مراجعة جميلة بأسلوب فريد من نوعه! :D
تسلم يا باشا، و على فكره انا برضه عندى نفس المشكلة و اجهتنى فى نفس الكابل لما حبيت اجيبه من ورا البوردة. كابل غتيت! :D
اعتقد انه قريب ان شاء الله وصلات التمديد دى و غيرها هتكون متوفرة فى مصر.
إخواني الأعزاء ..السلام عليكم ورحمة الله ..كان يا ماكان في قريب العصر والأوان، وفي لحظة من لحظات الجنان !!قررت إني أحدث جهازي مع إنه كان أكثر من كافيبس من كثر مطالعاتي على العديد من المراجعاتي عملتلي " كـــالو " في دماغي وزرعتلي فكرة في إحساسي ، إني لو ما حدثتش المرة ديه، الفلوس هاتضيع في الأكلات والفسحاتي، والجيمز هاتسوق في المتطلباتي، وفجأة هلاقي جهازي، زي المتشرد في الحــواري ، لا عنده صاحب يواسي واللا مطرح بيستر ويداري ..كفاكم الله شر الجنان ..المهم ، روحت نزلت أوام ، وجيبت الجهاز الهمام، وفرحت بيه فرحة العرسان ، وبنشاط شديد عملت الفك والتركيب، بس وانا في وسط الفرحة ، قابلتني مفجأة ! إيه هي المفجأة ؟ طلع كبل من كابلات الباور قصير ، ومش هينفع يلف من ورا البوردة !!طب ليه لازم الففه؟ ما أخذه دغري وعلى طول أثبته ؟ ده بالظبط إللي أنا عملته ، وطلعت النتيجة زي ماهي باينة في الصورة دية :
وزي ما إنتو شافيين ، وأكيد إنتو واعيين ، إن الكابل اللي لونه إسود مريّح على "البـاشـا" كرت الشاشة ، ومعدي بكل غلاســة من ورا المشتت وبيمنع الهوا يعدي بكل سلاسة ، وأحب أقول ملاحظة وجيهة ، إن الموضوع ده ماحصلش مع البوردة القديمة مع إن الكيسة والباور كانوا همّا همّا.البوردة القديمة كانت : Ep45-ud3r الله يمسيها بالخير مطرح ما كانت .والبوردة الجديدة هي : Ga-x58a-ud3r ربنا يخليها ليا ..قولو آمين ..إللي يحب النبي يقول آمين ..آمين يا رب العالمين ، والف صلاة وسلام عليك يا حبيب المؤمنين..
المهم ، فضل الحال بالشكل ده ، وبعد ما سألت ده وده ، ودورت في أماكن متعددة ، ظهرت المعجزة!!عثرت في منتدانا الغالي ، على عرض خيالي ، ولا كان على بالي ! لقيت أخ من اخواني في المنتدى بيبيع وصلة باور بمقبس ثماني !! آه يا فرحتي في زماني !! قمت على طول أتصلت بيه في السريع ، قبل ما الفرصة تضيع ، ويحصل الأمر المريع !!والحمد لله وبفضل الله ، إشتريت الوصلة المصونة ، وهي زي ما هي باينة في الصورة :
أنا سامع حد بيسألني: طب ليه إنت صورتها وجنبها خمسة جنيه ؟- هي طبعا مش بخمسة جنيه ، وانا صورتها كدة عشان تعرفوا إنها كانت بالظبط بالشكل ده !وأحب أقوللكم إنها طلعت وصلة أصيلة ، أسلاكها تخينها وشديدة وشكلها حلوة ومليحة ، وجاكاتها قوية ورصينة ، بصراحة وصلة محترمة لا فيها لخلخة ولا تعرف الشخلعة ..والحمد لله تم تركيب الوصلة، وبقى الحال بالشكل ده :والسلام عليكم ورحمة الله ..
وأخيرا أحب أشكركم على مروركم ،
https://img135.imageshack.us/img135/9082/bannerbh.png
https://valid.canardpc.com/cache/banner/1703536.png
This is my computer. There are many like it, but this one is mine. My computer is my best friend. It is my life. I must master it. I must master my life. Without me, my computer is useless. Without my computer, I am useless. I must use my computer true. I must use my computer faster than my enemy who is trying to kill me. I must outcomputer him before he outcomputers me.
مراجعة جميلة بأسلوب فريد من نوعه! :D
تسلم يا باشا، و على فكره انا برضه عندى نفس المشكلة و اجهتنى فى نفس الكابل لما حبيت اجيبه من ورا البوردة. كابل غتيت! :D
اعتقد انه قريب ان شاء الله وصلات التمديد دى و غيرها هتكون متوفرة فى مصر.
و توتة توتة خلصت الحدوتة :D :D
تسلم anistoona على المراجعة
و ان شاء الله الوصلات هتكون متوفرة فى اقرب وقتت ممكن
أستاذي Mr.pOPo
الله يسلمك يا باشا وأنا فعلا فرحت بمشاهدتك لموضوعي المتواضع شكرا جزيلا لك .. وفعلا أكيد مش إحنا إللي وحدينا اللي بنتعرض " لغلاسة " الكابل ده، أكيد كل من عنده كيسات طويلة " ذات سقف مرتفع يعني " بيتعرض لنفس المشكلة ..
أستاذي bika08
الله يسلمك يا سيدي، أنا كنت بفكر أعمل مظاهرة ألفية بشعار " الشعب يريد وصلات الباور" بس لما قريت كلامك ، رجعت في كلامي
شكرا على مرورك ..
https://img135.imageshack.us/img135/9082/bannerbh.png
https://valid.canardpc.com/cache/banner/1703536.png
This is my computer. There are many like it, but this one is mine. My computer is my best friend. It is my life. I must master it. I must master my life. Without me, my computer is useless. Without my computer, I am useless. I must use my computer true. I must use my computer faster than my enemy who is trying to kill me. I must outcomputer him before he outcomputers me.
الوصلة ديه بتيجى مع الكيسات العالية زى كولر ماستر هاف اكس وهاف 932
مراجعه رائعه بالوب جميل ووجود السجع أضاف للمراجعه ملمس راااااااااائع
أكيد ليك أحلى تقييم أول ما يسمح سمعه
أستاذ Gomaa108
أنا فرحت بأعجابك بموضوعي .. مع إنه ما يجيش جنب مواضيعك حاجة
شكرا على مرورك الكريم ..
https://img135.imageshack.us/img135/9082/bannerbh.png
https://valid.canardpc.com/cache/banner/1703536.png
This is my computer. There are many like it, but this one is mine. My computer is my best friend. It is my life. I must master it. I must master my life. Without me, my computer is useless. Without my computer, I am useless. I must use my computer true. I must use my computer faster than my enemy who is trying to kill me. I must outcomputer him before he outcomputers me.
الاسلوب روعة وبجد فنان والف مبروك
لا اله الا الله محمد رسول الله
سبحان الله وبحمده سبحان الله العظيم
-------------------
ŦŔΛΠĊĒ ΈΧРΣЯІĒПCÉ |▣
المفضلات