Intel: تحصل على شركة برمجيات فى مصر

**The Apex Predator** · 14-03-2011, 20:32

السلام عليكم و رحمه الله و بركاته

اخوانى الاعزاء

اعلنت شركة Intel انها حصلت على معظم ممتلكات شركة SySDSoft و هى شركة برمجيات خاصة مقرها القاهرة و استاجرت 100 من مهندسى و علماء الكمبيوتر الخاصين بالشركة.

هذة الشركة تعمل على تطوير حلول وتقنيات الاتصال الجوالة من الجيل الرابع (4G) و تطور الشركة أنظمة مضمنة في الأجهزة المحمولة لكافة التقنيات اللاسلكية مثل واي فاي وواي ماكس وبلو توث وشبكات الجوال LTE و غيرها

وكانت الشركة حتى وقت قريب تبيع حلولها وبرامجها بأسلوب الترخيص للشركات الأخرى. وفي اتصال مع أريبيان بزنس ألمح سمير الشماع المدير العام لشركة إنتل في دول الخليج إلى أن ذلك سيتغير مع انتقال ملكية الشركة إلى شركة إنتل.

وامتنع الشماع عن تقديم رقم حول كلفة الاستحواذ على الشركة وأضاف إن نشاط الشركة وحلولها تتطابق مع توجهات إنتل نحو الحوسبة الجوالة إذا أنها تتكامل مع تقنيات الشركة إذ أنها تعمل أصلا منذ سنتين مع شركة إنفنيون التي تملكها شركة إنتل.

و قد قال نائب مدير شركة Intel:

إن عملية الاستحواذ على كفاءات في مجال تصميم و تطوير لتكنولوجيا الإتصالات اللاسلكية المتقدمة في شركة تتخذ من مصر مقراً لها ، تُعد الأولى من نوعها التي تقوم بها إنتل في افريقيا والشرق الأوسط، وتُظهر التزام إنتل الطويل الأمد تجاه المنطقة وتقديرها للمواهب الشابة المتنامية فيها

و قال الدكتو رهيرمان أيول رئيس وحدة Intel للاتصالات المتنقلة:مع دخولنا حقبة حلول الاتصالات المتعددة ذات النطاق العريض، فإن منتجات وتقنيات وحدة إنتل للاتصالات المتنقلة ستكون جزءا لا يتجزأ من عملية وصل مليارات الأجهزة بعضها البعض

و اضاف:

إن وحدة إنتل للاتصالات المتنقلة تقوم بشكل مستمر بضخ الاستثمارات الضرورية من أجل تعزيز وتكامل مجموعتها الحالية من المنتجات اللاسلكية والتقنية المتطورة وذات المستوى العالمي، إضافة إلى تقديم أحدث المنصات التكنولوجية وأكثرها موثوقية لعملائنا، بحيث تعمل بشكل سلسل وتوافقي مع مختلف الشبكات العالمية. إن عملية الاستحواذ هذه تدعم بوضوح إستراتيجية إنتل، ونحن نؤمن بأن إضافة فريق شركة SySDSoft الهندسي الذي يتمتع بالخبرة والكفاءة مع القوة الحالية للقدرات اللاسلكية لوحدة إنتل للاتصالات المتحركة ليعملوا سوياً جنباً إلى جنب ستمكننا من مواصلة النمو المتواصل في قطاع تقنية LTE

للاطلاع على الشركة و معرفتها:

https://www.sysdsoft.com

المصدر

**S@M** · 14-03-2011, 22:30

حد سمع حاجة عن الشركة دى قبل كدة ؟؟ :D

**TEch Zone** · 14-03-2011, 22:35

المشاركة الأصلية كتبت بواسطة S@M

حد سمع حاجة عن الشركة دى قبل كدة ؟؟ :D

Welcome
you are in EGY :D

**The Apex Predator** · 14-03-2011, 22:58

المشاركة الأصلية كتبت بواسطة S@M

حد سمع حاجة عن الشركة دى قبل كدة ؟؟ :D

عدلتلك الموضوع يا S@M بشرح احسن عشان تعرف الشركة (عشان خطرك بس):D

**The Apex Predator** · 14-03-2011, 23:01

المشاركة الأصلية كتبت بواسطة TEch Zone

Welcome
you are in EGY :D

لما تلاقى فى جده ايده حفيده و الناحية التانية شركة مش عارفينها و اول مرة نسمع عنها

تبقى انت اكيد فى مصر:D

**mohamedpchell** · 15-03-2011, 17:55

علي فكرة ياجماعة الشركة دي شكلها مش مصرية ممكن يكون في مصر فرع ليها
لان موقعهم متوفر بالانجليزي و الصيني (أو السنغافوري اوالياباني او الكوري او الفلبيني او الاندونيسي مش عارف مش متأكد المره دي من اللغة:D)
https://www.sysdsoft.com
فمش معقول شركة مصرية موقعها يبقي بلغة مما بين القوسين اعلي :D انجليزي مبلوعه لكن لغات مابين القوسين غريبة شوية

**S@M** · 15-03-2011, 18:12

المشاركة الأصلية كتبت بواسطة The Apex Predator

عدلتلك الموضوع يا S@M بشرح احسن عشان تعرف الشركة (عشان خطرك بس):D

تسلم ايدك على الايضاح :ah7:

وواضح ان مش انا بس اللى مش عارف الشركة اللى استحوزت عليها انتل دى :D

**ŤǾЯŊΛĐф** · 15-03-2011, 18:14

المشاركة الأصلية كتبت بواسطة mohamedpchell

علي فكرة ياجماعة الشركة دي شكلها مش مصرية ممكن يكون في مصر فرع ليها

لان موقعهم متوفر بالانجليزي و الصيني (أو السنغافوري اوالياباني او الكوري او الفلبيني او الاندونيسي مش عارف مش متأكد المره دي من اللغة:D)
https://www.sysdsoft.com
فمش معقول شركة مصرية موقعها يبقي بلغة مما بين القوسين اعلي :D انجليزي مبلوعه لكن لغات مابين القوسين غريبة شوية

Cairo (Corporate Headquarters)

https://www.sysdsoft.com/contact_us.html

**Ahmed Abdelwahab** · 15-03-2011, 18:22

فمش معقول شركة مصرية موقعها يبقي بلغة مما بين القوسين اعلي :D انجليزي مبلوعه لكن لغات مابين القوسين غريبة شوية
__________________

يمكن لأنهم وجدوا انهم مش هيستفيدو في مصر
زي العلماء اللي بيهاجروا مثلا

**mohamedpchell** · 15-03-2011, 20:13

المشاركة الأصلية كتبت بواسطة totta_fadil

يمكن لأنهم وجدوا انهم مش هيستفيدو في مصر
زي العلماء اللي بيهاجروا مثلا

ممكن لان فعلا لقيت ان مركزهم مصر
بس حتي اللوجو بتاعهم علي واحده اسيوية مستحيل دي تكون 100% مصرية
ممكن يكون اسيويين مقيمين في مصر أو كانت شركة اسيوية و اشتراها رجال اعمال مصريين
ما علينا المهم انها في مصر

**neworld_wind** · 24-03-2011, 18:20

ياجماعة الشركه دى فعلا مصريه والناس اللى فيها كفاءتهم عليه وفى منهم دكاترة جامعه وناس كانت مسافره بره والناس دى تعبت وربنا كرمهم ويارب ربنا يوفقهم اكتر