up...........................................
سوف اقوم ان شاء الله بتركيب خط نت عن طريق التيلفون الارضي من شركة اتصالات
وعندي شوية استفسارات
سوف اجيب راوتر واير لس اربعة بوينت وانا عندي الاجهزة في البيت كالاتي
كمبيوتر دسك توب بتاعي
كمبيوتر دسك توب بتاع اخويا
وكمبيوتر لاب توب بتاع ابويا وده واير لس
وتيلفوني طبعا واير لس
وعايز اعرف ازاي اشغل السلك والواير لس مع بعض يعني الاربع اجهزة مع بعض
وعايز اعرف يعني ايه اكسسبوينت
وعايز برنامج يخليني اتحكم في سرعة النت للاجهزة الثلاثة واراقب عملهم لاني الكبير :D
بس من غير ماهما يعرفو طبعا وكمان عايز اعرف هوا الراوتر الواير لس يشغل كام بوينت واير لس يعني كام جهاز في نفس الوقت
up...........................................
السلام عليكم ورحمة الله وبركاته
اللهم صلى على محمد وعلى اله وصحبه وسلم
اسالتك كتير اوى متيجي اديك دورة شبكات احسن ههههههههههههههههههههههه
طبعا يا اخى اى س
معلش ال LAPTOP عندى جاله حاله هستريته كل شويه يضغط ENTER لواحده وارسل المشاركة
طبعا يا اخى اي سؤال لك فى اى شىء اسال براحتك واحنا واجبنا الرد طبعا وبكل ترحاب
نخش فى الموضوع
سؤالك الاول اعرف ازاي اشغل السلك والواير لس مع بعض يعني الاربع اجهزة مع بعض
ده لما تيجي تعمل ال configration مع شركة اتصالات وهو هيقولك تعمل ايه ولو عايزنى اقولك قولى على نوع الروتر بتاعك وبسيطه العملية
سؤالك الثانى اعرف يعني ايه اكسسبوينت
الاجابة باختصار هو مقوى شبكة بمعنى ان لو بين الروتر والجهاز اللى هتشغل عليه والويرلس حوائط كتيرة وخرسانة والكلام ده يبقى لازم تجيبه عشان تقوى الاشارة ويقدر يلقط معاك وير ليس نصيحة طبعا متشترهوش قبل ما تشوف الدنيا عندك لاقطة ويرليس ولا لاء
سؤالك الثالث برنامج يخليني اتحكم في سرعة النت للاجهزة الثلاثة واراقب عملهم لاني الكبير
الاجابة تتحكم فى السرعة دى هتحتاج سيرفر وشغلانه كبيرة وطبعا لو احتجت سيرفر الموضوع هيكون مكلف معاك وفى نفس الوقت عايز حد يدير السيرفر لانى هتجيب واحد تقعده معاك فى البيت
طيب بالنسبة لمراقبة الاجهزة فى الخير طبعا لو عايز مثلا تحافظ على اخواتك وكده اساعدك فى برنامج معلش هتتعب شويه معايا ضور عليه فى google اسمه netsupport الاصدار 10.2 ضور عليه هتلاقيه بالشحر اتعلمه وعيش حياتك
سؤالك الرابع عايز اعرف هوا الراوتر الواير لس يشغل كام بوينت واير لس يعني كام جهاز في نفس الوقت
الاجابة دى تقف على DHCP بتاع الروتر بيوزع كام IP بدون كلام كبير عشان متزعلش منى بص يا عم من المفترض ان الروتر ده بيوزع 254 IP للشبكة كلها يعنى استخدمتهم سلى او لا سلكى او الاتنين مع بعض انت ليك نفس العدد
تقبل تحياتى واى سؤال انا فى الخدمة وطبعا عذار انى كنت امزح معك
انا شاكر يا اخي علي الرد وانا مش مدايق من الرد الاولاني عادي جدا
دانا طرحت موضوع في منتدي اخر لمعرفة الشركات الجيدة من السيءة في بلدي وفي ناس استهزئت بيا علشان انا جاهل بلشيء
وانا ن شاء الله هقدم علي شركة اسمها ( يلا ) وهركب نت دي اس لي بسرعة 215 كيلو وهيدوني راوتر تي بي لينك هدية فور بوينت واير لس بس مش عارف رقمو
والسؤال الاخير
يعني ينفع اشغل مثلا اربع اجهزة واير لس واربع اجهزة سلك
السلام عليكم ورحمة الله وبركاته
حياك الله اخى الحبيب طبعا احنا مفيش بينا الكلام ده خالص انت تسال واحنا واجبنا نجاوب لاننا هنا فى المنتدى بنجاوب ونشارك بعمل تطوعي لوجه الله فقط ونامل من الله وحده الرضا عنا اللهم امين
انت بعت لى انك تقدر تاوصل 4 وير و 4 كابل ؟
اه ممكن وممكن تصول 100 جهاز و 100 جهاز كمان لانك ليك انك توصل لحد 254 جهاز سواء عملت النص لاسلكي والنص سلكى او باى نسبه
واى استفسار انا فى الخدمة ولا تنسانا فى الدعاء
والسلام عليكم ورحمة الله وبركاته
المفضلات