تجميعية فى حدود 6500 جنيه مصرى

[m.harridy]

انت تامر يا برنس
بس كدة
عينيى ليك

بس
فى حاجة مهمة
انا هاعملك تجميعة استاذة بس بشرط انك تزود الميزانية بتاعتك شوية حوالى 250 جنيه
و دة لازم لانى الامكانيات اللى كنت مرشحهالك فى الاية ام دى علشان تلاقى زيها فى الانتل الفرق هيبقى على الاقل 750 جنيه لكن انا هاحاول قدر الامكان انى اوفرلك اكتر
لذلك انا قولتلك هات الاية ام دى
والتجميعة بتاعت الاية ام دى احسن الف مرة من التجميعة اللى هاكتبهالك دلوقتى
لانه بيحقق معادلة السعر مقابل الاداء
وانا مستخسر (والله العظيم) انك تدفع مبلغ 6500 جنيه فى امكانيات اقل هتندم بعد سنتين على الاكثر انك جبتها وهتبص تلاقى نفسك عايز تغير وتجيب الاحسن
لكن دة اختيارك وانت حر فيه

وانا اوعدك ان التجميعة دى مش هتفكر تغير حاجة فيها الا بعد اكتر من سنتين

اتفضل التجميعة

اولا : البروسيسور
INTEL CORE I5 760 2.8/8M/2.5GT/S - Soket1156
و سعره 1250 جنيه

ثانيا : المازربورد
ASUS P7P55D-E Pro
وسعرها 1000 جنيه

ثالثا : كارت الشاشة
GIGABYTE GTX460 1024MB DDR5 Super Overclock
و دة سعره 1500 جنيه
او تجيب
MSI GTX460 HAWK
و دة سعره حوالى 1400 جنيه

الاتنين تبريدهم احترافى غير قياسى و مكسورين السرعة مصنعيا
وانا عن نفسى ارشحلك التانى لانه احسن وافضل بكتير من الاول بس يا رب تلاقيه

رابعا : الرامات
CORSAIR XMS3 4GB (2 x 2GB) DDR3 1600 CL9 Dual Channel Kit
وسعرها 400 جنيه

خامسا : الباورصبلاى
HEC 700
و دة سعره 550 جنيه

سادسا : الكيسة
Cooler master storm Scout
وسعرها 525 جنيه

سابعا : الشاشة
SAMSUNG 20" LED BX2031
وسعرها 765 جنيه

ثامنا : المشتت الحرارى + الهارد + الدي في دى
فكما رشح لك اخونا الفاضل سيكو

المجموع
6680 جنيه

وتحت امرك يا معلم
زودتلك الميزانية 180 جنيه بس
انت تامر:ah2:

[omaar97]

^^
تقريباً نفس التي أريد وضعها ولكن:-

i5-760 السعر 1140 جنيه
P7P55D-E pro السعر 1000 جنيه
GTX 460 HAWK السعر 1400 جنيه
CNPS10X performa السعر 270 جنيه
HEC cougar 700W السعر 550 جنيه
kingston 2GBx2 1333mhz CL9 السعر 260 جنيه
WD Blue 16MB cache 500GBx2 السعر 460 جنيه
NZXT M59 السعر 425 جنيه
samsung EX2220X السعر 970 جنيه
ASUS X24 السعر 120 جنيه
المجموع 6595 جنيه

وأنا اخترت هذه الشاشة وهي أفضل من BX2031 وأقصى دقة لها 1920*1080 يعني full HD بعكس BX2031 أقصى دقة لها 1600*900

واخترت هذا الكرت لأنه جبار بكسر السرعة ويصبح أقوى من HD 6870 مع كسر السرعة ولا أظن أنك لو كسرت سرعة HD 6870 ستصل لأداءه لأن HD 6870 ضعيف بكسر السرعة

[m.harridy]

انا كنت باعمله حساب السلى فيما بعد ليس اكثر عشان ميغيرش ودة الافضل واظن المية جنيه مش هاتفرق معاه دلوقتى لكن صدقا هاتفرق معاه اوى قدام لما يحب يطور المكونات او يحدثها
لذلك كتبتله الباور دة لانه كويس ويساعده فى حاجات كتيرة بكرة وبعده
عشان كدة قولتله يزود الفلوس شوية

اما بالنسبة للشاشة فمش هتفرق معاه فى الرزيلوشن ومش هيلاحظ اى فرق بينهم لذلك نصحته بالارخص

وله حرية الاختيار
وربنا يوفقه فى الاختيار الافضل

[omaar97]

اما بالنسبة للشاشة فمش هتفرق معاه فى الرزيلوشن ومش هيلاحظ اى فرق بينهم لذلك نصحته بالارخص

كيف لن يلاحظ الفرق بين شاشة عادية وشاشة FullHD ودقتها أعلى؟!
أنا مرة جربت أشغل برنامج 3DMARK Vantage على شاشة 1360*768 لم ينجح لأنه لا يدعم شاشة بدقة تقل عن xxxx*1024
وأنا قمت بالتعديل بعد كتابتي للرد بقليل لكتابة بور HEC cougar 700W بدل CM GX 650W :D:D

[darkprince633]

و الله يا جماعة مقدر تعبكم معايا بس فعلا محتار بجد amd ولا intel مش عارف اقرر انا اللى مخلينى متمسك بالأنتل انى كنت و مازالت مجربها انما amd معرفش عنها حاجة فهو دا اللى مقلقنى و انتوا عارفين الشعب المصرى شغال بالأنتل :D عموما ربنا يسهل و هشوف انهو تجميعة تناسبنى فى الاداء مقابل السعر انا اهم حاجة عندى الاداء لأنى مش ناوى اغير فى الجهاز لمدة لا تقل عن 4 او 5 سنين و بشكركم على وقفتكم معايا

[peterlover]

Intel طبعا وبدون اي تردد بالمبلغ ده تقدر تجيب جهاز قوي بجد

بص معظم الاعضاء هيقوللك وفر ومتبصش علي المعالج وخليك في amd

لاكن لو ركزت شويه هتعرف ان الكل بينصح عشان الاداء ورخص الثمن لاكن في الواقع intel افضل كثيرا

بص عشان الناس طبعا هتهجمني هنا بعد الكلمتين دول ويقلولك علي اي اساس انا قرنت وكده بس انا حقولك الخلاصه دي بجد عشان حرام تدفع مبلغ زي ده في حاجه عاديه

انا كنت متردد زيك كده ( الكلام من سته او سبع اشهر )) وكان معايا نفس ميزانيتك بالظبط ..
ومعظم الاعضاء رشحلي amd علي اساس السعر مقابل الاداء لاكن انا اخزت قراري بناء علي اقتناعي وبحثي مش نصيحه حد فقط
واخترت intel لان اداءه رائع في الريندر ..وبناء علي مقارانات مش مقارنه واحده بس
انا جمعت جهاز قوي فعلا جدا ومش ندمان عليه ابدا )) intel core i7 ((

شغال الجهاز معايا 24 ساعه من غير توقف بجد (( ولا عمره فصل ولا هنج .............)) ومن غير مشتت خاص ... هوا فقط مشتت البرسيسور والكيسه .... (( amd (( كويس طبعا بس انا هنا بقوللك من التجربه والخبره ومليش اي مصلحه
وافتكر دايما ادفع الفلوس بتاعتك في القطع اللي مش سهل تغيرها انته ممكن تشغل نفسك برامه واحده بدل 2
وكرت الشاشه ممكن يكون 5770 ati ,

[peterlover]

INTEL CORE I7 920 2.66/8M/4.8GT/S - Soket1366
GIGABYTE X58A-UD3R
HD5770 (1GB GDDR5
Kingston 2GB DDR3 bus 1333MHz
Western Digital Caviar Black WD TB 1.0
Hec 350W
samsung 19 inc

[peterlover]

بتفكر في ايه ؟؟؟

[darkprince633]

انا كل تفكير ى عن اقتناع فى الأنتل طبعا لأنى من يوم ما عرفت جهاز الكمبيوتر عرفته عن طريق انتل من سنة 2005 فأنا واثق فى منتجات الشركة و عموما ربنا يسهل

[omaar97]

أخي لو تريد تجميعة للألعاب أفضل توجه للإنتل
كرت شاشة قوي جداً + يمكن إضافة كرت آخر مستقبلاً لأن اللوحة الأم تدعم SLI
معالج قوي جداً + مشتت احترافي واكسر السرعة إلى 4Ghz
مزود طاقة cougar 700W يمكنك من إضافة كرت آخر مستقبلاً

واخترت intel لان اداءه رائع في الريندر ..وبناء علي مقارانات مش مقارنه واحده بس
انا جمعت جهاز قوي فعلا جدا ومش ندمان عليه ابدا )) intel core i7 ((

هو يريد الغرض الأساسي من الجهاز الألعاب

INTEL CORE I7 920 2.66/8M/4.8GT/S - Soket1366
GIGABYTE X58A-UD3R
HD5770 (1GB GDDR5
Kingston 2GB DDR3 bus 1333MHz
Western Digital Caviar Black WD TB 1.0
Hec 350W
samsung 19 inc

مع احترامي لك التجميعة فيها كثير عيوب
الشاشة 19 إنش فقط
مزود الطاقة قد يؤدي إلى حرق الجهاز أو حرقه لا قدر الله
رامات 2GB فقط
وللعلم الشيء الأساسي في الألعاب هو كرت الشاشة وليس المعالج
بصراحة أنا متردد في نصحه بتجميعة الإنتل لأني ممكن أضع لك تجميعة AMD أفضل من ناحية الألعاب وفيها كرت شاشة HD 6950 فهل تريد؟
ولكن مشكلتها لن تتمكن من إضافة كرت آخر 6950 مستقبلاً مع مزود cougar 700W

[darkprince633]

ياريت تقولى على تجميعية انتل محترمة بحيث انى لا اغير فيها شئ لمدة 4 سنين و لكم جزيل الشكر

[omaar97]

i5-760 السعر 1140 جنيه
P7P55D-E pro السعر 1000 جنيه
GTX 460 HAWK السعر 1400 جنيه
CNPS10X performa السعر 270 جنيه
HEC cougar 700W السعر 550 جنيه
kingston 2GBx2 1333mhz CL9 السعر 260 جنيه
WD Blue 16MB cache 500GBx2 السعر 460 جنيه
NZXT M59 السعر 425 جنيه
samsung EX2220X السعر 970 جنيه
ASUS X24 السعر 120 جنيه
المجموع 6595 جنيه

رأيي ثابت على هذه التجميعة مع إمكانية إضافة كرت آخر مستقبلاً

أما AMD فإليك التالي:

phenom II X4 955 BE السعر 860 جنيه
MSI 870A-G54 السعر 620 جنيه
MSI HD 6950 2GB السعر 1900 جنيه
WD 500GBx2 Blue السعر 460 جنيه
CNPS10X Performa السعر 270 جنيه
kingston 2GBx2 1333mhz CL9 السعر 260 جنيه
NZXT M59 السعر 425 جنيه
HEC cougar 700W السعر 550 جنيه
samsung EX2220X السعر 970 جنيه
ASUS X24 السعر 120 جنيه
المجموع 6435 جنيه

ما يميز تجميعة إنتل هي إمكانية إضافة كرت آخر مستقبلاً وتوصيلهم عن طريق SLI

[abdo_zoro]

لو انت مبتفضلش الكروس فاير تبقى بأذن الله دي افضل تجميعه

INTEL CORE I5 760 2.8/8M/2.5GT/S - Soket1156 السعر 1250 جنيه
CNPS10X performa السعر 270 جنيه
GIGABYTE P55-USB3L السعر 770 جنيه
Sapphire HD6870 1GB GDDR5 السعر 1650 جنيه
CORSAIR XMS3 4GB (2 x 2GB) DDR3 1600 CL9 Dual Channel Kit السعر 400 جنيه
HEC 600W السعر 420 جنيه
WD Blue 16MB cache 500GBx2 السعر 480 جنيه
samsung EX2220X السعر 970 جنيه
ASUS 24X DRW-24B1ST السعر 120 جنيه
NZXT Beta EVO السعر 300 جنيه


المجموع 6630

[omaar97]

بالفعل لو كان لا يريد عمل تطويرات مستقبلية فسأقوم بنصحه بتجميعة أخرى
هل تنوي عمل SLI مستقبلاً مع كرتين GTX 460 HAWK؟؟
لعلمك الأداء سيتفوق على HD 5970

[m.harridy]

انا اويد وجهة نظر اخى omaar97
لكن احب ان اضيف تجربتى لعلها تنفعك اخى السائل والطالب للنصيحة

اولا انا كنت من شهرين كنت بدور على نصيحة من الاعضاء فى المنتدى لمساعدتى فى شراء جهاز عالى الامكانيات
وكانت الميزانية حوالى 8500 جنيه
وطبعا الغرض من الجهاز
الجيمز فقط وعلى اعلى اعدادات:D:D:D
وسالت و طلبت النصيحة من الاخوة الافاضل
والبعض بنسبة 25% نصحنى بالانتل و 75% نصحنى بالاية ام دى
وقبل الشراء دخلت على معظم الشركات المنتجة المازر بورد + شركتى انتاج كروت الشاشة + شركتى انتاج البروسيسور
ووجدت -رغم انى من مؤيدى الانتل واعلنها بكل صراحة- الفرق اللى بينادى بيه دعاة الانتل لا يتخطى فى قوة الاداء عن نسبة 5 %
فقط لاغير
وانت لن تشعر به اطلاقا ابدا واى حد يقول غير كدة يبقى ( لا مؤاخذة بيزيط وسط الزيطة )
فسؤالى له كالاتى
هل هذه النسبة تجعلك تدفع اكتر من 1100 جنيه فرق فى تجميعة الجهاز بالكامل؟؟؟؟؟؟؟؟؟؟؟؟؟؟؟؟
وهقررلك السبب:
انا جبت التشكيلة دى:

البروسيسور
AMD PHENOM IIX6 1090 T
1500 L.E

المازر بورد
ASUS CROSSHAIR IV FORMULA
1550 L.E

الرمات
OCZ REAPER 4GB 2* 2 GB 1600 CL 8 DUAL CHANNEL KIT
750 L.E



بص بقى لو كنت هجيب تجميعة انتل

البرسيسور اللى كان ساعتها موجود وعامل ضجة فى الفئة العليا هو

INTEL CORE I7 950 3.06/8M/4.8GT/S - Soket1366
وساعتها كان تمنه 1800 جنيه

المازر بورد اللى كانت تقابل المازر بتعتى فى الاية ام دى هى
ASUS Rampage III Formula
وسعرها ساعتها كان حوالى 1950 جنيه

الرامات
OCZ Reaper Series 6GB (3 x 2GB) DDR3 1600 CL6 v1.65 Triple Channel Kit
وسعرها 1150 جنيها


تعالى كدة وا حسبلى الفرق كام
1800 - 1500 = 300 جنيه

1950 - 1550 = 400 جنيه

1150 - 750 = 400 جنيه

التوتال 1100 جنيه

طيب انا اشتريت اعلى حاجة فى السوق ساعتها فى الاية ام دى
والفرق ما بين التجميعاتين فى النقاط الاساسية دى بس اما غير ذلك فلن يجدى

طيب الاداء الفرق ما بين التجميعتين كان حوالى اقل من 5 %
فهل يستحق دفع مبلغ 1100 جنيه
رغم انى طول عمرى من ساعة ما قعدت على الكومبيوتر باستخدم الانتل و الان فيديا
و ما كنتش مقتنع باداء الاية ام دى وكذلك اداء الاية تى اى

لكن من ساعة ما جبت تجميعة الاية ام دى وانا مش ندمان ابدا وحاسس انى وفرت مبلغ محترم وجبت اعلى الامكانيات فى الاية ام دى ولما احب اطور حاجة فى التجميعة بتاعته او احدثها فلن يكون ذلك قبل 3 سنين

دة غير انى جبت حاجات تانية وفرتها من تمن تجميعة الانتل فى شراء الباور والهارد والكيسة والديفيدى و كارت الشاشة والماوس والكيبورد ( مخصصين للالعاب)

فهل الفرق دة الهزيل جدا -والذى لن يشعر به الا الخبراء والمتخصصين-
يستحق ان تدفع هذا المبلغ الضخم
خد بالك انا بتكلم عن الفئات العليا بس
اما الفئات الوسطى فالمبلغ هيقل الى النصف او اكثر قليلا - دة لو انت عايز تجيب حاجة محترمة مش اى مازر بورد والسلام ولا اى رامات والسلام- فى امكانيات محترمة فى الفئة الوسطى

و ما اقصده هو

رامات الكينج ستون
الباس بتاعها 1333
وزمن التاخير بتاعها CL9

مش هاتفيدك فى كسر السرعة
وهناك ماهو افضل منها بمراحل من ماركات اخرى محترمة مثل
OCZ
CORSAIR

الباور الهيك مش اد كدة وفى ناس كتيرة اشتكت منه
وفيه انواع اخرى احسن منه فى الاداء وافضل واكثر ثباتا
زى الانتك
دة تعليقى من راى انا الشخصى ووجهة نظرى
فان اصبت فمن الله
وان اخطات فمنى ومن الشيطان الرجيم
اللهم اجعلنا من الذين يستمعون القول فيتبعون احسنه

والله الموفق ومن وراءه القصد