تجربة وتحذير من احد مستخدمى الهاردات البلاك الرخيصة

**elbass** · 09-01-2011, 10:02

السلام عليكم ورحمه الله وبركاته

هذه تجربة احد الاخوة مع الهاردات البلاك رخيصة الثمن بعد ان اشترها وكان ينصح بها
واليكم نص الموضوع كما كتبه هو

السلام عليكم

بدايةً أنا بعتذر جداً لاي شخص اشترى الهارد الي هتكلم عليه بناء على نصيحتي وعلى تبريري في أحد المواضيع قبل كده علشان انا مكنتش أعرف وقتها حقيقة الهاردات دي زيي زي اي حد وكان بعض معلوماتي مغلوطه

الموضوع هو اني من بعد ما جيبت هاردين منهم كان موقع ويسترن ديجيتال مش بيقبل السيريال وبيقول انه سيريال غلط وبالتالي بعت للدعم الفني بتاعهم وردوا عليا بطلب صورتين واضحين وهاي ريزوليوشن للهاردين وده الي عملته وبعد كم رساله متبادله بيني وبينهم قالولي هنفحص الصور وهنبقى نقولك النتيجه

والكلام ده كان من اسبوعين المهم هما ردوا عليا من يوم والنتيجه ان الهاردين دول مش ويسترن ديجيتال ومش أصليين ومطلعوش من شركة ويسترن ديجيتال اطلاقاً

وده الكلام بالضبط :

The photos you attached were examined, the finding of the examination is that the labels are not genuine Western Digital labels.

فبالتالي الهاردات دي مش ويسترن ومش أصليه طبعأً .. صحيح انا تعاملت مع هاردين منهم وكانوا بنفس كفاءة البلاك الأصلي وممتازين لكن طالما الهاردات مش أصليه فبالتأكيد محدش ضامن حاجه ومعناها انك بتخاطر بحاجتك المهمه على الهارد واعتقد الفرق في السعر بين الهاردين البلاك الاصلي ب 590 والبلاك التقليد الي يعتبر ملوش مصدر ولا ماركه ب 400 .. يعني فرق 200 جنيه .. هل يستحقوا المخاطره ؟ .. أعتقد لأ في وجود بدائل كتير ومساحات مختلفه وماركات مضمونه ..

تعرف ان الهارد بتاعك الويسترن اصلي ازاي عن طريق موقع ويسترن ديجيتال بتدخل السيريال وبيطلعلك فاضل في الضمان قد ايه

هيجبلك نتيجه من دول

In Limited Warranty يعني الهارد في فترة الضمان
Out of Limited Warranty الهارد انتهت فترة ضمانه
No Limited Warranty يعني الهارد ملوش ضمان لانه اتصنع لشركة OEM زي ديل واتش بي وتوشيبا وكده فالضمان عند الشركات دي واي حد عنده لاب فيه هارد ويسترن هيطلع معاه كده
Out of Region يعني الهارد اتصنع علشان يتباع في منطقه معينه وانت عملت بحث عن ضمانه في منطقه تانيه مثال يعني هارد بيتباع في شرق آسيا مينفعش تعمل بحث عن ضمانه في الشرق الأوسط وهكذا
Invalid Serial Number يعني السيريال خاطىء او سيريال مش ويسترن وده الي بيحصل مع الهاردات البلاك المضروبه الي بنتكلم عليها

بالنسبه بأه للناس الي اشترت الهاردات على انها هاردات ويسترن عادي فبالتالي من حقك انك تروح المحل ********* وتاخد منه فلوسك واذا مرضيش فمن حقك تشتكيه في حماية المستهلك أو ممكن تحتفظ بيه بس اعرف انه هارد ملوش ماركه وخلاص وبالنسبه للي ناوي لسه يشتري فالأفضل تبعد عنهم وخلاص مدام حاجه مش مضمونه

الرجاء التعليق على هذا الكلام من المتخصصين ومدى صحتة من عدمة

تحياتي

**eslamhamdy** · 09-01-2011, 15:34

مشكور على التحذير الهام جدا لكل من اشترى هذه الهاردات

**fanto** · 09-01-2011, 15:36

تسلم أخي على التحذير الهام فعـلا ..

وفرق السعر مش كبير بينهم .. لشراء الهارد أبو 400 جنية ..

**EL-MARIACHY** · 09-01-2011, 16:11

يا أخى كلامك صحيح بنسبه كبيره ولا أقول بنسبه 100%

انما فى مصر التوكيل هيديك ضمان على الهارد ال WD الأصلى من شركه WD بنفسها لمده 11شهر فقط.

و الهاردات اللى حضرتك بتقول عليها مش WD هتأأخذ برضه ضمان 11 شهر

كلام حضرتك صحيح و يؤخذ به لو كان التوكيل فى مصر بيدى فتره الضمان كامله بدون نقصان ، انما هذا لا يحدث .

فبلتالى تشترى هارد بلاك ب 400ج و لو حصل له حاجه فى ال11شهر هيتغيرلك بهارد تانى بدون مشاكل و نفس الكلام مع الهارد اللى ب 590ج فى خلال ال11 شهر لو حصل حاجه هيتغيرلك بهارد تانى فى خلال ال 11 شهر ، بعد كده مش هتأخذ حقك إطلاقاً

هذه هى الفكره ببساطه شديده

**eslamhamdy** · 09-01-2011, 17:47

المشاركة الأصلية كتبت بواسطة EL-MARIACHY

يا أخى كلامك صحيح بنسبه كبيره ولا أقول بنسبه 100%

انما فى مصر التوكيل هيديك ضمان على الهارد ال WD الأصلى من شركه WD بنفسها لمده 11شهر فقط.

و الهاردات اللى حضرتك بتقول عليها مش WD هتأأخذ برضه ضمان 11 شهر

كلام حضرتك صحيح و يؤخذ به لو كان التوكيل فى مصر بيدى فتره الضمان كامله بدون نقصان ، انما هذا لا يحدث .

فبلتالى تشترى هارد بلاك ب 400ج و لو حصل له حاجه فى ال11شهر هيتغيرلك بهارد تانى بدون مشاكل و نفس الكلام مع الهارد اللى ب 590ج فى خلال ال11 شهر لو حصل حاجه هيتغيرلك بهارد تانى فى خلال ال 11 شهر ، بعد كده مش هتأخذ حقك إطلاقاً

هذه هى الفكره ببساطه شديده

اتفق معك اخى فى موضوع الضمان و لكن اذا كان الهارد اصلى فالمفروض انه سيعيش اطول و لذلك لان الشركه تعلم ما هى المواد المستخدمه بداخله ونوعيتها و جودتها
اما النوع الثانى والارخص فالموكد و من الطبيعى انه اقل فى جوده المواد الداخله فى تصنيعه و لذلك المحتمل ان عمره الافتراضى اقل
احدهم سيمتسك بالهارد الاقل فى السعر و ممكن هيخزن عليه بيانات هامه لكن لا قدر الله اذا تلف القرص منه و حتى فى فتره الضمان فما العمل مع البيانات الهامه ؟

**eslamhamdy** · 09-01-2011, 17:48

وازى الهارد مضروب اصلا و الضمان مدخله انو اصلى ومديله ضمان 11 شهر و بيعه على كده كمان
و الله عمار يا مصر

**Mr. Nova** · 09-01-2011, 18:17

المشاركة الأصلية كتبت بواسطة eslamhamdy

وازى الهارد مضروب اصلا و الضمان مدخله انو اصلى ومديله ضمان 11 شهر و بيعه على كده كمان
و اللهى عمار يا مصر

اعتقد الضمان في الحالة دي مش من الوكيل نفسه لكن من الموزع
عموماً انا شايف ان زي ما حضرتك قولت بما ان فيه نسبة شك ولو بسيطة انه مش ويسترن ده ميكونش مضمون ولا تأمنله على بياناتك بصرف النظر عن الضمان طبعاً

**EL-MARIACHY** · 09-01-2011, 20:25

المشاركة الأصلية كتبت بواسطة eslamhamdy

اتفق معك اخى فى موضوع الضمان و لكن اذا كان الهارد اصلى فالمفروض انه سيعيش اطول و لذلك لان الشركه تعلم ما هى المواد المستخدمه بداخله ونوعيتها و جودتها
اما النوع الثانى والارخص فالموكد و من الطبيعى انه اقل فى جوده المواد الداخله فى تصنيعه و لذلك المحتمل ان عمره الافتراضى اقل
احدهم سيمتسك بالهارد الاقل فى السعر و ممكن هيخزن عليه بيانات هامه لكن لا قدر الله اذا تلف القرص منه و حتى فى فتره الضمان فما العمل مع البيانات الهامه ؟

لو بهذا المنطق ففعلاً يجب عدم البخل ب 200 فى نظير انك هتضع عليه حاجات هامه

أنا على فكره إشتريت اللى ب 590ج وكان ساعتها ب 640ج ، فأعتقد انى إتبعت المنطق بتاعك

**mramzi** · 09-01-2011, 20:34

لدى الى الان ثمان هاردات من هذه النوعية

راسلت شركة WD حين اشتريت اول هارد لانه لا يقبل التسجيل فردو على بايميل به كافة المعلومات والباتش الذي يحوله ال SATA 3

اكثر من اخ هنا ايضا قام بشرائه وراسل الشركة للحصول على الباتش الخاص ب SATA3

فكيف بهارد مقلد كما تقول يقبل العمل بباتش هارد اصلي ؟؟؟ (كأنك تشتري تليفون صيني وتريد وضع فيرموير نوكيا)

الهارد اصلي كما ثبت لدي ولدى الاخوة وتم النقاش عنه في موضوع الاسعار واخرج كل منا رسائل الشركة التي تؤكد ذلك

اما بالنسبة لهذا الموضوع الذي بالاعلى فهو غير صحيح اطلاقا (لو كان صحيحا امددنا بمراسلات الشركة!!)

**eslamhamdy** · 09-01-2011, 20:49

لا اعلم صحه المقوله من عدمه و لكننى تحدث من المنطق لا اكثر ولا اقل

**cobraxp** · 09-01-2011, 22:53

قولنا عملت فحص السيريل ازاى وازاى نعمل فحص لهاردتنا

**mi99doo** · 10-01-2011, 04:22

مشكور والله اول مره اعلم هذه المعلومه وهى فعلا ستكون مشكله ان كانت كذلك
كنت افكر فى شراء واحد قريبا ولكن خلينى فى اللى اعرفه :ah4: سامسونج وبقوه وباعلى صوووت
الحمد لله انا لا استعمل الا هاردات سامسونج وماشيه معايا زى السكينه فى الحلاوه :D

**uaechat** · 10-01-2011, 07:22

كيف نفحص السريل نمبر حق الهارديسك ؟

**tarekforall** · 10-01-2011, 08:37

أقراص صلبة ويسترن السوداء ومغشوشة، لا أعتقد ذلك ولكن من الواضح أن شركة ويسترن لن تضمن هذه الأقراص رسمياً وتتبرأ منها.

هل هذه الأقراص مغشوشة؟ لا أعلم، ولكن ما أعلمه أن شركة ويسترن طلبت من موزعيها حول العالم عدم بيع موديلات معينة من الأقراص السوداء من الموديل WD1002FAEX-00Y9A0 وغيره بعد أن تم شحنها، وردها الى الشركة لاستبدال الFirmware وأعتقد كذلك استبدال الموديل والرقم المسلسل.

أداء هذه الأقراص لا يختلف عن الأداء الطبيعي للأقراص السوداء من هذه الفئة.

لم أكن أعلم أن هذه الأقراص تظهر على موقع ويسترن على أنها "Invalid Serial Number" وبالتالي فمن لا يطمئن لهذه الأقراص عليه عدم شرائها أو اعادتها ان تم الشراء واسترداد ماله مع العلم أن ضمان أقراص ويسترن مع الوكيل المحلي فقط.

بعد توضيحي السابق وكلام مشرفنا محمد الذي أثق به عن من نقلت عنه فسأغلق هذا الموضوع ومن يملك حقائق أخرى عن هذا الموضوع فعليه مراسلتي على الخاص.