النتائج 1 إلى 11 من 11

الموضوع: رد وائل غنيم على بعض الإتهامات والشبهات الموجهة له

العرض المتطور

المشاركة السابقة المشاركة السابقة   المشاركة التالية المشاركة التالية
  1. #1
    عضو فضي الصورة الرمزية ŤǾЯŊΛĐф
    تاريخ التسجيل
    Jul 2009
    المشاركات
    2,336
    الدولة: Egypt
    معدل تقييم المستوى
    45

    رد وائل غنيم على بعض الإتهامات والشبهات الموجهة له

    بسم الله الرحمن الرحيم

    رسالة لكل الشباب: أولا أنا باشكر كل الناس اللي بتنتقدني. فيه ناس بعتتلي ايميلات انتقادات واتصلت ببعضهم واتأسفت عن الخطأ لو ارتكبته. عايزين ننسى شوية فكرة الإنسان اللي مش بيرتكب غلطة. يعني مش عشان وائل غنيم أو غيره عمل غلطة يبقى وحش بس المهم إن اللي يعمل غلطة يكون عنده شجاعة الاعتذار والناس يكون عندها شجاعة تقبل الاعتذار.

    الرد على الإشاعات عملية مرهقة جدا وبتستنزف طاقة بس نظرا لأني كنت شخص محدش يعرفه وفجأة ظهر على السطح وكل الناس شايفاه فأنا مقدر إن ناس كتير بتقلق. وعشان كده أنا هارد لأوضح مواقفي وأرد على كل الشائعات. ويا ريت تصدقوني لأني مش باكذب وكل كلمة باقولها هي الحقيقة اللي ملتزم بيها أمام ربنا.

    [1]
    زوجتي أمريكية أسلمت قبل سنة كاملة من مقابلتي ليها عن اقتناع وبعد قراءة كتب كتيرة عن الإسلام. زوجتي كانت مسيحية قبل إسلامها وزوجتي ملتزمة بتعاليم الإسلام أو بمعنى تاني زوجتي مسلمة أحسن مني ألف مرة. محجبة وبتصلي وبتصوم وبتربي الأولاد على احترام الدين.

    [2]
    أنا حضرت مظاهرة 25 يناير مش زي ما الناس بتقول إن محضرتهاش. وعندي صور وفيديوهات ممكن أبقى أنزلها. كنت مع المهنيين أمام دار الحكمة ورحت التحرير. وحضرت جزء من المجزرة بتاعة بالليل.

    [3]
    أنا مدير التسويق في الشرق الأوسط وشمال أفريقيا في جوجل واختصاصاتي هي الدول العربية فقط من الجزائر لحد الخليج. وحاليا أنا في إجازة عن العمل وتم سحب كل ما له علاقة بالعمل مني وده من تاريخ بداية الثورة. الشركة بتاعتي مكانتش تعرف حاجة عن الصفحة ومكانوش يعرفوا إني نازل أتظاهر. وجوجل مالهاش أي علاقة باللي حصل.

    [4]
    أنا مقدمتش على أي جنسية في حياتي غير المصرية. وده مش عشان أي حاجة إلا إني باحب بلدي وكنت رافض فكرة الجنسية المزدوجة لأني فخور إني مصري مش علشان أنا عميل وهما طلبوا مني للتخفي إني مقدمش على الجنسية زي ما بعض الناس بتقول.

    [5]
    أنا وعدت الناس بالانسحاب بمجرد تحقيق الأهداف. وأنا فعلا هانسحب بس الاهداف متحققتش. أنا لن يكون لي أي اشتراك في الحياة السياسية المصرية بس كمصري محدش يقدر يمنعني من المساهمة في تنمية المجتمع وتطوير التعليم وتشجيع السياحة ومساعدة الاقتصاد. ده اللي أنا باعمله دلوقتي عشان ده أهم بكتير أوي من اسقاط النظام السابق. أنا دلوقتي مركز على مبادرات لتنمية المجتمع لأن هو ده المهم حاليا تعليم المجتمع وتطويره.

    [6]
    موضوع الحديث مع الوكالات الأجنبية: أنا فعلا قلت مش هاتكلم معاهم وفضلت لأيام طويلة مش باتكلم معاهم رغم إن كل يوم بيجيلي منهم أكتر من عشرين مكالمة وزيارة في البيت. وظهرت في السي إن إن لسبب واحد هو إن اللواء عمر سليمان طلع على قناة إي بي سي الأمريكية بيقول للأمريكان إن المصريين غير مؤهلين للديموقراطية وإن الإخوان اللي عملوا المظاهرات فكان لازم أرد عليه ومظهرتش بعدها نهائيا في أي وسائل إعلام. لكن بعد انتهاء الثورة ظهوري في وسائل الإعلام ضروري لتوضيح صورة شباب الثورة وتقديم فكرة ايحابية عنهم. ودلوقتي محدش هيزايد خلاص. فقرار عدم الحديث ده كان مرهون بوقت الثورة واتكسر مرة واحدة بس بناء على اللي حصل مع عمر سليمان. ولازم نفهم ان القرارات ممكن تتغير لو الظروف اتغيرت.

    [7]
    أنا كتبت موقفي من التدخل الأجنبي بكل وضوح وقلت إن الحكومات الغربية لازم تفهم إن المصريين مش بينضحك عليهم وإن الحكومات دي بتدور على مصالح شعوبها بس وطلبت منهم عدم التدخل في شؤون مصر. ولو حصل أي محاولة للتدخل الأجنبي هنكون كلنا كشباب للثورة مستعدين نضحي بدماءنا عشان نحمي بلادنا من أطماع الأجانب.

    [8]
    بالنسبة للتضارب في موقفي ليلة الخميس (قبل تنحي الرئيس بيوم) وتصوير بعض وسائل الإعلام لموقفي ليلة الخميس بإني باطالب الناس بالرجوع لبيوتهم: أولا ندائي للناس كان قبل سماع خطاب الرئيس اللي كان كل مصر افتكرت خلاص إنه اتنحى. ده كان غلط مني فعلا وكان لازم أنتظر الخطاب قبل التعليق بس على فكرة الغلط ده وقع فيه أكبر رؤساء العالم وهو أوباما لأن الشائعات كانت قوية بتنحي الرئيس. وبعد ما الرئيس اتكلم أنا ما أعلنتش موقفي إلا تاني يوم الصبح. وأعلنته بكل قوة في قناة العربية وقلت إننا كشباب أقوى وهنفضل نطالب بحقوقنا لحد ما ناخدها.

    [9]
    بعد إعلان تنحي الرئيس كأي شاب تعرض لظلم شديد كان عندي مشاعر غضب وفرحة ورغبة في التشفي وده كان برضه غلط. بعد أقل من ساعة قررت إني أتراجع عن الموقف ده لأنه مش موقف نبيل وقررت إني أحذف كل رسالة سخرية كتبتها لأن في النهاية احنا معملناش الثورة دي لتصفية الحسابات إحنا عملناها عشان كلنا بنحلم بمصر أحسن.

    [10]
    فيه ناس بتحاول التشكيك في وائل غنيم عن طريق التشكيك في جوجل. أولا وائل غنيم مش جوجل وائل غنيم هو موظف في شركة جوجل زي ما حضرتك تبقى موظف في بنك أو شركة عادية. خدوا بالكم من النقطة دي جدا لأن فيه ناس بتحاول تهاجمني من خلال جوجل. وعلى فكرة مشكلة الترجمة في جوجل مشكلة معروفة وموجودة في لغات كتير وليها سبب علمي وهو إن ترجمة جوجل بتعتمد على تقنيات بتسبب أحيانا في أخطاء عدم دقة والإسرائليين نفسهم بيلاقوا أخطاء زي دي في الترجمة من انجليزي لعبري. فيا ريت ناخد بالنا.

    [11]
    أقسم بالله العظيم مش عايز أي حاجة منك يا مصر. أنا بس عايزك بخير

    رسائل أخيرة للشباب:

    - أنا باراعي ضميري .. بجد مش باعمل أي حاجة تخليني مانامش بالليل .. هافضل دايما بيحركني دافع الوطنية وحب البلد والخوف على ولادها .. ممكن أرتكب أخطاء بس هاسمع نصايحكم وهاصلح أخطائي وأعتذر عنها بشكل رسمي.

    - وائل غنيم مش رمز ... وائل غنيم هو شخص عادي جدا زيه زيكم وحاول يكون ايجابي وربنا استخدمه في تحقيق حلم المصريين وكان ليه دور بسيط جدا زي ما ربنا بالظبط استخدم مئات الشهداء وآلاف المصابين وملايين المصريين. يا ريت بلاش التركيز على شخصنة الثورة في شخص وائل غنيم لأني مجرد واحد عادي.

    - أنا خلال 20 يوم عديت بظروف صعبة جدا .. أول مظاهرة في حياتي .. وشعور بالخطر على حياتي .. وبعدين اختطافي .. وبعدين نايم متغمي العين وايدي متكلبشة لمدة 12 يوم .. وبعدين خرجت عشان أكون من المشاركين في المظاهرات .. وبعدين تحصل مشكلة الضغط على الناس وخطابات الرئيس .. كل الوقت ده مكنتش بانام كويس .. فيه 3 أيام أنا نمت فيهم ساعة واحدة بس. فطبعا الضغط ده كله تسبب في أخطاء كتير وفي إن شخصيتي تكون عصبية على غير العادة. أرجو تسامحوني لأن دول كانوا أصعب عشرين يوم في تاريخ مصر كله بدون أي مبالغة.

    - شخصيا مسامح كل واحد شك وبيشك وهيشك في نوايا وائل غنيم لأني مقدر إن فيه انعدام للثقة عشنا فيه كتير في مصر ولأن برضه مش كل الناس لازم تثق في كل الأشخاص ولأن وائل غنيم بشر وهيفضل يرتكب أخطاء.

    أرجوكم سامحوني وأرجو إني أكون وضحت موقفي.

    جنت على نفسها براقش ...

  2. #2
    عضو
    تاريخ التسجيل
    Nov 2010
    المشاركات
    2
    الدولة: Egypt
    معدل تقييم المستوى
    0

    رد: رد وائل غنيم على بعض الإتهامات والشبهات الموجهة له

    ربما تكون صادقا
    وربما لا....
    الظهور الفجائي
    وطلب الخارجية الامريكية البحث عنك
    ولا تنسي الفيديو المفبرك للحظة القبض عليك، وتم نشره علي كل الفضائيات وكان واضح لحظة القبض في وضح النهار
    ثم تاكيدك في العاشرة مساء ان القبض عليك كان الساعةواحدة بالليل بعد ماكنت تتعشي انت وواحد صاحبك
    ثم البكاء بحرقة واللي كان ليه دور جامد في تسخين الشباب......... كل دا كويس
    بس نتفاجأ ان الفيديو مش ليك واخوك الدكتور يقول انه واحد شبههك
    تأكيدك مع مني الشاذلي اك لم تتعرض لاي نوع من الاهانة أو الضرب، ثم بعد تنحي الرئيس بيوم كتبت بوست علي خالد سعيد توصف فيه ما تدعي انك تعرضت له من بهدلة وتعذيب وشتيمة
    وغيره وغيرة ............ وهو مدير تسويق جوجل واخد اجازة ومش راجع شغله ولا هيسيب شغله دي حرية شخصية وقبل ما تبق شخصية عامة ودورك في اللي حصل سواء كان لخير مصر أو العكس من حق الناس وحقي كمصريين نعرف انت مين؟؟؟

  3. #3
    عضو
    تاريخ التسجيل
    Dec 2009
    المشاركات
    268
    الدولة: Egypt
    معدل تقييم المستوى
    16

    رد: رد وائل غنيم على بعض الإتهامات والشبهات الموجهة له

    اقتباس المشاركة الأصلية كتبت بواسطة مهندس راضي مشاهدة المشاركة
    ربما تكون صادقا
    وربما لا....
    وما يعنيك صدقه من كذبه؟؟؟؟؟

    اقتباس المشاركة الأصلية كتبت بواسطة مهندس راضي مشاهدة المشاركة
    الظهور الفجائي
    وطلب الخارجية الامريكية البحث عنك
    هل تقصد انه عميل؟؟؟ او وراءه اجندات:D
    ان كان كذلك فانا اشكر العميل اللي ساهم في تحرير بلدي.

    اقتباس المشاركة الأصلية كتبت بواسطة مهندس راضي مشاهدة المشاركة
    ولا تنسي الفيديو المفبرك للحظة القبض عليك، وتم نشره علي كل الفضائيات وكان واضح لحظة القبض في وضح النهار
    ثم تاكيدك في العاشرة مساء ان القبض عليك كان الساعةواحدة بالليل بعد ماكنت تتعشي انت وواحد صاحبك
    اظن واضح ان الفيديو مش مفبرك وواضح برده ان الفيديو مش ليه دا لواحد شبهه وبعدين ده يعيبه في ايه؟:confused:

    اقتباس المشاركة الأصلية كتبت بواسطة مهندس راضي مشاهدة المشاركة
    تأكيدك مع مني الشاذلي اك لم تتعرض لاي نوع من الاهانة أو الضرب، ثم بعد تنحي الرئيس بيوم كتبت بوست علي خالد سعيد توصف فيه ما تدعي انك تعرضت له من بهدلة وتعذيب وشتيمة
    ادعائه انه اتعذب ده انا ماشفتوش ولو حد شافه ياريت يقول لان كدا يبقى كذب
    بس برده ده ممكن يكون غل وحب يطلعه وزي هو ماقال انه مش معصوم من الخطأ


    اقتباس المشاركة الأصلية كتبت بواسطة مهندس راضي مشاهدة المشاركة
    وغيره وغيرة ............ وهو مدير تسويق جوجل واخد اجازة ومش راجع شغله ولا هيسيب شغله دي حرية شخصية وقبل ما تبق شخصية عامة ودورك في اللي حصل سواء كان لخير مصر أو العكس من حق الناس وحقي كمصريين نعرف انت مين؟؟؟
    انا مش عارف انت مدايق من الراجل للدرجه دي ليه ؟؟؟؟:mad:

    الراجل واحد من ضمن كتير ساهمه في الثوره دي وان كان بيغلط فهو بشر
    ولو اني شايف انه مهما غلط مش حييجي حاجه قصاد الخير اللي عمله .

    اقصد بالخير ده تحديدا حلقته مع منى الشازلي واللي بجد بينت هو اد ايه مصري بيحب بلده بدووووووون طلب سلطه
    او مال او غيره واظن ان لحظة بكاؤه غير مسار ناس كتير ممن تعاطفوا مع الرئيس (المخلوع) في خطابه الثاني.

    اخيرا انا بحب اقول للناس اللي ماورهاش غير انها تطلع عين ده وتدور على اي فضيحه لده
    انها تسيبها بقى من الاحقاد ونشر الشائعات وتبدأ تدور على مصلحة بلدها وتشوف يقدروا يقدموا للبد دي ايه.
    مش تتعب نفسك بعمل عضويه جديده لمجرد انك تشوه صورة شخص:mad:

  4. #4
    عضو الصورة الرمزية lycozaferox
    تاريخ التسجيل
    Sep 2007
    المشاركات
    148
    معدل تقييم المستوى
    0

    رد: رد وائل غنيم على بعض الإتهامات والشبهات الموجهة له

    اقتباس المشاركة الأصلية كتبت بواسطة مهندس راضي مشاهدة المشاركة
    ربما تكون صادقا
    وربما لا....
    الظهور الفجائي
    وطلب الخارجية الامريكية البحث عنك
    ولا تنسي الفيديو المفبرك للحظة القبض عليك، وتم نشره علي كل الفضائيات وكان واضح لحظة القبض في وضح النهار
    ثم تاكيدك في العاشرة مساء ان القبض عليك كان الساعةواحدة بالليل بعد ماكنت تتعشي انت وواحد صاحبك
    ثم البكاء بحرقة واللي كان ليه دور جامد في تسخين الشباب......... كل دا كويس
    بس نتفاجأ ان الفيديو مش ليك واخوك الدكتور يقول انه واحد شبههك
    تأكيدك مع مني الشاذلي اك لم تتعرض لاي نوع من الاهانة أو الضرب، ثم بعد تنحي الرئيس بيوم كتبت بوست علي خالد سعيد توصف فيه ما تدعي انك تعرضت له من بهدلة وتعذيب وشتيمة
    وغيره وغيرة ............ وهو مدير تسويق جوجل واخد اجازة ومش راجع شغله ولا هيسيب شغله دي حرية شخصية وقبل ما تبق شخصية عامة ودورك في اللي حصل سواء كان لخير مصر أو العكس من حق الناس وحقي كمصريين نعرف انت مين؟؟؟
    مختلف مع حضرتك من أول السطر الأول حتى الحادي عشر بس.

    ليه بنفكر بنظام "هو عمل خير لمصر بس من جواه كان قصده شر", "أصل هو حرر الشباب بس من جواه كان قصده يبهدلوا" !
    فين الفبركة, فين التمثيل ودوره في تسخين الشباب, أي حد شاف صور الشهداء بكى
    إيه علاقة Google بيه بقى أنا مش عارف !
    فكرتني بـ post شفته امبارح ضحكني جدا واسيبلك التعليق "لازم يسأل وائل عن الخطأ الغريب في ترجمة Google"

    والله الراجل غلطان إن هو رد على النقطة ديه أصلا :rolleyes:
    الناس ديه فاهمة نظرية المؤامرة غلط يا وديع :D
    Do not condemn the judgement of another because it differs from your own. You may both be wrong
    -Dandemis


    اذا أردت السيطرة على الناس أخبرهم انهم معرضون للخطر وحذرهم من أن أمنهم تحت التهديد، ثم شكك في وطنية معارضيك - أدولف هتلر

  5. #5
    عضو ذهبي
    تاريخ التسجيل
    Oct 2009
    المشاركات
    2,713
    الدولة: Egypt
    معدل تقييم المستوى
    44

    رد: رد وائل غنيم على بعض الإتهامات والشبهات الموجهة له

    اقتباس المشاركة الأصلية كتبت بواسطة مهندس راضي مشاهدة المشاركة
    ربما تكون صادقا
    وربما لا....
    الظهور الفجائي
    وطلب الخارجية الامريكية البحث عنك
    ولا تنسي الفيديو المفبرك للحظة القبض عليك، وتم نشره علي كل الفضائيات وكان واضح لحظة القبض في وضح النهار
    ثم تاكيدك في العاشرة مساء ان القبض عليك كان الساعةواحدة بالليل بعد ماكنت تتعشي انت وواحد صاحبك
    ثم البكاء بحرقة واللي كان ليه دور جامد في تسخين الشباب......... كل دا كويس
    بس نتفاجأ ان الفيديو مش ليك واخوك الدكتور يقول انه واحد شبههك
    تأكيدك مع مني الشاذلي اك لم تتعرض لاي نوع من الاهانة أو الضرب، ثم بعد تنحي الرئيس بيوم كتبت بوست علي خالد سعيد توصف فيه ما تدعي انك تعرضت له من بهدلة وتعذيب وشتيمة
    وغيره وغيرة ............ وهو مدير تسويق جوجل واخد اجازة ومش راجع شغله ولا هيسيب شغله دي حرية شخصية وقبل ما تبق شخصية عامة ودورك في اللي حصل سواء كان لخير مصر أو العكس من حق الناس وحقي كمصريين نعرف انت مين؟؟؟


    غنيم شخص متواضع واكد اكثر من مليون مره انا لم افعل شي انا كت محبوس المصريين والشهداء هم من فعلو

    شخص متواضع لا يريد شي سوي مصلحه مصر و المصريين

    حاول فعل شي

    ماذا انته فاعل سوي الحديث والتشكيك في اشخاص محترمه


    لا تجيد سوي انتقاد الاشراف والنوم علي السرير والابطال في الشارع يقتلون


    تحيا الحريه تحيا مصر لكن يبدون ان البعض لا يستحقها

  6. #6
    عضو محترف الصورة الرمزية شلاع العتر
    تاريخ التسجيل
    Nov 2007
    المشاركات
    11,465
    معدل تقييم المستوى
    98

    رد: رد وائل غنيم على بعض الإتهامات والشبهات الموجهة له

    زوجتي أمريكية أسلمت قبل سنة كاملة من مقابلتي ليها عن اقتناع وبعد قراءة كتب كتيرة عن الإسلام. زوجتي كانت مسيحية قبل إسلامها وزوجتي ملتزمة بتعاليم الإسلام أو بمعنى تاني زوجتي مسلمة أحسن مني ألف مرة. محجبة وبتصلي وبتصوم وبتربي الأولاد على احترام الدين.
    ما شاء الله ... اسال الله ان يبارك لك فيها ويحفظكما لبعض ... ويثبتكما على الحق

  7. #7
    مخالف للقوانين
    تاريخ التسجيل
    Apr 2009
    المشاركات
    725
    معدل تقييم المستوى
    0

    رد: رد وائل غنيم على بعض الإتهامات والشبهات الموجهة له

    لا يعنيني ان كان صادقا او لا ...

    يكفي انه كان شعله الشراره التي اشتعلت الــوقـــــــــــــــود فينــــــــــــــــــــــــــــــــا مره اخري


    في معامله الناس لك الظاهر , و الله يتكفلُ بالاسرائـر

    بــارك الله فيـك ان كنت صـادقـاً , و ان كنت غير ذلك سامحك الله
    و لكنك تعلم نهايه كل كاذب افاق


    تحيــــــا مصــــر

  8. #8
    إداري سابق
    تاريخ التسجيل
    Sep 2009
    المشاركات
    7,381
    الدولة: Egypt
    معدل تقييم المستوى
    80

    رد: رد وائل غنيم على بعض الإتهامات والشبهات الموجهة له

    نحسبه شخص محترم و بطل من خيرة شباب مصر
    بارك الله فيه و في عائلته و في كل شباب الأمة
    شكرا يا عبد الله على الموضوع

  9. #9
    إداري سابق
    تاريخ التسجيل
    Sep 2009
    المشاركات
    7,381
    الدولة: Egypt
    معدل تقييم المستوى
    80

    رد: رد وائل غنيم على بعض الإتهامات والشبهات الموجهة له

    يا إخواني لا تلتفتوا لمشاركات من هم أمثال المدعو مهندس راضي , لاحظوا عدد مشاركاته , مشاركة واحدة , واضح أنه مسجل مخصوص للطعن في شخصية البطل وائل غنيم .
    الحقيقة أن الكثيرين لا يستحقون الحرية أصلا .

  10. #10
    عضو برونزي الصورة الرمزية moriatte
    تاريخ التسجيل
    Aug 2006
    المشاركات
    2,057
    معدل تقييم المستوى
    35

    رد: رد وائل غنيم على بعض الإتهامات والشبهات الموجهة له

    حد شاف حلقة منى الشاذلى الأخيرة اللى استضافت فيها بعض شباب الثورة مع وائل غنيم؟
    حد شاف جواد النابلسى؟
    أنا شعرت بالخجل قوى من نفسى
    الظاهر الواحد نسى من زمان قوى يعنى ايه بجد يحب بلده
    [CENTER][B][SIZE=4][COLOR=blue]ولا تهنوا ولا تحزنوا وأنتم الأعلون ان كنتم مؤمنين[/COLOR][/SIZE][/B][/CENTER]
    [CENTER][SIZE=4][COLOR=blue]--------------------[/COLOR][/SIZE][/CENTER]
    [CENTER][B][SIZE=4][COLOR=blue]لكي لا تأسوا على مافاتكم ولا تفرحوا بما آتاكم والله لا يحب كل مختال فخور[/COLOR][/SIZE][/B][/CENTER]

  11. #11
    عضو ذهبي
    تاريخ التسجيل
    Oct 2009
    المشاركات
    2,713
    الدولة: Egypt
    معدل تقييم المستوى
    44

    رد: رد وائل غنيم على بعض الإتهامات والشبهات الموجهة له

    كلنا خالد سعيد
    فيه إشاعات إني أنوي فتح حزب مع مجموعة من الشباب والكلام ده ليس له أي أساس من الصحة .. أنا مش هاشارك بأي شكل من الأشكال في الحياة السياسية ولا عايز أي منصب حكومي .. أنا هاطمن على البلد وأعمل اللي اقدر عليه وأنسحب من المشهد بهدوء



    ربنا يبارك ليك يابني علي تواضعك وعلي اخلاقكك

المواضيع المتشابهه

  1. إعلان وائل غنيم الممنوع من العرض
    بواسطة H@IDER في المنتدى الأرشيف
    مشاركات: 5
    آخر مشاركة: 15-08-2011, 18:58
  2. مشاركات: 15
    آخر مشاركة: 13-05-2011, 02:25
  3. الحقيقة وراء وائل غنيم
    بواسطة ŤǾЯŊΛĐф في المنتدى الأرشيف
    مشاركات: 6
    آخر مشاركة: 22-02-2011, 22:04

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •