النتائج 1 إلى 6 من 6

الموضوع: مشكلة غريبة بسبب عطب المعالج... ما إقتراحاتكم للبديل؟

  1. #1
    عضو
    تاريخ التسجيل
    Jun 2008
    المشاركات
    88
    الدولة: Egypt
    معدل تقييم المستوى
    0

    Exclamation مشكلة غريبة بسبب عطب المعالج... ما إقتراحاتكم للبديل؟

    السلام عليكم..

    من حوالى سنتين وأكتر قررت تجميع جهاز تعمدت وقتها يكون من أكتر الأجهزة من حيث الأمكانيات لتشغيل الألعاب زى كرايسس وكول أوف داتى 5 وأسيسن كريد على الفيرى هاى..وكانت مواصفات الجهاز من سنتين وأكتر تعتبر عالية ومناسبة للألعاب دى وكانت كالأتى :

    بروسيسور : Core2Due E8400 @3.66GHZ

    ماذر بورد : EP35-DS3L

    كارت الشاشة : GigaByte HD 4850 512MB DDR3

    الباور سبلاى : HEC-500

    والرامات : Kingston(1GX2)-800

    المواصافات دى من حوالى سنتين أو سنتين ونص كانت تعتبر عالية جدا وكانت الحاجات لسه نازلة جديد زى كارت الشاشة والبروسيسور وأسعارهم لسه عالية..كل ده كويس مفيش مشاكل..

    مرت 6 شهور وكل شىء تمام..مفيش برنامج تقيل أو لعبة وقفت قدامى وجربت كل الأختبارات..

    لحد لما حصلت المشكلة الملعونة..فوجئت بعلامة ال ATI اللى جنب الساعة أختفت فجأة بسبب خلل ما فقررت أرستر الجهاز..جيت أرستره يجى الويندوز يبدأ الجهاز يفصل..

    قلت مشكلة بسيطة..عرفت كارت الشاشة من جديد..أستمرت المشكلة..

    قلت خلاص هغير الويندوز بالكامل يكون أضمن وأفضل..وهنا حصلت المشكلة الأكبر..

    عند تسطيب الويندوز والوصول تقريبا لخانة تحديد اللغة والوقت كان الكمبيوتر يفصل..

    حاولت أكتر من 20 مرة

    مرة غيرت أسطوانة الويندوز..

    مرة غيرت الرامات..

    مرة حطيت هارد مختلف..

    جربت باور سبلاى مختلف..

    لدرجة شكيت فى كارت الشاشة وأخدته للضمان مرتين..لكن كل مرة كانوا يقولوا ليا الوحدة تعمل بحالة جيدة أجى أركب الكارت وأبتدى التسطيب نفس المشكلة..لحد ما زهقت وأهملت الجهاز..

    أشتغلت على جهازى القديم وأهملت الجهاز الملعون..وفى يوم بعد مرور 6 أشهر أخرى خطر فى بالى شىء..بس قلت مش معقول..وعشان أتأكد من شكوكى أرسلت الجهاز لمحل صيانة للتجربة وبعد محاولات طلع العيب من البروسيسور !!!!!!

    طبعا كانت فترة الضمان خلصت بتاعة البروسيسور بالضبط وقت إكتشافى للمشكلة دى بتوافق عجيب..

    اللى خلانى أبعد تفكيرى عن البروسيسور أنه أنا أعرف إن البروسيسور لما بيبوظ بيتوقف عن العمل..مش يشغل الويندوز لحد مرحلة معينة ويفصل..لو كنت أعرف أنه السبب كنت بدلته من الضمان وخلصت القصة من أول لحظة حصلت فيها المشكلة..

    مرت سنتين على المشكلة دى ودلوقتى قررت إعادة الجهاز تانى لعمل بس واجهتنى مشكلة تانية أتمنى تساعدونى فيها عشان ميتكررش نفس الخطأ المأساوى ده..

    الجهاز هو بنفس المواصفات وطبعا هيحتاج بروسيسور جديد..هل أشترى نفس البروسيسور تانى Core2Due E8400 @3.66GHZ

    ولا أشترى الأنواع الأحدث اللى أكتشفت أنها متنفعش تركب على بوردة EP35-DS3L..

    يعنى لازم عشان يكون بروسيسور من الفئات الحديثة تكون ماذر بورد جديدة كمان..

    فأنا محتار أجيب نفس البروسيسور..ولا أشترى من جديد ماذر بورد عشان تتوافق مع بروسيسور أحدث وأقوى..

    مع العلم أنها خسارة من كل الجهات من كون أنى مستفدتش بأستخدام الجهاز وقت قوته فى فترة نزوله ولا حاليا مناسب للأجيال الجديدة من القطع..

    كارت الشاشة وقتها كان تمنه 1400 جنيه بذاكرة 512 دى دى رام 3

    دلوقتى كارات أقوى منه وسعره تقريبا النص بذاكرة واحد جيجا دى دى رام 5

    وهل لو جبت نفس البروسيسور ونفس كارت الشاشة هو هو ده هيستحمل الألعاب الحديثة ولا ملوش لازمة؟؟ ده سؤال مهم جدا..

    ياريت تساعدونى أشوف أنسب حل بعد طرح المشكلة العجيبة دى اللى كل ظرف وتوقيت فيها كأنه متأمر ضدى..

    وأسف على الأطالة..




  2. #2
    عضو برونزي الصورة الرمزية هشام الخياط
    تاريخ التسجيل
    Apr 2008
    المشاركات
    1,397
    الدولة: Egypt
    معدل تقييم المستوى
    0

    رد: أغرب وأعجب مشكلة فى تاريخ الهاردوير..منذ عامان وأكثر وضررها حتى الأن..

    اولا بخصوص المعالج
    ممكن تجيب معالج من فئة CORE 2 QUAD رباعى النواه
    و ده هيركب على اللوحة بتاعتك تمام التمام
    ثانيا بخصوص الكارت فالكارت كويس جدا و هيشتغل احسن من الاول فى وجود المعالج الرباعى
    تحياتى و انا فى الخدمة و على فكرة لوحتى الام نفس لوحتك
    [CENTER][SIZE=2][B][COLOR=DarkOrchid]من مشجعى [/COLOR] [COLOR=Green]AMD[/COLOR][COLOR=DimGray]/[/COLOR][COLOR=Red]ATi[/COLOR]
    [/B][/SIZE][SIZE=2][B][COLOR=Green]AMD[/COLOR] [COLOR=DarkOrchid][COLOR=DimGray]/[/COLOR] [/COLOR][COLOR=Red]ATi[/COLOR] [/B][/SIZE][COLOR=DarkOrchid][SIZE=2][B]For ever[/B][/SIZE][/COLOR][COLOR=DarkOrchid][SIZE=2][/SIZE][/COLOR]
    [COLOR=DarkOrchid] [IMG]https://img717.imageshack.us/img717/8581/good2.gif[/IMG]
    [/COLOR]------------------------------------------------------------
    [/CENTER]
    [CENTER][COLOR=red][COLOR=darkorchid]يا رب[/COLOR] ، [COLOR=red]الى من تكلنا[/COLOR] [COLOR=magenta]،الى عدو يتجهمنا[/COLOR] ، [COLOR=seagreen]ام الى قريب ملكته امرنا[/COLOR] . [COLOR=blue]يا ربي رحمتك اوسع لنا[/COLOR] ، [COLOR=darkorange]فقوِّ بقواك ضعفنا واجبر كسرنا[/COLOR] .
    ---------------------------------------------------------
    [/COLOR] [/CENTER]
    [CENTER][SIZE=2][COLOR=darkorchid][B]تحياتى للجميع/هشام الخياط[/B][/COLOR][/SIZE]
    [/CENTER]

  3. #3
    عضو
    تاريخ التسجيل
    Jun 2008
    المشاركات
    88
    الدولة: Egypt
    معدل تقييم المستوى
    0

    رد: أغرب وأعجب مشكلة فى تاريخ الهاردوير..منذ عامان وأكثر وضررها حتى الأن..

    أنا بشكرك جدا على ردك..بس أنا لما جيت أشترى البروسيسور وقتها كنت محتار بين رباعى النواة وبين ثنائى النواة..ووقتها سبحان الله فى نفس المنتدى طرحت الأستفسار حول الأختيار بينهم..فى ناس قالت رباعى النواة مناسب أكتر للبرامج الخاصة بالجرافيك..بينماE8400 أنسب للألعاب ..فياريت لو فعلا حاليا فى موديلات رباعية النواة أنسب وأقوى ومتوافقة مع الكيسة ياريت تتفضل حضرتك وتقولى عليها ولو كمان بأسعارها حاليا أكون متشكر لك جدا..

  4. #4
    عضو برونزي الصورة الرمزية هشام الخياط
    تاريخ التسجيل
    Apr 2008
    المشاركات
    1,397
    الدولة: Egypt
    معدل تقييم المستوى
    0

    رد: أغرب وأعجب مشكلة فى تاريخ الهاردوير..منذ عامان وأكثر وضررها حتى الأن..

    اولا :-لا شكر على واجب ..
    ثانيا:-لا يا باشا حاليا الالعاب بتنزل تدعم الرباعى انما من سنتين كانت الالعاب تدعمه بشكل جزئى اما الان فتدعمه بقوة

    و بالنسبة للانواع

    هتجيب INTEL CORE 2 QUAD Q9550
    و ده ان شاء الله هيبقة تمام معاك اوى
    و كمان ممكن تخش على موقع جيجا بايت و تخش على اللوحة الام بتاعتك و تتأكد من دعم اللوحة الكامل للمعالج
    و اى حاجة انا معاك


  5. #5
    عضو
    تاريخ التسجيل
    Jun 2008
    المشاركات
    88
    الدولة: Egypt
    معدل تقييم المستوى
    0

    رد: أغرب وأعجب مشكلة فى تاريخ الهاردوير..منذ عامان وأكثر وضررها حتى الأن..

    بشكرك بجد مرة تانية على إهتمامك وردك..

    أنا بحثت بالفعل عن INTEL CORE 2 QUAD Q9550 بس ملقتش له سعر محدد لو حد يقدر يعرف سعره الحالى كام ياريت يفيدنا وهل هو نادر الوجود بعد ظهور i3-i5-i7

    كذلك الحال بالنسبة لبروسيرو E8400 هل هو نادر وسعره كام بالتحديد..

    وهل النوعين دول هيبقى فى فرق فى التأثير كبير وملموس على الألعاب بينهم وبين فئة i3-i5-i7 ولا الفرق لا يستحق شراء ماذر بورد جديدة تتوافق مع الفئة الجديدة من البروسيسورات دى؟..

    أتمنى الرد فى أقرب وقت للأهمية على النقاط اللى طرحتها من أى شخص عنده إجابات لللأستفسارات دى..

  6. #6
    عضو برونزي
    تاريخ التسجيل
    Oct 2006
    المشاركات
    7,341
    الدولة: Syria
    معدل تقييم المستوى
    73

    رد: مشكلة غريبة بسبب عطب المعالج... ما إقتراحاتكم للبديل؟

    أخي الكريم مسألة أن يكون العيب في المعالج فهذا الأمر مستبعد وبشدّة وخصوصاً إن لم يكن هناك أي كسر للسرعة، على العموم مشكلة انطفاء الجهاز أو فصل الشاشة مع استمراره في العمل بعد استبعاد باقي الأسباب هي في الحرارة، قد تكون حرارة زائدة في المعالج أو في الجسر الشمالي للوحة الأم، على العموم يبدو أنّ مشكلتك على الأغلب هي في اللوحة الأم، عليك بفكها وارسالها لفني مختص ليقوم بفحصها فحصاً دقيقاً وخاصةً مكثفات دائرة تغذية المعالج.

المواضيع المتشابهه

  1. مشاركات: 2
    آخر مشاركة: 07-10-2012, 00:05
  2. مشاركات: 19
    آخر مشاركة: 06-10-2012, 18:42
  3. حاجة غريبة بسبب قرص Corsair Force GT 120GB
    بواسطة grove4life في المنتدى الأرشيف
    مشاركات: 2
    آخر مشاركة: 07-11-2011, 00:42
  4. مشكلة غريبة بسبب iexplorer
    بواسطة DBZ-Lover في المنتدى مشاكل الحاسب وحلولها
    مشاركات: 2
    آخر مشاركة: 15-08-2011, 21:08
  5. مشكلة غريبة عند تشغيل برنامج قياس حرارة المعالج
    بواسطة alhussein_ahmed في المنتدى مشاكل الحاسب وحلولها
    مشاركات: 1
    آخر مشاركة: 23-07-2010, 23:30

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •