بعد ما نزل الويندوز فيستا الى اسواق سوريا قبل اي بلد بالعالم , و قبل أن تصرح مايكروسوفت انو فيستا اصبح جاهز لينزل عالسوق انصعق بيل و "عمل" مؤتمر صحفي قال ان ليس مسئولا عن النسخ التي طرحت في السوق السوري كونها نسخ "مهكرة" وليست كاملة ...
واصبح لديه فضول ليعرف عن سوريا اكثر و كيف تباع نسخ من ويندوز و أوفس بكل وقاحة تحت أسم مايكرو سوفت , وهي نسخ منسوخة و مهكرة.
ركب طائرته الخاصة .. و وصل الى سوريا..
سئل ( و يلي بسأل ما بيضيع ) ... حتى وصل الى "الجميلية" ... وشاهد بائع عم ينادي عالديفيدي "4 ب 100 الديفدي.. يا ارض أشتدي و ما حد أدي ...تصافي...اوكازيون..... الرخصة فرصة ".
. اخرج " البلاك بيري " و حسب سعر العملة السورية مقابل الدولار ..(صفن نص صفنة) ...فكانت النتيجة انه النسخة التي تباع في أمريكا ب 500 دولار بالجميلية ب 50 سنت .
تقدم الى البائع وامسك نسخة أوفس و لعبة و نسخة ويندوز و سيدي تعليم هاكر مع برامج عطى البياع دولارين , فيقول له البائع "و الله حبيتك اذا بدك نزل افاتار اورجينال خود واحد عالبيعة .."
بيل غيتس: أفتار!! اورجينال !!! ...عالبيعة!!!!!!!!!!
البياع : لك ايه من شي ساعة وصلني .
بيل غيتس : يا أخي شلون يعني وصلك من ساعة .... لا تخوتني فوق مالي مخوت .
البياع : يا اخي جربو و اذا ما كانت الصورة واضحة و على كيفك بدلو .
بيل غيتس: طيب هدول البرامج منسوخين مالهم نسخ أصلية شلون بدي شغلهم .
البياع لك شو ماعندي غيرك , بابا ( يخاطب ابنه الصغير ) ايم هالموبايل من ايديك و تعى ورجي الشب شلون بشغلهم .
اخذ بيل النسخ ومضى
يعترضه رجل اجنبي : بيل .... بيل غيتس ؟؟؟!!!
بيل غيتس : ايه نعم هادا انا , شو شايفك حامل و مكتر.
الاجنبي : اي و الله انا بعد ما دريت بالجميلية صرت بدال ما حط مصرياتي حق برامج , باخد تيكيت طيارة و اوتيل و بشتري غراضي من هون, بتوقف علي أرخص .
بيل غيتس : طيب ما عم تعمل معك مشاكل هالبرامج؟؟؟
الاجنبي : لا و الله متل الليرة, في شركة حلبية عم تعدل بأعدادات النسخ , بتصير بتشتغل أحسن من تبعكم بلا مؤاخذة .
بيل : خير ان شاء الله .

عاد بيل الى وطنه وهو الرجل الذي اخترع اهم انظمة التشغيل في العالم ، يفكر عاجز عن حل معضلة الجميلية ؟


من البريد الإلكتروني