صفحة 1 من 2 1 2 الأخيرةالأخيرة
النتائج 1 إلى 15 من 20

الموضوع: دعوه عامله لجميع من لديه القدره على التدريب والشرح لعمل كورسات مجانية جمعية رسالة

  1. #1
    عضو الصورة الرمزية mohamed sobhey
    تاريخ التسجيل
    Jan 2010
    المشاركات
    79
    الدولة: Egypt
    معدل تقييم المستوى
    0

    دعوه عامله لجميع من لديه القدره على التدريب والشرح لعمل كورسات مجانية جمعية رسالة



    السلام عليكم ورحمة الله وبركاته

    اهلا وسهلا بكم جميعا
    موضوعى ده لكل المصرين موضوع علشان المصرين وللمصرين وكله من اجل مصر
    شهدنا ثوره جميله وثورة عظيمه كلنا فرحانين بيها وكلما فاخورين بيها
    بس كلنا عارفين ان ديية من النهايه بل بالعكس ديية البدايه
    واحب ارحب واهنىء المصرين كلهم على هذا الانتصار الكبير
    المهم
    انا قعدت افكر واقول لازم يباه لينا دوور فى البلد لازم كل واحد فينا يباه لييه دوور فى البلد
    طب ازاى
    قولت البلد لايمكن تتقدم للامام الا بالعلم والتطور
    طب هيجى ازاى العلم والتطور احنا عندنا شباب كتيير بطاقات رهيبه لا يعرف التكنولوجيا
    واحزن كثيرا لما بلاقى شباب فى قمة الزكاء ومش عارفه تتعامل مع التكنولوجا ولما ببحث عن السبب
    بلاقى ان ظروفهم الماديه فى الغالب كانت بتباه عائق او ملقوش اللى يوجههم للطريق ده فى ظل نشاتهم فى مجتمع بسيت لا يتعامل مع التكنولوجيا
    فنا بناشد كل مهندسين مصر وكل مفكرين مصر وكل من لديه القدره على التعليم والشرح بان جه دورنا
    جه دورنا علشان نشر العلوم اللى بنتعلمها فى منتدانا الغظيم ده الى جميع شباب مصر
    ويباه مجهودنا ده خدمه تطوعيه بدون انتظار اى مقابل مادى
    ومش بس كده انا كمان بفكر فى اننا نعلم الاباء والامعات تكنولوجية العصر الكمبيوتر ازاى يقدروا يتعاملوا معاه
    عاوزين كل واحد عنده مقدره انه سياهم يساهم فى المشروع ده
    هدفنا تخريج اجيال وشباب مثقفه متعلمه وعلى احسن العلوم اللى بيتعلمها العالم

    مش هيباه صعب علييك انك توفر ولو 3 ساعات من وقتك فى الاسبوع وهنقول ساعه موصلات او سعتين يباه 5 ساعات
    بيتهيالى ده مش كتير انك توفره لتشارك فى نهضه مصر
    شارك بكل ما تعلم
    محتاجين متطوعين يشرحوا دورات ال ccna . nnnp , mcse , mcitp
    والمزيد من دورات ميكروسوفت وسيسكوا المتنوعه
    الاماكن موجوده
    ومجهزه
    وكل الامكانيات موجوده
    فقط محتاجين متطوعين للعمل على نشر العلوم اللى اتعلمها
    خلى نفسك ليك رساله فى المجتمع
    خلى نفسك ليك هدف ولييه بصمه فى المجتمع
    ولا ننسى ان كله بسوابه وطبعا كل الطلبه واللى بيدرسوا بتباه مجانا


    طب انا مش بعرف اشرح او مجربتش اشرح
    اتعلم واتعلم وتعاله اشرح وراسلنى على الايميل وانا اخليك تتعلم برضه ببلاش
    طب انا مش هعرف اعمل حاجه من ديية بس اعرف حد اريبى او اعرف حد صحبى او ايا كان
    قله الموضوع والفكره واتكلم معاه ولو عنده استعداد يضيف حاجه يكلمنى
    الاماكن موجوده فى جمعية رساله الخيريه وكلنا عارفين مدى نشاط الجامعيه اللى انا شخصيا اتعلمت منها حاجات كتيير وانا دلوقتى بدرب ال icdl فيها وبرضه متطوع كل الناس هناك متطوعين بيشتغلوا بضمير وبدون انتظار اى مقابل
    ناس فى منتهى الامانه لانها بتعمل لوجه اللى ومش طالبه غير سواب الاخره

    انا هسيب ايميلى وارقام تلفوناتى علشان لو حد عاوز يشارك معانا
    واحنا معانا ناس كتير بس محتاجين ناس اكتر
    انا عارف ان فى فروع فى الجامعيه مكنتش منظمه علشان كده انا بناشدكم انكم مش هتباوا بس مساهمين فى الشرح لا دنا بناشدكم بان كل واحد عنده فكره يقدر يضيفها يقولنا علينا واحنا نعملها عاوزين نباه حاجه كويسه
    ولو حد عنده اماكن تانيه برضه نقدر نعمل القرصات ديية مجانيه بجانب الجامعيه يقولها ونتحرك
    اهم حاجه الحركه بشكل سريع
    ومنتظر اشوف ارائكم ومشاركتكم معانا
    وانا عندى استعداد بالتنسيق مع اى حد بينه وبين الجامعيه
    واتمنى برضه اشوف اضافات مش شباب مصر

    الاسم : محمد صبحى عبد الحليم
    الايميل : mohamed_sobhey91@yahoo.com

    التلفون: 01503160601
    او : 0114240835

    حب ما تعمل من اجل ان تعمل ما تحب
    :ah4::ah4:

  2. #2
    عضو الصورة الرمزية osamasamir
    تاريخ التسجيل
    Sep 2008
    المشاركات
    622
    الدولة: Egypt
    معدل تقييم المستوى
    10

    رد: دعوه عامله لجميع من لديه القدره على التدريب والشرح وافادة الجميع

    كنا عايزين نعرف فروع الجمعية على مستوى الجمهورية وايه هي الفروع اللي عندها استعداد ان المشروع دا يتنفذ عندها
    إن العبرة ليست بطول العمر لكن بحسن العمل

    سبحان الله وبحمده ... سبحان الله العظيم

  3. #3
    عضو الصورة الرمزية محمود010
    تاريخ التسجيل
    May 2007
    المشاركات
    454
    معدل تقييم المستوى
    14

    رد: دعوه عامله لجميع من لديه القدره على التدريب والشرح وافادة الجميع

    السلام عليكم ورحمة الله وبركاته

    انا مستعد ياأخى انى انضم واتطوع للشرح
    واستطيع شرح دورات فى مجال هندسة اﻻتصاﻻت وهناك موضوع مثبت باﻻعلى لى فيها
    كما يمكننى شرح دورات فى البرمجة ( VB.NET - Python - Assembly )
    كما يمكننى المشاركة فى تدريس والمساهمة فى عمل معامل لشرح الدوائر اﻻلكترونية
    اخوك م / محمود
    سبحان الله وبحمده , سبحان الله العظيم

    مدونتى
    مدونتى باﻻنجليزية
    ====================================
    شهادات حاصل عليها :
    GSM & GPRS | CDMA & UMTS | LTE | WiMAX | Micro Controller | RHCE

  4. #4
    عضو
    تاريخ التسجيل
    Jul 2007
    المشاركات
    233
    الدولة: Saudi Arabia
    معدل تقييم المستوى
    0

    رد: دعوه عامله لجميع من لديه القدره على التدريب والشرح وافادة الجميع

    طيب ليش للمصريين بس ؟

  5. #5
    عضو الصورة الرمزية mohamed sobhey
    تاريخ التسجيل
    Jan 2010
    المشاركات
    79
    الدولة: Egypt
    معدل تقييم المستوى
    0

    رد: دعوه عامله لجميع من لديه القدره على التدريب والشرح وافادة الجميع

    اقتباس المشاركة الأصلية كتبت بواسطة أ بـو بـد ر مشاهدة المشاركة
    طيب ليش للمصريين بس ؟
    لكل الناس عادى
    بس متوقعتش ان ممكن حد يشاركنا من البلاد التانيه بس لو شاركونا يباه خير وبركاه
    لان هدفنا هوه المنفعه للجميع وليس اكثر

    حب ما تعمل من اجل ان تعمل ما تحب
    :ah4::ah4:

  6. #6
    عضو الصورة الرمزية mohamed sobhey
    تاريخ التسجيل
    Jan 2010
    المشاركات
    79
    الدولة: Egypt
    معدل تقييم المستوى
    0

    رد: دعوه عامله لجميع من لديه القدره على التدريب والشرح وافادة الجميع

    اقتباس المشاركة الأصلية كتبت بواسطة محمود010 مشاهدة المشاركة
    السلام عليكم ورحمة الله وبركاته

    انا مستعد ياأخى انى انضم واتطوع للشرح
    واستطيع شرح دورات فى مجال هندسة اﻻتصاﻻت وهناك موضوع مثبت باﻻعلى لى فيها
    كما يمكننى شرح دورات فى البرمجة ( VB.NET - Python - Assembly )
    كما يمكننى المشاركة فى تدريس والمساهمة فى عمل معامل لشرح الدوائر اﻻلكترونية
    اخوك م / محمود
    بجد انا سعيد جدا يا بشمهندس محمود
    واتمنى ان حضرتك تتواصل معايه على الايميل
    علشان نبدا نشوف اييه اللى ممكن نفيد بييه الشباب ونقعد ننشره
    ونباه متواصلين بجمعيات رساله
    حب ما تعمل من اجل ان تعمل ما تحب
    :ah4::ah4:

  7. #7
    عضو الصورة الرمزية mohamed sobhey
    تاريخ التسجيل
    Jan 2010
    المشاركات
    79
    الدولة: Egypt
    معدل تقييم المستوى
    0

    رد: دعوه عامله لجميع من لديه القدره على التدريب والشرح وافادة الجميع

    اقتباس المشاركة الأصلية كتبت بواسطة osamasamir مشاهدة المشاركة
    كنا عايزين نعرف فروع الجمعية على مستوى الجمهورية وايه هي الفروع اللي عندها استعداد ان المشروع دا يتنفذ عندها
    بالنسبه لفروع الجامعيه على مستوى الجمهوريه فهيه ليها فروع كتير وان شاء الله هجمع كشف بعناوين جميع الفروع
    بس الفرع اللى انا فييه دلوقتى هوه فرع مدينه نصر فى اول عباس العقاد
    ومن ناحية تنفيز مشروع الشرح فده بيتم فعلا فى كل فروع الجامعيه بس فييه عجز فى الانستراكتور علشان كده مش شغالين بكفائه
    فمحتاجين انستراكتور كتيير ومحاضرين كتيير
    وممكن تدخل على الفيس بوك وتكت
    rtc وتعمل بحث وهيطلعلك كل فروع رساله
    مع العلم ان RTC هوه سنتر رساله اى النشاط اللى مسؤال عن قرصات الكمبيوتر المجانيه

    حب ما تعمل من اجل ان تعمل ما تحب
    :ah4::ah4:

  8. #8
    عضو الصورة الرمزية mohamed sobhey
    تاريخ التسجيل
    Jan 2010
    المشاركات
    79
    الدولة: Egypt
    معدل تقييم المستوى
    0

    رد: دعوه عامله لجميع من لديه القدره على التدريب والشرح وافادة الجميع

    انا عاوز اقولكم انى دلوقتى بعمل على جمع جرووب عمل كبيير علشان نقوم بتنفيز مشروع فى غاية الروعه
    وهوه اننا هنعلم ابائنا وامهاتنا الكمبيوتر
    هنعمل دوره لمحو اميه الكمبيوتر بشكل مبسط جدا وخفيف وهيضم المنهج الوندوز و الانترنت
    ومش بس كده
    ده احنا كمان هنعلمهم ازاى يتعاملوا مع بعض البرامج المفيده فى تعليم اولادهم
    زى مثلا الاسطوانات التعليميه و اسطوانات المصحف المرتل و اسطوانات تعليم الاطفال اللغات اللى بنشوفها
    وده كله ان شاء الله انا بجمعه وبعمل على توفيره
    وهنخلى الاباء والامعات تعمل على تعليم ولادهم
    وننهض بالمجتمع بشكل افضل
    حب ما تعمل من اجل ان تعمل ما تحب
    :ah4::ah4:

  9. #9
    عضو
    تاريخ التسجيل
    Jul 2007
    المشاركات
    233
    الدولة: Saudi Arabia
    معدل تقييم المستوى
    0

    رد: دعوه عامله لجميع من لديه القدره على التدريب والشرح وافادة الجميع

    الله يوفقكم .. و تحياتي للشعب المصري العريق و خصوصا للشباب المصري الذكي
    أنا لو عندي القدرة و الخبرة كان اشتركت معكم

  10. #10
    عضو الصورة الرمزية mohamed sobhey
    تاريخ التسجيل
    Jan 2010
    المشاركات
    79
    الدولة: Egypt
    معدل تقييم المستوى
    0

    رد: دعوه عامله لجميع من لديه القدره على التدريب والشرح وافادة الجميع

    شكر ابو بدر على كلامك الجميل
    والموضوع مش محتاج مقدره وخبره
    انتا ممكن تشارك بالدعايه وتوعية الناس على ضرورة التغير
    ده هيباه علييه عامل كبيير برضه
    حب ما تعمل من اجل ان تعمل ما تحب
    :ah4::ah4:

  11. #11
    عضو
    تاريخ التسجيل
    Jan 2009
    المشاركات
    233
    الدولة: Egypt
    معدل تقييم المستوى
    9

    رد: دعوه عامله لجميع من لديه القدره على التدريب والشرح وافادة الجميع

    احنا مجموعه من الشباب عملنا نفس الفكره بس عملناها فى موقع بحيث ان اى حد فى اى مكان سواء فى مصر او فى الوطن العربى يقدر يدخل على الموقع وينزل الكورسات دى ويستفاد بيها واتمنى اننا لو نقدر نتعاون مع بعض فى الموضوع ده وده رابط الموقع لو حد عايز يشترك معانا فيه بالحفاظ على فكرة جمعية رساله طبعا لانها فى نفس الوقت مهمه
    ------------------------------
    http://gatewaycourses.com/
    ashraf7amdy
    my blog

  12. #12
    عضو الصورة الرمزية mohamed sobhey
    تاريخ التسجيل
    Jan 2010
    المشاركات
    79
    الدولة: Egypt
    معدل تقييم المستوى
    0

    رد: دعوه عامله لجميع من لديه القدره على التدريب والشرح وافادة الجميع

    فعلا الموقع ده اكثر من رائع
    بس فى ناس كتير مش بتقدر تفهم عن طريق الفديوهات ديية
    وبتحتاج يباه فى حد قدمها يشرحلها وتساله وكذا
    فياريت لو تعرف عليكم الموضوع ده ويعم الفائده للجميع
    حب ما تعمل من اجل ان تعمل ما تحب
    :ah4::ah4:

  13. #13
    عضو فضي الصورة الرمزية dr_timoon
    تاريخ التسجيل
    Apr 2005
    المشاركات
    996
    الدولة: Egypt
    معدل تقييم المستوى
    15

    رد: دعوه عامله لجميع من لديه القدره على التدريب والشرح وافادة الجميع

    هو المركز فين بالظبط ؟
    و انا شوفت ان ليهم فرع فى مصر الجديدة
    دا مناسب جدا بالنسبة لى قريب منى
    هل الفرع دا محتاج حد يشرح لهم كورس mcse
    وما هو عدد الاجهزة اللى موجودة يعنى الاب بستوعب كام طالب ؟

    ممكن اقدر اشرح كورس mcse ماعنديش م**** و اساعد الشباب
    وممكن كمان اشرح كورسات فى السيكورتى
    وبعض الكورسات المتخصصة فى ميكروسوفت
    Remember Arabhardware is a community, let's keep it that way. If you understand the word "community" - then you understand this forum

  14. #14
    عضو الصورة الرمزية mohamed sobhey
    تاريخ التسجيل
    Jan 2010
    المشاركات
    79
    الدولة: Egypt
    معدل تقييم المستوى
    0

    رد: دعوه عامله لجميع من لديه القدره على التدريب والشرح وافادة الجميع

    اقتباس المشاركة الأصلية كتبت بواسطة dr_timoon مشاهدة المشاركة
    هو المركز فين بالظبط ؟
    و انا شوفت ان ليهم فرع فى مصر الجديدة
    دا مناسب جدا بالنسبة لى قريب منى
    هل الفرع دا محتاج حد يشرح لهم كورس mcse
    وما هو عدد الاجهزة اللى موجودة يعنى الاب بستوعب كام طالب ؟

    ممكن اقدر اشرح كورس mcse ماعنديش م**** و اساعد الشباب
    وممكن كمان اشرح كورسات فى السيكورتى
    وبعض الكورسات المتخصصة فى ميكروسوفت
    بجد هايل
    جزاك الله كل خيرا
    الفرع اللى فى مصر الجديده فى ميدان الحجاز بس انا مش حافظ العنوان يعنى مش عاررف الشارع اللى فيه اسمه اييه
    بس انا فى فرع مدينه نصر فى اول عباس بس ان شاء الله انا هروح فرع مصر الجديده وهعرف منهم كل البيانات ان شاء الله
    اتمنى انك تتواصل معايه

    حب ما تعمل من اجل ان تعمل ما تحب
    :ah4::ah4:

  15. #15
    عضو
    تاريخ التسجيل
    Dec 2008
    المشاركات
    246
    الدولة: Egypt
    معدل تقييم المستوى
    10

    رد: دعوه عامله لجميع من لديه القدره على التدريب والشرح وافادة الجميع



    بجد ياجماعة رسالة دى اكتر من ممتازة لانى حضرت فيها اكتر من كورس والناس اللى فيها عندها ضمير اوى وبتعامل ربنا وهدفهم الوحيد انى يفيدوا الناس والدعوة الصالحة وهتلاقي هناك ناس في قمة الاحترام والخبرة كمان عشان ناس كتير تفتكر انها ببلاش وعمل تطوعى يقول اى كلام لالالالا والله ده بيبقي افضل من برة بمراحل كفاية انى مش هدفهم المال وشكرا لكل من يريد التطوع واشكر ال dr.timoon وهتبقي حاجة اكتر من رائعة لو حضرتك جيت شرحت وهاجى يعنى هاجى لحضرتك مع انى ساكن في الجيزة بس كفاية انى استفاد من خبرة حضرتك وجزاك الله كل خير وبالنسبة للعنوان في مصر الجديدة فأتفضل 9ش احمد عبد الخالق من ش الحجاز محطة الامن الصناعى خلف سيتى بنك وامام مدرسة ابو زهرة الاسلامية
    للحجز و الاستعلام: المسئولة : أ / مروة : - 0146425287 -26207802
    وطبعا الاستاذ محمد صبحى هيجيب لحضرتك معلومات اكتر وشكرا جزيلا لكل القائمين بالعمل والتطوع في جمعية رسالة الخيرية

صفحة 1 من 2 1 2 الأخيرةالأخيرة

المواضيع المتشابهه

  1. مشاركات: 1
    آخر مشاركة: 04-09-2011, 01:22

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •