السلام عليكم ورحمة الله وبركاته
اخواني الكرام عندي سؤال او مشكلة وياليت القى حلها عندكم او على الاقل جواب يدلني
انا انزل افلام تورنت وبعد عناء طويل ينزل الفيلم فـ اترجمه بواسطة برنامج avisub
بعدين احرقه على ديفيدي عشان اشوفه ع التلفزيون
طبعا انا عندي مشغل ديفيدي wansa
مو مرسوم عليه علامة الديفكس مثل باقي الديفيديهات لكن مكتوب ع الكرتون انه يشغل فيديو الديفكس
divx 3.11 or above + divx 4.x + divx 5.X + divx program
هذا بالضبط اللي مكتوب على الكرتون والكتيب
المهم بعد مااترجم الفيلم عن طريق البرنامج المذكور اعلاه وانا اخترته لانه سريع بالترجمة وماياخذ وقت
بعد مااترجمه اشغله ع الكمبيوتر قبل احرقه على الديفيدي ويطلع شغال 100 %
بعدها احرقه على ديفيدي واشغله على المشغل ع التلفزيون وهنا تبدأ المشاكل
تنقسم الى ثلاث اقسام
1 - بعض الافلام تشتغل عادي زي الحلاوة بدون اي مشاكل
2 - بعض الافلام تشتغل لكن اذا ابي اسوي تقديم لمشهد معين او احط على خيار Go To
واللي يعني انه اذهب الى اي مقطع بالساعة والدقيقة والثانية لكن للاسف التقديم بطئ جدا جدا عكس الفيلم بالقسم الاول التقديم يكون سريع
خيار go to يتعطل ومايروح على اللقطة المعينة اللي انا ابيها
3 - القسم الثالث افلام ماتشتغل ابدا يعني احط على الفيلم والديفيدي يرفض تشغيل الفيلم بالاساس يعني بس ترمش الشاشة بعدين يرجع على القائمة الاساسية
مع اني ماانسخ ديفيدي الا اجربه ع الكمبيوتر بالاول واتأكد انه شغال لكن الديفيدي يرفض تشغيله والمشكلة الاكبر ان الفيلم ينعطب بعدها
يعني ارجعه ع الكمبيوتر القاه مايشتغل
4 - بعض افلام تشتغل للنص بعدين توقف الصورة
هذي هي المشكلة ياجماعة وانا مو عارف المشكلة من المشغل ولا من برنامج avisub ??
مع العلم انه الفيلم قبل ترجمته ع البرنامج يشتغل عادي على الديفيدي لكن المشكلة بالصيغة بعد مااترجمه ويتحول divx بعض الافلام ماتشتغل وبعضها التقديم يكون بطئ وسئ
انا شاك انه يمكن تكون المشكلة ان بعض الافلام تحمل كوديك ديفكس 6 وهو مو مذكور انه يشغله الديفيدي
فياليت تعطوني الحل او اجابة على سؤالي فين المشكلة واذا احد صارت معاه هذي المشكلة ياليت ينقل لنا تجربته
وشكرا جزيلا مقدما