استفسار من مبتدئ بخصوص موقع ديمونويد

**ehab_matriex** · 06-01-2011, 22:30

السلام عليكم ورحمة الله وبركاته
انا عندي استفسار بخصوص موقع ديمونويد انا لسة مسجل فيه من فترة قريبة لما كان فاتح التسجيل وبصراحة الموقع عشرة على عرة اي حاجة بدور عليها بلاقيها وبسرعة عالية في الدونلود
الاستفسار دلوقتي انا معظم الدونلود بيبقى برامج كاملة ومساحتها صغيرة فعشان كده لما بحب اعمل دونلود لأي برنامج بنزل معاه اي ملف يكون حجمه كبير جيجا او اكثر واعمله ابلود وهمي من خلال برنامج mratio
وبخلي السرعة بتاعت الدونلود الوهمي 4 ميجا والابلود الوهمي 1 ميجا والشير راتيو 3
سؤالي هل بالسرعة دي ممكن يتكشف ان انا بعمل ابلود وهمي ويتعمل بان للأكونت
2 هل الشير راتيو ده مناسب لموقع ديمونويد انا بخلي الراتيو 3 في كل الملفات ولا ازوده ولا اقلله وايه احسن طريقة عشان ميكتشفوش اني بعمل فاك ابلود
3 انا لما بخلص الدونلود للبرنامج اللي بنزله بمسح ملف التورنت وبالتالي الملفات اللي انا بنزلها فعلا على الجهاز مش بيتعملها سيد بعد ما بخلص فهل ممكن الأكونت يتحذف يعني هل هما بيحاسبوني على الأبلود لكل ملف ولا لكل الملفات اللي بنزلها عموما
4- ازاي بحصل على اكواد الدعوات من موقع ديمونويد لحد دلوقتي انا معنديش اكوادد دعوات هل الموقع بيديها بعد معدل معين من الدونلود والأبلود ؟

شكرا لكم على هذا القسم المتميز اللي ساعدني كتير في مجال التورنت واتمنى الاجابة ممن لديه الخبرة والمعرفة

**deplome** · 06-01-2011, 22:47

بالنسبه لديمونويد
كل اللي انت بتعمله ده مالوش اي لزوم

حمل وبس
لا تسيد ولا تغش ولا حاجه
ديمونويد في الغالب مش بجدد الاحصائيات
وحتي لو بيجددها والراشيو بتاعك واقع خالص
مش هيطردك

بس برضوا هنرد علي اسئله الغش عموما

السرعه بالنسبه لديمونويد عادي جدا
بس بالنسبه لتراكرات تانيه فهي خطر
خليك في سرعات معقوله الي حد ما
يعني مثلا 250 داونلود و 400 ابلود
ومش في كل التراكرات بتخلي سرعه الابلود اعلي من الداونلود
كل تراكر وليه تجربه خاصه بيه - هتعرفها في وقتها -

الراشيو بالنسبه لكل ملف يستحسن تخليه 1:1.5 او 1:2
لو لقيت عدد الليتشرز يسمح باكتر من كده عادي
بس لازم تطول وقت السيد

تابع معانا في القسم وهتلاقي اجابات علي كل اسئلتك
وهتلاقي دعوات كمان

**Dr.a7med** · 06-01-2011, 22:47

بص يا غالي موقع ديمونويد مش بيهتم بالراشيو حتي لو -1 :D فغش براحة راحتك عليه مفيش أي خطر أن شاء الله أو ممكن مش تغش خالص .

أما أمتي تحصل علي الأكواد فدي حتخش علي control panel علي اليمين فوق و تدوس create invitation code حيديك الكود بتاع التسجيل

**ehab_matriex** · 07-01-2011, 01:09

شكرا لردودكم يا اخواني بخصوص السرعة

يعني مثلا 250 داونلود و 400 ابلود

انا مش بعمل السرعة بالبايت انا بعملها بالبت ومع ذلك بيكون التحميل بالبت
يعني انا بعمل سرعة الدونلود 4 ميجا والابلود 1 ميجا
كأن معايا خط حقيقي في المفروض نقسم على 8 عشان تطلع سرعة الدونلود بالبايت
يعني يبقى الدونلود من 450 ل 512 والأبلود من 90 ل 128
ومع ذلك بلاقي السرعة في البرنامج الدونلود 4 ميجا والأبلود 1.76 ميجا يعني اكتر من اللي انا كاتبه فهل في حل

أما أمتي تحصل علي الأكواد فدي حتخش علي control panel علي اليمين فوق و تدوس create invitation code حيديك الكود بتاع التسجيل

شكرا لردك انا دخلت ولقيت مكتوب

No invitation codes foundYou can not create more invitations at the moment
Invitation codes are limited based on time since last creation and other factors.
Please check back this space, you'll be notified here when you are able to create an invitation again.

فعايز اعرف ايه الوقت اللي انا حاخد فيه الدعوة لأني انا معملتش اي دعوة قبل كده

**Dr.a7med** · 07-01-2011, 14:16

فعايز اعرف ايه الوقت اللي انا حاخد فيه الدعوة لأني انا معملتش اي دعوة قبل كده

أنت جربت تدوس علي الزر بتاع create invitation code زي ما قولتلك ؟

**ehab_matriex** · 07-01-2011, 14:59

الزرار مش موجود يا باشا مكتوب

You can not create more invitations at the moment

يعني مينفعش تعمل دعوات في الوقت ده وانا عايز اعرف هل الموقع بيدي الدعوات في اوقات معينة او بعد دونلود أو ابلود لحجم معين .؟
يعني هل في شرط عشان يبقى عندي دعوات ولا ايه؟

**Dr.a7med** · 07-01-2011, 16:06

الزر اللي عليه صح ده مش موجود؟؟ دوس عليه كذا مرة

أما لو برضه مش ظهرلك فأمتي تحصل علي دعوات فعلي حسب الموقع مش موضح معلومات دا اللي مكتوب

Can I invite my friend to Demonoid?
You sure can! You can access the "invite" feature under your control panel. The link is on the upper right corner of every page .. This will generate a code that the receiver will have to input when they register. There is a set number of invites so use them wisely.

أتمني أني أكون قدرت أفيدك