استفسار بخصوص كورس الاوراكل لتجارة

[DARK BOY]

السلام عليكم

كنت حابب استفسر على مسار الاوراكل

انا خريج كلية تجارة وعايز اعرف اخد ايه بالظبط فى الاوراكل

انا عارف ان الاوراكل ديفولبر هو البداية بس سمعت تانى ان كفاية اخد sql

وبعد كده اخد حاجة تانية وليس الديفولبر !!

يعنى ايه الموووهم بالنسبة لى كخريج تجارة

oracle devolper

oracle erp

oracle financial

oracle adminstaration

oracle bussiness suite


كل دى مصطلحات سمعت عنها بس ايه المووهم واللى هينفعنى بجد

علشان اختاره وابدا فيه

وجزاكم الله كل خير

[DARK BOY]

up

[kwidia]

انا متهيألي ان ال هينفعك كورسات و شهادات المحاسبه
مش شهادات الداتابيز و الاي تي

[DARK BOY]

جزاك الله خيرا
شكرا على ردك

بس اكيد الانسان لازم يطور من نفسه والاوراكل بقى مهم جدا
وكمان فى اوراكل للناس التجاريين

بس محتاج اعرف تفاصيل اكثر

[kwidia]

جزاك الله خيرا
شكرا على ردك

بس اكيد الانسان لازم يطور من نفسه والاوراكل بقى مهم جدا
وكمان فى اوراكل للناس التجاريين

بس محتاج اعرف تفاصيل اكثر

والله يا اخي موضوع الاوركال ده انا معرفش فيه
انا اتمني حد يرد علي استفسارك ويفيدك
متابع

[kwidia]

https://www.arabhardware.net/forum/s...d.php?t=205166

[DARK BOY]

شكرا على ردك الجميل
بس اتمنى احد المشرفين او المهتمين بالمجال يتواصلوا معنا

خصوصا ان مجالات اوراكل كتير

وفى انواع معينة بتحتاج ان الدارس يكون عارف مصطلحات تجارية
اللى مش هيفهمها كويس الا طلاب تجارة

فمحتاج تفاصيل اكثر ايه هو النوع من دوول بالظبط
وكمان ابدا ازاى الطريق والمسار بالظبط

[DARK BOY]

UP

[مكة روحى]

اخى الكريم فى ابليكيشن نزلتة شركة اوراكل اسمة اوراكل بزنس سيوت
الابليكشن دة مقسم الى مهام كثر ما يهمك هو جزء اوراكل فانيشيال طبعا كمحاسب و هذا ايضا ينقسم الى اقسام اخرى
ap - gl - ar - sales - purchasing
و ان شاء الله اكمل شرح بكرة لانى عندى بعض المشاغل

[DARK BOY]

طيب وضحت شوية الامور لكن الافادة من الكورس

هتكون فى شغلى كمحاسب اكثر يعنى فى شركات محاسبة وتجارية

ولا فى شركات البرمجة المتخصصة

كمان هل هناك شروحات للفاينانشل لانى دورت كثير ما لقيت

وبانتظار اكمال الشرح ان شاء الله


جزاك الله خيرا على التواصل
خد راحتك
الله يوفقك

[مكة روحى]

اعتذر يا اخى على التاخير
الشغل الاساسى لاوراكل فانينشيال هى فى الشركات التجارية و الصناعية لانى الموديول خاص بتسجيل العمليات اليومية من مشتريات و مبيعات و مدفوعات و مقبوضات و قيود يومية
بردة للعلم بالشى الفانيشيال نفسة ينقسم الى مستخدمين عاديين مثل المحاسبين و تكنكال سبورت لاعداد التقارير المطلوبة و عمل setup طبعا انا كلامى السابق ينصب على المحاسبين

طبعا فى موديولز تانية مثل hr و هذة خاصة الموارد البشرية و opm و هذا الموديولز خاص بالتكاليف الصناعية و INVENTORY و هو خاص بالمخازن
و purchasing و sales و على فكرة انا دخلتهم فى تقسيمة الفانيشيال و هذا خطا منى


تقسيمة الفانيشيال
GL الاستاذ العام
AP نظام الدفوعات و تسجيل لحسابات الموردين
AR نظام اقبوضات و تسجيل لحسابات العملاء
CASHMANAGEMENT و هى للتحويل بين بنوك الشركة ( الدعم) و عمل مطابقة للبنوك و الخزن

و فى شروح للفانيشيال كامل و فيديو ادينى بكرة و انا هجيب لك لينك
و لو فى اى سؤال انا تحت امرك

[DARK BOY]

جزاك الله خيرا
تمام يعنى افضل تسيمة اللى حضرتك كتبتها

طيب يمكن السؤال ااخير علشان متعبش حضرتك اكتر

سعر الكورس فى مصر وافضل معهد فى مصر؟
وموضوع شهادة حضور الكورس مهمة علشان الامتحان
يعنى ايه القصة بالظبط؟

وفى انتظار الفيديوهات

وفقك الله تعالى
واعطاك اكثر ما تتمنى بكثير

[مكة روحى]

شوف اللينك دة
https://www.arabhardware.net/forum/s...d.php?t=147893
بس المشكلة تكمن فى كيفية التطبيق لان الابليكشن كبير و يصعب تنزيلة على الاجهزة العادية
بالنسبة للمراكز ممكن مركز next سعرة معقول الى حد ما
https://www.next-eg.com/Partner.aspx?id=4

[DARK BOY]

جزاك الله خيرااا

طيب بالنسبة انى اذاكر لوحدى هيبقى صعب ولا سهل؟
وكمان كده كده هضطر انى ادرس فى مركز علشان شهادة الحضور صح!

ومركز نيكست افضل محاضر هناك اسمه ايه؟

وهل هناك مراكز اخرى غير نيكست ارخص قليلا

[مكة روحى]

اظن المذاكرة لوحدك صعبة شوية
علشان الابليكشن تنزلة على الجهاز عايز جهاز امكانياتة عالية دة اولا
ثانيا تنزيلة على الجهاز دة محتاج كورس لوحدة
بالنسبة للامتحان دة انا معرفشى عنة حاجة لانى مفكرتش ادخلة اصلا