عضو
    تاريخ التسجيل
    Jul 2007
    المشاركات
    110
    معدل تقييم المستوى
    0

    رد: مقبل على شراء لابتوب كيف اتاكد انه جديد عند شرائه

    بجد اصلى اوى يا مان انا بشكرك بجد على النصايح الجامده اوى دى طيب وواضح عليك خبره فى شرائهم على الاقل اوى اكتر منى ممكن تقولى هل gt 330m نبفيديا ولا ati 5650 احسن فى الجرافيك والالعاب معلش انا عارف تقلت عليك بس بجد محتاج منك رد على السوال ده وياريت باقى الاعضاء كمان يساعدونى فيه وفى انتظار ردكم وتانى مره بشكرك بشده يا باشا

  4. #4
    عضو
    تاريخ التسجيل
    Jul 2007
    المشاركات
    110
    معدل تقييم المستوى
    0

    رد: مقبل على شراء لابتوب كيف اتاكد انه جديد عند شرائه

    http://egyptlaptop.com/toshiba-satel...665-s6065.html ياريت حد يقولى بيتباع فين طيب النوع ده لانه مش موجود خالص فى ايجبت لابتوب وحتى لو نوع مشابه للمواصفات مش شرط نفس النوع بس يكون توشيبا

  5. #5
    عضو
    تاريخ التسجيل
    Sep 2003
    المشاركات
    72
    معدل تقييم المستوى
    0

    رد: مقبل على شراء لابتوب كيف اتاكد انه جديد عند شرائه

    للاسف انا في الامارات حاليا و مع اني شغال في محل كمبيوترات بس الناس هنا بتبص للهارد و الرامات و البروسيسور بس فقط لاغير و همه الوحيد انه يفاصل بس مش مهم هوه اية بس يفاصل و يحس انه غلبك و اخدها بمزاجه و لا تفرق معاه كارت شاشة و لا نوعه و لا اي حاجة المهم انه براند يعني ماركة ده لو الزبون جه بقوله ده ثنائي النواه بيزرغد من الفرحه و لو انتل احمدك يا رب و لا فارقه معاه خيار من بطيخ

    و الله بسبب كده انا مخي نحس و مش فاكر اي حاجة خالص و اسف اني مش هقدر افيدك بس انا عملت بحث لقيت ان الكارتين

    قريبين من بعض قوي gt 330m vs. ati 5650 نسخة 1 جيجا

    و ربنا يوفقك مقدما و تستعملة في الخير

    لو ليك حد بره نازل مصر قريب خليه يجيب لك اللي انت عاوزه بيكون حنين شوية عن مصر
    ايمن البسيوني
    Vista computers - U.A.E

  6. #6
    عضو
    تاريخ التسجيل
    Jul 2007
    المشاركات
    110
    معدل تقييم المستوى
    0

    رد: مقبل على شراء لابتوب كيف اتاكد انه جديد عند شرائه



    انا بشكرك جدا يا ايمن على محاولتك لمساعدتى وانا بجد مقدر اهتمامك وبحثك عن الفرق بين الكرتين ومقدر تعبك وانا اسف انى تعبتك وربنا يخليك يا رب انا ليا شخص اعرفه فى السعوديه بس للاسف عشان يجيبه هيدفع جمرك بنص تمنه يعنى ياخده هو ويدفعلى الفرق احسن ههههههههه وان شاء الله انا هجيب 330 عشان خاصه الكودا بيقولو حلوه اوى وبتساعد البرسيسور والف شكر ليك

المواضيع المتشابهه

  1. مقبل على شراء لابتوب dell n5110
    بواسطة salahat في المنتدى الأرشيف
    مشاركات: 4
    آخر مشاركة: 23-03-2012, 20:58
  2. مقبل على شراء شاشة جديد فا أرجو المساعدة
    بواسطة TEST3 في المنتدى الأرشيف
    مشاركات: 10
    آخر مشاركة: 21-11-2011, 23:59
  3. مقبل على شراء هارد جديد ومحتار
    بواسطة .SaNtOs. في المنتدى الأرشيف
    مشاركات: 5
    آخر مشاركة: 08-08-2011, 21:19
  4. عاشق لل IPhone و مقبل علي شراؤه وقلقن
    بواسطة sherif_191 في المنتدى الأرشيف
    مشاركات: 25
    آخر مشاركة: 20-01-2011, 10:42

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •