مشكلة باد سكتور فى هارد WD 320G

**حسام الألآتى** · 19-12-2010, 13:42

السلام عليكم ورحمة الله وبركاته

بدون مقدمات .. المشكلة كالآتى :-

المريض : HDD 320G WD .
الأعراض : ثقل فى الأداء وخلافه .

تم تشخيص المرض بأنه ببساطة باد سكتور ..
قمت بالكشف على الهارد ببرنامج MHDD .. فوجدت الباد سكتورس بالآلاف (الصلاة على النبى )

المهم .. طبعاً حاولت أ بعد عن حبيبى Hard regeneretor لأنه هايقعد فى الهارد سنتين .. وإشتغلت ببرنامج HDAT ..
تم القضاء على معظم جنود العدو .. ولكن تبقى جزء بسيط يرفض المعالجة تماماً .. أخذت الإذن من صاحب الهارد بأنى من الممكن أن أ محو ماعليه من بيانات .. (جميل) .. رحت عامل للهارد Wipe ب Hdat ..
برضه ماحصلش حاجة .. كنت هاتجنن .. سميت بالله .. وعمل للهارد low level Format .. قلت ده اللى هايجيب مناخير الهارد الأرض .. ألاقى برضه المشكلة زى ماهى .. فى برنامج MHDD الهارد ييحى عند 43% وتظهر ال UNC بشكل منظم وبين كل مجموعة تظهر AMNF .لغاية 48% ومش عارف دلوقت اعمل إيه ..

هل فيه دلوقت مشكلة فى الميديا ؟؟ ولا ممكن إصلاح هذه المشكلة ؟؟؟

ولكم جزيل الشكر والعرفان ..

على فكرة : أنا فى الآخر لجأت لـ Hard REG بس بييجى بعد كام باد كده وألاقيه يفرأ الباد سكتور زى عداد التاكسى السايب ومايصلحش حاجة ..

ملحوظة أخرى .. ياريت ماحدش يقول لى أحجم المكان البايظ و أقسم الهارد من حواليه لأن ده مش حل ..!!

**ehabdiesel** · 19-12-2010, 17:52

المشاركة الأصلية كتبت بواسطة حسام الألآتى

المهم .. طبعاً حاولت أ بعد عن حبيبى Hard regeneretor لأنه هايقعد فى الهارد سنتين .. وإشتغلت ببرنامج HDAT ..

طيب هل جربت HDD Regenerator 1.71 سريع جدا وفعال جدا وانا استخدمته فى تصليح 3 هاردات
موجود فى اسطوانة هيرن بوت بنسخه تعمل من الدوس

**حسام الألآتى** · 19-12-2010, 18:53

نعم أخى العزيز جربت HDD Regenerator 1.71 .. ولكن بعد إصلاحه لبضع بادات بيفلت منه عداد البادات وبيجرى زى الصاروخ ومايصلحش حاجة ...

فيه واحد حبيبى لما قلتله على المشكلة قال لى بتتحل بـكارت ال PC 3000 لكن لما شاف الهارد قال لى لأ مش المشكلة دى اللى تتحل بالكارت .. دى مشكلة فى الميديا ومش هاتتحل .... كنت هاقلع مالط وأصوت لما قال لى كده بس غيرت رأيى وقلت أحاول فيه تانى ... إلحقونى ياجماعة .. أعمل إيه ؟؟؟ ....

طيب هل لو حاولت تحجيم المكان البايظ وقسمت من حواليه هل ممكن يؤثر على أداء الهارد .... أنا أعتقد إنه لو بقى كويس بالحل العبيط ده دلوقت .. ممنكن يتأثر على المدى البعيد .. فى الهارد كله يعنى ..
إيه رأيكم ؟؟؟

شكراً ...........

**محمد أبو خضرة** · 19-12-2010, 19:57

سبحان الله وبحمده سبحان الله العظيم

أخى ممكن يكون العيب غريب وصدقنى لسه حاصل معايا من يومين

غير كابل الداتا بتاع الهارد

وغير السى دى روم وكابل السى دى روم وشوف كدا

مكنش اعمل سكان بالريجنيريتور وشوف الباد من الجيجا كام إلى الجيجا كام

وبعد كدا قسم بالبارتشن ماجيك وقطع الاماكن البايظة

هيعيش معاك بكفاءة من 70% إلى 90%

ويستحسن يجيب هارد صغير ويعمله ماستر

ويخلى الهارد دا سليف

عن تجربة الباد ملوش كبير

خصوصاً مع التعامل الغريب للعميل مع الكمبيوتر

**حسام الألآتى** · 24-12-2010, 14:23

خلاص يا جماعة أنا فى الآخر عملت اللى أنا ماكنتش عايز أعمله ...

تحايلت على المشكلة وقسمت الهارد بعيد عن الجزء الخربان ..

مؤقتاً ..

شكراً جزيلاً ...