غنّى الشيخ إمام هذه الاغنية في مطلع الثمانينات واستجاب الشعب ولو بعد ثلاثين عام...

إقرأوا و قارنوا بما يحدث...

إصحى يا مصر إصحى يا مصر هزّي هلالك هاتى النصر
كونى يا مصر وعيشي يا مصر سابقي الدنيا وطولي العصر

اصحى يا عامل مصر يا مجدع وافهم دورك فِ الوردية
مهما بتتعب مهما بتصنع تعبك رايح للحراميه
جهدك عملك رزق عيالك عرقك مرقك ولا يهنا لك
اصحى يا عامل غير حالك صون المصنع واصنع مصر

اصحى يا زارع مصر الخضره قدره وخضره ونور وجمال
ابدر غيظك واحمى البدره ضد الآفه والاستغلال
ارضك عرضك باب الدار صبحوا مداسه للسمسار
نعطش ولانشربش عكار وصفه قالوها الحكما يامصر

اصحى يا جندى يا تار الشهدا عمى وخالك اختى واخوك
لجل ما تهدا وتارك يهدا فرّغ نارك ف اللى خانوك
يابن الشعب يا حامي الشعب انت املنا فى يوم الصعب
اصحى يا جندى ودق الكعب حرر مصر وطهر مصر

إصحى يا مصر إصحى يا مصر هزّي هلالك هاتى النصر
كونى يا مصر وعيشي يا مصر سابقي الدنيا وطولي العصر