النتائج 1 إلى 3 من 3

الموضوع: رأيكم ايه فى ASUS VG236 3D with nvidia 3d kit

  1. #1
    عضو فضي الصورة الرمزية Don Khozzam
    تاريخ التسجيل
    Dec 2009
    المشاركات
    932
    الدولة: Egypt
    معدل تقييم المستوى
    12

    رأيكم ايه فى ASUS VG236 3D with nvidia 3d kit



    السلام عليكم

    بناءا على طلب الاخ سام هفتح الموضوع دا لانى مش لاقى اى موضوع تانى عن الشاشه دى :D

    ياريت اللى جرب الشاشه دى فى مصر يقولى رأيه فيها ايه من ناحية الصوره و الاعدادات بتاعتها سهله ولا لا و المشاكل اللى واجهته و ايه ظروف 3D معاها فى الالعاب و الافلام و هل فعلا خليتك مقتنع بيها ولا لا و هل هى عمليه مستقبليا
    ولا لا

    انا بس خايف اجيبها على اساس انها محلوه فى عنيا دلوقتى ,انا عاوز اجيبها عن اقتناع بجدواها مستقبليا (خصوصا انها LCD و ليست LED) يعنى برضو ياريت اللى جربها يوسع مداركى و يقنعنى بيها فعليا عشان لو هجيبها اجيبها و انا مطمن بانى مش هييجى عليا يوم بعد كام شهر و اقول ياريتنى كنت جبت واحده LED عاديه بنص سعرها.. لانى مش هصرف فلوس زى دى تانى لفتره طويله ان شاء الله


    لو حد قدر يغير نظرتى فيها ساعتها هتوكل على الله و اجيب
    SAMSUNG LED PX2370 على طول

    فى انتظار الاراء ان شاء الله بخصوص الاسوس..

    و للعلم انا هحول لكروت النيفيديا قريب جدا ان شاء الله سواء جبت الشاشه دى او شاشه غيرها



    ملحوظه: لو فيه حد من طنطا جاب الشاشه دى ينوبه ثواب و يعزمنى على جوله فيها عشان اشوف ال3D عامل ازاى لانى عمرى ما شفته اصلا :confused:



  2. #2
    ممثل شركة Cairo Computer - مصر الصورة الرمزية S@M
    تاريخ التسجيل
    Jul 2009
    المشاركات
    17,266
    الدولة: Egypt
    معدل تقييم المستوى
    26

    رد: رأيكم ايه فى ASUS VG236 3D with nvidia 3d kit

    شوف يا عزيزى

    مبدئيا الشاشة ال asus

    من اروع الشاشات التى رأتها عينى بمعنى الكلمة

    سواء اداء او تصميم ...+ انها 120Hz ..وهى مصممة خصيصا لكى تخدم

    خاصية ال3D VISION التى اطلقتها NVIDIA

    مبدئيا الشاشة الASUS لا تباع بمفردها

    بل تباع هى والنظارة ال3D بتاعة NVIDIA ...بسعر 3650 جنيها

    وطبعا دة سعر قديم يعنى لو على سعر الدولاار بتاع النهاردة الوضع هايختلف تماما !



    -------------------------------------------
    دى صورة النظارة والشاشة



    هذة الشاشة تعمل على ريزوليوشن 1920*1080 ..على 120 Hz ..

    *******************************************

    اما الشاشة السامسونج التى تتحدث عنها ..فهى تعمل على

    1920*1080 ..ولكن على 60 Hz فقط ....

    ولهذا فهى لا تناسب العمل على ال3D ..كما هو الحال فى الاسوس

    -----------------------

    ولكن لو انت لا تريد تشغيل 3D ..يبقا السامسونج اوفر طبعا

    ----------------------------

    ولكن نصيحة ...ال3D رائع للغاية ..وعن تجربة شخصية ولكن بالقاهرة :D

  3. #3
    عضو فضي الصورة الرمزية Don Khozzam
    تاريخ التسجيل
    Dec 2009
    المشاركات
    932
    الدولة: Egypt
    معدل تقييم المستوى
    12

    رد: رأيكم ايه فى ASUS VG236 3D with nvidia 3d kit



    من ناحية السعر انا عارف.. بس بما انى يعنى مش هصرف فلوس زى دى مره تانيه ابدا فى اى تطويره جديده يبقى هعدي موضوع السعر المره دى بما انها حاجه هتعيش معايا ان شاء الله

    اما بخصوص السامسونج انا عارف انها مش 3D بالطبع

    ماهو انا المشكله دلوقتى يا سام انى عمرى ما شفت اصلا الثى دى ... ولا اعرفه .. ماهو هو دا اللى مخلينى متردد اختار بيت الاتنين دول .. لان حاليا انا بفضل ربنا عندى امكانية انى اجيب الاغلى فيهم لكن انا عاوز اشوف بتبقى عامله ازاى الاول.. ماهو يمكن برضو اكون من نوعية الناس اللى بيجيلها صداع من الثرى دى و كدا و انت اكيد سمعت عن الموضوع دا .. و انا معرفش هل انا كدا ولا لا لانى عمرى ما جربته اصلا

    طب انت يعنى شغال على واحده دلوقتى فى القاهره ولا انت بس جربتها ؟ لو عندك واحده ممكن اطب عليك مفيش مشاكل يعنى :D

المواضيع المتشابهه

  1. (القاهرة) ASUS NVIDIA® 3D Vision™ Monitors VG236
    بواسطة محدودالدخل في المنتدى الأرشيف
    مشاركات: 3
    آخر مشاركة: 25-01-2012, 15:56
  2. (القاهرة) ASUS NVIDIA® 3D Vision™ Monitors VG236
    بواسطة محدودالدخل في المنتدى الأرشيف
    مشاركات: 6
    آخر مشاركة: 15-12-2011, 13:58
  3. (الإسـكندرية) ASUS NVIDIA® 3D Vision™ Monitors VG236
    بواسطة MrEhabYoussrey في المنتدى الأرشيف
    مشاركات: 1
    آخر مشاركة: 23-09-2011, 18:28
  4. (القاهرة) ASUS NVIDIA® 3D Vision™ Monitors VG236
    بواسطة محدودالدخل في المنتدى الأرشيف
    مشاركات: 9
    آخر مشاركة: 20-09-2011, 01:22
  5. مشاركات: 10
    آخر مشاركة: 10-06-2011, 18:36

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •