كيفية فتح بورت للفيوز

[taha988]

بسم الله الرحمن الرحيم

اعتقد ان معظمنا بيستخدم الفيوز وانا جديد في الفيوز ولاحظت الوجوه اللي بتبقى موجوده بجوار الملف اللي بيحمل
او بيعمل سيدينج ولاحظت ان مهما كان الملف والتراكر كويس الوجه لونه اصفر فبحثت حتي وجدت بعض الاسباب منها ان الواحد لازم يفتح بورت للبرنامج حتى يحمل باقصي سرعة وبالفعل تغيرت السرعة والوجه للاخضر
وانا هشرح الطريقة بس ع الراوتر بتاعي وهو air live
وهقولكم علي لينك لشرح الطريقة لكل راوتر

اولا:لازم يكون عندك اي بي ثابت ومش ديناميك ودي الطريقة
طاب وازاي اعرف الي بي بتاعي اصلا؟
1-افتح run واكتبcmd ثم انتر
2-هتتفتح صفحة دوس اكتب فيها ipconfigثم انتر
3-هيظهر ip &gateway
يا رين نكتبهم علشان هنحتاجهم

4-كليك يمين علي ايقونة النت ونختار open network&sharing
-change adaptor setting-5

6-كليك يمين علي local area connection ,واختار properties
7-واختار اللي في الصورة

8_اكتب الاي بي بتاعك والجايت واي اللي ظهرتفي الخطوة3 عندك واكتب اي dns ويفضل بتاع الشركة اللي انت موصل منها

ملحوظة:خلي بالك من الرقم الاخير في الاي بي ممكن يكون اي حد في الشبكة معاك ياخد نفس الرقم لو الراوتر حصلة ريستارت اواتقطع النور لذلك لو النت ماشتغلش غير الرقم الاخير لان معظم الراوترات شغالة بديناميك اي بي
وبكدا يكون عندك اي بي ثابت

ثانيا:نذهب لبرنامج الفيوز وناخذ رقم البورت بتاع البرنامج ازاي؟
1-tools
connection-2

3-نحفظ الرقم علشان هنحتاجة

4-كل واحد يفتح صفحة الراوتر بتاعته ودا لازم يكون عنده اليوسر والباسوورد ودا ممكن تاخده من صاحب الراوتر لو مش عندك اوتحاول وتلاقيه في اللينك دا ويبقى حظك حلو لو لقيته لأن معظم الراوترات مابيتغيرش الباس بتاعها اللي جاي بيه من الشركة
/https://portforward.com/default_username_password


وانا هنا هتكلم عن الراوتر بتاعي airlive

1-اختار advanced setup
2-ثم Nat
3-ثم virtual server
هتظهر صفحة
1-اختار رقم واحد زي ما هو
2-البروتوكولtcp
3-ادخل رقم البورت بتاع الفيوز في end port &start port
ثم ادخل رقم اللوكال اي بي اللي انت كاتبه من صفحة الدوس
4-ثم save
5-كرر نفس الخطوات السابقة مع تغير الرقم الى2 والبروتوكول الي udp

6-ثم save

ودا لينك تختار منه الراوتر اللي انت عايزه وبعدين هيديك قايمة بالبرامج اللي عاوز تفتحلها بورت هتختار فيوز وهو هيوريك باقي الخطوات

https://portforward.com/english/rout...outerindex.htm
واستمتع بالسرعة والوجه الاخضر الجميل

اتمني اكون وفقت في الشرح

[Fu'ad]

السّلام عليكم ...

أشكر لك حبّك على نشر المعلومة ، و إن كانت بسيطة

عموماً أخي - مسألة فتح المنفذ ( الـ Port ) أعتقد أنّه لا داعي لضبطها يدويّاً ، إذ بالتّأشير على خيار واحد من إعدادات البرنامج ألا و هو الـ UPnP ( أيّ تفعيله ) ، و تفعيله من إعدادات الموجّه ( الـ Router ) أيضاً ، كفيل بضبط فتح الـ Port بصورة تلقائيّة عند حاجته .

أيضاً - مسألة تثبيت الـ IP Address - لا داعي لها من الأساس ، فبسبب آليّة عمل خيار الـ UPnP في البرنامج و الـ Router ، يحدث ( دعني أشبّهه بـ ) " مخاطبة تلقائيّة أو أتوماتيكيّة " ، فعند تشغيل البرنامج يقوم بطلب فتح Port له من الـ Router على IP الجهاز الذي هو موجود فيه ( للعلم يكون على الـ MAC Address ) ، فيتم فتح الـ Port ، و سيعمل البرنامج بشكل طبيعيّ .

أشكرك


.

[taha988]

طيب مهو في الاعدات من الاول UPnP شغالة وبرضه البرنامج مكانش بيحمل باقصى سرعة
تاني حاجة تفعيل UPnPخطوه من ضمن الخطوات للحصول على اعلي كفاءة للبرنامج ولك جزيل الشكر ع التوضيح