السلام عليكم جميعاً,,,,
أتمنى أن يكون الجميع فى أفضل حال....يارب.
هنشرح النهاردة موضوع ال High-Availability من كورس ال Switch...
وهنبدأ الشرح مع ال Concepts وال Fundamentals لل High-Availability ......وبعد ما نفهم الموضوع ماشى ازاى.....نبدأ مع ال Protocols اللى أقدر أشغلها فى ال network بتاعتى عشان أطبق الموضوع دا...وايه السيناريو اللى ممكن يقابلنى فى الموضوع دا...
نبدأ على طوووول.......
أنا عايزك دلوقتى تركز معايا وتفكر فى اللى هقوله دا كويس أووووى...
بص على الشكل اللى قدامك دا....وتابع معايا.
أول ما Pc1 دا عايز حد معاه فى vlan10...هيتكلم معاه على طول عن طريق ال Switch على طول...من غير ما يحتاج لل Distribution-MLS
أما لو Pc1 عايز يروح يكلم PC2 اللى هوا فى Vlan20 هيعمل ايه...وقبل ما نتكلم فى هيعمل ايه ...لازم نبقى عارفين ايه اللى لازم يبقى موجود عشان الاتصال دا يتم...
هل دلوقتى Pc1 يعرف حاجة عن Pc2.....لأ طبعاً...دا لا يعرفها عن طريق ال Subnet ولا عن طريق ال Same Vlan ....يعنى مش هيبقى فى اتصال...ودا لأن ال Pc نفسه مش بيعرف يعمل Routing....
فهنا لازم نعمل Gateway لكل Vlan ....يعنى ايه الكلام دا...؟؟؟؟
يعنى ال Pc1 لما يكون عايز يكلم أى حد خارج ال Vlan أو ال Subnet اللى هوا فيها هقوله انت كده هتروح على Smart-Device وهوا اللى هيوجهك...
وأعمل الموضوع دا ازاى....؟
طبعاً انت عارف ان ال Vlans بتبقى على ال Access Switch مخزنة Locally....يبقى لازم لما أجيب ال Smart-Device دا يبقى برده عليه ال Vlans كلها....وفى ال Topology اللى فوق أنا جبت MLS بس 2 ...عشان ال Redundancy....وهنتكلم فيها كمان شوية...
هعمل على ال MLS دا ال SVI لكل Vlan وفى الشكل اللى فوق دا هيبقى ال SVI بتاع Vlan10 كده...10.0.0.10...وأكيد لاحظت ان ال IP بتاع ال SVI ل Vlan 10 عملته ال Gateway لل PC الموجود فى ال Vlan.....تمام كده....يبقى لما Pc1 عايز يكلم Pc2 هيرسل ARP يجيب بيه ال MAC بتاع ال MLS عشان هوا دا ال Gateway....ويبدأ الاتصال...
********لو حصل ان ال MLS اللى ال Pc1 دا طلع عليه وقع وبقى Down لأى سبب من الاسباب...والأسباب كتييييرة..ماعلينا.,,,
ايه العمل دلوقتى.....؟؟؟؟
هنا هستخدم ال High-Availability....يعنى هعمل ايه برده....؟
حااااااااضر....
أنت بتقول ان أنت عايز لما Pc1 يطلع على ال Gateway بتاعه اللى هوا MLS0 فى الشكل اللى فوق دا....ولقى ان ال MLS 0 دا مش UP يقوم على طول ال MLS 1 اللى هوا على اليمين دا هوا اللى يرد عليه....؟..؟؟؟:eek:
أيوه...بالظبط كده...دا اللى أنا عايزه......طيب يتعمل ازاى....؟
فى ال Topology اللى فوق...انا عندى اتنين MLS..واحد اسمه
MLS 0 والتانى اسمه MLS 1.....وعشان أعمل الموضوع دا أنا هستخدم أى Protocol من التلاتة دول...HSRP-VRRP-GLBP
وهنتكلم فى الموضوع دا عن ال HSRP وسيب الاتنين الباقيين فى موضوع تانى وهيبقى تكملة للموضوع دا ان شاء الله...
دلوقتى مع ال HSRP ....الكلمة دى أصلاً Stand-For ..
Host Standby Router Protocol
والبروتوكول دا Cisco-Proprietary....وعشان أشتغل بيه لازم أبقى فاهم شوية حاجات...
* بيبقى فى Mls واحد Active والتانى Standby.....
- يعنى فى واحد هيرد على الطلبات والتانى فى وضع الاستعداد
* لو فى عندى أكتر من اتنين....يعنى مثلاً فى MLS تالت فى الموضوع هيبقى فى حالة اسمها ال Listen,,,يعنى قاعد مستنى ال Standby أصلاً يبع عشان ياخد محله...
* ال Active وال Standby دول...فى ما بينهم Hello Msg كل 3 ثوانى..ولو ال Standby مش استلم Three Hello Msg من ال Active دا Down ويتحول هوا ل Active....
* عشان تحدد مين ال MLS اللى هبيقى Active ومين Standby بتعملها عن طريق ال Priority لكل MLS....وال أعلى قيمة فى ال Priority هوا اللى هيبقى Active....
* ال Priority أصلاً By-Default بتساوى 100....ولنفرض ان الاتنين ليهم نفس قيمة ال Priority مين اللى هيبقى Active...؟؟ هيبقى الأعلى فى ال IP Address.....
* فى حالة ان ال Active ال Priority بتاعته = 200 وال Standby بتساوى = 100....وال Active دا بقى Down...على طول ال Standby هيتحول ل Active.....طيب افرض ان اللى كان ال Active اللى هوا = 200 دا رجع بقى Up تانى....هل يضرب اللى ب = 100 دا على قفاه وياخد منه ال Active ويحوله تانى ل Standby....؟
لأ....الا لو أنا فعلت خاصية ال Preempt,,,,والخاصية دى بتعمل الوظيفة اللى أنا قولتها...يعنى أول ما يرجع من النووووم اللى كان فيه ياخد ال Active على طول طالما هو الأعلى فى ال Priority.....
*ممكن أعمل تشفير لل Connection ما بين ال Active وال Standby...بس هعمله ليييه..؟؟ افرض ان فى حد جه وركب أى Device خاص بيه وعمل ال Priority أعلى من ال Active بتاعك....هههه..هياخد هوا ال Active وكل ال PAckets تمر من خلاله..وتبقى روحت فى داهيه....:D
*****نروح لأخر حاجة عشان مش نطول أكتر من كده...
****ازاى أعمل ال Config بتاع القصة دى *****
هنطبق الموضوع دا على ال MLS 0 و MLS 1 فى ال Topology اللى فوق...بالنسبة ل Vlan 10.....
يعنى هخلى ال MLS 0 هوا ال Active وال Mls 1 هوا ال Standby...
نبدأ ب ال Config لل MLS 0.....
Switch(config)#interface vlan 10
Switch(config-if)#ip address 10.0.0.5 255.255.255.0
Switch(config-if)#standby 1 priority 200
Switch(config-if)#standby 1 preempt
Switch(config-if)#standby 1 ip 10.0.0.10
ايه اللى أنا عملته دا....
أنا عملت ال SVI لل Valn 10 على ال MLS 0 عادى خالص...وعملت ال Priority كمان وال Preempt...والأهم ال Virtual-IP اللى هيرد بيه على كل الطلبات اللى هتجيله...وال IP دا الل هوا 10.0.0.10 هوا ال Gateway للناس الل Vlan 10
نروح لل Config بتاع MLS 1 اللى هوا هيبقى Standby
Switch(config)#interface vlan 10
Switch(config-if)#ip address 10.0.0.6 255.255.255.0
Switch(config-if)#standby 1 priority 150
Switch(config-if)#standby 1 ip 10.0.0.10
وعملت هنا ال Priority أقل من ال Active والأهم ان ال Virtual-IP اللى هيرد بيه على الطلبات هوا ال 10.0.0.10 اللى هوا نفس ال Gateway بتاع ال Clients اللى فى Valn10....
*******أخر حاجة فى الموضوع ---أنا عارف ان أنا طولت---بس عشان يبقى الموضوع كامل عن ال HSRP ******
موضوع ال Tracking.....يعنى ايه....؟
بص تانى على ال Topology فوق تانى وشوف أنا هعمل ايه....
افرض ان ال Client اللى فى Vlan 10 دا عايز يروح لأى حاجة خارج ال Network وليكن الانترنت...فهيخرج عن طريق ال Core اللى هوا الراوتر اللى فوق....تمام.
طيب افرض بقى ان ال Mls 0 شغال عادى ومش فى أى مشكلة..وهوا ال Active..بس ال Link اللى واصلة بال Core بقت Down...كده هيفضل ال Client يبعت لل Mls 0 ومش هيعرف يروح الانترنت مع ان ال Standby يقدر يوصله......
فى الحالة دى هقول لل MLS 0 تتبع ال Link اللى واصلة لل Core ولو بقت Down خلى ال Priority تبقى = 140 يعنى هتبقى أقل من ال Standby اللى أنا عملته فى ال Config اللى فوق = 150
وفى الحالة دى ال Client هيتحول على طول لل Mls 1 ويخرج للانترنت عن طريقه...وال Config عشان أعمل الموضوع دا هعمله على MLS 0 وأعمل....
Switch(config-if)#standby 1 track fastEthernet 0/4 60
وأنا عملت هنا Track لل Interface Fa 0/4 اللى هوا واصل بالراوتر فى ال Topology اللى فوق وقلتله لو بقى Down نقص ال Priority واطرح منها 60 يعنى هتبقى 200 - 60 = 140 يعنى هتبقى أقل من ال MLS 1 وال Mls 1 هيبقى Active لأن كده هتبقى ال Priority بتاعته= 150 وال MLS0 هيبقى Standby....
=====================================
أتمنى أن أكون وضحت الموضوع كويس..والناس تفهمه بسهوله...وان شاء الله هنتكلم فى ال Protocols التانية فى موضوع أخر عشان مش ينفع نطول أكتر من كده....
ولو حد عنده أى استفسار أنا موجود...
وبالتوفيق ان شاء الله...
يارب.
المفضلات