السلام عليكم أخى......
مش تلخبط نفسك خالص....الموضوع أبسط وأسهل مما تتصور.
اليك التوضيح.....
تابع معايا فى المثال دا.....
انت دلوقتى روحت تعمل اشتراك على خط انترنت من أى Internet Service Provider...ولو انت من مصر...يعنى روحت لشركة TE-Data تعمل عقد على خط انترنت خاص ليك انت بس وسرعته 1 ميجا....تمام كده.
هيتصل بيك بعد اسبوع يقولك الخط ركب.....ويديلك شوية حاجات...
هيديلك MODEM خارجى...يعنى ايه...؟
الجهاز اللى هيديهولك دا...هتقوم جايب سلك التليفون اللى فى البيت عندك وموصله فى المودم دا IN....وتوصل للمودم دا كهرباء كمان....
هتقولى طيب أنا كده هيوصلى انترنت ازاى...!!!!
الشركة اللى انت روحتها دى...زودت الانترنت على خط التليفون بتاعك...وباقى عليك تجيب جهاز تستقبل عليه الاشارة الزيادة دى......تمام كده.
خلاص وصلت المودم الخارجى كدا.....
باقى ان جهازى ازاى هوصله بالمودم دا.....عشان أعرف أدخل على الانترنت بالجهاز بتاعى....؟
لازم تجيب كرت شبكة.....Lan Card ودا بيبقى المصطلح بتاعه Fast Ethernet..فى عالم الشبكات...
.وتجيب الكارت دا وتركبه فى الجهاز بتاعك.....
باقى دلوقتى انك تجيب سلك وتوصل المودم الخارجى مع الكارت اللى فى الجهاز....هتقولى وأجيب الكابل دا منين...؟
ياأما تعمل انت واحد بنفسك...ودا له طريقة.
يااما تستخدم الكابل اللى بيبقى موجود فى العلبة بتاعت المودم...بييجة معاه واحد جاهز...أو تروح لأى واحد بتاع شبكات أو Cyber يعملك كابل.
دا بخصوص المودم الخارجى.....ودا المستخدم حاليا فى كل الأماكن.
أما بخصوص المودم الداخلى دا.....
فدا المصطلح بتاعه فى عالم الشبكات Fax Card....ودا انت بتجيبه على طول وتركبه فى جهازك....ومش هتحتاج المودم اللى انت اشتريته فوق دا....
وانما هتجيب سلك التليفون اللى فى البيت عندك وتركبه مباشرة فى ال Fax Card اللى فى الجهاز دا....
دا الموضوع بالتفصيل....
أتمنى أن أكون وضحتلك الفرق كويس...
ولو احتجت أى حاجة أنا تحت أمرك.
ربنا يوفقك......
يارب.
المفضلات