بسم الله الرحمن الرحيم

انا بجد يا جماعه زهقت والمشكلة انى مش قادر احدد المشكلة منين .
انا بقالى اسبوع وانا الكونيكشن بتاعى فيه حاجة غلط . اولا انا فى شبكة بتعتمد على سيرفر والسيرفر عليه سوفت وير اسمه microtik اول مالسوفت وير ده اتستب كان كلو تمام ومفيش اى مشكلة وانا بقيت بأكسس عليه بباسورد ويوزر خاصين بيا انا وكله كان تمام لحد ما من اسبوع كده بقيت الاقى على شاشتين الكومبيوتر اللى جنب الساعه علامة تعجب وطبعا مفيش نت ولا حتى نتورك رحت اتصلت بصاحب الشبكة قالى هرستر السيرفر رسترو وبردو مفيش فايدة . اتصل بالناس اللى معايا فى نفس الشبكة قلاقى الحياه عندهم تمام ومفيش مشاكل . جربت اشيل تعريف كارت النتورك واستبه تانى قلاقى المشكله اتحلت وبعدين دقيقتين وترجع تانى نفس المشكلة - انا الجهاز مش متفيرس ومش بشتكى من اى حاجة ليها علاقة بالسكيورتى - شيلت كتير تعريف كارت الشبكة وستبته تانى وبرده مفيش فايدة . شيلت الويندوز وحطيت ويندوز وقعدت يوم كامل والمشكلة برده لسه موجوده والمرة دى مكنتش عايزه تتحل خالص لحد ما لوحدو لقيت الكونيكشن اتصلح وبقا بمزاجو شوية شغال وشوبة لا 30 ثانيه ييجي ويفصل دقيقة ويرجع تانى بس المرة دى من غير علامة تعجب . النهاردة جبت كارتين نتورك بلت اويت استلفتهم من واحد ومش معاهم التعريفات بتاعتهم واحد اتعرف لوحدو بس مش عايز بجيب نت جايب اكس احمر و التانى مش راضي يتعرف اصلا .
انا دلوقتى عندى نت لكن بطيء جدا جدا جدا جدا جدا عشان افتح صفحة انشاء الموضوع ده قاعد حوالى دقيقتين او تلاتة وكمان كل شوية بيفصل الناس شيفانى على الشات بتاعه الفسيبوك كل شوية اطلع وادخل اطلع وادخل .

اى دونلود بعملو بيقف ومبيكملش حتى لو كان اغنيه . ودلوقتى بعتمد على التورينت الوحيد اللى شغال لانه بيدعم الاستكمال مع نفسه .

انا زهقت واتخنقت ومش عارف المشكلة فين كل اللى انا اعرفه انى المشكلة مش من عند الراجل لانى الناس اللى معايا محدش منهم اشتكى .
لو كبل الارجيه مكنش هيقرا نت خالص .
ولما شكيت فى كارت النتورك جبت اتنين وفى الاخر مستفدتش حاجة .

ياريت يا جماعه تردو عليا الله يكرمكم .