يا جماعة كان فى خبر موجود النهاردة فى الصفحة الرئيسية للموقع بيتكلم عن طرح هاتف الجالاكسى اس 2 فى المنطقة العربية خلال شهر مايو القادم

http://www.arabhardware.net/news/mobiles/1526-samsung-galaxy-s2-release-dates-in-middle-east-.html

الحقيقة أنا استغربت....لأن أنا عارف ان الجماعة الغلابة بتوع الشرق الأوسط اللى هما احنا بالنسبة لهم دايما محطوطين على الرف....يعنى الحاجة بتوصلنا آخر ناس
و النهاردة على موقع Gsmarena لقيتهم بيتكلموا ان الموبايل لسه ماخرجش بشكل رسمى من المصنع....لكنهم قدروا يخرجوا نسخة منه من المصنع وبيعملوا عليه مراجعة دلوقتى
و للعلم Gsmarena لحد دلوقتى لسه فى معلومات كتير عن الموبايل سايبين مكانها فاضى....زى مدة تحدث البطارية مثلا على سبيل المثال لا الحصر
فانا استغربت ازاى الموبايل لسه ما نزلش السوق بره و هيوصل عندنا كمان شهر !!

المهم لقيت موقع عرب هاردوير حاطط الرابط دا كمصدر للمعلومة:

http://samsunggalaxys2review.org/samsung-galaxy-s2-release-dates

الموقع فعلا بيأكد صحة المعلومة و انه هينزل فى سنغافورة و الهند بشكل رسمى فى خلال أسبوع من دلوقتى....و فى أمريكا و انجلترا و آسيا فى شهر مايو

لكن اللى أنا فاهمه ان دايما أى شركة مبيعات عالمية بتعتبر الشرق الأوسط منطقة منفصلة بذاتها بتضم الخليج العربى و دول شرق أفريقيا.....يعنى مش بتحط الدول الخليجية مع آسيا

و بالتالى وصوله للمنطقة العربية مع آسيا معلومة مش صحيحة

و لا أنتو رأيكم ايه؟

أنا أول واحد أتمنى الصراحة ان يكون أنا اللى فاهم غلط....لأنى منتظر التليفون دا جددددددددددددددددا