فعلا الشركة ممتازة والجهاز لا غبار عليه . الف مبروك:ah7:
السلام عليكم ,,
طبعا اكيد في ناس كتيرة عايزه تشتري لاب توب بس للأسف بتتصدم في المعادلة ما بين امكانيات الجهاز والفلوس المتاحة ..
ناس كتيرة زي حالاتي عاوزين لاب توب للعمل والتصفح وتصميم بالفوتوشوب وكمان نشغل عليه شوية جيمز (لاب توب بتاع كله )
للأسف عشان تشتري لاب توب جامد بماركة معروفة محتاج مالا يقل عن 4200
واي سعر اقل من ذلك تعرف علي طول انها امكانيات قديمة وتعبانه ..
انا واحد من الناس كنت عايز اشتري لاب توب ضروري وقعدت سنتين و اكتر متردد ومحتار في كم العروض والاسعار اللي شفتها ..
ده غير طبعا استطلاعات الرأي والريفيوهات من الناس ومن مواقع الانترنت ..
لفيت اغلب مولات ومحلات القاهرة .. بداية من المهندسين وحتي كارفور وسيتي ستارز ومرورا بالخليفة المأمون ومدينة نصر ..
بس لأسف ماوصلتش لحل كويس ..
طبعا انا كنت محتاجه عشان شغلي وبشكل مُلِح جداا .. ده غير اني مش عارف اعمل شغل خارجي لعد توافر لاب توب
طبعا الامكانيات الحالية لم تكن تسمح و انا مش قادر استني اعمل جمعيات او احوش لحد ما اجيب 4200 جنية او اكتر ..
فكرت في التقسيط ..
قد يكون حل بس ده طبعا خراب بيوت مستعجل لان اللاب توب مجموع اقساطه ممكن يعدي 5 او 6 الاف جنية علي مدي 36 شهر .. يعني ممكن تدفع اضعاف ثمن الجهاز و تلاقي لاب توبك قدم وبقي خردة وانت لسه بتسدد في اقساطه !!
طيب ايه الحل ؟
بالصدفة قابلت صديق قديم وصديق عمر كمان معاه لاب توب قديم .. من ماركة كبيرة بس مش مشهورة في مصر Fujitsu Siemens
طبعا انا اول ما سمعت الماركة ضحكت لاني عمري ما شفت حد شايل الماركة دي .. ده غير اني سمعت كلام كتير عن رداءة الاب توب ده ..
قالي علي حاجة كويسة جداا :
مفيش شركة في العالم بتصنع اللابتوب من الالف الي الياء ما عدا شركةابل ..
جميع اللابتوبات مكوناتها من شركات واحدة : البروسيسور وكارت الفيجا والرام والهارد .. الخ
الفرق بس يكمن في التصميم + تقفيل الجهاز + المزايا الاضافية + الضمان
الفيصل الحقيقي في اي لاب توب هو استخدام الشخص ليه + مستريح عليه ولا لا ..
في ناس بتقول قصائد شعر في الديل مثلا او الاتش بي .. وناس تانية تقول عليهم لاب توبات وحشة وفيها عيوب ..
ده ببساطة لان اللابتوب مكنش مستريح عليه او امكانياته لا تناسبه ..
تجربته مع السيمنز كانت ممتازة ... اللاب توب بيقولي شغال معاه زي الحمار ( ولا مؤاخذة في التعبير )
بيشغل اللاب توب طول اليوم وبياخده معاه في كل حته .. ده غير انه اتخبط منه كتير ووقع ومع ذلك شغال معاه واخر كفاءة ..
جربت اللابتوب بتاعه لاقيته كويس وشغال معايا ..
قولته يعني السيمنز ده حلو .. قالي جربه واتوكل علي الله ..
بالصدفة لاقيت عرض كويس من موزع ليهم هنا في مصر (مش حقول علي اسمه نهائيا حتي لا يكون دعاية له )
كان لاب توب فوجيستو اسبريمو V6555 صناعة الماني .. امكانياته :
Processor : Intel® Core™2 Duo processor T5870 - Cache 2M
Ram: 2GB DDR2
VGA: NVIDIA® GeForce® 8200M G - 1 Giga
Hard drive: 250GB
Battery life: 2.5hours
Notebook camera: 1.3 megapixel
Bluetooth + 3 USB
Colour: Silver / Black
size: 15.4"
طبعا الامكانيات عادية جدا .. بس تعتبر كويسة وتفي بالغرض المطلوب ..
وتقريبا انا كنت بدور علي جهاز في الحدود دي ..
وكل ده والسعر 2500 جنية فقط !!
طبعا انا زهلت لما سمعت السعر لان اي لاب توب يقابله في الماركات الاخري المعروفة بحوالي 3200 حنية علي الاقل ..
بس انا عرفت ان سعره كدة عشان الماركة مش مشهورة في مصر ومش عليها اقبال رغم انها شركة كبيرة ..
تمام زي الموبايلات LG رغم انها شركة كبيرة وموبايلاتها جامدة .. الا انه ناس قليلة قووي اللي بتشتريها وكله بيجري علي نوكيا واحيانا سامسونج ..
طبعا استخرت ربنا وقولت اجرب .. وان شاء الله ربنا مش حيخيب ظني ..
واديني حتعلم علي اي حال ..
كان عندي مبلغ صغير محوشه + بعض السلفيات وعلي النوتة كالعادة هههههه واشتريت اللاب توب ..
اللاب توب جه مع ملحقاته + اسطوانه التعريفات
كان عليه ضمان لمدة عام + الصيانة و قطع الغيار متوفرة مدي الحياة ..
العيوب اللي وجدتها بعد الشراء :
1- اللاب توب لا يوجد معاه شنطة او اي هدايا
2- لا يوجد نسخة ويندوز اصلية معاه او او ريكفري
3- لا يوجد به مايك
4 مخارج USB الثلاثة من ناحية واحدة فقط (الناحية اليمين)
طبعا انا تغاطيت عن ذلك لانها عيوب سهلة مش جوهرية ممكن الواحد يتصرف فيها ..
وبعدين انا مش عايزهم يحطولي هدايا غالية وتتضاف علي سعر الابتوب واتحملها انا
يعني مثلا شنط اللاب توب الهاي كوبي بحوالي 200 و 300 جنية ممكن تلاقي نفسك دفعت تمنها في اللابتوب ..
في حين انك ممكن تشتري شنطة نضيفة وكويسة بـ 50 او 60 جنية ..
والحمد لله لم اجد اي عيوب في قطع الهارد في المكونات وير ابداا وده اهم حاجة عندي ..
طبعا يشاع عن السيمنز ان حرارته عالية قووي وده كلام مش سليم لان كل اللاب توبات بتسخن وده امر طبيعي ..
بس الفكرة ان مخرج التهوية ليه في الناحية الشمال مش من وراء زي بعض اللاب توبات ولذلك اللي بيحطه علي رجله لفترة طويلة بيبقي عامل زي الفرن ..
(وعلي فكرة وضع اللاب توب علي الرجلين خطر جداا صحيا )
طبعا انا اشتغلت علي اللاب توب بقالي كام شهر وشغال معايا اخر حلاوة ..
انا مشغله كمبيوتر شخصي + عمل حوالي 12 ساعة يوميا دون توقف ..
مسطب عليه ويندوز 7 والحمد لله الجهاز عمره ما منج معايا + مشغل عليه العاب جرافيكية تقيله من عام 2010 و 2011 شغاله تمام ..
الجاز هادي جدا وملوش صوت خالص حتي بعد ساعات .. حتي برضه حكايةالحرارة مش حاسس بيها و ما بتظهرش الا لو كانت التهوية سيئة ..
والحمد لله شغال معايا زي الفل ومش ناوي اغيره باي جهاز تاني الا لو اتكسر او باظ لا قدر الله ..
===============================
خلاصة الكلام :
انا طلعت من التجربة دي بشوية دروس اتمني ان كل اللي زي حالاتي يتعملوها ..
انا مش بقولك انك تشتري اللاب توب ده او الماركة دي ..
انا بس عايزك اقولك شوية نقاط وتاخد بال منها :
1- لازم تخوض التجربة بنفسك وتشتري لاب توب وتجرب بنفسك .. لانها هي الوحيدة اللي تعرفك كل شيء ..وحتي ل طلعت وحشة انت حتستفيد خبرة وما حتقع في نفس المطب تاني .. وزي ما بيقولوا في الامثال ( محدش بيتعلم بببلاش ) وكمان (اللي جرب مش زي اللي مجربش )
2- ابعد عن التردد والقلق واتوكل علي الله ما تقعدش تستني اراء الناس والريفيوهات وخصوصا علي الانترنت ..
لان المسألة دي نسبية وبتختلف من استخدام شخص للاخر + بتخضع للتقدير الشخصي ممكن يكون اللاب توب كويس بس عشان حاجة وحشة ممكن يعمل عنده انطباع ويقول للناس انها وحشة + اغلب الاراء وخصوصا علي الانترنت بيبقي وراها مصالح تجارية وشركات (اوعي تنخدع)
3- اللابتوبات كلها زي بعضها HP زي Dell زي التوشيبا .. نفس المكونات والهاردوير والشركات بتجمعه زي ما بتجمع الكيسة بالظبط .. بس اهم حاجة تبص عليها الامكانيات + الضمان + تصميم الجهاز بشكل عام ..
4- ما تجريش علي الماركات الشهيرة المعروفة واسأل اولا عن الماركات الغير معروفة .. لانها احيانا الاجهزة بتكون غالية جدا بسبب شهرتها مش بسبب جودتها رغم ان الامكانيات واحدة .. وممكن تلاقي الماركات الغير مشهورة زيها بالظبط بس ارخص ..
5 - مش لازم تجيب امكانيات عالية في لابتوبك .. لان التكنولوجيا الجديدة دايما بتبقي غالية وبعد فترة بترخص قوووي .. وممكن تلاقي الفرق التقني تاثيره مش كبير معاك ..
ممكن الاجهزة المتوسطة او العادية تقوم بالغرض وتؤدي المطلوب ..
6- فكرة انك تشتري لاب توب عشان يقعد معاك 4 او 5 سنين و ما تغيرش فيه حاجة او عشان ما تعملش له Upgrade دي خلاص راحت ..
نظرية انك تشتري "حاجة للزمن" خلاص انقرضت من ايام جدي وجدك ..اغلب الحاجات اليومين وخاصة الالكترونية دول محتاجه انك تغير بعد كام سنة .. واعرف انك لما حتشتري لاب توب لازم حتغيره او حتجدهه بعد سنتين او 3 سنين ..
7- السعر مش معيار للجودة ومش شرط انك لما تشتري لاب توب غالي انه حيكون كويس ..
ممكن تشتري لاب توب غالي بس ما تحسش بالفرق معاك وساعتها حتكون دفعت فوس علي الفاضي
8- ما تبصش علي الهدايا اللي بتيجي مع اللاب توب وتفرح بيها قووي او تعتبرها .. لان الهدايا الشركة بتشيلهالك وانت بتدفع تمنها يا بطل :ah32:
عشان كدة الابتوب من غير هدايا تقدر تعرف سعره الاصلي وتقرر علي راحتك ..
========================================
طبعا كل الكلام د عبارة عن رأي شخصي .. يحتمل الصواب ويحتمل الخطأ وكلنا بشر ..
بس اتمني ان اكون افدت الناس اللي زي حالاتي ..
واعتذر عن الاطالة وشكرا لكم ..
فعلا الشركة ممتازة والجهاز لا غبار عليه . الف مبروك:ah7:
[url=https://www.viagrasansordonnancefr.com/achat-viagra-belgique-indien/]www.viagrasansordonnancefr.com achat viagra belgique indien[/url]
من افضل المواضيع اللى قرأتها فى القسم
جزاك الله كل خير
على فكرة السيمنز قوية جدا مش فى اللاب توب بس ده كمان فى السيرفرات
انا عندى سيرفرمشغله كام شهر من غير ما افصله وزى الفل
[CENTER]
[B][URL="https://arabhardware.net/forum/showthread.php?t=374583&p=2701104#post2701104"] [/URL][/B][/CENTER]
[CENTER][B][/B][/CENTER]
[CENTER][B][URL="https://arabhardware.net/forum/showthread.php?t=374583&p=2701104#post2701104"]مراجعة للشاشة الرائعة
[/URL][/B][/CENTER]
[CENTER][B][URL="https://arabhardware.net/forum/showthread.php?t=374583&p=2701104#post2701104"]Samsung SyncMaster S24B750V Series 7 [/URL][/B]
[/CENTER]
مشكور علي المعلومات القيمة والف مبروك علي اللاب :ah4:
:ah35:
مبروك الجهاز الجديد , و شكرا علي الموضوع الممتاز
لكن لي بعض التعقيبات
يوجد اجهزه جيده جدا بسعر 3300 جنيه مصري
حتي apple مكوناتها من نفس الشركات , قديما جدا كانت تصنع هي مكوناتها.قالي علي حاجة كويسة جداا :
مفيش شركة في العالم بتصنع اللابتوب من الالف الي الياء ما عدا شركةابل ..
جميع اللابتوبات مكوناتها من شركات واحدة : البروسيسور وكارت الفيجا والرام والهارد .. الخ
الفرق بس يكمن في التصميم + تقفيل الجهاز + المزايا الاضافية + الضمان
الجهاز سعره جيد , لكن سعر طبيعي بالنسبه لأي جهاز يحقق معادلة الأداء مقابل السعرطبعا انا زهلت لما سمعت السعر لان اي لاب توب يقابله في الماركات الاخري المعروفة بحوالي 3200 حنية علي الاقل ..
اهم شيء ان تهتم بدرجات الحراره الخاصه بال GPU و بقية مكونات الجهاز إن اردت تشغيله فترات طويله , و إن شاء الله ربنا يباركلك فيه
[CENTER]
[/CENTER]
[CENTER][IMG]https://folding.extremeoverclocking.com/sigs/sigimage.php/un=Mezoxin/t=155660[/IMG][/CENTER]
شكرا ليك علي الرد .. والله يبارك فيك ...سيف الحب
فعلا الشركة ممتازة والجهاز لا غبار عليه . الف مبروك
السيمنز علي فكرة مشهور قوي في اوريا .. انما في الوطن العربي ضايع قويellassy
من افضل المواضيع اللى قرأتها فى القسم
جزاك الله كل خير
على فكرة السيمنز قوية جدا مش فى اللاب توب بس ده كمان فى السيرفرات
انا عندى سيرفرمشغله كام شهر من غير ما افصله وزى الفل
وسعيد جداا ان الموضوع افادك واستفدت منه واتمني دايما اكون عن حسن ظنك ..
شكرا لك وربنا يبارك فيك ..tatoox
مشكور علي المعلومات القيمة والف مبروك علي اللاب
شكرا لك علي الرد ..
وبالنسبة لتعقيباتك السعر اللي بتقول عليه انا لاقيته كتير بس كلها لابتوبات تعبانه ببروسيسور سيليرون او ديوال كور ( مش عارف انا مين اللي لسه بيشتغل بده ) وكارت الشاشة انتل بيلت ان وهو اسوء انواع الكروت ..
للأسف الشركات عندنا في مصر بجد حرامية لان اللابتوبات اللي تكنولوجيتها قديمة ومركونه المفروض تتباع بسعر قليل جدا مش تكون في الرينج بتاع 3000 جنية = 526 دولار
قارن الاجهزة اللي في السعر ده بره مع الاسعار هنا في مصر..
الحمد لله الجهازبعد تشغيل 10 ساعات مش حاسس بالحرارة ابداا وحتي لما احط ايدي علي فتحة التهوية ما بحسش بالحرارة .. ربما لاننا في الشتاء والجو برد شوية ..اهم شيء ان تهتم بدرجات الحراره الخاصه بال GPU و بقية مكونات الجهاز إن اردت تشغيله فترات طويله , و إن شاء الله ربنا يباركلك فيه
بس في الصيف اكيد مع التشغيل القليل حيكون بنفس المستوي ..
الف مبروك عليك وتتهنى بيه يارب
فعلا الماركه دى كويسه فى اللاب توبات ومحترمه جدا وسعرها مقارنه باى ماركه تانيه ونفس المواصفات بتكون فيها فرق كويس
وانا شخصيا كانت لى تجربه معاه من سنتين كان لاب توب لصديق لى ولكن كانه ملكى انا ولم اعانى منه انا او صديقى وكان ممتاز اى ان تم بيعه
اهم حاجه هى التوكل على الله زى ما انت قولت والتقييم المفروض يكون عن تجربه وليس بالقيل والفال
وشكرا والف مبروك عليك
بالعكس السوق هنا اسعاره جيده جدا , بس تدور في الاماكن الكويسه
ASUS
K52J / A52J
core i3 370m / 3GB /500GB/ATi HD5145 /15.6 inch
سعره 3300 جنيه مصري
HP
G62-a22se
Corei3 330m/HD5145/320GB/3GB
سعره 3250 جنيه مصري
Packardbell
Core i5 430M / 3GB /500GB /Nvidia GT330
سعره 3555
[CENTER]
[/CENTER]
[CENTER][IMG]https://folding.extremeoverclocking.com/sigs/sigimage.php/un=Mezoxin/t=155660[/IMG][/CENTER]
- لى تعليق بسيط , أبل معظم أجهزتها لا تصلح للألعاب لاعتمادهم على كروت شاشة ضعيفة.
[CENTER][B][SIZE=2]You think that you're strong, but you're weak[/SIZE][/B]
[/CENTER]
جزاك الله كل خير تجربة ممتعة وعلى فكرة قرئتها للأخر لأن افضل تجارب هى التجارب اللى الانسان بيجربها
ايهم افضل من حيث قوة البطارية ودرجة الحرارةK52J / A52J
core i3 370m / 3GB /500GB/ATi HD5145 /15.6 inch
سعره 3300 جنيه مصري
G62-a22se
Corei3 330m/HD5145/320GB/3GB
سعره 3250 جنيه مصري
Core i5 430M / 3GB /500GB /Nvidia GT330
سعره 3555
وعايز اعرف رأيك بذات فى الجهاز ده K52J / A52J لانه عجبنى وبفكر اجيب واحد فى خلال شهرين
ولاحظت انك نصحت بيه فى اكثر من موضوع
وهل يمكن انى ازود له رامات تانى بعد كده
لان شغلى بيعتمد اكثر على الرمات Vmware ومليش فى الالعاب
[CENTER]
[B][URL="https://arabhardware.net/forum/showthread.php?t=374583&p=2701104#post2701104"] [/URL][/B][/CENTER]
[CENTER][B][/B][/CENTER]
[CENTER][B][URL="https://arabhardware.net/forum/showthread.php?t=374583&p=2701104#post2701104"]مراجعة للشاشة الرائعة
[/URL][/B][/CENTER]
[CENTER][B][URL="https://arabhardware.net/forum/showthread.php?t=374583&p=2701104#post2701104"]Samsung SyncMaster S24B750V Series 7 [/URL][/B]
[/CENTER]
[CENTER]
[/CENTER]
[CENTER][IMG]https://folding.extremeoverclocking.com/sigs/sigimage.php/un=Mezoxin/t=155660[/IMG][/CENTER]
تقرير ممتاز بس ممكن تقول لنا علي اسم المعرض علشان انا قلبت الدنيا علي الاب توب دة ملقتوش بنفس السعر اللي انت كاتبة خالص لقيتة سعرة 3000 وكمان كارت الشاشة مش جي فورس كان اية تي اي
ياريت تقول لي علي المكان اللي انت جبت منة او تبعت لي رسالة خاصة وجزاك الله كل خير
المفضلات