بطىء سرعة الانترنت والتحميل بصوره كبيره بدون اسباب (ارجو المساعده من ذوى الخبره

[mostafa taky]

السلام عليكم ورحمة الله وبركاته

انا مشكلتى غريبه حبتين كالعاده من فتره حوالى سنه او ما يزيد عن كده وكنت مسطب انتى فيرس avira Anti virus primium + comodo firewall ومكنش عندى مشكله الا ان سرعة التحميل قلت بشكل ملحوظ جدا سرعتى 512 يعنى الدونلود يكون بى 56 كيلو بايت مره وحده بقى 15 كيلو بايت و 10 وفى اوقات مكنش بيحمل اصلاا شكيت فى الروتر وغيرت سلوك التليفون وعملت كل حاجه ممكن تتعمل ومفيش فايده الى ان غيرت الانتى فيروس تقريبا استعملت معظم انواع الانتى فيروسات المتعارف عليها زى كاسبر والنود والنورتن ومكافى وبيتديفيندر وافاست وغيرهم ومفيش فايده الى ان وصلت للمكافح القوى والرخم والتقيل AVG ونزلت معاه avg utilities وده اللى رجعلى السرعه زى ما كانت وافضل ومعرفش ايه السبب مع انه مطلعش فيروسات فقط كل اللى عملته ان فيه Option فى هذا البرنامج بيعمل Configuration لسرعى الانترنت اوتوماتيك وعن طريقه رجعت سرعة الانترنت ولكن للاسف الجهاز مكوناته على قده فبيحصل لود كبير على البروسيسور وبيقل اداء الجهاز بصوره واضحه ومش عارف ايه السبب مع العلم انى غيرت نسخة الويندوز اكثر من مره ونفس المشكله موجوده ومع العلم ان هذا الانتى فيروس انا مزله جنب Comodo firewall زى حال جميع الانتى فيروسات السابقه ولكن مع هذا الانتى فيروس والبرنامج المرفق معاه استطاعو حل مشكلتى ياريت ممن ذوى الخبره يفهمونى ايه السبب والمشكله دى منين وازاى اقدر احلها لانى عايز اشيل الانتى فيرس ده وانزل الافيرا تانى لانه خفيف على الجهاز اكثر وهو افضل ايضا


امكانيات جهازى هى :
CPu: Pantium 3 GH Cash 2 Mega
Ram: 2 Giga
VEga: 512 Nividia Geforce 7300 LE
MotherBoard: GigaByte 945Pl S3
Hard: 320 Giga

وشكرا لكم

[المحب لدين الله]

اخي الفاضل

لايوجد انتي فيرس يسب بطىء ملحوظ فى عملية الدون لود بمعني اخر هو يفحص الملف اثناء بدية التحميل او بعذ الانتهاء من تحميل الملف ولكن ممكن ان يحدث ان يكون هناك بطىء ملحزظ فى التصفح وذلك ممكن ان يسببه اى انتي فيرس كان
انا انصح بعدم وجود فيروال مختلفين على جهازك . يكفي واحد فقط
احذف كل برامج الانتي فيرس اولاً وحاول بعد ذلك تحميل اى ملف من موقع موثوق منه للتأكد من سرعة الاتصال ويستحسن ان يكون فى وقت الزروه
بعد ذلك قم بتنزيل الافيرا ان كنت تريده وسوف اضع لك الاعدادات المناسبه للبرنامج بعد اخباري بالنتائج

[mostafa taky]

السلام عليكم اخى الكريم وشكرا لاستجابتك ولكن الفكره دى بالفعل عملتها بعد ما غيرت النسخه ونزلتها من جديد قبل ما اسطب اى برامج وكانت النتيجه وحده وهى ان السرعه كانت فيها مشكله فكرت ان المشكله من النسخه نفسها فعملت بارتشن جديد وسطبت عليه ويندوز سفن وكانت نفس المشكله فيها برضه ومش عارف والله يا اخى المشكله منين بس اللى مش فاهمله تفسير ان لما نزلت AVG antivirus + AVG PC Tuneup المشكله اتحلت ولكن لما نزلت avg الانتى فيرس لوحده كانت لسه برضه المشكله موجوده انما الاتنين مع بعض رجعلى سرعة التحميل زى ماكانت

اتمنى مكنش حيرتك معايا بس حط نفسك مكانى وشوف ايه شعورك !!!

[mostafa taky]

نسيت اذكر شىء انا املك فايروول واحد فقط وهو Comodo فقط لاغير وانما اى انتى فيرس بنزله بيكون انتى فيرس فقط بدون فايروول

[المحب لدين الله]

اخي اريد ان اسئلك شىء

هل تملك الروتر بمنزلك ام انه يوجد عندك شبكة ؟
ان كنت الروتر فحاول ان تضع كبل التليفون لوحده على الروتر يعني لو فيه اسبليتر او موصل تليفون افصلهم وجرب تتصفح او تعمل دون لود وشوف السرعه هتبقي عامله ايه ويفضل انك تكلم الشركة اللى مشترك معها وتقولهم اني محتاج اعمل تيست للخط عندي لاني لسه مغير كابل التليفون وهما هيقولك ان كان كده افضل ام الوضع لم يتغير به شىء

[mostafa taky]

السلام عليكم اخى الفاضل المحب لدين الله
نعم انا املك الرواتر بمنزلى وقد ذكرت انى قمت بتغيير جميع السلوك لانى كنت شاكك فيها ووصلت بالفعل من التليفون للجهاز مباشرة ولكن كانت النتيجه واحد
ايضا عنددى شبكه واكيد ليهم تاثير على السرعه ولكن النت بصفه عامه متأثر جدا مع اى انتى فيرس اخر بخلاف ال avg + avg tuneup
فقط مع هذا الانتى فيرس والبرنامج الملحق به يتم تحسين اداء الانتلانت بصوره ملحوظه جدا ولكن مع اى انتى فيرس اخر السرعه تكون بطيئه بشكل ملحوظ وانا حاليا سطبت الكاسبر وهو الوحيد الى حد ما بيوصل التحميل الى 50 كيلو بايت ببرنامج IDM بس عايز اقولك ان السرعه فيه بتعد كعقارب الساعه وليست كالمعتاده يعنى 50 كليو بايت بتمشى كعقارب الساعه بطيئه جدا وحضرتك طبعا عارف IDM وسرعته الطبيعيه فى العد مع العلم انى مظبط اعداداته من حيث ضبط السرعه وتجزئة الملف الجارى تحميله الى 16 جزء

بالنسبه للخط انا اتصلت بالشركه اكثر من مره وأكدوا لى مرارا وتكرارا ان جودة الخط جيده ولا يوجد اى مشاكل فيها وانا مصدقهم لان كده المشكله مش من عندهم طالما السرعه بتتظبط مع avg + avg utilities يبقى اكيد فيه مشكله عندى