النتائج 1 إلى 3 من 3

الموضوع: نصائح لكل شاب عايز يبقى بلطجى !!!!

  1. #1
    عضو
    تاريخ التسجيل
    Mar 2011
    المشاركات
    460
    الدولة: Egypt
    معدل تقييم المستوى
    8

    نصائح لكل شاب عايز يبقى بلطجى !!!!



    نصائح للشباب اللي عايز يطلع بلطجي


    1- المظهر: أول حاجة مالكش دعوة بمظهرك الخارجي (والداخلي برده) خليك على طبيعتك، يعني ماتستعملش أي نوع م البرفانات، انت تمتلك البرفانات الطبيعية المركزة ، هدومك؟؟ ايه يعني لما تلبس جينز في حفلة سبور والا بدلة حمرا في عز الصبح ماحدش له عندك حاجة وافتح زرارين والا تلاتة م القميص حركة يعني وماتنساش (انت بلطجي يا كابتن)

    2- التدخين: وده مهم خالص، ماتدخنش غير الأنواع اللي الناس بتتقرف منها ،مش انت مصري يعني فرعوني وليك في البنات يعني مالكش غير الملكة كليوباترا وحاول تشرب على قد ماتقدر لازم تكيف الناس برده معاك (مش معنى انك بلطجي يعني ماتمزجش ولاد بلدك)

    3- نظرتك: لازم تكون نظرتك شريرة وفي نفس الوقت نظرة لامبالاة (ماحدش ليه عندك حاجة) بصلهم بقرف وخللي نظرتك عدائية بحيث انك لو عملت حاجة غلط ماحدش يقدر يقولك تلت التلاتة كام

    4- الرياضة: لازم تمارس الرياضة ع المسا كده ، مع عيال الحتة المعصعصين بأدوات رياضية تضرب وتعور وماتموتش عشان الجمهور المترقب يستمتع بطول الجولات ويعرف كل واحد انه ممكن يجيله يوم ويدخل معاك جولة

    5- الترفيه: ماهو البلطجي لازم برده يرفه عن نفسه ممكن تسمع أغاني بس مش أي أغاني عندك "حكيم" و "شعبولا" و "حموءة" يعني العالم دي وطبعاً ماتنساش ترفع الصوت ع الآخر عشان ترفه الناس معاك (زاي ماقلنا قبل كده مش معنى بلطجي انك ماتمزجش ولاد بلدك)
    آه نسيت أقولك اوعى تجيب الشرايط الأصلية هاتها من الواد حودة اللي ع الناصية بيبيعها بـ 2 جنيه وصوتها كمان بيبقى فيه الحشرجة اللي في صوت ولاد البلد

    6- وانت ماشي لو قابلت واحد من فرافير اليومين دول اللي راكب عربية بابي ومامي ماتنساش تبصله بصة من بتوعك اياهم ولو قالك "بم" اديهومله "بم بم بم" وعلى صداغه ويستحسن قدام البنات اللي كان عمال يتنطط عليهم بعربيته

    7- ترجع البيت متأخر ويستحسن كمان تبات بره عشان أهلك مايفتكروش انك مقطوعلهم.

    8- ودي آخر حاجة يا ريت تعلم كام واحد أسرار البلطجة عشان يبقوا عزوة وطبعاً هتنصب نفسك عليهم زعيم

    آدي كل الشروط لو حد استوفاها هيضمن ان شاء الله حصوله على شهادة البلطجة المصرية

    و فى النهاية أحب أختم بقول الحكيم أشرف كوخه

    البلطجى مش بس بكلمته>>>>>>>البلطجى برعايته لمطوته و سنجته

  2. #2

    تاريخ التسجيل
    Feb 2009
    المشاركات
    653
    معدل تقييم المستوى
    45

    رد: نصائح لكل شاب عايز يبقى بلطجى !!!!

    الدين لله والمطواه فى جنب الجميع

  3. #3
    عضو الصورة الرمزية To be or not
    تاريخ التسجيل
    Nov 2010
    المشاركات
    330
    الدولة: El Salvador
    معدل تقييم المستوى
    8

    رد: نصائح لكل شاب عايز يبقى بلطجى !!!!



    بس انت علي فكرة نسيت أهم حاجه
    وهو الختم اللي بيتحط علي شهاده التخرج
    والختم هنا هو إنك تعور نفسك بمطوه قرن غزال في وشك وتخيط وشك 3 او 4 غرز علشان يبان عليك إنك ليك في المعارك الدموية وكدا يعني

    ملحوظة: هذا الموضوع للكبار فقط ولا ننصح الأطفال تحت 18 سنة بقرأه أو بدخول هذا الموضوع


    :D :D

المواضيع المتشابهه

  1. مشاركات: 4
    آخر مشاركة: 23-07-2013, 02:34
  2. عايز اشترى ماوس وايرلس .. ممكن نصائح وسعرة كام .. شكراا
    بواسطة rozitaa في المنتدى مشاكل الحاسب وحلولها
    مشاركات: 2
    آخر مشاركة: 18-06-2013, 00:47
  3. حد عايز يبقى موزع لخدمة اتصالات ADSL بعمولة 18%
    بواسطة انترنت سيسكوم في المنتدى الأرشيف
    مشاركات: 0
    آخر مشاركة: 28-09-2011, 09:24
  4. مشاركات: 2
    آخر مشاركة: 04-07-2011, 22:44
  5. عايز نصائح من اشخاص امتحنو ccna قريب
    بواسطة haithamzain في المنتدى الأرشيف
    مشاركات: 12
    آخر مشاركة: 20-02-2010, 20:21

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •