مشكلة قطاعات تالفة وصدور صوت من أقراص SATA (عنوان معدل)

[محب أهل السنة]

السلام عليكم و رحمة الله و بركاته
سؤال إلى الخبراء فى هذا الصرح العظيم المبارك
نفع الله بكم و تقبل الله منا و منكم
البورده عندى نوعها gigabyte 945
أول ما أشتريت الجهاز كان جاى معاه هارد 160 ساتا
و بعد فترة طويلة قبل أن ينتهى الضمان إكتشفت وجود بادسيكتور
و بدلت الهارد ب 160 داتا عادى
و بعد فترة جبت واحد تانى 160 ساتا
و حصلتله نفس المشكلة
و بدلته بواحد تانى 160 داتا
و قريبا جبت هارد ويسترن تيرا جرين
و حصلت نفس المشكلة قبل إنتهاء الضمان بقليل
و بدلته بواحد تانى جرين
بس مشغلتوش إلا لما غيرت الباور سبلاى و جبت جاما 350 وات بفضل الله
و بعد التشغيل كان برضه فى صوت فى الهارد و صوت تكة و المهم إنى رجعته تماما
أنا دلوقتى عايز أعرف العيب منين
أنا بصراحة أول هاردين اللى هما 160 مكنتش بحافظ عليهم أوى مع الباور الضعيف اللى كان فى الجهاز
اما الهارد الثالث التيرا الجرين فكان شغال كويس و لكن مع تبديل الباور سبلاى من سئ إلى سئ حدثت المشكلة و الله أعلم
و لكن الهارد الأخير لم أقم بتشغيله إلا بعد شراء الباور الجاما
و ظهرت المشكلة بعد التشغيل بساعة تقريبا
فهل هذا من الهارد أم ماذا
أم أن العيب فى البورده
أم فى الوصلات
مع أنى بستخدم الوصلات اللى جاية فى علبة البورده الجيجا بايت بتاعتى
و معايا وصلة من بوردة جيجا بايت أخرى بستخدمها عندى
هل ده فيه مشكلة ولا إيه
أنا بقيت أكره الساتا
ياريت تعرفونى العيب من إيه
بارك الله فيكم

[محب أهل السنة]

ولا مثلا البوردة محتاجة تحديث!!!
لأنى بقرأ إنه أحيانا مشاكل كتير فى الجهاز بتتحل بعد تحديث البوردة بفضل الله
و لكنى لا أعرف طريقة التحديث أصلا و هل البورده بحاجة إلى تحديث أم لا!!!
و أصلا هل العيب من البورده أو من فتحات الساتا!!!
ولا إيه!!!
بارك الله فيكم

[abozidd]

سؤال اعتراضي

انته بتعرف منين ان هارداتك فيها باد سكتور ؟؟؟

من صوتها ؟؟؟ تبقى غلطان !!

لو بتعرف ببرامج وكده يبقى حظك وحش اوي كل الهاردات ده حصلها باد ؟
الا اذا كنت انته بتلعب بالهارده وبترميه لصحابك وومكن تحدفه من الشباك

[tarekforall]

وعليكم السلام ورحمة الله وبركاته
أولاً بخصوص مزود الطاقة فالرخيصة منها قد تسبب مشاكل كثيرة للأقراص الصلبة ولكن بما أنك تملك الان جاما 350 فهو جيد
تأكد من سلامة كابل البيانات أو قم بتغييره باخر جيد
تأكد من تثبيت القرص جيداً في صندوق الحاسب
جميع الأقراص الصلبة تصدر صوتاً طبيعياً أثناء التشغيل يرتفع ويصبح حاداً عند القراءة العشوائية من القرص
أقراص ويسترن الخضراء التي بذاكرة كاش 64 ميجابايت يجب تقسيمها من ويندوز 7
بعد تنزيل الويندوز يفضل أن تقوم بتنزيل أحدث تعاريف اللوحة الأم وتحديث الويندوز
هناك برنامج HD Tune لاختبار ومعرفة حالة القرص الصلب

[LOVEFORLOVE93]

[QUOTE=tarekforall;1676677]
أقراص ويسترن الخضراء التي بذاكرة كاش 64 ميجابايت يجب تقسيمها من ويندوز 7

ممكن سبب تقسيمها على ونيدوز 7 بشو يختلف الاكس بي ؟؟؟

[tarekforall]

ممكن سبب تقسيمها على ونيدوز 7 بشو يختلف الاكس بي ؟؟؟

اقرأ هذا الموضوع عن التهيئة المتقدمة هنا

[abozidd]

بعد اذن صاحب الموضوع
لدي اسئله للاستاذ tarekforall

بالنسبه للتقسيم من خلال وندوز 7
هناك طريقتين للتقسيم
1- اثناء تسطيب وندوز 7
2- بعد تسطيب الوندوز ,, من خلال manage ثم Disk management

السؤال
هل هناك فرق بين الطريقتين ؟ وله الاثنين ينفعو في تقسم الهاردات الكبير الخضراء


سؤال اخر
اذا كنت لا اريد تسطيب وندوز 7 ولكني هقسم الهارد باسطوانة وندوز 7 ثم بعد ذلك اسطب الاكس بي
ينفع وله مينفعش ؟


سؤال اخير
هل برنامج HD Tune يعطيني معلومات اذا كان الهارد عليه باد سكيتور ام لا ؟
أم هوه فقط لقياس سرعة واداء الهارد


واسف للاطاله

[tarekforall]

@Abozidd
- الأقراص المقصودة هي أقراص ويسترن بالتهيئة المتقدمة (Advanced Format) بالاضافة لأقراص ويسترن الخضراء بذاكرة 64 ميجابايت يوجد الان بالسوق المصري أقراص ويسترن الزرقاء 500 جيجابايت (WD5000AAKX) وهي كذلك بالتهيئة المتقدمة
- التقسيم من ويندوز 7 بأي طريقة، لا مشكلة في ذلك
- يمكنك التقسيم من ويندوز 7 وبعد ذلك تنزيل ويندوز XP ان أردت ذلك
- البرامج التي تراعي محاذاة القطاعات لهذه الأقراص أثناء التقسيم هي:
Acronis Disk Director Home 11
Paragon Partition Manager 11
- برنامج HD Tune من الممكن أن يكتشف القطاعات التالفة من التبويب "Health" ولكن يفضل استخدام برنامج Data Lifeguard Diagnostic for Windows لأقراص شركة ويسترن

[atefs]

شكرا أخوتي على المعلومات القيمة لقد استفدت من معلوماتكم