عندى مشكله ويارب الاقى اللى يساعدنى

**manchester5300** · 12-01-2011, 00:13

السلام عليكم ورحمة الله

اولا. احب اشكر جميع القائمين على المنتدى الجميل اللى بنتعلم منه كل يوم اكتر .

ثانيا. كان عندى استفسار مهم ياريت اصحاب الخبرة فى العمل يردوا عليا فيه

انا الحمد لله قربت اخلص mcse ولكن قابلنى صعوبه فى اللغه الانجليزيه فى حال المذاكرة من الموك.. ولكن بعد سماع الفديوهات من الاستاذ الرائع احمد سرحان لاقيت الموضوع سهل جدا و بفضل الله فهمت الموضوع جامد . جزاة الله كل خير

السؤال انا ان شاء الله مش ناوى اشتغل فى مصر وعايز اعرف دول الخليج بتشترط يكون اللغه الانجليزيه جيده . ولا مش مهمه مع العلم انى جيد فى الشبكات

باختصار ابداء ccna ولا اخدكورس انجليزى (انا لسه بدرس فى الجامعه وقدامى سنه على ما اخلص)

وشكرا مرة تانيه على الموقع الرائع

اسف طولت عليكوا

**manchester5300** · 12-01-2011, 17:55

لو سمتحتوا ممكن حد يرد عليا !!!

**zekobird** · 12-01-2011, 18:36

السلام عليكم ورحمه الله وبركاته

اولا لازم تبقي معلوماتك كامله ومترابطه يعني لازم تبقي فاهم سواء هتشتغل في مصر او خارج مصر.

ثانيا نصيحتي لك خذ خبره ولو علي الاقل سنه في مصر.

ثالثا بالنسبه للغه حاول تجتهد وتقرأ من الموك وتعود نفسك علي القراءه لانها مهمه جدا وهتوفر عليك كورسات وفيديوهات وحاجات كتيره جدا المهم تجتهد لحد ما تتعلم.

بالنسبه لدول الخليج وليكن الامارات علي سبيل المثال لازم تبقي لغتك كويسه جدا جدا جدا لانها هي اللغه الاولي هناك بتحتاجها في جميع المعاملات اليوميه وغالبا هتروح الشركه مش هتلاقي حد بيتكلم عربي قلما تجد. بالنسبه لدول اخري زي السعوديه هتلاقي العربي فيها متاح والشغل اوسع وكبدايه ممكن تبدأ انما الامارات في بدايتك صعب شويه وكلامي عن تجربه وهي في الاول وفي الاخر ارزاق طبعا.

اخيرا ابدا انجليزي دلوقتي قوي نفسك فيه كويس وبعد كده سيسكوا اشتغل فيها ثم بعد ذلك اتجه لسوق العمل هنا في مصر خذ خبره هتلاقي العقود بتيجي لحد عندك وهيبقي ليك تقلك ووضعك وانت بتفكر تخرج خارج مصر او لو بتتحرك بداخلها.

مع دوام التوفيق لك ان شاء الله تعالي.

واسالك صالح الدعاء.