مراجعة شخصية للقرص A-DATA S501 V2 64 GB SATA3 6Gb/s SSD

**Mr.pOPo** · 14-02-2011, 22:04

السلام عليكم و رحمة الله وبركاته...

منذ يومين و صلنى الهارد ال A-DATA 64 GB S501 v2 SATA3 6Gb/s SSD الذى تم شراءه من ماكسيمم هاردوير "شكراً أستاذ هانى" ، و كنت متحمس جداً. ذهبت لشركة الشحن عندما وصل ، و استملت الهارد ، و كان أول رد فعل ليا هو "هى العلبة دى فاضية و لا ايه :D" ، صراحة لم أكن أتوقع ان يكون الهارد بهذا الحجم و بهذا الوزن على الرغم من انى كنت قد رأيت صوراً كثيرة للهارد قبل ذلك على الانترنت.

نظراً لأنى نسيت تصوير الهارد قبل تركيبه ، فسأستعير الصور الموجودة بموضوع الاخ ALL4US ، أرجو ألا يمانع.

صورة العلبة التى يوجد بداخلها الهارد:

صورة العلبة من الخلف:

صورة الهارد:

صورة البراكيت الخاص بالتحويل من 2.5" إلى 3.5":

صورة الهارد بعد تركيبه بالبراكيت:

* مواصفات الهارد *

سرعة الهارد المصرح بها فى الموقع بالنسبة للهارد ال 64 جيجا:

64GB
SATA 6Gb/s Read : Up to 355MB/S Write : Up to 75MB/S
SATA 3Gb/s Read : Up to 265MB/S Write : Up to 75MB/S

** الهارد يستخدم متحكم مختلف عن هاردات ال OCZ SSD Vertex التى تستخدم متحكم Sandforce ، فى حين ان هذا القرص يستخدم متحكم من نوع Marvell.

صورة لل Physical Info للهارد من برنامج AIDA64 و هو النسخة الجديدة من برنامج Everest:

صورة لل Info من برنامج HD Tune Pro:

* من مميزات الهارد الآتى *

- الهارد صغير الحجم (2.5")
- خفيف الوزن جدا (نحو 74 جرام تقريباً)
- مضاد للصدمات (1500G)
- يدعم واجهة ساتا 3 6Gb/s
- يدعم خواص ال TRIM \ NCQ \ SMART
- يستخدم 128MB DDR3 Cache
- بدء تشغيل سريع لعدم وجود أية أقراص متحركة داخل الهارد "كما هو الحال فى الهارد الديناميكى العادى الذى يوجد به أقراص ديناميكية متحركة"
- لا ضجيج نهائياً يصدر من الهارد لنفس السبب السابق.

* يأتى بضمان 3 سنوات من XTrack.
** أيضا يأتى ببراكيت لتحويله إلى "3.5 كما رأينا ، و هو حجم الهارد العادى. و ذلك حتى يمكن تركيبه فى الكيسات الغير إحترافية التى لا تدعم و جود مكان لتركيب هارادت بحجم 2.5 انش.

* ظروف الإختبار *

- تم إغلاق جميع البرامج.
- تم إيقاف بعض الخصائص فى الويندوز التى قد تؤثر على أداء القرص منها Superfetch , Prefetch , Defragment , etc..
- تم استخدام منفذ Sata3 6Gb/s الموجود بالمذربورد.

* مواصفات الجهاز الذى تمت الاختبارات عليه *

Processor: Intel Core i7 920 @ 2.66 Ghz
Motherboard: GA X58A-UD3R @ FE Bios Version "Latest"
Ram: 6GB Ram "3 x2GB" @ 1333Mhz
Windows: Windows 7 Ultimate SP1 x64

* البرامج التى تم استخدامها *

1- Crystal Mark Disk
HD Tune Pro 4.60 -2
AS SSD Benchmark -3
Boot Trace -4

* نبدأ بنتائج الاختبارات *

أولاً:
نتائج برنامج Crystal Disk Mark

ثانياً:
نتائج برنامج HD Tune Pro 4.60

Benchmark

Random Access Test

Extra Tests

ثالثا:
نتائج برنامج AS SSD Benchmark

Benchmark

Copy Benchmark

رابعاً:
نتائج برنامج Boot Trace

وهو يختبر الوقت الذى استغرقه نظام التشغيل للإقلاع.

تم الإنتهاء من الاختبارات بحمد الله.

نسيت حاجة مهمة ، الهارد ما شاء الله آخد Rating فى ال Windows Experience Index أعلى من البروسسور نفسه :D
الهارد اخد 7.7 ، و البروسسور 7.4 :D

صورة:

*** ملاحظات شخصية:

- على الرغم من أن الهارد جعل نظام التشغيل يعمل بسلاسة و سهولة أكثر من الهارد العادى ، من سرعة فى الاقلاع ، و سرعة فى تنصيب الويندوز ، و سرعة فى تنصيب البرامج و اقلاعها كذلك الحال بالنسبة للألعاب. إلا انه لم يكن بالسرعة التى يقول عنها الناس فى المراجعات الاجنبية لا أدرى ما إذا كان ذلك يرجع إلى ان توقعى كان غير منطقى "اى كان توقع زائد عن اللزوم" ام ماذا...

ولكن النتائج مرضية الحمد لله.

- كما ترون ،،، استخدمت منفذ Sata3 الموجود فى البوردة و الكابل المستخدم كان كابل ساتا 3 المرفق فى اكسسوارات المذربورد . أيضاً لم أختبر الهارد باستخدام منفذ الساتا 2 العادى لهذا قد تختلف النتائج بالزيادة أو النقصان سواء عند استخدام المنفذ العادى أو عند استخدام كابلات الساتا 3.

- الهارد سعره جيد "950 جنيه من ماكسيمم هاردوير" و لكن هذا مقارنة بأسعار هاردات ال SSD فى أول نزول لها بالأسواق ، فالسعر ما يزال مرتفع بالنسبة لعدد الجيجات..

أرجو ان تنال المراجعة إعجابكم ، و اية ملاحظات انا فى الخدمة. و هذه المراجعة هى أول مراجعة لى فى المنتدى :D

تم بحمد الله...

**The Mysterious** · 14-02-2011, 22:36

ماشاء الله ولا حول ولاقوّة إلا بالله، أداء رائع بكل ماتعنيه الكلمة من معنى، متحكم Marvell أثبت أنّه المنافس القوي والقوي جدّاً لمتحكم Sandforce، أحييك على هذه المراجعة المميّزة بحق، اختيار ذكي للغاية والسعر لا بأس به، وفق رأيي الشخصي متحكم مارفيل هو الأفضل، فسرعات القراءة خياليّة بصرف النظر عن المساحة، ثمّ أنّ القراءة تأتي بعد زمن الوصول في الأهميّة من الناحية العمليّة لدى أقراص التخزين بشكل عام وليس الكتابة كما يخيّل للبعض، مبارك عليك القرص وتشوف على تركيبه كل خير )، تمّ التقييم وإضافة التقرير إلى موضوع تجارب الأعضاء المثبّت.

توقعى كان غير منطقى "اى كان توقع زائد عن اللزوم" ام إلى عدم وجود كابلات ساتا 3 تدعم سرعة الهارد ، حيث ان الهارد يدعم واجهة ساتا 3 الجديدة ذات سرعة 6Gb/s فى حين انى استخدمت كابلات الساتا 2 العادية. سنعرف الاجابة على هذا السؤال عند توافر كابلات الساتا 3 فى مصر ان شاء الله.

قد يكون لذلك زيادة بسيطة لسرعة القراءة لكنّه ليس ذو التأثير الواضح.

**Mr.pOPo** · 14-02-2011, 22:48

المشاركة الأصلية كتبت بواسطة bigmaster

ماشاء الله ولا حول ولاقوّة إلا بالله، أداء رائع بكل ماتعنيه الكلمة من معنى، متحكم Marvell أثبت أنّه المنافس القوي والقوي جدّاً لمتحكم Sandforce، أحييك على هذه المراجعة المميّزة بحق، اختيار ذكي للغاية والسعر لا بأس به، وفق رأيي الشخصي متحكم مارفيل هو الأفضل، فسرعات القراءة خياليّة بصرف النظر عن المساحة، ثمّ أنّ القراءة تأتي بعد زمن الوصول في الأهميّة من الناحية العمليّة لدى أقراص التخزين بشكل عام وليس الكتابة كما يخيّل للبعض، مبارك عليك القرص وتشوف على تركيبه كل خير )، تمّ التقييم وإضافة التقرير إلى موضوع تجارب الأعضاء المثبّت.

قد يكون لذلك زيادة بسيطة لسرعة القراءة لكنّه ليس ذو التأثير الواضح.

شكراً جزيلاً لك أخى bigmaster. نورت الموضوع..

**Doctor Medo** · 14-02-2011, 23:03

الف مبروك

كده انت حتخليني اعيد التفكير تاني ؟؟ كنت قلبت الموضوع و حوفر القرشين !! يلا خليها علينا

**Mr.pOPo** · 14-02-2011, 23:12

المشاركة الأصلية كتبت بواسطة Doctor Mido

الف مبروك

كده انت حتخليني اعيد التفكير تاني ؟؟ كنت قلبت الموضوع و حوفر القرشين !! يلا خليها علينا

هههههههههه ، ولا يهمك يا دكتور خليها علينا :D

الله يبارك فيك ، و شكرا لمرورك على الموضوع.

**EL-MARIACHY** · 14-02-2011, 23:48

إلا انه لم يكن بالسرعة التى يقول عنها الناس فى المراجعات الاجنبية لا أدرى ما إذا كان ذلك يرجع إلى ان توقعى كان غير منطقى "اى كان توقع زائد عن اللزوم"

نفس رائى بالظبط

ألف مبروك مراجعه جميله جداً

و الأداء روعه روعه فعلاً

و ياريت تكبر الخط شويه :p

**Mr.pOPo** · 14-02-2011, 23:56

نفس رائى بالظبط

يبدوا اننا نتفق فى أمور كثيرة كما ذكرت

ألف مبروك مراجعه جميله جداً

و الأداء روعه روعه فعلاً

الله يبارك فيك.. ، نورت الموضوع يا باشا ، و شكراً على التقييمات يا شباب.

و ياريت تكبر الخط شويه :p

:D

**ALL4US** · 15-02-2011, 00:30

رائع
الف الف مبروك
ومفيش مشكله موضوعى هو موضوع استخدم منه كما تريد!
بالنسبه للسرعه فهى ممتازه

هو انت متاكد انك استخدمت كابل ساتا 2 !
انا استخدمته مثلما فعلت لكن السرعه كانت النصف لا ادرى هل هناك ضبط معين من البيوس
ام ان الكابل الذى جاء مع بوردتك ساتا 3 !

**Mr.pOPo** · 15-02-2011, 01:26

رائع
الف الف مبروك
ومفيش مشكله موضوعى هو موضوع استخدم منه كما تريد!
بالنسبه للسرعه فهى ممتازه

الله يبارك فيك.. شكراً.

هو انت متاكد انك استخدمت كابل ساتا 2 !
انا استخدمته مثلما فعلت لكن السرعه كانت النصف لا ادرى هل هناك ضبط معين من البيوس
ام ان الكابل الذى جاء مع بوردتك ساتا 3 !

نعم الكابل الذى استخدمته هو كابل Sata 2 ، و هو الكابل اللى كان مع البوردة زى البوردة اللى عندك بالظبط. بالنسبة للبيوس انا غيرت خيار ال ICH Sata Control Mode ل AHCI دا كان كل اللى انا غيرته فى البيوس.

هل حضرتك تأكدت ان خاصية ال AHCI تستخدم الامر TRIM؟ لتتأكد من ذلك كليك يمين على ايقونة My Computer ثم Manage ، ثم اختار من القائمة اللى على الشمال Device Manager ثم اختار من على اليمين IDE ATA\ATAPI Controllers ، هتظهرلك قائمة ... اذا وجد مكتوب بها Standard AHCI 1.0 Serial ATA Controller يبقى انت شغال سليم:

لو كانت غير موجودة اختر التعريف الموجود عندك "غالبا هتلاقى فيه كلمة شبيه ب ICH10R" عموما اختار التعريف الموجود عندك و اعمله Properties و اختار Driver من فوق ثم Update Driver:

بعد كدا اختار الخيار التانى من الويندو اللى هتظهرلك اللى هو Browse My Computer For Driver Software ثم اختار الخيار الثانى أيضا اللى هو Let Me From a list of device drivers on my computer

بعدها دور على Standard AHCI 1.0 Serial ATA Controller و اختارها و فنّش و اعمل Restart.

برضه بص على الموضوع بتاع الاخ tarekforall هيفيدك أوى: https://www.arabhardware.net/forum/s...d.php?t=169579

على الاقل تكون عامل كل الحاجات بتاعت ضبط أداء أقراص الحالة الصلبة مع ويندوز 7 ، هتلاقى العنوان دا فى آخر الموضوع. بالنسبة ل "بعض الضبط الاضافي (للمستخدمين المحترفيين)" ، فدا يرجع لحضرتك ، فيها حاجات لسرعة الهارد و فيها حاجات لتوفير مساحة فى الهارد.

ايضا موضوع الاخ فادى "Coolman4now" مفيد برضه من هنا: https://www.arabhardware.net/forum/s...d.php?t=197516

**ALL4US** · 15-02-2011, 01:56

المشاركة الأصلية كتبت بواسطة Mr.pOPo

الله يبارك فيك.. شكراً.

نعم الكابل الذى استخدمته هو كابل Sata 2 ، و هو الكابل اللى كان مع البوردة زى البوردة اللى عندك بالظبط. بالنسبة للبيوس انا غيرت خيار ال ICH Sata Control Mode ل AHCI دا كان كل اللى انا غيرته فى البيوس.

هل حضرتك تأكدت ان خاصية ال AHCI تستخدم الامر TRIM؟ لتتأكد من ذلك كليك يمين على ايقونة My Computer ثم Manage ، ثم اختار من القائمة اللى على الشمال Device Manager ثم اختار من على اليمين IDE ATA\ATAPI Controllers ، هتظهرلك قائمة ... اذا وجد مكتوب بها Standard AHCI 1.0 Serial ATA Controller يبقى انت شغال سليم:

لو كانت غير موجودة اختر التعريف الموجود عندك "غالبا هتلاقى فيه كلمة شبيه ب ICH10R" عموما اختار التعريف الموجود عندك و اعمله Properties و اختار Driver من فوق ثم Update Driver:

بعد كدا اختار الخيار التانى من الويندو اللى هتظهرلك اللى هو Browse My Computer For Driver Software ثم اختار الخيار الثانى أيضا اللى هو Let Me From a list of device drivers on my computer

بعدها دور على Standard AHCI 1.0 Serial ATA Controller و اختارها و فنّش و اعمل Restart.

برضه بص على الموضوع بتاع الاخ tarekforall هيفيدك أوى: https://www.arabhardware.net/forum/s...d.php?t=169579

على الاقل تكون عامل كل الحاجات بتاعت ضبط أداء أقراص الحالة الصلبة مع ويندوز 7 ، هتلاقى العنوان دا فى آخر الموضوع. بالنسبة ل "بعض الضبط الاضافي (للمستخدمين المحترفيين)" ، فدا يرجع لحضرتك ، فيها حاجات لسرعة الهارد و فيها حاجات لتوفير مساحة فى الهارد.

ايضا موضوع الاخ فادى "Coolman4now" مفيد برضه من هنا: https://www.arabhardware.net/forum/s...d.php?t=197516

انا مطبق نفس اللى كاتبه بالظبط
ومطبق اللى فى الموضوعين برده بشكل كامل
ولكن النتيجه زى ما قولت النص!
الف شكر على ردك