================================================== =============
السلام عليكم أخى......
ليه متلخبط....!!! الموضوع سهل جداً بس تابع معايا كده ولو فى حاجة مش فاهمها قولى وأنا أعيدهالك.
فى الأول.....لازم نعرف ال 3 مصطلحات اللى فوق كويس وتعرف تفرق بينهم وتعرف كل واحد منهم بيشتغل ازاى وبعد كده هنربط ما بينهم.
أولاً.....ال Layer 3 Switching .....
فكرة ال Layer 3 Switching هى ان ال MLS عنده RP و SE...Router Processor و Switch Engine ......
وأول ما ال MLS يستلم ال Packets بيسلمها على ال RP ويسجل عنده كل المعلومات عن الSource وال Destination فى ال Layer 3 ويكون هنا ال SE بيعمل Listen للموضوع اللى حصل دا.....ولو ال SE شاف ان هوا ممكن يوصل لل Source وال Destination دول من غير ما يستعين ب ال RP .....بيعمل Shortcut Path ليها...وأى ترافيك تانى رايح لل Destination اللى هوا عملها Shortcut عنده دى...هيبعتها على طول (( Switching )) بدون ما يعدى خالص على ال RP......
والكلام دا طبعاً....بيوفر فى ال Resources بتاعت ال Route.....
وتلخيص الفكرة دى هي...
" Route Once And Switch Many "
=======================================
ثانياً.....Cisco Express Forwarding اللى هوا CEF......
لكن قبل ما أتكلم فيه....أكيد انت فاهم ان ال Switch العادى اللى هوا Layer 2 بيرسل ال Traffic ازاى....ودا عن طريق ان ال Switch لما يستلم ال Frames بيبص على ال destination Mac وعلى هذا الاساس بيبعت الترافيك......كويس.
دلوقتى فى ال Multilayer Switch عنده حاجتين.....Router Processor و Switch Engine ......والفكرة هنا تعتمد على الفكرة الاساسية اللى أتكلمنا عنها فوق وهيا Layer 3 Switching....
ف أول ما ال Traffic يوصل عند ال MLS....بيعمل Route لأول Packet وبعد كده بيعمل Switch للباقى على أساس ال Shortcut.....
طيب دا بيحصل ازاى...!! ماأنا مش فاهم ايه اللى حصل..!!!!!
هقولك.....
بعد ما ال RP عمل Route لل Packet الاولى...بيقوم ال SE عامل جدول جديد اسمه Forward Information Base اللى هوا FIB ...
والجدول دا بيبقى مشتق من ال Routing Table الأصلى...وبيحط فى الجدول دا معلومات عن كل Subnet/Prefix وال Next-Hop بتاعتها ايه...بس لاحظ ان أنا قولت Subnet/Prefix كاملة....يعنى ممكن يبقى عندك 10 Network من Subnet واحدة بس على Prefix مختلفة...هتلاقى فى ال FIB Result واحدة بس عن ال Subnet دى والباقى تحتها ب ال Prefix بتاعها......
وهنا أى تغييير بيحصل فى ال Routing Table بيتبعت نسخة منه
(( بيحصل نفس التغيير فى ال FIB ))......كده تمام.
هتقولى ما انت قولت ان ال FIB عنده كمان ال Next-Hop....طيب جابها منين....!!!!! هقولك مش فى ال Layer 3 Routing فى ال ARP بيعمل جدول اسمه ARP Table ودا بيتخدمه ال Routing Table عشان يحدد ال Next-Hop بتاعته ويعمل ال Route Decision...صح؟
برده فى ال FIB ال فى جدول تانى اسمه Adjacency Table ودا معمول برده من ال ARP Table..وأى تغيير هيحصل فى ال ARP هيحصل فى ال Adjacency Table.....
**وبكده يقدر ال SE يعمل Switching لباقى ال Traffic لأنه عارف جاى منين ورايح على فين****
=======================================
ثالثاً....ال Layer 3 Routing ....دا سؤال ياراجل.....!!!!!
دا ال Routing العادى اللى انت عارفه....اللى ال Router بيستخدم فيه ال Routing Protocols سواء Dynamic أو Static عشان يقدر يعمل Routing Decision ويوصل ال Packets صح.
======================================
يارب أكون قدرت أوضحلك الفكرة كويس...وأسف جداً ان كان الشرح طويل شوية.....بس ان شاء الله هتفهم كويس.
ولو فى أى حاجة تانية أنا تحت أمرك......
وربنا يوفقك.....
يارب.
المفضلات