اسف العنوان ممكن ميكونش واضح حولت اعدلو بعد مكتبت الموضوع
معرفتش اسف
بعد ماتجولت في المنتدي و قراءة معظم الموضيع و بجد مفيش اي المنتدي فية ناس فعلا علي خبرة و معلومات و إفادة
للكل
طمعت اني انا كمان اسئل
اهل الخيرة في موضوع شراء iphone
خلال الشهر الي جي ممكن اعرف اجيب iphone من امريكا:ah4: وبصراحة محتار:confused:
جدا وخايف:ah35: من اكتر من حاجة
اولها : طبعا هيكون متشفر علي شبكة معينة و لسة هفك التشفير
ثانيا : لو جبتو ومعرفتش افك التشفير هكون انهرت:ah34:
ثالثا : انتظر لما ينزل من شبكة Verizon ولا مفيش فرق بين Verizon و AT&T
انا اصلا عاشق APPLE بكل المقايس بس عمري ممتلكت اي تكنولوجيا من الشركة
وجتلي فرصة حقيقية لتحقيق و الله بجد حلم نفسي احققه و السعر الي نازل بة من شركة AT&T
سعر مغري جدا ب199 بعني بالمصري 1200 تقريبا :eek: يعني فرصة كبيره جدا
بس وبعدن بعد مجيبه ومعرفش اشغلة او حتي بعد مفك التشفير معرفش اعمل تحديث لو نزل منة تحديث جديد
للسوفت وير انا بس حبت انقل قلقي لاصحاب الخبرة و اسئلهم رايهم
اجيبو:ah4: ام انتظر:ah32: او مجبوش:ah26:
شكرا بجد لكل مشرف و عضو هو جزء من هذا الصرح الكبير
اسف العنوان ممكن ميكونش واضح حولت اعدلو بعد مكتبت الموضوع
معرفتش اسف
نصيحة بلاش انا كان عندى واحد وحاولت اكسر ل التشفير وعرفتش وحوارات ملهاش اول من اخر خليك فى النوكيا احسن انا جربت
HTCو سونى اريكسون وسامسونج و نوكيا وسيمنس وكل الموبايلات الى تتخيلها
بصراحة ملقتش احلى من النوكيا
بصراحة انا كان معيا htc touch pro2 وكنت بحب الموبيل ده جدا
و لكن لما عرفت اني ممكن اعرف اجيب iphone بعتو و للاسف بسعر
قليل جدا المهم
طب الناس الي بتكسر التشفير متعمل اية
اخي الكريم الموضوع باختصار كالتالي
- الايفون من AT&Tمقفول الشبكة و لحد الان لايوجد فك شبكة له مع الوعد باصدار فتح الشبكة قريباً
- الايفون من فيرايزون لا ياخذ SIM لانه يعمل على نظام CDMA و بالتالي لامصلحة لك به اطلاقاً
الافضل التريث لغاية التاكد من اصدار فتح الشبكة او ريح نفسك و احصل على ايفون مفتوح الشبكة رغم اته اغلى بكثير
و بالتوفيق
تمام الأفضل ليك انك تشتري ايفون مفتوح رسمي وحتريح نفسك من موال الأنلوك والمشاكل دي كلها ويبقي ضمنت وظايف الهاتف معاك بدون اي مشاكل وياريت تقرا الموضوع دا حيعجبك جدا نقاش بيني وبين واحد مقبل علي شراء الأيفون حيفيدك جدا
https://www.arabhardware.net/forum/showthread.php?t=196626
توجه لهواتف اندرويد - و هترتاح اكثر من اى قلق
هناك samsung galaxy s تحفه فنيه
================================================== ==============
[ الخطوه الأولى ] نظام الأندرويد و الويندوز موبايل جنباً إلى جنب على الهاتف htc HD2
قبل ان تشترى شاشه LCD تعرّف كيف تكتشف الديد بيكسل
[ الخطوه الثانيه ] نظام الأندرويد كنظام أساسى على الهاتف htc HD2 - وداعا WM
قمت بتعطيل الرسائل الخاصه لكثرتها وحتى لا يعتقد احد انى متجاهله عن عمّد :)
برجاء إذا كان لك أى استفسار قم بعمل موضوع حتى يتسنى للجميع مساعدتك و انا معهم إن شاء الله
ولكي يستفيد الجميع من خبراتك و خبرات الزوار ولتقليل الجهد على المشرفين أيضاً
بالنسبة لسعر ال Iphone 4 فى امريكا ال هو 299 $ لل 32GB وال 199$ لل 16GB
علشان تعرف تاخدة بالسعر دة لازم تعمل Contract مع AT&T لمدة سنتين ولما تعمل Contract لمدة سنتين حتدفع كل شهر حوالى 30 او 40 $ دولار
و سعر ال Iphone 4 فى امريكا من غير ما تعمل Contract ب 650 $ وغير كدة لما تجيبة مصر حيبقى Locked كمان على AT&T ... ولغاية دلوقتى لسة منزلش Unlock لل Iphone 4 للاسف ومنتظر نزول الانلوك فى اخر فبراير او اول مارس ..
علشان تعرف تاخدة بالسعر دة لازم تعمل Contract مع AT&T لمدة سنتين ولما تعمل Contract لمدة سنتين حتدفع كل شهر حوالى 30 او 40 $ دولار
مش فاهم:o Contract ازي ما الي هيشترية
عيرجع تاني مصر بعد فتره قصيره و خلاص كده و اه الفلاس بتاعت كل شهر
معلش انا مش فاهم اسف اني متقل عليك
يعنى مثلا علشان تجيب ال Iphone 4 بالسعر دة لازم تعمل عقد مع شركة AT&T لمدة سنتين وحتدقع كل شهر جوالى 30 دولار
وكمان مش اى حد ممكن بعمل العقد دة, لازم نكون مقيم وليك محل سكن فى امربكا ..بعنى مش اى حد ممكن يكون رايخ امريكا سباحة ويروح جايب الجهاز بالسعر دة ويعمل عقد ..لازم تكون تكون مقيم فى امريكا
الجهاز من غير ال Contract ب 650 دولار
لا حضرتك متسمعش من الناس اللى قالت انه تحت التطويراندرويد نظام جميل بس سمعت انه في عيةب كتير ولسه
تحت التطوير اكتر هاتف عجبني GOOGLE nexus s بس مش عارف سعره كام
او حتي كويس ولا اي كلام و اول حاجه افكر اني اشتريها بعد Iphone 4g هو الاندرويد
بس مستني افقد الامل خالص في اني مش هعرف اجبيو
لان اللى سمع سمعها غلط - وهى ان النظام قابل للتطوير - وليس كالأيفون على وتيره واحده
مع احترامى لكل مالكى الأيفون بالتأكيد
بالنسبه للهاتف جوجل نيكسوس إس فهو هاتف جميل و كل شىء لكن الجالاكسى اس مازال افضل منه فى اشياء كثيره و سعره 3900 جنيه
اما بالنسبه للأيفون 4 فحضرتك تقدر تجيبه ( مفتوح رسمى ) عن طريقين
1- انك تشتريه من مصر هنا - سيليكت مثلا - و هتدفع مبلغ محترم حوالى 6750 جنيه للنسخه 32 جيجا و 5500 للنسخه 16 جيجا
2- انك تشتريه عن طريق موقع من مواقع الشراء من الخارج ( ابحث عن جروب اسمها إدفعلى على الفيس بوك )
الحل الثالث انك توفر فلوسك و تجيب جالاكسى اس ذو الشاشه الخارقه و الإمكانيات اللا محدوده بـ 3900 جنيه فقط
إضافه
هناك حل رابع ( ولو مكانك كنت نفذته بدون تفكير ) طالما الفلوس متوفره - وهو انى اترك الموبايلات العاديه و انتقل لعالم التابليت و اجيب سامسونج جالاكسى تاب بـ 4600 جنيه من سيليكت ايضاً
و ساعتها متقولش ايفون ولا ايباد حتى
================================================== ==============
[ الخطوه الأولى ] نظام الأندرويد و الويندوز موبايل جنباً إلى جنب على الهاتف htc HD2
قبل ان تشترى شاشه LCD تعرّف كيف تكتشف الديد بيكسل
[ الخطوه الثانيه ] نظام الأندرويد كنظام أساسى على الهاتف htc HD2 - وداعا WM
قمت بتعطيل الرسائل الخاصه لكثرتها وحتى لا يعتقد احد انى متجاهله عن عمّد :)
برجاء إذا كان لك أى استفسار قم بعمل موضوع حتى يتسنى للجميع مساعدتك و انا معهم إن شاء الله
ولكي يستفيد الجميع من خبراتك و خبرات الزوار ولتقليل الجهد على المشرفين أيضاً
هو اكيد مش يقصد ان تحت التطوير انة ناقص كسيستم هو اكيد يقصد التعريب التعريب مش رسمي من جوجل علي عكس ابل التعريب رسمي من ابل بل هو جهود الصراحة قوية جدا من فريق تعريب قوي بس هو التعريب مش كامل مش نقص في شغلهم لأ عشان في ملفات معرفوش يفكوها بغض النظر العربي مش وحش فية كويس حتي الأن
بالنسبة للأيفون اللي بيشترية عارف انة جهاز قوي وعارف كويس المزايا اللي فية جزئية انة علي وتيرة واحدة هو مش موضوعها هنا الصراحة بس اللي عايز اقولة ان في فريقين بيطوروا لصالحوا اولا ابل نفسها كمطور رسمي للفريمات المتتالية وكل فريم بيجي بجديد عن التاني ومش حيتسع هنا عشان اقول تاريخ الفريمات من اول ال2.2 لحد اخر واحد ال4.2.1 واخير اخر فريم اللي جاي في السكة 4.3
وفريق تاني مطوري سيديا ودول عالم تاني في حد زاتة ادوات بالألاف لتعديل النظام بالكامل واضافات لة كتيرة غير برامج تانية فية ابل ممكن مش سامحة بيها في الأبل ستور
علي الرغم ان الأندرويد اوبن سورس عدد مطوري ابل اكتر منهم
الله اعلم ممكن عشان الios اقدم من الأندرويد ولا ايه (ويكيبيديا)
اتفق مع محمود في ان الجلاكسي اس اقوي من الجوجل نيسكسيس اس ومقدرش اعيب علي الجلاكسي اس عشان حيكون جهازي حشترية جنب الي جنب مع الأيفون
في حل خامس وجميل كمان لو ليك حد في السعودية في الخبر او الرياض (المراسلات) الجهاز متوافر حاليا الأيفون 4 من موبيلي مفتوح رسمي بسعر منافس جدا بالمصري حوالي 4050 جنية ال16 جيجا و4600 ال32 جيجا
وحتي لو جبتة من جرير او من سوق سودا في السعودية الكندي او الأنجليزي ارخص من مصر بكتير
واحنا تحت امرك في اي استفسار
المفضلات