ما رأيكم بهذا الباور سبلاي مع هذه الهاردوير الموجودة بالكيسة ؟؟؟

[محمد_MoHaMeD]

السلام عليكم يا شباب

كيفكم جميعا ً؟ ان شاء الله تكونو بخير وبعافية ..

سؤالي كالتالي :

عندي باور سبلاي Hec - 350 VN - 2 RX بيخرج يعني 350 وات ... وعندي على الجهاز أربع هاردات :

1 تيرا + 1 تيرا + 1 تيرا + 320 جيجا وإن شاء الله سأشتري هارد 2 تيرا معهم قريبا ً ...

وعندي رامات 2 جيجا وسأضيف عليها كمان رامة 2 جيجا ان شاء الله ..

وعندي طبعا ً الدي في دي

ونوع البورده :Ecs A780 G وهذه صورة بالمواصفات سبق ان وضعتها في أحد المشاركات :


فما رأيكم بتركيبة هذه المواصفات مع بعضها البعض ؟؟

يعني السؤال المهم جدا ً : الباور سبلاي مناسب لهذه الإمكانيات ؟؟ ولا أشتري باور سبلاي أعلى ؟؟

الماذر بورد مناسبة للهاردات دي ولا اشتري مواصفات أعلى ؟؟

مع العلم اني استخدم هذه المواصفات في أعمال جرافك ومونتاج ثقيلة والجهاز يظل مفتوحا ً بالأيام بلا راحة ... وأوقات بتركه بالأسبوع يعمل بمعدل نصف ساعة راحة يومية فقط ... فما رأيكم يا شباب ؟؟

في انتظار إجابتكم للضرورى القصوى ... وجزاكم الله خيرا ً .

[masklove]

اهلا بك مرة اخري
ما هي نوعية كارت الشاشة
لو انت تعتمد علي الكارت الداخلي فالبورسبلاي مناسب جدا جدا مفيش مشكلة لأن الهاردات استهلاكها للطاقة بسيط

ونوع البورده :Ecs A780 G

فقط تأكد من وجود عدد كافي من منافذ الساتا في الماذربورد

[محمد_MoHaMeD]

بارك الله فيك يا بشمهندس ... دايما ً سريع في الرد المميز ،،

بالنسبة لكارت الشاشة نوعه : Ati Radeon HD 3200 وطبعا ً هو مش خارجي وإنما هو في البوردة نفسها ( بلت إن ) ... ونسيت أقول صحيح ان البوردة اللي عندي من سلسلة الـ Black Serias الخاصة بشركة Ecs ،،،


سؤال بعد إذن حضرتك : تنصحني بالمواصفات اللي عندي دي بالتحديث ؟؟؟ لأني عايز مواصفات أعلى من كده بحيث أشتغل بكفاءة عالية على برامج الجرافك والمونتاج المتقدمة ( زي الثري دي ماكس 2011 والأفتر إفكت والفاينل كت ) ؟؟ وانا بفكر زي ما أكثر من أخ فاضل قالي اني اشتري بروسيسور ساندي بريدج بالبوردة اللي تناسبه ... ولا ايه رأي حضرتك ؟؟


وسؤال تاني : دلوقتي انا لو حبيت اشتري بوردة بتدعم الـ DDR3 فإيه رأيك في بوردة GigaByte G41 Jumbo ؟؟ لأن دي اللي في إمكانياتي اشتريها حاليا ً مع البروسيسور والرامات الخاصة بيها ؟؟؟ فهل أشتريها ولا الأفضل أخلينا عالمواصفات دي ؟؟


وشكرا ً جزيلا ً للجميع ومعلش عالأسئلة الكتيرة ... أخوكم كان خبير ومتمكن جامد بفضل الله في الكمبيوتر والهاردوير بس انا انشغل جامد لمدة خمس سنين تقريبا ً وما كنتش متابع خالص السوق والدنيا ماشية ازاي .. ولما رجعت تاني لعالم الهاردوير لقيت ان الدنيا في عالم الكمبيوتر اتغيرت خالص !!!

[masklove]

بالنسبة لكارت الشاشة نوعه : Ati Radeon HD 3200 وطبعا ً هو مش خارجي

يبقي البورسبلاي هيشتغل معاك كويس جدا
بالنسبة للتحديث فده حسب ميزانيتك وامكانياتك المادية
اعتقد اني نصحتك قبل كده بمعالج 945 او 925 مع نفس المواصفات بتاعتك
لكن لو مستعد لتحديث اغلي يبقي تنتظر شويه لحد ما نشو ف اسعار الساندي هتعمل ايه

GigaByte G41 Jumbo

مفيش حد بيشتري بوردات LGA775 خلاص راحت عليها :rolleyes:

ولما رجعت تاني لعالم الهاردوير لقيت ان الدنيا في عالم الكمبيوتر اتغيرت خالص !!!

ولو سبتها شهر او اثنين كمان ممكن تتغير تاني عادي :ah40: الناس كلها تتقدم واحنا بس اللي :ah19: