مشكلة فى سرعة النت رغم التغيير لكذا شركة

[redtiger5000]

عندى واحد صاحبى عنده مشكلة غريبة جدا
و انا اللى بكتب الموضوع عشان صاحبى ده بيعانى من المشكلة دى بقاله شهرين و ميقدرش يدخل منتدى عشان النت عنده وحش اوى
المشكلة هى انه النت عنده بطىء رغم انه اولا النت عنده 2 ميجا و اللى على الشبكة عنده هما 4 بس و محدش فيهم بيعمل دون لود و كمان لما بيفصل عليهم النت و ياخده لوحده برضه النت بطىء و برغم كمان انه غير لكذا شركة ما بين فودافون و تى ايه داتا و حاليا هو على شركة لينك
الغريب ان احنا من نفس السنترال سنترال عين شمس و انا شركة فودافون واخد 1 ميجا و النت عندى تمام و هو النت عنده وحش جدا رغم انه غير لكذا شركة
الراوتر و السويتش عنده نوع TP-link و كارت ال lan build in
و الاسلاك جديده...مش عارف بصراحة فيه ايه انا قلت له يمكن المشكلة من السبليتر قالى السبليتر نوعه نضيف شاريه ب 25 جنيه
ده بسبب ايه ؟ و هو عموما عنده برنامج Team viewer عشان لو عوزت تظبطت انت حاجة بأيدك على جهازه

[THE PRO KING]

نعم أخى الكريم هذه مشكلة منتشرة جدااا وخصوصا فى مصر

المشكلة فى هذه الحالة غالبا ما تكون بسبب خط التليفون...يعنى السلك اللى بين بوكس التليفونات لغاية اللى واصل عندك البيت
اولا: لازم تتأكد ان السلك سليم 100% وليس فيه لحامات كثيرة ويكون بعيد تمااما عن أى مصدر كهربى أو مغناطيسى
ثانيا:ينصح بشراء سلك جديد يكون خامته عالية لتوصيل التليفون والانترنت معاا بجودة عالية (لأن غالبا معظم السلوك المركبة حالياا جودتها سيئة ولاتصلح لتوصيل الانترنت من الأساس !!
ولو مازلت المشكلة موجودة يرجى الذهاب لفرع الشركة وتحديد ميعاد عشان يجيلك فنى من الشركة لتصليح المشكلة دى

[redtiger5000]

اوك الف شكر يا غالى
و هى شكلها فعلا المشكلة من الشركة لأن النت بيبقى كويس عنده بعد الساعه 3 بليل
عموما اولا هقوله يغير السلك و بعدين نشوف

[redtiger5000]

حد عنده رأى تانى يا رجالة ؟؟؟

[redtiger5000]

انا متعودتش على النوم ده فى المنتدى
يا جماعه حد تانى عنده رأى تانى ؟؟

[DR ! ZERO]

انا متعودتش على النوم ده فى المنتدى
يا جماعه حد تانى عنده رأى تانى ؟؟

بص أنا مش عارف حل مشكلتك أولا لكن رديت بس علشان أعرفك ان أى حد ممكن يقرا موضوعك و يكتب رد "مش عارف" و أظن ملهاش داعى ، يعنى مش نوم و لا حاجة اللى عارف حل مشكلتك هيرد ، اللى مش عارف هيسكت ، و ربنا معاك و ان شاء الله المشكلة تتحل .

[manutd1010]

انا عندي نفس المشكله النت من الفجر لغاية الساعه 10 او 11 ببيبقي تمام جدا خصوصا في مشاهدة الفيديوهات من اليوتيوب وغيره اما بعد كده المشكله تبدإ الفيديوهات بتبقي ميته بس الداونلود بيبقي عادي وده عيب شركة tedata النصابه او الطماعه في ناس كتير كان عندهم نفس المشكله دي و غيرو الي اتصالات والحال بقي عال
انا جيت اغير لقيت الالغاء بياخد شهرين وانتو عارفين شهرين من غير نت بعني ايه المهم اخي الكريم خلي صحبك يغير الشركه لو مشكلته نفس مشكلتي

sent from xperia x8
Rooted+Arabic support+Fully worked Market

[cobraxp]

طبعا فيه كلام تاني
الفكرة فى الكبل اللى بينك وبين السنترال يتحمل هذه السرعة العالية ولا لا فيه ناس تبقي عندها خط واحد ميجا وشغال زي الفل اول ما ترفع السرعة الى 2 جيجا السرعة تتبهدل لان السلك النحاس اللى بينك وبين السنترال ما يستحملش هذه السرعة
وكان فيه عضو هنا عامل مشاركة بخصوص هذا الموضوع ويبين عن طريق الراوتر معامل الشوشرة وقوة الخط والمسافة بينك وبين السنترال كل دة من الراوتر بس مش فاكر المشاركة اسمها ايه

[hamedstar]

فى احتمال وجود فيرس تورجان على احد الاجهزة الوصلة بالشبكة

لتاكد يرجى تنزيل نسخ وندوز جديدة وعمل اسكان فورا باستخدام انتى فيرس كويس

بالتوفيق

[EMBassem]

هو فى فكرة ممكن تسHل فى المنتدى لو حد جربها
انت ممكن تنسى الخطوط الارضية دى و تقدم فى فودافون او اتصالات على
ADSL بس تجيب Wi-Fiراوتر
هنا طبعا فى مشكلة ان الروتر حتغيرة و هو تقريبا ب 500 جنية
غير كدة تقريبا برضوا البنج بيزيد
زية زى ال USB ولا حيكون احسن
و متنساش تشوف حالة الشبكة و ال 3G عند صحبك اية !
اسال فى المنتدى لو حد جرب ال Wi-Fiراوتر
و شوف اهى فكرة و فكروا فيها
و فى دلواتى عرض فودافون
"

عرض ڤودافون ADSL

مع ڤودافون خليك عالنت شهرين ببلاش واحصل على راوتر و USB هدية
إشترك دلوقتي في ڤودافون ADSL علي أي سرعة و إحصل علي راوتر و USB هدية و إستمتع بشهر ببلاش علي الADSL و كمان علي الUSB!

"
ممكن تروح و تسال لو ينفع الروتر يكون من نوع Wi-Fi
و متنساش تقولنا وصلت لاية !!:D

[redtiger5000]

هو فى فكرة ممكن تسHل فى المنتدى لو حد جربها
انت ممكن تنسى الخطوط الارضية دى و تقدم فى فودافون او اتصالات على
ADSL بس تجيب Wi-Fiراوتر
هنا طبعا فى مشكلة ان الروتر حتغيرة و هو تقريبا ب 500 جنية
غير كدة تقريبا برضوا البنج بيزيد
زية زى ال USB ولا حيكون احسن
و متنساش تشوف حالة الشبكة و ال 3G عند صحبك اية !
اسال فى المنتدى لو حد جرب ال Wi-Fiراوتر
و شوف اهى فكرة و فكروا فيها
و فى دلواتى عرض فودافون
"

عرض ڤودافون ADSL

مع ڤودافون خليك عالنت شهرين ببلاش واحصل على راوتر و USB هدية
إشترك دلوقتي في ڤودافون ADSL علي أي سرعة و إحصل علي راوتر و USB هدية و إستمتع بشهر ببلاش علي الADSL و كمان علي الUSB!

"
ممكن تروح و تسال لو ينفع الروتر يكون من نوع Wi-Fi
و متنساش تقولنا وصلت لاية !!:D

هو الواى فاى هيوصل لحد ابعد من 100 متر ؟؟ معتقدش
صاحبى ده مشترك معاه ناس فى العمارة و طبعا المسافة ابعد من 100 متر

و شكرا يا رجالة الف شكر بس انا اصل الموضوع كان بقاله يومين بدون رد من اى حد عشان كده حسيت ان المنتدى نام

بالنسبة للمشاركة اللى بتشرح تظبيط الشوشرة بتاعة السلك و تظبيطها من الراوتر هدور عليها و الف شكر يا غالى
و شكرا مرة اخرى لكل اللى شاركوا و افادونى الف شكر يا جماعه رجالة و الله طول عمركم

[cobraxp]

معجبيش ردك بكلمة المشاركة اللى بتشرح.... اظن انك متفق معايا فى النقطة دي

المهم انا حبيت اوضح قصدي ان فى الراوتر تقدر تشوف اقصي حاجة يتحملها الخط بتاعك مش تظبط الشوشرة منه
تقدر عن طريق صفحة البيانات دي من الراوتر انك تعرف المسافة بينك وبين السنترال قد ايه وعموما دة شرح فلاشي لمعرفة السرعة والمسافة التى يدعمها خطك
https://dc16.arabsh.com/i/02311/h3nqu38u9hwv.swf
السايت دة هو اللى فى الشرح
https://www.kitz.co.uk/adsl/max_speed_calc.php
كدة اظن شرحت ووفيت الموضوع كامل مستنى ردك

[EMBassem]

هو الواى فاى هيوصل لحد ابعد من 100 متر ؟؟ معتقدش
صاحبى ده مشترك معاه ناس فى العمارة و طبعا المسافة ابعد من 100 متر

و شكرا يا رجالة الف شكر بس انا اصل الموضوع كان بقاله يومين بدون رد من اى حد عشان كده حسيت ان المنتدى نام

بالنسبة للمشاركة اللى بتشرح تظبيط الشوشرة بتاعة السلك و تظبيطها من الراوتر هدور عليها و الف شكر يا غالى
و شكرا مرة اخرى لكل اللى شاركوا و افادونى الف شكر يا جماعه رجالة و الله طول عمركم

انا قصدى بروتر ال WiFi ان الروتر مبيخدش خط تليفون
هو بيعتمد على تغطية 3G
و هو تقريبا فى اماكن عادى زى اى روتر تطلع منها للناس اللى معاة

************************************************** ***********************************

لو معندكش ADSLخليك عالنت بأحدث تكنولوجيا مع ڤودافون Wi-Fi راوتر الجديد
دلوقتى مع ڤودافون Wi-Fi راوتر الجديد ادخل على الإنترنت فى البيت أو فى المكتب فقط بتوصيل ڤودافون USB Modem للراوتر.
مزايا ڤودافون Wi-Fi راوتر:
<LI class=bulletSmall>إنترنت بسرعة تصل إلى 7.2 Mbps* مستخدماً Vodafone Broadband <LI class=bulletSmall>يدعم خدمات الـADSL <LI class=bulletSmall>الدخول على الإنترنت من خلال ال Wi-Fi أو الEthernet لأكثر من شخص فى نفس الوقت <LI class=bulletSmall>4 Ethernet ports و3 USB ports <LI class=bulletSmall>يدعم مشاركة الهارد ديسك و الطابعات <LI class=bulletSmall>سهولة الاستخدام بمجرد تشغيل الراوتر ستتصل بالانترنت بطريقة آمنة و بدون انقطاع احسن خدمة عملاء توفر دعم فنى طوال أيام الأسبوع , فقط اطلب 2828
كل ده ب 499 جنيه**



بس تقريبا السعر مش هو هو فى كذا جهاز

[EMBassem]

https://www.vodafone.com.eg/ar/Perso...irelessRouter/

[redtiger5000]

معجبيش ردك بكلمة المشاركة اللى بتشرح.... اظن انك متفق معايا فى النقطة دي

المهم انا حبيت اوضح قصدي ان فى الراوتر تقدر تشوف اقصي حاجة يتحملها الخط بتاعك مش تظبط الشوشرة منه
تقدر عن طريق صفحة البيانات دي من الراوتر انك تعرف المسافة بينك وبين السنترال قد ايه وعموما دة شرح فلاشي لمعرفة السرعة والمسافة التى يدعمها خطك
https://dc16.arabsh.com/i/02311/h3nqu38u9hwv.swf
السايت دة هو اللى فى الشرح
https://www.kitz.co.uk/adsl/max_speed_calc.php
كدة اظن شرحت ووفيت الموضوع كامل مستنى ردك

اه معلش انا كنت اقصد الموضوع اللى بيشرح مش المشاركة معلش سها عليا
و شكرا الف شكر للمساعده يا غالى فعلا شرحت ووفيت
و هو مش خطى ده خط صاحبى زى ما ذكرت فى اول الموضوع