السلام عليكم و رحمة الله و بركاته

أنا إسمى محمد أشرف من القاهرة
و أهلاً و سهلاً بكم فى المنتدى العظيم عرب هاردوير

انا أملك الآن جهاز Sony Ericsson Vivaz HD
و هو دلوقتى حالياً فى فترة الضمان
و معتمد بضمان توكيل دلتا للإتصالات
نرجع للأهم
دلوقتى عمال ألاحظ الجهاز بيحصله حاجات غريبة جداً
أثناء إستخدام تاتش الجهاز
ألاحظ إن التاتش مش بيستجوب الهدف المحدد إللى أنا بلمسه عشان أفتح أو أستخدم أى شئ سواء تشغيل الأغانى أو إستخدام الأنترنت ألاقى أثناء تصفحى للمس الشاشة فى إستجواب خاطئ جداً للجهاز
أجى مثلاً أفتح الأستوديو يدوس على السجل
يعنى يجيب على اللى فوقى
ديه أول حاجة

تانى حاجة بقة فى الكاميرا أثناء تصوير الفيديو فى دربكة حصلت فى الفيديو
الصوت بيسابق الصورة بمية مرة
المفروض إن الأتنين معاًماشيين على خط واحد و ليس متفرقين عن بعضهما
ليييه بقة ؟؟؟ معرفش
و الأوتو فوكس للفيديو مش مظبوط خالص بيهنج أجى اقرب الجهاز للأوتو فوكس بالنهار مابيوضحش تلقائى لازم بالتدريج
ديه تانى حاجة

تالت حاجة بقة و هى الأهم فى الليلة ديه كلها ( الشبكة )
الله
دة المحمول مصنوع أساساً عشان الشبكة و الأتصالات
الشبكة ضعيفة جداً جداً جداً جداً لفوق ما تتصور
سبحان الله
التليفون أنا مسكوه فى أيدى و الشبكة شغالة
و ماسك تليفون أخر و رنيت على الموبايل اللى ضعيف الشبكة عشان أشوف هايستقبل ولا لق
الاقيه بيقولى الهاتف غير متاح حالياً
؟؟؟؟؟؟؟؟؟؟؟؟؟؟؟؟
ازاااى و الجهاز مفتوح
هاتقولى طب ليه؟؟ هاقولك معرفش
الله أعلم فى أيه بقة
ديه تالت حاجة

رابع حاجة بقة و ديه المصيبة
السبيكر
أثناء المكالمة بفتح السبيكر و أتكلم عن بعد 20 سمتيمتر يعنى الموبايل على رجلى
اللى بتكلم معاه أثناء المكالمة مش بيسمع حاجة خالص
الله
أيه اللى بيحصل دة
أيه إللى أنا شايفه دة
محدش عارف إيه اللى بيحصل
و لا أنا نفسى عارف أيه اللى بيجرا للموبايل دة
دة لسة مكملش 3 شهور
جبته أول شهر 11 سنة 2010
و يحصله كل دة
طب أزاى
الجهاز الحمد لله بفضله
الجهاز عاجبنى أوى
و لكن لما ألاقى كدة
أستغرب و أقول أيه
مش عارف

المطلوب من حاضراتكم السادة المحترمين جداً إللى دخلوا على المشاركة ديه
عاوز أسمع منهم رأى حلو جداً و يقولولى أعمل أيه أو أيه المطلوب لمعالجة هذه المشكلة تماماً

ياريت الأهمية يا جماعة
و بارك الله فيكم

شكراً جزيلاً لكم
شكراً جزيلاً إدارة منتدى عرب هاردوير
و أرجو من سيادتكم الأهمية