ارجو رأي الخبراء في هذه المكونات

[mig 21]

السلام عليكم ورحمه الله وبركاته بصراحه دي اول مشاركه ليا في المنتدي بس كنت عاوز اخد راي حضراتكم في الامكانيات دي
بورده جي 41 كومبو
رامات كينجستون 2 جيجا
بروسيسور ديول كور كاش 2 ميجا
كيسه جاما بباور 350 وات
كارت ati 5670 1 gb ddr5 سفير
انا عاوز اعرف راي حضراتكم خصوصا في الكارت لاني سمعت اراء كتير انه مش بيفرق عن 4670 قوي وانه صافقه فاشله بالنسبه لسعره وهل الكارت ده يكفي للجيمز لمده سنتين مثلا انا عارف ان التطوير شغال صاروخ في الالعاب يعني ممكن تظهر لعبه بكره وعايزه كارت ب 3000 جنيه وممكن تقولولي مميزات الكارت ده وعيوبه وممكن استفيد بيه ازاي خصوصا اني ناوي اجيب شاشه lcd 19 بوصه بدل اللي 17 بوصه العاديه اللي عندي
ولو سمحتم ياريت شرح للوحه التحكم لهذا الكارت وهل هو يعتبر ادائه جيد / جيد جدا / مقبلو / متوسط
معلش طولت عليكم ومتشكر لحضراتكم

[hussien-11]

و عليكم السلام و رحمة الله

لا تقلق أخي الكريم عندما تقوم بشراء جهاز جيد سيخدمك لفترة طويلة بإذن الله من ناحية تشغيل الألعاب خاصة عندما تكون دقة العرض متوسطة أو منخفضة

أخي الكريم هل هذا جهاز كامل عرض عليك أم أنك قمت باختيار هذه القطع تحديدا بما يتناسب مع الميزانية ؟

لو كان الجهاز معروض عليك فمن رأيي ألا تقوم بشرائه و تختار مواصفات أفضل قليلا و السعر ما رح يفرق كثير ان شاء الله

لأن الباورسبلاي مبدئيا ضعيف على سبيل المثال و يجب أن تقوم بتغييره اذا فكرت بأي ترقية لكارت الشاشة في المستقبل ( أنصحك بـ 400وات - 500 وات على الأقل من نوعية معروفة )

و المعالج يبدو أنه e5300 و أنا أنصح بأن تحصل

على e7500 أو e8400

بخصوص البطاقة الرسومية فالأفضل أن تحصل على HD 5770 إن أمكن و ستتمكن من تشغيل جميع الألعاب الحديثة بشكل جيد

[yassermsire]

اخى العزيز
مكن تقول مزانيتك كام عشان نقدر نساعدك فى جهاز ممتاز ان شاء الله

[Extreme2]

طلبات نصائح تجميع الأجهزة وأسعارها.

[mig 21]

لا بصراحه هي دي امكانيات جهازي اللي جبته لكن للاسف مسألتش كويس عن الكارت فجبت الكارت ati 5670 واحد جيجا بس بعد ماجبته قريت عنه انه متوسط مش جيد قوي بصراحه جاتلي صدمه كبيره فعشان كده بسال حضراتكم هل الكلام اللي سمعته عن الكارت ده صحيح يعني هل لايختلف كثيرا عن 4670 وبصراحه برده الميزانيه حكمتني كان معايا 350 جنيه وقدرت ازودهم ل 650 جنيه
ممكن حد يقولي تمن الكارت 5770 كام بس بصراحه الكارت معايا دلوقتي شغال كويس انا بسال هل بحكم خبرتكم ان الكارت ده يستمر سنتين ولا لاء انا سمعت ان 4670 نازل من سنتين ولسه شغال وبيشغل العاب 2011 كويس جدا
وارجو انكم توضحوا مقارنه بين 5670 / 4670 من حيث المميزات والعيوب والفرق بينهم
شكرا واسف للاطاله علي حضراتكم

[houka]

بص انا شغال بالكارت على شاشة 19 بوصة 1440x900 مشغل كل الالعاب على هاى ولحد دلوقت الحمدلله مفيش حاجة قالت لا والباور كويس معاة بس لو قدرت تغير البرسيسور يعنى اقل حاجة مثلا e7500 يبقى كويس جدا

[mig 21]

الف شكر لكل من ساهم ورد جزاكم الله كل خير