تصويت لشرح CEH باللغة العربية

[islam-salah]

** السلام عليكم و رحمة الله و بركاتة **

اخوانى الاعزاء أعضاء المنتدى العلمى المفيد .....
هذا الموضوع للتصويت لكى نطلب من ادارة المنتدى المبجلة شرح CEH باللغة العربية من علمائنا الافاضل فى عذا العلم و ارجو الدعم من اخوانى اعضاء المنتدى بالتصويت ............

و شكرا .

[I N T E R]

والله أتمناها بقوووة

حتى لو يكون الشرح مقدمة بس للشهادة وللفصول والمواضيع الخاصة بالشادة

أضم صوتي

[NASA Science]

مفيش حد هيشرح الكورس ده يا شباب
ولو حد شرحه مش هيكمل
لأسباب كتيره
أهمها
1- الكسل
2- الجانب المادى

دا فى كورسات فى المنتدئ مبتدئة و الى الأن لم تنتهى
بجانب شروحات و الله لا تستحق الاستماع لها

وأهم حاجة ومش عايز حد يزعل منى
العرب بيحبوا يحتفظوا بالمعلومة لنفسهم إلا من رحم ربى
ولازم نعرف إنى فى بعض الناس محتفظة بأسرار علمية ولا تريد أن تبوح بها

مش عايز حد يزعل منى
ولكن الحقيقة أكيد صعبة

منتظر العدوان عليا

[NASA Science]

طبعا تعليقى السابق
أملا أن نلتقى الى الأمام الى بوابة العلم مثل الغرب
أيد واحده كُلنا لتقدم الوحده العربية
لاننى أرى اشياء للأسف لا أراها فى العرب , يا من قال الله فيهم :
{إِنَّا أَنزَلْنَاهُ قُرْآناً عَرَبِيّاً لَّعَلَّكُمْ تَعْقِلُونَ }
فما بالكم من يملكون دستور الهى ولا يعرفون ان يدبروا شئونهم !!!

[majed_19845]

وأنا معك في ذلك

[sherif-magdy]

مفيش حد هيشرح الكورس ده يا شباب
ولو حد شرحه مش هيكمل
لأسباب كتيره
أهمها
1- الكسل
2- الجانب المادى

دا فى كورسات فى المنتدئ مبتدئة و الى الأن لم تنتهى
بجانب شروحات و الله لا تستحق الاستماع لها

بسم الله الرحمن الرحيم
اولا لو كان فى كسل زى ما انت بتقول تفتكر كنت هتلاقى واحد يشرح ccna او حتى ccna-sec و بعض شهادات microsoft & comptia غير العديد من المواضيع المتفرقه التى للاسف قد يضيع بعضها بين صفحات المنتدى , و كل ده لوجه الله , تقدر تشوف انت لو كنت هتاخد كورس من دول فى اى مركز كان هيكلفك كام ؟ , ده غير انه احيانا بيكون مستوى الشرح سىء جدااا

شوف كده اللى شرح اى ماده علميه ضيع قد ايه من قته ده غير المجهود المبذول

و الشروحات التى لا تستحق الاستماع التى تتحدث عنها هذا من وجهه نظرك ربما انت الذى لم تفهم الماده المشروحه و عموما موهبه الشرح و ايصال المعلومة ديه حاجه من عند ربنا يعنى كتر خير اى واحد حب يساعد و يزيد المحتوى العربى

العرب بيحبوا يحتفظوا بالمعلومة لنفسهم إلا من رحم ربى
ولازم نعرف إنى فى بعض الناس محتفظة بأسرار علمية ولا تريد أن تبوح بها

اقولك حاجه بصراحه من غير ما تزعل , انا لما قرأت السطرين دول كنت هموت من الضحك
اسرار ايه بس اللى الناس محتفظة بها ؟؟ :ah26: لسنا بصدد اختراع القمبله الهيدروجينيه
انت لو رحت على جوجل و حاولت تبحث عن اى موضوع هتجد الكثيييييييييييييييييييييييييير سواء كان بخصوص الهاكينج او النتورك او اى شىء اخر , لكن تقولى اسرار و كلام فاضى !! معلش انا اختلف معاك


بخصوص شهاده ال ceh اسباب عدم وجود شرح لها فى المنتدى هو كالاتى :-
1- قله عدد الافراد الحاصلين علي الشهاده فى المنتدى , وايضا لا تعلم ظروف احد منهم
2 - صعوبه تطبيق الجانب العملى فيه يحتاج الى كثير من الامكانيات

اخيرا توجد شركة اسمها career acad. اعتقد ان جميع المهتمين بهذه الشهاده سمع عنه قامت بشرح هذه الشهاده فيديو على حوال 5 او 4 dvd مش فاكر بصراحه !! و ايضا يوجد كتاب sybex يشرح هذا المنهج
و سترى الجهد المبذول فى الشروحات الاجنبيه الذى تطالب به شخص بالقيام به وحده

و بالنسبه لمشكله اللغه لو انت ضعيف فيها مثلا و الله العظيم انت ممكن فى ظرف شهرين او تلاته تحسن لغتك الانجليزية ببعض المجهود

و اخيرا لا اهدف من ذلك الاساءه لك او الى اى احد اخر و لكنى اعبر عن وجهه نظرى بصراحه

[elostaz3omda]

السلام عليكم
اولاً أضم صوتي لكم انا فعلاً نفسي أشوف شرح في المنتدي بيتكلم عن السيكيورتي.
ثانياً انا طبعاً مش هضغط علي حد علشان يشرح لأن طبعاً كل واحد مننا عنده مشاغله.
بس ياريت لوحد عنده الخبرة وكمان الوقت ويقدر ينفع أخواته هنا هنكون مبسوطين وهاندعيله كمان
وأنا عن نفسي مكتفي بشرح لمده خمس دقائق بيتكلم عن أزاي أحط رجلي في مجال السيكيورتي وده مش كسل مني أني أدور علي google ولا حاجه بس كل الحكاية ان لو كان في حد سبقنا الي هذا المجال فياريت ياخذ بأيد أخواته ويدلهم علي أول الطريق وربنا يقويهم هما ويكملوا

[NASA Science]

أحب اوضح معلومة بس , أنا بكلم بشكل عام وليس على شهادة CEH تحديدا

النقطة الثانية : لتحديد قوة الكورس رجلان :
1-رجل مبتدئ ولا يستطيع أن يفهم اساسيات الكورس لأسباب ما
2- رجل محترف يستطيع ان يحدد قوة المُحاضر

أخر حاجة : شــــــــــــــريف
هل ممكن تعيد على قراءة كلامك مرة أخرى , هل انت متقنع بكلامك ده , مش عايز رد على سؤالى ؟
مع السلامه

[dr_timoon]

سبحان الله
استعجب جدا من اخى شريف انة تمالك نفسة و لم يغلق الموضوع و كان ردة محترم جدا
اشكرك اخى على تمالك اعصباك و ضبط النفس سوف احاول ان اكون مثلك

اما الاخ love

هل رايت كمية الكورسات الكاملة المشروحة فى المنتدى المجانية
هل تعلم انك اخطات تماما فى ان العرب انهم بحبون بحفظ المعلمومة لى انفسهم
خطا تماما
لانة العرب الوحدين اللى لهم شروحات مجانية
هل يوجد اى منتدى اجنبى قام اعضائة بشرح كورسات مجانا بهذة الكمية طبعا لا يوجد

و اخطأت مرة اخرى
كسل اية و مين اللى عندة معلومة ومحتفظ بيها

انا ارى ماشاء الله الاعضاء و المشرفين مش مقصرين فى الشروحات و الرد على استفسارت على قدر معرفتهم
فين بقى الناس اللى مخبية العلم دى ؟؟؟؟؟
وبعدين لو احنا مخبينة روح اسئل جوجل هايقولك على اللى انت عاوزة
اصلة مش علم هلامى و احنا بس اللى عارفينة

واللى بيقدر يفيد اى شخص بيحاول على قدر المستطاع
ثم اخى ليس شرط ان اى عضو حاصل على هذة الشهادة ان يكون لة قدرة و ملكة الشرح
ثم فى اعتقداى ان من يصل لمستوى هذة الشهادة
لانها من الشهادات التى تتطلب معرفة قوية جدا فى الشبكات و الانظمة الليونكس و الويندوز و خبرة عمل
ليس بالصعب علية مذاكرة الكورس من شركة career academy

مشروحة من زمان
هل حاولت انك تذاكر منها
وفى حاجة لم تعرفها و سالت و لم يجيبك احد عن قصد ؟؟؟

ولا هو لازم كل حاجة تكون مشروحة بالعربى
وكل كورس اى عضو نام و صحى حلم بية
لازم يتشرح مجانا
والا بنكون مقصرين و كسالا و بنحتفظ بالمعلومة !!!!!!

ثم بماذا شاركت انت فى المنتدى و لى اخوانك لا اريد رد ولكنى اريد ان تفكر مع نفسك

ثم الا تقدر ان الواحد بيكون عندة شغل و حياة كاملة و مذاكرة برضو و الرد على الاعضاء
و تنظيم المنتدى و الاشراف و الحياة الشخصية


راجع نفسك و اعد ترتيب افكارك ة لا تتهم الناس جزافا
انا اجب المنتدى و الاعضاء فوق ما تتخيل و لن اسمح بالمساس بهم

[dr_timoon]

صحيح انت عارف ان الكورسات دى مشروحة
mcse اكثر من محاضر
ccna اكثر من محاضر
ccna voice
ccna sec
RHCE اكثر من محاضر
مواضيع متفرقة من سيسكو و كثيرة جدا
برامج محاكة سيسكو و الروترات
مواضيع متفرقة من ميكروسوفت
كورسات oracle
وغيرهم

فعلان العرب مخبين العلم

[dr_timoon]

والله أتمناها بقوووة

حتى لو يكون الشرح مقدمة بس للشهادة وللفصول والمواضيع الخاصة بالشادة

أضم صوتي

لو دورت لمدة دقيقة هاتجد مبدعنا ياسر رمزى لة موضوع مثبت فى القسم
فيديو عربي يشرح مدخلك الي عالم شهادات security حصريا على عرب هاردوير ‏

[NASA Science]

خلينا نكون واضحين مع نفسنا شويا :
غالبية الكورسات المشروحة سواء mcse or rhce فى المنتدئ ليس مشروحة خصيصا لطلاب عرب هاردوير أخى الفاضل
+
وغالبية الكورسات أيضا غير متكملة
(فــــــــــــ ربنا يبارك فى الناس اللى رفعت الكورسات او شرحت بعض الدروس فى الكورسات)


هل لو كان مهندس مرتبط بشغل فى مركز هل كان المركز هيسمح له بعدد من السنوات لإنهاء الكورس ؟!!
أخى انا مش بعيب المهندسيين لأ أبدا لاننى ربما مثلهم
ولكن أنا عارف أمور الحياة عندهم وشغلهم هما اللى مانعهم على تكمل الكورسات
+
الكسل (الكسل كلمة مش عيب )

العرب بيحبوا يحتفظوا بالمعلومة لنفسهم إلا من رحم ربى
ولازم نعرف إنى فى بعض الناس محتفظة بأسرار علمية ولا تريد أن تبوح بها
أما هذه الجملة التى تبدو مضحكة او مستخف بها عندكم
فدا واقع أنا عيشت فيه وربما يزال حى من خبرات عملية وجامعة وانترنت ومراكز تعليمية وربما سوق العمل العادى وليس المهنى

======
يا أخواتى أنا مش بعيب على أحد ولم أتكلم فى حق أحد ابدا
ولكنى أريد همّا (نشاط أكتر) قليلا لخبرات العلم لتقدم نحن العرب

[NASA Science]

وفكرة بس بسيطة لحياتى العملية :
عندما أريد أن أتعلم كورس ما ولم أجد أحد قام بشرحة بالعربى بقوم بالبحث عنه على النت واين كان لغة التعلم
الحمد لله بصبر على نفسى لحد لما اتعلم اللغة
ولم أقل فى مرة لأى مهندس فى المنتدى اشرح هذا الكورس الا لو هو قال كذا

محتاجين طلاب لبذل جهدهم فى العلم + محتاجين مهندسين

[NASA Science]

أتمنى من ربنا أن امتلك امكانية الشرح وأقوم بشرح أى كورس حصرى لأخواتى الاعزاء
وانى ناويها انى أشرح كورس , فربنا يعينى عليها
ولكن هذه الخطوة غير مؤهله حاليا
و لكن مشيت الله ستكون

شكرا لتعليقاكم الطيبه ده
وكان لابد أن أوضح هذا كى لا تموت فكرة كتابة تعليقى الأول

[dr_timoon]

خلينا نكون واضحين مع نفسنا شويا :
غالبية الكورسات المشروحة سواء mcse or rhce فى المنتدئ ليس مشروحة خصيصا لطلاب عرب هاردوير أخى الفاضل
+
وغالبية الكورسات أيضا غير متكملة
(فــــــــــــ ربنا يبارك فى الناس اللى رفعت الكورسات او شرحت بعض الدروس فى الكورسات)

اسف و لكن كلامك مش مظبوط
فا عندك كورس مصطفى الطنطاوى كان خصيصا لمنتدى عرب هاردوير
و هناك شروحات كثيرة فى ميكروسوفت خصصيا للمنتدى و ايضا سيسكو لماذا لم تذكرها !!!!
ثم الكورسات اللى مشروحة للطلاب فى المراكز مش خصصيا لعربهاردوير
تفضلو جزاهم الله كل الخير بعطائنا الفيدوهات ولم يكونو مجبورين
و لو كان العرب يبخلو ماكنش حد اعطالك الكورس بدون ما نقود مع انة ممكن يقول انة كدا هايخصر طلاب
بس ماحدش مهنم قال كدا عارف لية
علشان هما عرب

ل لو كان مهندس مرتبط بشغل فى مركز هل كان المركز هيسمح له بعدد من السنوات لإنهاء الكورس ؟!!
أخى انا مش بعيب المهندسيين لأ أبدا لاننى ربما مثلهم
ولكن أنا عارف أمور الحياة عندهم وشغلهم هما اللى مانعهم على تكمل الكورسات
+
الكسل (الكسل كلمة مش عيب )

هو حد من الناس اللى يتاخذ من احد فلوس
قلنا انة عمل تتطوعى وليس الزامى و هذا الفرق
الكسل مش عيب ولكن عند ذكرة فى مكان غير مكانة فهو عيب و كلام مش فى محلة

العرب بيحبوا يحتفظوا بالمعلومة لنفسهم إلا من رحم ربى
ولازم نعرف إنى فى بعض الناس محتفظة بأسرار علمية ولا تريد أن تبوح بها
أما هذه الجملة التى تبدو مضحكة او مستخف بها عندكم
فدا واقع أنا عيشت فيه وربما يزال حى من خبرات عملية وجامعة وانترنت ومراكز تعليمية وربما سوق العمل العادى وليس المهنى

لن اعلق على هذة المقولة اكثر من ذلك
ولكن هو مش انت عربى يعنى انت كمان بتبخل على اخوانك بالعلم
سبحان الله
ياباشا لا تعمم ابدا كلامك على شعوب كاملة ليس من حققك

المنتدى الجميل دا و الكورسات الآروع مش برضو القائمين علية عرب !!!!!!!!