أريد شاشه فى حدود 1000 جنية

[albsty40]

بلعب جميع الالعاب على اعلى دقه و ما شاء الله مفيش أى مشاكل خالص
على الرغم من قوه جرافيك الالعاب
ودى قائمة الالعاب
Call of Duty - Black Ops
Call of Duty - Modern Warfare 2
FIFA 2011
Grand Theft Auto IV - Episodes From Liberty City
James Bond 007 - Blood Stone
Need.for.Speed.Hot.Pursuit
Pro Evolution Soccer 2011
أعتقد ان دى كلها العاب عالية

[EL-MARIACHY]

عظيم جداً يا أخى ان حضرتك بتلعبها على أعلى إعدادات

و لكن سؤالى واضح و بسيط للغايه : ما هى الدقه التى تلعب عليها حالياً ؟ يعنى ما هى ال RESOLUTION التى تظبط الألعاب عليها ؟

فمثلاً لو حضرتك عندك شاشه 19 بوصه , و أقصى دقه لهذه الشاشات هى 1440 ×900 فعند فتح اى لعبه لن تستطيع أن تظبط الإعدادات أكثر من 1440×900 و بالنسبه لحضرتك هتكون فعلاً بتلعب كل الألعاب على أعلى إعدادات و أعلى دقه و فى هذه الحاله كلامك صحيح 100%

و لكن هذا لا يثبت قوه الكارت ان كان قادر على تشغيل الألعاب كلها بسلاسه لأنه ببساطه يعمل على دقه بسيطه للغايه و لا تمثل أى تحدى لقدارت الكارت

و الله أنا لا أريد الا أن أساعدك لتتجنب دفع مبالغ رهيبه كنت غير متوقعها

هقول لحضرتك على قصتى بإختصار شديد

- كان عندى كارت 2600XT و شاشه 19 و بالعب على دقه 1440×900 بدون مشاكل و قررت أن أشترى الشاشه ال 24 بوصه بدقه 1920×1080

- طبعاً الكارت لم يكن قادر على تشغيل أى لعبه إطلاقاً حتى لعبه PES 2009 لم أكن قادراً الا أن ألعب 3 ماتشات فقط و بعدين الجهاز يبدأ يهنج

- كانت النتيجه انى إشتريت كارت ب 1350ج

- الكارت كان يحتاج مزود طاقه عالى الأداء و تم شرائه ب 650ج

الكارت الجديد كان قوى جداً لدرجه أن المعالج كان ضعيف جداً أمامه فتم تغير المعالج ب950ج

طبعاً لتغير المعالج تم تغير البورده ب 400ج

طبعاً لتغير البورده تم تغير الرامات ب 500ج

و بعدين حدثت مشكله لم تكن فى الحسبان ألا وهى أن المكونات الجديده كانت تسخن بطريقه فظيعه للغايه حتى إضطريت أشترى مشتت + كيسه + 4 مراوح بتكلفه 1000ج

فتخيل حضرتك كل هذا حدث لى نتيجه تغير الشاشه فقط

فهذا هو بالظبط ما أريد أن أجنبه لحضرتك , و أريد ان أقول لحضرتك الذى كنت أتمنى أن يُقال لى قبل شرائى الشاشه

[albsty40]

انا شاشتى 19 بوصه و اقصى روزليشن ليها هو 1366 * 768 و ده الى انا بلعب عليه جميع الالعاب
لكن بالنسبه للى حاصلك ده بجد كان الله فى عونك لان بجد كتير قوى الى انت دفعته ده
ولى سؤال عندك هل عشان اغير الشاشه بتاعتى هحتاج اعمل كل الى انت عملته ده؟
و لو فى حل يا ريت تقولى عليه.
معلش بقى استحملنى لان الموضوع ده قالقنى على الاخر و خصوصآ بعد ما حكتلى الى حصل معاك

[EL-MARIACHY]

انا شاشتى 19 بوصه و اقصى روزليشن ليها هو 1366 * 768 و ده الى انا بلعب عليه جميع الالعاب
لكن بالنسبه للى حاصلك ده بجد كان الله فى عونك لان بجد كتير قوى الى انت دفعته ده
ولى سؤال عندك هل عشان اغير الشاشه بتاعتى هحتاج اعمل كل الى انت عملته ده؟
و لو فى حل يا ريت تقولى عليه.
معلش بقى استحملنى لان الموضوع ده قالقنى على الاخر و خصوصآ بعد ما حكتلى الى حصل معاك

حضرتك هتحتاج تعمل كل ده لو انت عايز تلعب كل اللألعاب اللى حضرتك ذكرتها من قبل , لأن هذه الدقه هى من أقوى و أعلى الدقات التى يتم عليها الإختبارات حول العالم على أجهزه بتكلفه 20,000ج و انت طالع

اللى أنا عملته ده بالظبط كان علشان ألعب كل الألعاب بسلاسه

انما لو حضرتك عايز تجيبها و تتفرج على أفلام و تتصفح النت و ممكن بعض الألعاب الخفيفه جداً جداً فلا مشكله فى هذا

انما لو عايز نفس الألعاب اللى معاك حالياً و بتلعبها على أعلى إعدادات , ان حضرتك تلعبها على الشاشه الجديده باعلى إعدادات- لأن لو عملت إعدادات قليله ستكون الصوره سيئه للغايه- فهتضطر تعمل اللى أنا عملته

و لكن الجانب المشرق فى الموضوع ان حضرتك ممكن ببساطه تتكلف نصف ما أنا تكلفته بإن حضرتك تجيب مكونات متوسطه الأداء و فى المستقبل كل ما يجى لك فلوس تعلى حاجه

كمثال : ممكن تجيب بورده AMD عاديه خالص ب 400ج و طبعاً 2جيجا رامات ب 200ج و معالج ب 350ج و تفضل بنفس مكوناتك الحاليه و بعد شهرين ثلاثه كده ممكن تحوش شويه و تجيب كارت شاشه مثل 5770 ب900ج و تحطه و تلعب به و هتلعب كويس و ليس ممتاز

ممكن مثلاً بعد 6 أشهر جاتلك فلوس تبيع المعالج اللى معاك و هيكون ثنائى النواه و تجبلك معالج راعى النواه و هيكون رخص جداً ساعتها بمثلاً 800ج

و بعد فتره تجبلك رامه تانيه 2جيجا و يبقى معاك 4جيجا رامات

و ساعتها على أواخر 2011 تجبلك كارت 6950 او 6970 مستعمل و هيكون سعره حلو أوى و هيشغلك الألعاب على إعدادات عاليه جداً و هيكون معاك معالج رباعى و 4 جيجا رامات و الحمد لله

و ممكن تشوف نصائح باقى الخبراء لأنى لست مُلماً بكل الحلول

أرجو الا أكون أحبطتك , و الحمد لله ان حضرتك وجدت حد ينصحك قبل ما تغرق

[ashraf_shivo]

SAMSUNG 23`` P2370MS

[EL-MARIACHY]

SAMSUNG 23`` P2370MS

هذه الشاشه سيئه و يوجد ناس كثيره إشتكوا منها

[albsty40]

شكرآ ليك يا باشا و فعلآ احسن حل الى انت قلتوا ده
س ندى استفسار انا لو ملعبتش الالعاب على اعلى روزليشن
ولعبته على روزلشن ال 19 بوصه ذى الى انا شغال بيه الصوره هتبقى سيئه جدآ
ولا هتكون مقبوله لحد ما.

[EL-MARIACHY]

شكرآ ليك يا باشا و فعلآ احسن حل الى انت قلتوا ده
س ندى استفسار انا لو ملعبتش الالعاب على اعلى روزليشن
ولعبته على روزلشن ال 19 بوصه ذى الى انا شغال بيه الصوره هتبقى سيئه جدآ
ولا هتكون مقبوله لحد ما.

لأ هتبقى سيئه للغايه

بص هوضحلك أكثر

هذا الفيديو كنت مصوره علشان أرفعه على الYOUTUBE فإضطريت أصغر الدقه جداً

شوف من هنا


و بعدين شوف الفيديو ده , و لما تفتحه إعمله على HD 1080P علشان هى ديه الدقه اللى هتلعب عليها

من هنا

معلش هتجد الفيديو الثانى هياخذ وقت طويل بس إصبر عليه , و على فكره أنا عندى اللعبه بتبقى أحلى بنسبه 30% من الفيديو الثانى علشان صاحب الفيديو الثانى مقلل الجوده سنه بسيطه علشان يعرف يرفعه

شوف الفيديوهين دول و قول لى إيه رأيك