بطء شديد في التصفح والتنزيل المباشر ولكن التورنت سريع

[™Phantom]

الخط عندي بسرعة 2Mbps من شركة TE Data

كل شيء كان يعمل جيداً حتى ثلاثة شهور مضت ثم بدأ الخط في التقطيع

تحدثت مع خدمة العملاء أكثر من مرة وفي النهاية قاموا بتغيير البورت في السنترال

بعدها فوجئت أن السرعة من الواحدة ظهراً وحتى الثانية فجراً تكون بطيئة للغاية في التنزيل (من 30 إلى 70 كيلو بدلاً من 200+) وهذا في التنزيل المباشر ومع التورنت

وما أثار غيظي أكثر أن الخط لا يزال يقطع !!!!!

منذ عدة أيام أصبح الوضع لا يحتمل حيث أصبحت سرعة التنزيل أقل مع التنزيل المباشر : 25-40 كيلو ولكن التورنت يعمل بسرعته الكاملة

من الأمس تقريباً وجدت أن برنامج IDM يقسم الملف الذي يقوم بتنزيله إلى قسمين فقط بدلاً من 8 كالعادة !!!!!! والسرعة في حدود 15-25 كيلو

والتورنت لا يزال يعمل بشكل ممتاز

ما الذي يحدث بالضبط ؟! :confused:

[Stokon]

أنا عندى نفس المشكلة مع فوداقون كمان
الخط 2 ميجا ومن الساعة 3 ظهرا ألى 3 الفجر تقريبا سرعة Download أى file من غير Download manger (يعينى لينك و احد ) مش بتكون ثابتة ابدا !!!! و نفس الحوار مع Youtube كمان
اما لو استخدمت Download Manger أو Torrent السرعة بتكون تمام فى أى وقت من اليوم !!!
أعتقد دى سياسه بتتبعها شراكات النت فى مصر هنا علشان تقلل الضغط شوية (تقريبا ممكن يتحكموا من عندهم فى أن أى لينك سرعته تكون ضعيفة من الظهر للفجر و لكن أى Download Manger أو Torrent بيقسم الفايل للينكات كتير تتحمل فى نفس الوقت علشان كده بتزود السرعة) بس المشكلة أن مش كل مواقع التحميل بتدعم Download Manger

و ياريت لو حد عنده الكلام ده يشارك معانا

[Stokon]

مفيش حد يا جماعة عنده نفس المشكلة ؟

[muradsharm]

مشكاتي حالياً

إرتفاع البنج مع ثبات السرعه

tedata 2mb

[™Phantom]

المشكلة لا تزال قائمة وحتى التورنت الآن أصبح في معظم اليوم بطيئاً

تحدثت مع خدمة العملاء فأخبروني انها مشكلة لدي في السنترال التابع له (يقولون نفس الكلام منذ أكثر من عامين !!!)

ولكنها بدأت عندي منذ شهرين فقط عندما قاموا بتغيير البورت لي


الشعب...... يريد..... إسقاط TeDATA :rolleyes:

[wasooo]

المشكلة تقريبا عند كل الناس لان دى سياسه الشركات عموما ولان بردووو فى كابل بيتصلح فالبحر وطبعا كالعاده تصريحات الوزارة ان النت مش هيتاثر لكن هواا طبعا هيتاثر بس تصريحات حكومه بقااا المشكله فمصر بصفه عامه انك بتدفع فلوس ومبتاخدش حقك دى السياسه المصريه فالشركات ادفع وابقا قابلى لو خدت حقك

عند الكل للعلم انا من الصعيد مش مشكله سنترال

بس اقولك حاجه انتا ممكن تكون اشتراكك جديد وبتطبق عليك سياسه الاستخدام العادل

وخلصت الكميه بتاعتك واتحولت لسرعه اقل بس الراوتر بيفضل يقرااا انك على السرعه الاصليه يعنى بتنزل سرعتك فالخباثه

[mohamedpchell]

انا في مطروح نفس مشكلتكم بالنهار النت بطئ جدا و بالليل علي الساعة 2 تقريبا احصل علي السرعة كاملة رغم اني بسنترال مطروح 2 و هذا السنترال حديث جدا (كان في مارينا:D) و عدد المشتركين به لا يزيد عن 200 مشترك لكنها شركة بنت *&%^#$:mad: سواء كانت لينك او تي داتا الاثنين اسوء من بعض
بالنسبة لماذا الدانلود او التورنت اسرع بكثير من التصفح
اولا كلما زاد عدد روابط او اجزاء الملف الذي تقوم بتحميلة (16 جزء مثلا اقصي رقم يوفره IDM) كلما زاد عدد Requests علي Dslam وكلما كان لك اولوية السرعة عن غيرك (بسبب كثرة الطلبات المتكررة علي الدسلام مما يؤدي لاعطاء اولوية لك حتي ينتهي الضغط من عليه)
ثانيا Peer To Peer التورنت يكون عدد روابط الاتصال رهيبة اكثر من 50 اتصال علي الاقل بأكثر من 50 طرف و يكون اتصال مزدوج اي تحميل و رفع بنفس الوقت مما يؤدي لضغط رهيب علي الشبكة و الدسلام(وحدة التوزيع بالسنترال) لذلك تكون لك الاولوية الاولي من حيث السرعة لتخفيف حدة الطلبات الرهيبة و المتكررة علي السيرفر (لذلك كانت شركات النت في مصر سابقا تدرس خيار الغاء خاصية PTP نهائيا:mad
انما التصفح و مشاهدة البث المباشر للفيديوهات اقصي عدد روابط ممكن لا يتجاوز 2 رابط لذلك تكون لك الاولوية الدنيا :ah35: بالنسبة للدسلام
يعني من الاخر الدسلام ده شخص مهزئ:D تديلة فوق دماغه يحترمك تبقي محترم معاه ومترضاش تزعله يزعلك
وكلة ده طبعا بسبب السرقة لأنهم بيعطو الدسلام سرعة اقل بكثير من المفروضة يعني لو عدد المشتركين محتاج سرعة 100 ميجا بيدي الدسلام 40 أو 60 بالكثير و يعمل شارينج بين الخطوط بمبدأ الاولوية لصاحب الطلبات الاكثر

[hossamlg]

ياجماعه لازم نشوف حل لينا مش معقول هنوافق على هذا النظام الفاسد احنا غيرنا الرئيس والحكومه مش هنعرف نغير سياسه شركات النت
اللى موافقنى فى الراى يكلمنى عشان نكون اتحاد للدفاع عن حقوق الانترنت
hossamlg@yahoo.com
0119320701