محتار بين ال HP ProBook 4520s ATI 1G وHP G62-b51ee

[eng_karim88]

السلام عليكم

محتاج مساعدتكم يا شباب محتار بين الجهازين دول و مش عارف أقرر لأني مشوفتهمش قبل كده بس من اللي قريته
البرو فيه زراير للماوس في الباد و دي بصراحه مش حاجه حلوه و كمان سمعت أن البطاريه بتاعته أضعف من الg62 بس مش متأكد بصراحه من الموضوع ده
بس أهم فرقين هما أن البرو الفيجا بتاعته ATI Mobility Radeon HD 6370 with 1 GB dedicated
و ال g62 الفيجا ATI Mobility Radeon HD 5470 Graphics (switchable) 512m
ال6370 تعتبر النسخه الاحسن من ال 5470 و كمان 1 جيجا
بس اللي مش فاهمه بقى كلمه switchable دي معناها قابله للتغيير و لا ايه يعني بيبدل ما بين الفيجا وواحده تانيه ؟؟؟

الفرق التاني بقى البروسيسور بتاع الg62 بcore i5 460m و بروسيسور البرو core i3 380m
الاتنين زي بعض تقريبا بس ال460 أسرع شويه

أجيب ايه بقى ؟؟؟؟

https://egyptlaptop.com/hp-g62-b51ee.html
https://egyptlaptop.com/hp-probook-4...i-clone-2.html

[alipik]

probook من فئة business class فبطاريته اكيد افضل
اما switchable تعنى انك تستطيع التبديل بين الكارت ati والكارت intel وهى ميزة موفرة للطاقة
ولكن هنا مما ذكرته فمعالج core i5 افضل من core i3

وهناك نسخ من probook بمعالج i5 وعندها ترجح كفة probook بلا شك

اما مقارنتك ف g62 افضل

و عموما انظر موديل packard bell 75 TJ-JN عند compume ,وضعه فى حسبانك

[اللورد سالم]

شباب ردو علي ارجوكم
انا اشتريت جهاز اتش بي برو بوك 4520س معالج اي 5

بس الهارد 320
انا مو مدايقني انو الهارد هيك بس عالنت اللي شفتو انو هاد الموديل هاردو 500 خايف مبدلين الهارد

[eng_karim88]

أعتدر عن التأخير بس النت كان مقطوع علشان كنت ناسي أدفع:D
نزلت السوق علشان أجيب الg62 لقيت البلاستيك بتاعه ضعيف جدا بصراحه ما يتشراش
روحت ادور على البرو 4250 مع أني تغاضيت عن شكله الغلس و قلت مش مهم الشكل المهم المواصفات لقيته من تحت حته واحده يعني لو جيت أبدل أو أركب فيه حاجه حفتح الضهر كله :eek:و بعدين الشاشه بتاعته طلعت anti glare هيا حتبقى حلوه علشان مش حتعكس الأضواء بس الاسود بتاعها بهتان يمكن أنا شوفته كده ياريت لو حد عنده الجهاز يأكد لي الموضوع ده بحكم أنه عايش معاه و كمان لقيت فيه عيب تاني مفيش فتحات تهويه:eek:من تحت
خلاص كده الجهاز ده عيوبه زادت روحت أشوف البديل و رجعت تاني للديل بالرغم من سعره الناري بس لقيته المره دي بسعر اقل من الاول و عاوز رأيكم بقى 3900 جنيه مصري:mad:
dell n5010
vga ati 1 g 5470
4g ram
core i3 2.4
320g hd 5400 rpm
موضوع أن الهارد مش 7200 ده حيفرق أوي في أداء الجهاز:confused: كمان قريت في موضوع هنا أن من عيوب الديل مشكله في الهارد ؟؟؟:confused:
اجيب ايه بقى أنا يعني ؟؟؟؟
و بعدين تاجر قلي الاسعار عاليه علشان الاستيراد و الدولار و المشاكل ألخخخخخخخخخ:ah34:
قدامي حلين يا استني اسبوعين و الاسعار تنزل:ah4: يا أما الاستيراد يتأخر في الفتح و الاسعار تولع :ah5:

اعمل ايه ؟؟؟

[alipik]

دعنى اقترح عليك موديلين

packard bell 75TJ-JN عند COMPUME

ASUS K52 -JK فى المولات

[eng_karim88]

Packard Bell ده أول مره أسمع عنه لما قلتلي عليه قبل كده و نزلت السوق سالت عليه محدش عرفه أوي او بالتحديد ما رجحهوش
طيب بالنسبه لباقي الاسئله ؟؟ ايه رأيك ؟

[eng_karim88]

معلش نسيت اسئلك هوة الأسوس أحسن من الديل في التحمل ؟؟؟ و لو؟ هل الفرق بينهم في السعر يستاهل معلش بسئلك كتير بس أنت اللي رديت عليا بقى حظك كد:ah34:

[alipik]

Packard Bell ده أول مره أسمع عنه لما قلتلي عليه قبل كده و نزلت السوق سالت عليه محدش عرفه أوي او بالتحديد ما رجحهوش
طيب بالنسبه لباقي الاسئله ؟؟ ايه رأيك ؟

للأسف هذا ليس مقياس فالسوق المصرى محدود المعرفة للغاية و قد قلت لك اين تجده اذا اردت افضل امكانات مقابل السعر

فى مصر ليس من المتوقع او المعروف ان الاسعار تقل مهما كانت التغيرات العالمية ومرجع ذلك لجشع التجار ومع الحالة الاقتصادية فستزيد الاسعار ولكن ربما تنزل الموديلات الجديدة لعام 2011 مصر باسعار مقاربة لما هو موجود ان لم تزد عليه

antiglare صفة محببة للبعض وخصوصا من يستخدمون الجهاز خارج المنزل وفى الاماكن المفتوحة والمشمسة ومع calibration للشاشة يصبح الاسود مقبولا

اعتقد asus اقل سعرا من dell وهو جهاز ممتاز وجميع الاجهزة تتحمل ما صممت لاجله بمعنى ان طريقة استخدامك للجهاز تحدد عمره

و عموما اذا كنت متعجل فانزل للمولات وانظر فيما قلنا من موديلات واختر ما ترتاح اليه
والا فانتظر

[eng_karim88]

شكرا ليك على ردك و أهتمامك حستنى شويه و لو الامور ما تعدلتش حنزل و أشتري إن شاء الله

[milan007]

اولا المقارنة ما بين الجهازين كويس وبما انى اعمل بالمبيعات بشركة ايجيبت لابتوب صاحبة الموقع الشهير www.egyptlaptop.com
انصحك بالبرو بوك لانه افضل فى التصميم وقوة التحمل وجهاز قوى بس افضلك انك تجيب
probook 4520
امكانياته :core i5 2.5 \3mb
HDD 500GB
Ram 4GB
VGA :ATI 1GB 5470
طبعا معاها كارت شاشة انتل اخر
وثمنه 4444 جنيه

اما ال G62 b51ee
اولا الهارد ديسك 320 جيجا
والرامات 3 جيجا
والفيجا ATI 512 ميجا
ونفس البروسيسور بتاع البروبوك
وسعره 3800 جنيه

انا جهازى الشخصى G62 a20se ومرتاح معاه جدا وعلى فكرة الجهاز قوى فى الهيكل مش خفيف زى ما بعض الناس بتقول وافضل من البروبوك تقنيا

بس انتا لو محتاج جهاز قوى زيادة فى الشكل لتحمل الوقوع يبقا البروبوك لكن لو شغل وشكل شيك يبقا التانى

[alipik]

اولا المقارنة ما بين الجهازين كويس وبما انى اعمل بالمبيعات بشركة ايجيبت لابتوب صاحبة الموقع الشهير www.egyptlaptop.com
انصحك بالبرو بوك لانه افضل فى التصميم وقوة التحمل وجهاز قوى بس افضلك انك تجيب
probook 4520
امكانياته :core i5 2.5 \3mb
HDD 500GB
Ram 4GB
VGA :ATI 1GB 5470
طبعا معاها كارت شاشة انتل اخر
وثمنه 4444 جنيه

هل معنى هذا ان probook به switchable graphics ؟ وان كان لا فما الحكمة من ذكر كارت شاشة انتل لا يعمل؟

[milan007]

هل معنى هذا ان probook به switchable graphics ؟ وان كان لا فما الحكمة من ذكر كارت شاشة انتل لا يعمل؟

نعم يوجد به switchable graphics بعد تعريف كارت الشاشة الانتل ثم ATI يظهر السويتش

[alipik]

نعم يوجد به switchable graphics بعد تعريف كارت الشاشة الانتل ثم ATI يظهر السويتش

ولكن شركة hp نفت هذا فهل انت متأكد؟

[milan007]

ولكن شركة hp نفت هذا فهل انت متأكد؟

انا متاكد لانى مش معنى اعمل فى المبيعات بس انا اصلا بعمل فى مجال السوفت وير

[alipik]

انا متاكد لانى مش معنى اعمل فى المبيعات بس انا اصلا بعمل فى مجال السوفت وير

اذن يجب ان تتصل بشركة hp العالمية وتنبههم الى هذا لانهم لا يدرون به ولا يضعونه فى مواصفات probook بل وينفونه وقد كانت خاصية switchable graphics احدى الاشياء التى قالوا انهم رفضوا ادخالها على اى من business class وذلك لعدم ثبات drivers وهذا ضد سياستهم فى هذه الفئة